പ്രേക്ഷകരെ പേടിപ്പിച്ച് തമിഴ് ചിത്രം ബൊമൈ..! ട്രൈലർ കാണാം..

നടൻ എസ് ജെ സൂര്യ കേന്ദ്ര കഥാപാത്രത്തെ അവതരിപ്പിക്കുന്ന പുത്തൻ തമിഴ് ചിത്രമാണ് ബൊമൈ . ജൂൺ 16 മുതൽ പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിൻറെ രണ്ടാം ട്രെയിലർ വീഡിയോയും ഇപ്പോൾ സാമൂഹ്യ മാധ്യമങ്ങളിൽ വലിയ രീതിയിൽ ശ്രദ്ധ പിടിച്ചു കൊണ്ടിരിക്കുകയാണ്. രാധ മോഹൻ സംവിധാനം ചെയ്യുന്ന ഈ ചിത്രത്തിൽ സൂര്യയുടെ നായികയായി വേഷമിടുന്നത് പ്രിയ ഭാവ്നിശങ്കർ ആണ് . തിങ്ക് മ്യൂസിക് ഇന്ത്യ യൂട്യൂബ് ചാനലിലൂടെ പുറത്ത് വിട്ട ബൊമ്മെ ചിത്രത്തിൻറെ രണ്ടുമിനിറ്റ് ദൈർഘ്യമുള്ള ട്രെയിലർ വീഡിയോ ലക്ഷക്കണക്കിന് കാഴ്ചക്കാരെയാണ് മണിക്കൂറുകൾ കൊണ്ട് സ്വന്തമാക്കിയത്.

സംവിധായകൻ രാധ മോഹൻ ആണ് തൻറെ ട്വിറ്റർ അക്കൗണ്ടിലൂടെ ഈ വീഡിയോ പോസ്റ്റ് ചെയ്തത്. തുണിക്കടയിൽ ജോലി ചെയ്യുന്ന നായകൻ അവിടെയുള്ള ഒരു ബൊമ്മയുമായി പ്രണയത്തിൽ ആകുന്നു. ആ ബൊമ്മയെ തൻറെ പ്രണയിനിയായി ദൃശ്യവൽക്കരിച്ചുകൊണ്ട് അവളുടെ സംരക്ഷണത്തിനായി ഏത് അറ്റം വരെയും പോകുന്നു. അബ്നോർമൽ രീതിയിൽ പെരുമാറുന്ന, തൻറെ ബൊമ്മയായ പ്രണയിനിക്ക് വേണ്ടി എന്തും ചെയ്യാൻ ഒരുങ്ങുന്ന നായകനെ ആണ് ഈ ട്രെയിലർ വീഡിയോയിൽ കാണാൻ സാധിക്കുന്നത്. നടൻ എസ് ജെ സൂര്യയുടെ തകർപ്പൻ പ്രകടനം തന്നെയാണ് ഈ ട്രെയിലർ വീഡിയോയുടെ ഹൈലൈറ്റ്.

യുവൻ ശങ്കർ രാജ ആണ് ഈ ചിത്രത്തിൻറെ സംഗീതസംവിധാനം നിർവഹിക്കുന്നത്. ബൊമ്മൈയിലെ ഗാനങ്ങൾ തയ്യാറാക്കിയിട്ടുള്ളത് കർക്കി ആണ് . റിച്ചാർഡ് എം നാഥൻ ക്യാമറ ചലിപ്പിച്ച ഈ ചിത്രത്തിനുവേണ്ടി എഡിറ്റിംഗ് നിർവഹിച്ചത് ആൻറണി ആണ് . എം ആർ പൊൻ പാർധിപൻ ആണ് ഈ ചിത്രത്തിൻറെ രചന നിർവഹിച്ചിട്ടുള്ളത്. കെ കതിർ ചിതത്തിന്റെ ആർട്ട് ഡയറക്ടർ ആണ് . ബൊമ്മൈയിലെ ആക്ഷൻ രംഗങ്ങൾ ഒരുക്കിയിട്ടുള്ളത് കനൽ കണ്ണൻ ആണ് . എയ്ഞ്ചൽ സ്റ്റുഡിയോസിന്റെ ബാനറിൽ ഒരുങ്ങുന്ന ഈ ചിത്രത്തിൻറെ നിർമ്മാണം നിർവഹിക്കുന്നത് വി മരുതു പാണ്ഡ്യൻ , ഡോക്ടർ ജാസ്മിൻ സന്തോഷ്, ഡോക്ടർ ദീപ ടി ദുരൈ എന്നിവർ ചേർന്നാണ്.

തിയേറ്ററിൽ വൻ വിജയമായി മാറിയ പൊന്നിയിൻ സെൽവൻ 2.. അതിമഹോര വീഡിയോ സോങ്ങ് കാണാം..

പ്രേക്ഷകർ ഏറെ ആകാംക്ഷയോടെ കാത്തിരുന്ന ചിത്രം ആയിരുന്നു മണിരത്നം അണിയിച്ചൊരുക്കിയ പൊന്നിയിൻ സെൽവൻ രണ്ടാം ഭാഗം. ഈ ഇതിഹാസ ആക്ഷൻ സാഹസിക ചിത്രം അണിയിച്ചൊരുക്കിയിട്ടുള്ളത് കൽക്കി കൃഷ്ണമൂർത്തിയുടെ അതേ പേരിലുള്ള നോവലിനെ അടിസ്ഥാനമാക്കിയാണ് . ആദ്യഭാഗം പ്രദർശനത്തിന് എത്തിയത് 2022 സെപ്റ്റംബർ 30 ആയിരുന്നു. ഒരേസമയം തന്നെ ചിത്രീകരണം നടത്തിയിരുന്നതിനാൽ ഒട്ടും വൈകാതെ തന്നെ രണ്ടാം ഭാഗവും പുറത്തിറങ്ങിയിരുന്നു . ഏപ്രിൽ 28നാണ് ഈ ബ്രാഹ്മണ്ഡ ചിത്രത്തിന്റെ രണ്ടാം ഭാഗം പ്രദർശനത്തിന് എത്തിയത്.

ആദ്യഭാഗം 500 കോടിയിലധികം ബോക്സ് ഓഫീസ് കളക്ഷൻ നേടിയെങ്കിലും രണ്ടാം ഭാഗത്തിന് അത്രയേറെ മികച്ചുനിൽക്കുവാൻ സാധിച്ചില്ല. എങ്കിലും ഗംഭീര വിജയം തന്നെയായിരുന്നു രണ്ടാം ഭാഗവും കരസ്ഥമാക്കിയത്. 342 കോടിയിലധികം കളക്ഷൻ ആണ് രണ്ടാം ഭാഗം സ്വന്തമാക്കിയത്. 2023 ഏറ്റവും കൂടുതൽ കളക്ഷൻ നേടിയ തമിഴ് ചിത്രമായും ലോകമെമ്പാടും ഏറ്റവും കൂടുതൽ കളക്ഷൻ നേടിയ നാലാമത്തെ ചിത്രമായും പൊന്നിയിൻ സെൽവന്റെ രണ്ടാം ഭാഗം മാറി.

ആദ്യ ഭാഗത്തിലേത് പോലെ തന്നെ രണ്ടാം ഭാഗത്തിലെയും ഗാനങ്ങൾ പ്രേക്ഷകർക്കിടയിൽ വൻ സ്വീകാര്യത നേടിയിരുന്നു. ഇപ്പോഴിതാ ചിത്രത്തിലെ ചെല്ല ചെറുനിലാവേ എന്ന വീഡിയോ ഗാനം സോഷ്യൽ മീഡിയയിൽ ഏറെ ശ്രദ്ധ പിടിച്ചു പറ്റുകയാണ്. എ ആർ റഹ്മാൻ ഈണം പകർന്ന ഈ ഗാനം ഇപ്പോൾ പ്രേക്ഷകരിലേക്ക് എത്തിയിരിക്കുന്ന ടിപ്സ് മലയാളം യൂട്യൂബ് ചാനലിലൂടെയാണ്. വിക്രമിൻറെ ആദിത്യ കരികാലർ ഐശ്വര്യ റായ് അവതരിപ്പിച്ച നന്ദിനി എന്നീ കഥാപാത്രങ്ങളാണ് ഈ വീഡിയോ ഗാനത്തിൽ അഭിനയിച്ചിരിക്കുന്നത്. ഇവരുടെ ബാല്യകാലരംഗങ്ങളും ഈ വീഡിയോ ഗാനത്തിൽ കാണാൻ സാധിക്കും. റഫീഖ് അഹമ്മദ് വരികൾ തയ്യാറാക്കിയ മലയാളം ഗാനം ആലപിച്ചിരിക്കുന്നത് വിജയ് യേശുദാസ് ആണ് .

ഗോപിചന്ദ് നായകനായി എത്തുന്ന രാമബാണം.. പ്രേക്ഷക ശ്രദ്ധ നേടിയ വീഡിയോ സോങ്ങ് കാണാം..

മെയ് അഞ്ചിന് തിയേറ്ററുകളിൽ പ്രദർശനത്തിനെത്തിയ തെലുങ്ക് ചിത്രമാണ് രാമബാണം. ഗോപിചന്ദ് നായകനായ ഈ ചിത്രം സംവിധാനം ചെയ്തത് ശ്രീനിവാസ് ആയിരുന്നു. തിയേറ്ററുകളിൽ പരാജയം നേരിട്ട് ഈ ചിത്രത്തിൻറെ ഓൺലൈൻ സ്ട്രീമിംഗ് ജൂൺ 2 മുതൽ സോണി LIV ൽ ആരംഭിക്കുകയാണ്. ഒരു ആക്ഷൻ ഡ്രാമ പാറ്റേണിൽ ഇറങ്ങിയ ഈ ചിത്രത്തിലെ ഒരു വീഡിയോ ഗാനമാണ് ഇപ്പോൾ സോഷ്യൽ മീഡിയയിൽ പ്രേക്ഷകർ ഏറ്റെടുത്തു കൊണ്ടിരിക്കുന്നത്.

മോണാലിസ മോണാലിസ എന്ന വീഡിയോ ഗാനമാണ് സോണി മ്യൂസിക് സൗത്ത് യൂട്യൂബ് ചാനലിലൂടെ പ്രേക്ഷകർക്കും മുൻപാകെ എത്തിയിട്ടുള്ളത്. നടൻ ഗോപിചന്ദും നായിക ഡിംപിൾ ഹയാത്തിയും ആണ് ഈ ഗാനരംഗത്തിൽ അഭിനയിച്ചിട്ടുള്ളത്. ഇരുവരുടെയും മികച്ച ഡാൻസ് പെർഫോമൻസും ഈ വീഡിയോ ഗാനത്തിൽ കാണാൻ സാധിക്കും. ഭാസ്കർഭട്ല രവികുമാർ വരികൾ തയ്യാറാക്കിയ ഈ ഗാനം ആലപിച്ചിരിക്കുന്നത് ശ്രീകൃഷ്ണ, ഗീതാ മാധുരി എന്നിവർ ചേർന്നാണ്. ഈ ഗാനത്തിന് ഈണം പകർന്നിരിക്കുന്നത് മിക്കി ജെ മേയറാണ്. ദിനേശ് കുമാറാണ് ഈ ഗാനത്തിന്റെ കൊറിയോഗ്രാഫർ .

ഗോപിചന്ദ്, ഡിംപിൾ ഹയാത്തി എന്നിവരെ കൂടാതെ ജഗപതി ബാബു, ഖുശ്ബു സുന്ദർ, തരുൺ രാജ് അരോറ, നാസർ, ശുഭലേഖ സുധാകർ , സച്ചിൻ ഖഡേക്കർ , കാശി വിശ്വനാഥ്, അലി, വെന്നല കിഷോർ, സപ്തഗിരി, സത്യ, ഗെറ്റ് അപ് ശ്രീനു എന്നിവരും ഈ ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്. ടി ജി വിശ്വപ്രസാദ് നിർമ്മാണം നിർവഹിച്ച ഈ ചിത്രത്തിൻറെ സഹധർ മാധവ് വിവേക് കുച്ചിബോട്ട്ല ആണ് . വെട്രി പളനി സ്വാമി ക്യാമറ ചലിപ്പിച്ച ഈ ചിത്രത്തിൻറെ എഡിറ്റിംഗ് നിർവഹിച്ചിരിക്കുന്നത് പ്രവീൺ പുഡി ആണ് . ഭൂപതി രാജയാണ് ഈ ചിത്രത്തിൻറെ കഥ തയ്യാറാക്കിയിരിക്കുന്നത്.

ഐശ്വര്യ രാജേഷ് നായികയായി എത്തുന്ന തമിൾ ചിത്രം തീര കാതൽ..! ശ്രദ്ധ നേടിയ വീഡിയോ സോങ്ങ് കാണാം..

മെയ് 26ന് തിയേറ്ററുകളിൽ പ്രദർശനത്തിനെത്തിയ തമിഴ് ചിത്രമാണ് തീര കാതൽ. ഐശ്വര്യ രാജേഷ്, ജയ്, ശിവദ എന്നിവർ പ്രധാന വേഷത്തിൽ എത്തിയ ഈ ചിത്രം സമ്മിശ്ര പ്രതികരണം ആണ് നേടിയത്. ഇപ്പോഴിതാ സോഷ്യൽ മീഡിയയിൽ ഈ ചിത്രത്തിലെ ഉസുരൻകൂട്ടിൽ എന്ന വരികളോടെ തുടങ്ങുന്ന വീഡിയോ ഗാനം ഏറെ ശ്രദ്ധ നേടുകയാണ്. ഐശ്വര്യ രാജേഷ്, ജയ് എന്നിവരാണ് ഈ വീഡിയോ ഗാനത്തിൽ അഭിനയിച്ചിരിക്കുന്നത്. മോഹൻ രാജൻ വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് സിദ്ധു കുമാർ ആണ് . ഈ മനോഹരഗാനം ആലപിച്ചിരിക്കുന്നത് സത്യപ്രകാശ് ആണ് .

താരങ്ങളുടെ മികച്ച പ്രകടനം കൊണ്ട് ഈ റൊമാൻറിക് ഗാനരംഗം ഏറെ ശ്രദ്ധ നേടുന്നുണ്ട്. തിങ്ക് മ്യൂസിക് ഇന്ത്യ യൂട്യൂബ് ചാനലിലൂടെയാണ് മൂന്നുമിനിറ്റ് ദൈർഘ്യമുള്ള തീര കാതലിലെ ഈ വീഡിയോ ഗാനം പ്രേക്ഷകർക്ക് മുൻപാകെ എത്തിയിരിക്കുന്നത്. നിരവധി ആരാധകരാണ് വീഡിയോയ്ക്ക് താഴെ കമൻറുകൾ രേഖപ്പെടുത്തിയിട്ടുള്ളത്. ഗാനവും താരങ്ങളുടെ പ്രകടനവും പ്രത്യേകം പ്രശംസ അർഹിക്കുന്നുണ്ട്.

രോഹിൻ വെങ്കിടേശൻ സംവിധാനം ചെയ്ത തീരാ കാതൽ ഒരു റൊമാൻറിക് ഡ്രാമ ചിത്രമാണ്. ചിത്രത്തിൽ ഗൗതം എന്ന കഥാപാത്രമായി ജയ് വേഷമിടുന്നു. ഭാര്യയും ഒരു മകളും ഉള്ള ഗൗതം തൻറെ മുൻ കാമുകിയെ കണ്ടുമുട്ടുമ്പോൾ ഉണ്ടാകുന്ന പ്രശ്നങ്ങളിലൂടെയാണ് ചിത്രം മുന്നോട്ടു നീങ്ങുന്നത്. വൃദ്ധി വിശാൽ , അംസത് ഖാൻ , അബ്ദുൾ ലീ എന്നിവരും ചിത്രത്തിൽ ശ്രദ്ധേയ കഥാപാത്രങ്ങളെ അവതരിപ്പിക്കുന്നു.

സംവിധായകൻ രോഹിൻ വെങ്കിടേശനും ജി ആർ സുരേന്ദ്രനാഥും ചേർന്നാണ് ചിത്രത്തിൻറെ രചന നിർവഹിച്ചിട്ടുള്ളത്. ലൈക്ക് പ്രൊഡക്ഷൻസിന്റെ ബാനറിൽ ഒരുങ്ങിയ ഈ ചിത്രത്തിൻറെ നിർമ്മാണം നിർവഹിച്ചിട്ടുള്ളത് സുബാസ്കരൻ ആണ് . ചിത്രത്തിനുവേണ്ടി ക്യാമറ ചലിപ്പിച്ചത് രവിവർമ്മൻ നീലമേഘവും എഡിറ്റിംഗ് കൈകാര്യം ചെയ്തത് പ്രസന്ന ജികെയും ആണ് .

മീരാ ജാസ്മിൻ്റെ തമിൾ ചിത്രം വിമാനം.! പ്രേക്ഷക ശ്രദ്ധ നേടിയ ട്രൈലർ കാണാം..

ജൂൺ 9ന് റിലീസിന് ഒരുങ്ങുന്ന ദ്വിഭാഷാ ചിത്രമാണ് വിമാനം . തമിഴിലും തെലുങ്കിലും ഒരേസമയം ചിത്രീകരിക്കുന്ന വിമാനത്തിന്റെ ഒഫീഷ്യൽ ട്രെയിലർ വീഡിയോ ഇപ്പോൾ സാമൂഹ്യ മാധ്യമങ്ങളിൽ ശ്രദ്ധ നേടുകയാണ്. സീ സ്റ്റുഡിയോസ് യൂട്യൂബ് ചാനലിലൂടെയാണ് ഈ ട്രെയിലർ വീഡിയോ പ്രേക്ഷകർക്കും മുൻപാകെയിരിക്കുന്നത് . തമിഴ് താരം സമുദ്രക്കനിയാണ് ഈ ചിത്രത്തിലെ പ്രധാന വേഷം കൈകാര്യം ചെയ്യുന്നത്. നടി മീരാ ജാസ്മിനും ഈ ചിത്രത്തിൻറെ ഭാഗമാകുന്നുണ്ട്.

വികലാംഗനായ ഒരു പിതാവായാണ് സമുദ്രക്കനി ഈ ചിത്രത്തിൽ അഭിനയിക്കുന്നത്. വിമാനത്തോട് ഏറെ പ്രിയമുള്ള തൻറെ മകൻറെ വിമാനയാത്ര മോഹം നിറവേറ്റാൻ കഷ്ടപ്പെടുന്ന ഒരു അച്ഛൻറെ രംഗങ്ങളാണ് ഈ ട്രെയിലർ വീഡിയോയിൽ ഉൾപ്പെടുത്തിയിരിക്കുന്നത്. ഇപ്പോൾ കാണിച്ചിരിക്കുന്ന വീഡിയോയിലെ പലരംഗങ്ങളും പ്രേക്ഷകരുടെ കണ്ണുകളെ ഈറനണിയിപ്പിക്കുന്നുണ്ട്.

സമുദ്രക്കനിയെ കൂടാതെ അനസൂയ ഭരദ്വജ്, ധ്രുവൻ വർമ്മ, രാഹുൽ രാമകൃഷ്ണൻ , ധൻരാജ്, മൊട്ടേ രാജേന്ദ്രൻ എന്നിവരും പ്രധാന വേഷങ്ങളിൽ അണിനിരക്കുന്നു. ശിവ പ്രസാദ് യാനല ആണ് ഈ ചിത്രം സംവിധാനം ചെയ്യുന്നത്. കിരൺ കൊരപ്പടി, സി സ്റ്റുഡിയോസ് എന്നിവ ചേർന്നാണ് ഈ ചിത്രത്തിൻറെ നിർമ്മാണം നിർവഹിക്കുന്നത്. ചരൻ അർജുൻ ആണ് ഈ ചിത്രത്തിനുവേണ്ടി സംഗീതം ചെയ്യുന്നത്. വിവേക് കലേപു ക്യാമറ ചിരിപ്പിച്ച ഈ ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത് മാർത്താണ്ഡ് കെ വെങ്കിടേഷ് ആണ് . നിരവധി പ്രേക്ഷകരാണ് ചിത്രത്തിലെ ട്രെയിലർ വീഡിയോ ഇതിനോടകം കണ്ടിരിക്കുന്നത്. ഏവരും നടൻ സമുദ്രക്കനിയുടെ പെർഫോമൻസിനെ അഭിനന്ദിച്ചുകൊണ്ടാണ് കമന്റുകൾ നൽകിയിട്ടുള്ളത്.

പ്രിയ വാര്യറും രജീഷ വിജയനും ഒന്നിക്കുന്ന “കൊള്ള” ദുരൂഹതയുണർത്തുന്ന ട്രെയിലർ കാണാം..!

മലയാളത്തിലെ യുവനായികമാരിൽ ശ്രദ്ധേയരായ നടി രജിഷ വിജയൻ , പ്രിയ പ്രകാശ് വാര്യർ എന്നിവരെ കേന്ദ്ര കഥാപാത്രങ്ങളാക്കിക്കൊണ്ട് അണിയിച്ചൊരുക്കുന്ന പുത്തൻ മലയാള ചിത്രമാണ് കൊള്ള. സൂരജ് വർമ്മ സംവിധാനം ചെയ്യുന്ന ഈ ചിത്രത്തിൻറെ ഒഫീഷ്യൽ ട്രെയിലർ വീഡിയോ സൈന മൂവീസ് യൂട്യൂബ് ചാനലിലൂടെ ഇപ്പോൾ പ്രേക്ഷകർക്കും മുൻപാകെ എത്തിയിരിക്കുകയാണ്. രണ്ടര മിനിറ്റ് ദൈർഘ്യമുള്ള ഈ ട്രെയിലർ വീഡിയോ രംഗത്ത് പ്രേക്ഷകരിലെ ആകാംക്ഷ വർധിപ്പിച്ചിരിക്കുകയാണ്.

ആനി, ശില്പ എന്നീ കഥാപാത്രങ്ങൾ ആയാണ് നടി രജിഷയും പ്രിയയും ഈ ചിത്രത്തിൽ വേഷമിടുന്നത്. ഈ ഇരു കഥാപാത്രങ്ങളെയും ചുറ്റിപ്പറ്റിയാണ് ചിത്രത്തിൻറെ കഥ മുന്നോട്ട് പോകുന്നത്. പുതിയൊരു ഗ്രാമത്തിലേക്ക് പുത്തൻ സംരംഭവുമായി എത്തുന്ന ഈ ഒരു സ്ത്രീ കഥാപാത്രങ്ങളിലൂടെയാണ് ചിത്രത്തിൻറെ കഥ മുന്നേറുന്നത്. ടൈറ്റിൽ പോലെ തന്നെ ഒരു കൊള്ളയടിയാണ് ചിത്രത്തിൻറെ ഗതിയെ മാറ്റിമറിക്കുന്നത്. പ്രേക്ഷകന് ഒരു പിടിയും തരാത്ത വിധം ഏറെ ദുരൂഹമായ ഒരു രീതിയിലാണ് ട്രെയിലർ വീഡിയോ പങ്കു വെച്ചിട്ടുള്ളത്.

കേന്ദ്ര കഥാപാത്രങ്ങളായ രജീഷ , പ്രിയ എന്നിവരെ കൂടാതെ വിനയ് ഫോർട്ട്, ഡെയിൻ ഡേവിസ്, അലൻസിയർ ലോപ്പസ്, പ്രേം പ്രകാശ്, ഷെബിൻ ബെൻസൺ, പ്രശാന്ത് അലക്സാണ്ടർ , വിനോദ് പറവൂർ , ജിയോ ബേബി എന്നിവരും പ്രധാന വേഷങ്ങൾ കൈകാര്യം ചെയ്യുന്നു. ബോബി, സഞ്ജയ് എന്നിവർ ചേർന്ന് കഥ രചിച്ച ഈ ചിത്രത്തിൻറെ തിരക്കഥയും സംഭാഷണവും തയ്യാറാക്കിയിട്ടുള്ളത് നെൽസൺ ജോസഫ് , ജാസിം ജലാൽ എന്നിവർ ചേർന്നാണ്  . കെ വി രജീഷ് നിർമ്മാണം നിർവഹിക്കുന്ന ഈ ചിത്രത്തിൻറെ സഹ നിർമ്മാതാവ് ലച്ചു രജീഷ് ആണ് . ചിത്രത്തിനു വേണ്ടി സംഗീതസംവിധാനം നിർവഹിക്കുന്നത് ഷാൻ റഹ്മാൻ ആണ് . അദ്ദേഹം ഈ ചിത്രത്തിൽ അഭിനയിക്കുന്നുണ്ട് എന്നതും ശ്രദ്ധേയമാണ്. രാജവേൽ മോഹൻ ക്യാമറ കൈകാര്യം ചെയ്ത ഈ ചിത്രത്തിൻറെ എഡിറ്റിംഗ് നിർവഹിച്ചിരിക്കുന്നത് അർജുൻ ബെൻ ആണ് .

പ്രേക്ഷകരെ ഞെട്ടിച്ച് സൈകോ ത്രില്ലർ ചിത്രം “റെജിന”.. ടീസർ കാണാം..!

തമിഴ് താരം നടി സുനൈന കേന്ദ്ര കഥാപാത്രമായി എത്തുന്ന പുത്തൻ തമിഴ് ചിത്രമാണ് റെജിന . പൈപ്പിൻ ചുവട്ടിലെ പ്രണയം, സ്റ്റാർ എന്നീ മലയാള ചിത്രങ്ങൾ സംവിധാനം ചെയ്തു മലയാളി പ്രേക്ഷകർക്ക് സുപരിചിതനായ സംവിധായകൻ ഡോമിൻ ഡിസിൽവ ആണ് ഈ ചിത്രം സംവിധാനം ചെയ്യുന്നത്. ഡോമിന്റെ തമിഴിലെ അരങ്ങേറ്റ ചിത്രം കൂടിയാണ് റെജീന . ഇപ്പോഴിതാ ഈ ചിത്രത്തിൻറെ ഒരു മിനിറ്റ് ദൈർഘ്യമുള്ള ഒരു ടീച്ചർ വീഡിയോ ജംഗ്ലീ മ്യൂസിക് തമിഴ് യൂട്യൂബ് ചാനലിലൂടെ പ്രേക്ഷകർക്ക് മുൻപാകെ എത്തിയിരിക്കുകയാണ്.

പൊതുവേ സൈലൻറ് നായിക കഥാപാത്രങ്ങളെ മാത്രം ചെയ്തുകൊണ്ട് വർഷങ്ങളേറെയായി സിനിമ പ്രേമികളുടെ മനസ്സിൽ ഇടം നേടിയ നടി സുനൈനയുടെ അതിഗംഭീര പെർഫോമൻസ് ആണ് ഈ ചിത്രത്തിൽ കാണാൻ സാധിക്കുക എന്നത് ടീസർ വീഡിയോയിൽ നിന്നും വ്യക്തമാണ്. ഒരു ത്രില്ലർ പാറ്റേണിൽ ആണ് റെജീന എന്ന ഈ ചിത്രം ഒരുക്കിയിട്ടുള്ളത്. മണിക്കൂറുകൾ മുൻപ് പുറത്തിറങ്ങിയ ടീസർ വീഡിയോ പ്രേക്ഷകരിൽ നിന്നും മികച്ച പ്രതികരണമാണ് നേടുന്നത്.

സുനൈനയെ കൂടാതെ നിവാസ് അധിതൻ , ഋതു മന്ത്ര, അനന്ദ് നാഗ് , ദിന , ഗജരാജ്, വിവേക് പ്രസന്ന, ബാവ ചെല്ലദുരൈ, അപ്പാനി ശരത്, രഞ്ജൻ , പശുപതി രാജ്, ഗ്നാനവേൽ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. സതീഷ് നായരാണ് ചിത്രത്തിന്റെ സംഗീത സംവിധായകൻ. എൽ ബിയർ പ്രൊഡക്ഷൻസിന്റെ ബാനറിൽ ഒരുങ്ങുന്ന ഈ ചിത്രത്തിൻറെ നിർമ്മാണം നിർവഹിക്കുന്നത് സതീഷ് നായർ തന്നെയാണ്. പവി കെ പവൻ ഛായാഗ്രഹണം നിർവഹിച്ച ചിത്രത്തിന്റെ എഡിറ്റിംഗ് കൈകാര്യം ചെയ്യുന്നത് ടോബി ജോൺ ആണ് .

മലയാളി പ്രേക്ഷകർക്കും സുപരിചിതയായ താരമാണ് സുനൈന. കരിയറിന്റെ ആരംഭത്തിൽ ബെസ്റ്റ് ഫ്രണ്ട്സ് എന്ന ചിത്രത്തിലൂടെ മലയാള ചലച്ചിത്ര ലോകത്ത് രംഗപ്രവേശനം ചെയ്തിരുന്നുവെങ്കിലും പിന്നീട് മറ്റു സിനിമകളിൽ നിന്നും പ്രത്യക്ഷപ്പെട്ടില്ല. തമിഴിന് പുറമേ തെലുങ്ക് , കന്നട ഭാഷകളിൽ കൂടി വേഷമിട്ടിട്ടുള്ള സുനൈന കൂടുതൽ ശോഭിച്ചത് തമിഴ് ചലച്ചിത്രരംഗത്ത് തന്നെയാണ്.

മലയാള സിനിമയിലെ ആദ്യ 150 കോടി..! 2018 എവരിവൺ ഈസ് എ ഹീറോ..!

മെയ് അഞ്ചിന് തിയേറ്ററുകളിൽ പ്രദർശനത്തിന് എത്തി ഒരു ജനപ്രളയം തന്നെ സൃഷ്ടിച്ച മലയാളത്തിലെ എക്കാലത്തെയും മികച്ച ചിത്രങ്ങളിൽ ഒന്നായിരുന്നു 2018 എവരിവൺ ഈസ് എ ഹീറോ എന്ന ചിത്രം . ജൂഡ് ആന്തണി ജോസഫ് അണിയിച്ചൊരിക്കൽ ഈ ചിത്രത്തിന് തിരക്കഥ തയ്യാറാക്കിയത് അഖിൽ പി ധർമ്മജൻ ആയിരുന്നു. 2018 കേരളത്തിൽ നടന്ന വെള്ളപ്പൊക്കത്തിന്റെ യഥാർത്ഥ മുഖമായിരുന്നു ഈ ചിത്രത്തിലൂടെ പ്രേക്ഷകർക്ക് മുൻപാകെ തുറന്നു കാണിച്ചത്. അതിനാൽ തന്നെ ചിത്രത്തിന് വമ്പൻ സ്വീകാര്യതയായിരുന്നു ലഭിച്ചത്.

ഒരു സർവൈവൽ ത്രില്ലർ ആയ ഈ ചിത്രത്തിൽ പ്രധാന വേഷങ്ങളിൽ എത്തിയത് ടോവിനോ തോമസ്, കുഞ്ചാക്കോ ബോബൻ , ആസിഫ് അലി, വിനീത് ശ്രീനിവാസൻ , ലാൽ , നരേൻ , അപർണ ബാലമുരളി, തൻവി റാം എന്നിവരായിരുന്നു. ഇവരെ കൂടാതെ സുധീഷ് , ഇന്ദ്രൻസ് , അജു വർഗീസ്, കലൈയരശൻ , ഹരികൃഷ്ണൻ , ശിവദ, ഗൗതമി നായർ , സിദ്ദിഖ് , രഞ്ജി പണിക്കർ, ജനാർദ്ദനൻ , ദേവനന്ദ , വൃദ്ധി വിശാൽ , വിനീത കോശി, ജോയ് മാത്യു, ഗിലു ജോസഫ് , സുരേഷ് കുമാർ , ശ്രീജിത്ത് രവി , ജയകൃഷ്ണൻ , എസ് പി ശ്രീകുമാർ , പോളി വത്സൻ , ശോഭ മോഹൻ , ശ്രീജാ രവി , പ്രണവ് ബിനു തുടങ്ങിയവരും ചിത്രത്തിൽ പ്രധാന കഥാപാത്രങ്ങളായി എത്തി.

സോണി ലൈവിൽ ജൂൺ 7 മുതൽ ഈ ചിത്രം സ്ട്രീമിങ് ചെയ്യുകയാണ്. അതിനോടനുബന്ധിച്ച് സോണി ലൈവ് യൂട്യൂബ് ചാനലിലൂടെ 2018 ന്റെ ഒരു ട്രെയിലർ വീഡിയോ പുറത്തുവിട്ടിരിക്കുകയാണ്. നിരവധി കാഴ്ചക്കാരെയാണ് മണിക്കൂറുകൾ കൊണ്ട് 2018ന്റെ ട്രെയിലർ വീഡിയോ സ്വന്തമാക്കിയത്. തീയറ്ററുകളിൽ ചിത്രം ആസ്വദിച്ച പ്രേക്ഷകർ ഏവരും തന്നെ ഇതിൻറെ സ്ട്രീമിനായി കാത്തിരിക്കുകയാണ്. ഏകദേശം 160 കോടി രൂപയോളം ബോക്സ് ഓഫീസ് കളക്ഷൻ ആണ് ചിത്രം സ്വന്തമാക്കിയത്. കാവ്യാ ഫിലിം കമ്പനി, പി കെ പ്രൈം പ്രൊഡക്ഷൻ എന്നിവയുടെ ബാനറിൽ ഒരുങ്ങിയ ചിത്രത്തിൻറെ നിർമ്മാണം നിർവഹിച്ചിട്ടുള്ളത് ആന്റോ ജോസഫും , സി കെ പത്മകുമാർ എന്നിവർ ചേർന്നാണ്. അഖിൽ ജോർജ് ക്യാമറ ചലിപ്പിച്ച ഈ ചിത്രത്തിൻറെ എഡിറ്റർ ചമൻ ചാക്കോ ആണ് .

പ്രഭാസ് രാമനായി എത്തുന്ന ആദി പുരുഷ്..! മനോഹര ഗാനം കാണാം..

ഓം റൗട്ടിന്റെ സംവിധാന മികവിൽ ഹിന്ദു പുരാണ ഇതിഹാസമായ രാമായണത്തെ ആസ്പദമാക്കിക്കൊണ്ട് അണിയിച്ചൊരുക്കുന്ന ചിത്രമാണ് ആദി പുരുഷ് . ജൂൺ 16 മുതൽ തിയറ്ററുകളിൽ പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിലെ വീഡിയോ ഗാനങ്ങൾ ഇപ്പോൾ സാമൂഹ്യ മാധ്യമങ്ങളിൽ ശ്രദ്ധ നേടിക്കൊണ്ടിരിക്കുകയാണ്. ഇപ്പോൾ പുറത്തു വിട്ടിരിക്കുന്നത് റാം സീത റാം എന്ന വീഡിയോ ഗാനമാണ്. ടി സീരീസ് മലയാളം യൂട്യൂബ് ചാനലിലൂടെയാണ് ഈ വീഡിയോ ഗാനം പ്രേക്ഷകർക്കും മുൻപാകെ എത്തിയിരിക്കുന്നത്.

ജാനകിയെ രക്ഷിക്കാനായി ഓടിയെത്തുന്ന രാഘവന്റെ രംഗമാണ് ഈ ഗാനരംഗത്തിൽ ഉൾപ്പെടുത്തിയിരിക്കുന്നത്. ചിത്രത്തിൽ രാമനായി എത്തുന്ന പ്രഭാസിനെയും സീതാ വേഷം ചെയ്യുന്ന കൃതി സനോണിനേയുമാണ് ഈ ഗാനരംഗത്തിൽ കാണാൻ സാധിക്കുന്നത്. സചേത് പരമ്പപര ഈണം പകർന്ന ഈ ഗാനം ആലപിച്ചിരിക്കുന്നത് കാർത്തിക് , സചേത് ടണ്ടൻ, പരമ്പര ടണ്ടൻ എന്നിവർ ചേർന്നാണ്. മനു മുണ്ടാഷിർ ശുക്ല ആണ് ഈ ഗാനത്തിന് വരികൾ തയ്യാറാക്കിയിരിക്കുന്നത് മലയാളം വരികൾ തയ്യാറാക്കിയിട്ടുള്ളത് മാങ്കൊമ്പ് ഗോപാലകൃഷ്ണനും.

ടീസർ വീഡിയോ പുറത്തിറങ്ങിയപ്പോൾ പല ആരാധകരുടെയും ആകാംക്ഷയെ ചിത്രം തല്ലിക്കെടുത്തിരുന്നുവെങ്കിലും പിന്നീട് മികവുറ്റ വി എഫ് എക്സോട് കൂടി ചിത്രത്തിൻറെ ട്രെയിലർ വീഡിയോയും മറ്റ് വീഡിയോ ഗാനങ്ങളും പുറത്തിറങ്ങിയിരുന്നു. ഇപ്പോൾ പ്രേക്ഷകർ ചിത്രത്തിനായി ഏറെ ആകാംക്ഷയോടെ കാത്തിരിക്കുകയാണ്. പ്രഭാസിന്റെ കരിയറിലെ മറ്റൊരു പൊൻതൂവൽ കൂടിയാകും ഈ ചിത്രം എന്ന പ്രതീക്ഷയിലാണ് ആരാധകർ. പ്രഭാസ് , കൃതി സനോൺ എന്നിവരെ കൂടാതെ സൈഫ് അലി ഖാൻ , സണ്ണി സിംഗ്, ദേവദത്ത നാഗേ, വത്സൽ ഷേത്ത് , സോണാൽ ചൗഹാൻ, തുപ്തി തോരാദ്മൽ എന്നിവരും ഈ ചിത്രത്തിൽ ശ്രദ്ധേയ വേഷങ്ങൾ കൈകാര്യം ചെയ്യുന്നു.

ഈ ചിത്രത്തിൻറെ മറ്റൊരു പ്രത്യേകത ഇതുവരെ നിർമ്മിച്ച ഇന്ത്യൻ സിനിമകളിൽ ഏറ്റവും ചെലവേറിയതാണ് ആദി പുരുഷ് എന്നതാണ്. ഏകദേശം 500 കോടി ബഡ്ജറ്റിൽ ആണ് ഈ ചിത്രം അണിയിച്ചൊരുക്കുന്നത്. പകുതിയും ചെലവാക്കുന്നത് വി.എഫ് എക്സിനായി തന്നെയാണ്. ആദിപുരുഷ് ചിത്രീകരിച്ചിരിക്കുന്നത് ത്രീഡിയിൽ ആണ് . ചിത്രത്തിൻറെ നിർമ്മാണം നിർവഹിക്കുന്നത് സംവിധായകനും ഒപ്പം ദൂഷൺ കുമാർ , കൃഷൻ കുമാർ ,പ്രസാദ് സുതാർ, രാജേഷ് നായർ എന്നിവരും ചേർന്നുകൊണ്ടാണ്.

തെലുങ്കിൽ തിളങ്ങി പ്രിയ താരം സംയുക്ത മേനോൻ..! പ്രേക്ഷക ശ്രദ്ധ നേടിയ “വിരുപക്ഷ” വീഡിയോ സോങ്ങ് കാണാം..

തെലുങ്കിൽ ഈ വർഷം ഏപ്രിൽ 21ന് പ്രദർശനത്തിന് എത്തിയ ഒരു സൂപ്പർ നാച്ചുറൽ ഹൊറർ മിസ്റ്ററി ചിത്രമായിരുന്നു വിരുപക്ഷ . കാർത്തിക് വർമ്മ ദണ്ഡു സംവിധാനം ചെയ്ത ഈ ചിത്രത്തിൽ നായിക വേഷത്തിൽ എത്തിയത് മലയാളത്തിലെ ശ്രദ്ധേയ താരം നടി സംയുക്ത മേനോൻ ആണ് . സായ് ധരം തേജ് ആയിരുന്നു ചിത്രത്തിലെ നായക വേഷം കൈകാര്യം ചെയ്തത്. ഇപ്പോഴിതാ ഇവർ ഇരുവരും ചേർന്ന് അഭിനയിച്ച വിരുപക്ഷയിലെ ഒരു വീഡിയോ ഗാനം സോഷ്യൽ മീഡിയ കീഴടക്കുകയാണ്.

കല്ലല്ലോ എന്നാ വരികളോടെ തുടങ്ങുന്ന വീഡിയോ ഗാനമാണ് ശ്രദ്ധ നേടിക്കൊണ്ടിരിക്കുന്നത്. സോണി മ്യൂസിക് സൗത്ത് യൂട്യൂബ് ചാനലിലൂടെയാണ് മൂന്നര മിനിറ്റ് ദൈർഘ്യമുള്ള ഈ വീഡിയോ ഗാനം പ്രേക്ഷകർക്ക് മുൻപാകെ എത്തിയിട്ടുള്ളത്. ബി അജനീഷ് ലോകനാഥ് സംഗീതം നൽകിയ ഈ ഗാനത്തിന് വരികൾ തയ്യാറാക്കിയിട്ടുള്ളത് അനന്ത ശ്രീറാം ആണ് . അനുരാഗ് കുൽക്കർണി , മധുശ്രീ എന്നിവ ചേർന്നാണ് ഈ ഗാനം ആലപിച്ചിട്ടുള്ളത്. നായികയുടെയും നായകനെയും പ്രണയ രംഗങ്ങളോടുകൂടിയ ഈ ഗാന രംഗത്തിന് പ്രേക്ഷകരിൽ നിന്ന് മികച്ച സ്വീകാര്യതയാണ് ലഭിക്കുന്നത്.

സംയുക്ത മേനോൻ , സായ് ധരം തേജ് എന്നിവരെ കൂടാതെ സുനിൽ , ബ്രഹ്മാജി , രാജീവ് കനകല , അജയ്, രവികൃഷ്ണ തുടങ്ങിയവരും ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നു. പ്രേക്ഷകരിൽ നിന്നും മികച്ച പ്രതികരണം ആയിരുന്നു ഈ ചിത്രം നേടിയത് ബോക്സ് ഓഫീസിലും മികച്ച പ്രകടനം കാഴ്ചവയ്ക്കുവാൻ ഈ ചിത്രത്തിന് സാധിച്ചിരുന്നു. ഈ ചിത്രത്തിന് കഥ തയ്യാറാക്കിയത് സംവിധായകൻ കാർത്തിക് വർമ്മ തന്നെയാണ്. വി പ്രഭാകർ നാകുവാണ് സംഭാഷണങ്ങൾ രചിച്ചിട്ടുള്ളത്. ശ്രീ വെങ്കിടേശ്വര സിനി ചിത്രയുടെ പാനലിൽ ഒരുങ്ങിയ ഈ ചിത്രത്തിൻറെ നിർമ്മാണം നിർവഹിച്ചത് ബിവിഎസ്എൻ പ്രസാദ്, സുകുമാർ എന്നിവർ ചേർന്നാണ്. ചിത്രത്തിന് വേണ്ടി ക്യാമറ കൈകാര്യം ചെയ്തത് ഷംദത്ത് സൈനുദ്ദീനും എഡിറ്റിംഗ് നിർവഹിച്ചത് നവീൻ നൂലിയും ആണ് .

Scroll to Top