ആൻഡ്രിയ ജെറമിയയെ നായികയാക്കി മിസ്കിൻ സംവിധാനം ചെയ്യുന്ന ഏറ്റവും പുതിയ ചിത്രമാണ് പിസാസ് ടു . 2014 ൽ പുറത്തിറങ്ങിയ പിസാസ് എന്ന ഹിറ്റ് ഹൊറർ ചിത്രത്തിന്റെ രണ്ടാം ഭാഗമാണ് പിസാസ് ടു . ഈ ചിത്രവും ഒരു ഹൊറർ ഡ്രാമ വിഭാഗത്തിൽ പെട്ടതാണെന്ന് പറയപ്പെടുന്നു. ഈ ചിത്രത്തിന്റെ ഒഫീഷ്യൽ ടീസർ ഇപ്പോൾ പുറത്തിറങ്ങിയിരിക്കുകയാണ്. ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ നേരത്തെ തന്നെ റീലീസ് ചെയ്യുകയും വളരെയധികം പ്രേക്ഷക ശ്രദ്ധ നേടുകയും ചെയ്തിരുന്നു. ചിത്രത്തിൽ ആൻഡ്രിയയ്ക്ക് വളരെ മികച്ച ഒരു കഥാപാത്രം തന്നെയാണ് ലഭിച്ചിരിക്കുന്നതെന്ന് ഇതുവരെ പുറത്തിറങ്ങിയ പോസ്റ്ററും ടീസറും സൂചിപ്പിക്കുന്നു.

പ്രേക്ഷകരെ ഭീതിയുടെ മുൾമുനയിൽ നിർത്തുന്ന ആകാംഷ നിറച്ച ഒരു ടീസറാണ് ഇപ്പോൾ പുറത്തുവിട്ടിട്ടുള്ളത് . കേന്ദ്ര കഥാപാത്രമായ ആൻഡ്രിയ ജെറമിയയ്ക്ക് പുറമേ വിജയ് സേതുപതി , ഷംന കാസിം പ്രൂർണ്ണ ), സന്തോഷ് പ്രതാപ് എന്നിവരും അഭിനയിക്കുന്നു. ചിത്രത്തിന്റെ രചന നിർവഹിച്ചിട്ടുള്ളത് സംവിധായകൻ മിസ്കിൻ തന്നെയാണ്. കാർത്തിക് രാജയാണ് ചിത്രത്തിന് വേണ്ടി സംഗീത സംവിധാനം നിർവഹിച്ചിട്ടുള്ളത്. റോക്ക് ഫോർട്ട് എന്റർടൈൻമെന്റിന്റെ ബാനറിൽ ടി. മുരുഗനാഥം ആണ് ഈ ചിത്രം നിർമ്മിക്കുന്നത്. കീർത്തന, സുസിൽ ഉമാപതി എന്നിവർ ചേർന്നാണ് ഈ ചിത്രം എഡിറ്റ് ചെയ്തിരിക്കുന്നത്.സരിഗമ തമിഴ് എന്ന യൂട്യൂബ് ചാനലിലൂടെയാണ് ഈ ടീസർ പുറത്തു വിട്ടിട്ടുള്ളത്. നിരവധി ആരാധകരാണ് പ്രതീക്ഷയോടെ ചിത്രത്തിനായി കാത്തിരിക്കുന്നത്.

രതീഷ് രഘുനാഥൻ സംവിധാനം ചെയ്ത് ഇന്ദ്രൻസ് , ധ്യാൻ ശ്രീനിവാസൻ , ദുർഗ്ഗ കൃഷ്ണ എന്നിവർ കേന്ദ്ര കഥാപാത്രങ്ങളായി എത്തുന്ന ഏറ്റവും പുതിയ ചിത്രമാണ് ഉടൽ. പ്രേക്ഷകരെ ആവേശത്തിലാഴ്ത്തി ഇപ്പോൾ ഈ ചിത്രത്തിന്റെ ഒഫീഷ്യൽ ടീസർ പുറത്തു വിട്ടിരിക്കുകയാണ്. ശ്രീഗോകുലം മൂവീസ് യൂട്യൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത്. മണിക്കൂറുകൾ തികയും മുൻപേ നിരവധി കാഴ്ചക്കാരെയാണ് ഈ വീഡിയോ സ്വന്തമാക്കിയത്. ഇന്ദ്രൻസ് ചേട്ടന്റെ മറ്റൊരു കിടിലൻ പെർഫോമൻസു കൂടി എന്നാണ് പ്രേക്ഷകർ വീഡിയോയ്ക്ക് താഴെ കമന്റ് ചെയ്തിരിക്കുന്നത്. ത്രില്ലടിപ്പിക്കുന്ന ഒരു കിടിലൻ ടീസർ തന്നെയാണ് ഇപ്പോൾ പ്രേക്ഷകരിലേക്ക് എത്തിയിരിക്കുന്നത്. ഇന്ദ്രൻസ് എന്ന കലാകാരന്റെ മറ്റൊരു കിടിലൻ അഭിനയ പ്രകടനം തന്നെയാണ് ഈ ചിത്രത്തിൽ കാഴ്ചവയ്ക്കുന്നത് എന്ന് ടീസറിൽ നിന്നും വ്യക്തമാണ്. ഒപ്പം ദുർഗ്ഗയും ധ്യാനും മികച്ച പ്രകടനം തന്നെ ടീസറിൽ കാഴ്ചവയ്ക്കുന്നുണ്ട്.

സംവിധായകൻ രതീഷ് രഘുനാഥൻ തന്നെയാണ് ചിത്രത്തിന്റെ രചന നിർവഹിച്ചിട്ടുള്ളത്. ശ്രീ ഗോകുലം ഗോപാലൻ നിർമ്മിക്കുന്ന ഈ ചിത്രത്തിൽ വി.സി പ്രവീൺ , ബൈജു ഗോപാലൻ എന്നിവർ സഹ നിർമ്മാതാക്കൾ ആണ്. വില്യം ഫ്രാൻസിസ് ആണ് ചിത്രത്തിന് വേണ്ടി സംഗീതം നൽകിയിട്ടുള്ളത്. എഡിറ്റിംഗ് കൈകാര്യം ചെയ്തിരിക്കുന്നത് നിഷാദ് യൂസഫ് ആണ്.

സോഷ്യൽ മീഡിയയിൽ തരംഗമായി സാമന്തയുടെ ബെർത്ത്ഡേ സ്പെഷ്യൽ മാഷപ്പ് വീഡിയോ. 2010 ൽ ആണ് സാമന്ത എന്ന താരം അഭിനയ രംഗത്തേക്ക് കുന്നു വരുന്നത്. ഗൗതം മേനോൻ സംവിധാനം ചെയ്ത വിണ്ണേതാണ്ടി വരുവായ എന്ന ചിത്രത്തിന്റെ തെലുങ്ക് പതിപ്പായ യെ മായ ചെസേവ് എന്ന ചിത്രത്തിലൂടെയാണ് താരം അരങ്ങേറ്റം കുറിക്കുന്നത്. ആദ്യ ചിത്രത്തിലെ ഗംഭീര പ്രകടനം സാമന്ത എന്ന താരത്തിന്റെ കരിയർ മാറ്റി മറിച്ചു. തുടർന്ന് തെലുങ്കിലും തമിഴിലുമായി നിരവധി അവസരങ്ങൾ താരത്തിന് ലഭിച്ചു. നാല് ഫിലിം ഫെയർ അവാർഡുകളും നിരവധി പുരസ്കാരങ്ങളും താരം ഇതിനോടകം കരസ്ഥമാക്കി. നിലവിൽ തെന്നിന്ത്യയിലെ മുൻ നിര നായികമാരിൽ ഒരാളാണ് താരം.

താരത്തിന്റെതായി പുറത്തിറങ്ങാനുള്ള ഏറ്റവും പുതിയ ചിത്രമാണ് കാത്ത് വാക്കുലെ രണ്ട് കാതൽ. വിജയ് സേതുപതി നായകനാകുന്ന ഈ ചിത്രത്തിൽ സാമന്തയും നയൻ താരയുമാണ് നായികമാർ. ഈ ചിത്രത്തിൽ സാമന്തയും വിജയ് സേതുപതിയും ഒന്നിച്ചെത്തുന്ന ഒരു ഗാനം ഈ അടുത്ത് റിലീസ് ചെയ്തിരുന്നു. ഡിപ്പം ഡപ്പം എന്ന ഈ ഗാനം പ്രേക്ഷകർ ഏറ്റെടുക്കുകയും ചെയ്തിരുന്നു.

ഏപ്രിൽ 28 ന് ആയിരുന്നു താരത്തിന്റെ ബെർത്ത് ഡേ . പ്രണവ് ശ്രീ പ്രസാദ് എഡിറ്റ് ചെയ്ത ബെർത്ത് ഡേ സെപഷ്യൽ വീഡിയോയാണ് ഇപ്പോൾ പ്രേക്ഷക ശ്രദ്ധ നേടുന്നത് . താരത്തിന്റെ പുത്തൻ ചിത്രമായ കാത്ത് വാക്കുലെ രണ്ട് കാതൽ എന്ന ചിത്രത്തിലെ ഡിപ്പം ഡപ്പം എന്ന ഗാനത്തിന് സാമന്ത അഭിനയിച്ച ഒട്ടുമിക്ക എല്ലാ ചിത്രങ്ങളിലേയും രംഗങ്ങൾ ഉൾപ്പെടുത്തിയാണ് വീഡിയോ തയ്യാറാക്കിയിരിക്കുന്നത്. ആർ സി എം പ്രൊമോ ആൻഡ് റിമിക്സ് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തുവിട്ടിട്ടുള്ളത്.

കഴിഞ്ഞ വർഷം റിലീസ് ചെയ്ത ഓപ്പറേഷൻ ജാവ എന്ന ചിത്രം വലിയ പ്രേക്ഷക – നിരൂപക പ്രശംസ നേടിയ ചിത്രമായിരുന്നു . നവാഗത സംവിധായകനായ തരുൺ മൂർത്തി ഒരുക്കിയ ഈ ചിത്രത്തിൽ ബാലു വർഗീസ്, ലുഖ്മാൻ, ബിനു പപ്പു, മമിതാ ബൈജു, ഇർഷാദ്, പ്രശാന്ത് അലക്സാണ്ടർ, വിനായകൻ, ഷൈൻ ടോം ചാക്കോ, മാത്യു തോമസ് എന്നിവരെല്ലാമാണ് പ്രധാന വേഷങ്ങളിൽ എത്തിയത് . തീയേറ്ററിൽ ശ്രദ്ധിക്കപ്പെട്ട ഈ ചിത്രം അതിനു ശേഷം ഓൺലൈൻ സ്ട്രീമിങ് പ്ലാറ്റ്‌ഫോമിലും സൂപ്പർ ഹിറ്റായി മാറുകയായിരുന്നു. ഇപ്പോഴിതാ തരുൺ മൂർത്തി തന്റെ രണ്ടാമത്തെ സംവിധാന സംരംഭവുമായി ആരാധകർക്ക് മുന്നിൽ എത്താനുള്ള തയ്യാറെടുപ്പിലാണ്. മെയ് ഇരുപതിന്‌ ആണ് ആണ് അദ്ദേഹത്തിന്റെ പുത്തൻ ചിത്രമായ സൗദി വെള്ളക്ക റിലീസ് ചെയ്യുക. ഇപ്പോൾ സോഷ്യൽ മീഡിയയിൽ ഇതിന്റെ പോസ്റ്ററുകൾ എല്ലാം തന്നെ സൂപ്പർ ഹിറ്റാണ്. ഇപ്പോഴിതാ പ്രേക്ഷകർക്കായി ചിത്രത്തിന്റെ ആദ്യ ടീസർ കൂടി പുറത്തു വിട്ടിരിക്കുകയാണ്.

ഉർവശി തീയേറ്റേഴ്സിന്റെ ബാനറിൽ സന്ദീപ് സേനൻ നിർമ്മിച്ച തൊണ്ടിമുതലും ദൃക്‌സാക്ഷിയും, സത്യം പറഞ്ഞാല്‍ വിശ്വസിക്കുമോ എന്നീ ചിത്രങ്ങള്‍ക്കുശേഷം ഒരുക്കുന്ന പുത്തൻ ചിത്രമാണ് സൗദി വെള്ളക്ക. ഈ ചിത്രത്തിൽ ലുക്ക് മാന്‍ അവറാന്‍, ദേവീ വര്‍മ്മ, സിദ്ധാര്‍ഥ് ശിവ, ബിനു പപ്പു, സുജിത്ത് ശങ്കര്‍ ഗോകുലന്‍, റിയ സെയ്‌റ, ധന്യ, അനന്യ എന്നിവരാണ് വേഷമിട്ടിരിക്കുന്നത്. പാലി ഫ്രാന്‍സിസ് ആണ് ഈ ചിത്രത്തിന് സംഗീതം ഒരുക്കിയിട്ടുള്ളത്. നിഷാദ് യൂസഫ് ആണ് എഡിറ്റിംഗ് കൈകാര്യം ചെയ്തിരിക്കുന്നത്. ശരൺ വേലായുധൻ ആണ് ക്യാമറമാൻ . തരുൺ മൂർത്തി ഈ ചിത്രത്തിന്റെ തിരക്കഥ രചിച്ചത് ഏകദേശം ഇരുപതോളം വക്കീലന്മാർ, റിട്ടയേർഡ് മജിസ്‌ട്രേറ്റുമാർ, നിരവധി കോടതി ജീവനക്കാർ എന്നിവരുടെ സഹായത്തോടെയാണ് . ചിത്രത്തിലെ പോലീസ് സ്റ്റേഷൻ രംഗങ്ങളുടെ പൂർണ്ണതക്കു വേണ്ടി പോലീസ് ഓഫിസർമാരുടെ സഹായവും അദ്ദേഹത്തിന് ഉണ്ടായിരുന്നു.

പ്രശസ്ത സംവിധായകനും ഛായാഗ്രാഹകനുമായ സന്തോഷ് ശിവൻ മലയാളത്തിന്റെ ലേഡി സൂപ്പർ സ്റ്റാർ മഞ്ജു വാര്യരെ കേന്ദ്ര കഥാപാത്രമാക്കി ഒരുക്കുന്ന പുത്തൻ ചിത്രമാണ് ജാക്ക് ആൻഡ് ജിൽ. മലയാളത്തിന്റെ താര രാജാവ് മോഹൻലാൽ കുറച്ചു ദിവസങ്ങൾക്കു മുൻപ് പുറത്തുവിട്ട ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ വലിയ പ്രേക്ഷക ശ്രദ്ധ നേടുകയും ചെയ്തിരുന്നു. ഈ ചിത്രത്തിന്റെ ആദ്യ ടീസർ ഇപ്പോൾ റിലീസ് ചെയ്തിരിക്കുകയാണ്. ഈ ടീസർ റിലീസ് ചെയ്തിരിക്കുന്നത് ഇന്ത്യൻ സിനിമയുടെ മാസ്റ്റർ ഡയറക്ടർ മണി രത്‌നം ആണ് . ഇന്ന് വന്ന ട്രൈലെ റിൽ നിന്നും ഈ ചിത്രം ആക്ഷനും കോമഡിയും സയൻസ് ഫിക്ഷനും ഒരുപോലെ കോർത്തിണക്കിയ ഒരു കംപ്ലീറ്റ് എന്റെർറ്റൈനെർ ആയിരിക്കും എന്ന സൂചനയാണ് ലഭിക്കുന്നത്. ഈ ടീസറിൽ മഞ്ജു വാര്യരുടെ കോമഡി രംഗങ്ങളും ഒപ്പം കിടിലൻ ആക്ഷൻ സീനുകളും നമുക്ക് കാണാൻ സാധിക്കും. ഈ ചിത്രത്തിലെ നേരത്തെ തന്നെ റിലീസ് ചെയ്ത കിം കിം എന്ന ഗാനവും പ്രേക്ഷകർക്കിടയിൽ ഏറെ ശ്രദ്ധേയമായിരുന്നു.

ഒരു സയൻസ് ഫിക്ഷൻ കോമഡി ചിത്രമായ ജാക്ക് ആൻഡ് ജിൽ നിർമ്മിച്ചിരിക്കുന്നത് ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനും ,സന്തോഷ് ശിവൻ, എം പ്രശാന്ത് ദാസ് എന്നിവരും ചേർന്നാണ് . മഞ്ജു വാര്യർക്ക് പുറമേ സൗബിൻ ഷാഹിർ, നെടുമുടി വേണു, ഇന്ദ്രൻസ്, ബേസിൽ ജോസഫ്, കാളിദാസ് ജയറാം, അജു വർഗീസ്, സേതുലക്ഷ്‌മി, ഷായ്‌ലി കിഷൻ, എസ്ഥേർ അനിൽ തുടങ്ങിയവരും ഈ ചിത്രത്തിൽ അഭിനയിക്കുന്നുണ്ട്. മെയ് ഇരുപതിന്‌ ആണ് ഈ ചിത്രം റിലീസ് ചെയ്യുക. ജാക്ക് ആൻഡ് ജില്ലിലെ ഗാനങ്ങൾ രചിച്ചിട്ടുള്ളത് ബി കെ ഹരിനാരായണനും റാം സുന്ദരും ചേർന്നാണ് . റാം സുരേന്ദറും ഗോപി സുന്ദറും ജേക്സ് ബിജോയിയും ചേർന്നാണ് ഗാനങ്ങൾക്ക് ഈണം പകർന്നിരിക്കുന്നത്. ഛായാഗ്രഹണം നിർവഹിച്ചിരിക്കുന്നത് സന്തോഷ് ശിവനും ചിത്രം എഡിറ്റ് ചെയ്തിരിക്കുന്നത് രഞ്ജിത് ടച്ച് റിവറും ആണ്. സന്തോഷ് ശിവൻ, അജിത്‌ എസ് എം എന്നിവർ ചേർന്നാണ് ഈ ചിത്രം രചിച്ചിരിക്കുന്നത് .

മലയാളത്തിൽ ഫാസിൽ ഒരുക്കി 1993 ൽ പുറത്തിറങ്ങിയ ഇൻഡസ്ട്രി ഹിറ്റായി മാറിയ ചിത്രമാണ് മണിച്ചിത്രത്താഴ്. ഈ ചിത്രം ഇന്ത്യ ഒട്ടാകെ ശ്രദ്ധിക്കപ്പെട്ടു. മോഹൻലാൽ, ശോഭന, സുരേഷ് ഗോപി എന്നിവരാണ് ചിത്രത്തിൽ കേന്ദ്ര കഥാപാത്രങ്ങള അവതരിപ്പിച്ചത്. ഈ ചിത്രത്തിലെ നാഗവല്ലി എന്ന കഥാപാത്രമായി നിറഞ്ഞാടിയ ശോഭനക്ക് മികച്ച നടിക്കുള്ള ദേശീയ പുരസ്‍കാരം ലഭിച്ചിരുന്നു. ഈ ചിത്രം മധു മുട്ടം ആണ് രചിച്ചത്. നിരവധി അന്യ ഭാഷകളിലേക്ക് മണിച്ചിത്രത്താഴ് റീമേക് ചെയ്യപ്പെടുകയും ചെയ്തു. മലയാളി സംവിധായകനായ പ്രിയദർശൻ ആയിരുന്നു ഹിന്ദിയിലേക്ക് ഈ ചിത്രം റീമേക് ചെയ്തത്. ഭൂൽ ഭുലയ്യ എന്ന പേരിൽ പുറത്തിറങ്ങിയ മണിച്ചിത്രത്താഴിന്റെ ഹിന്ദി പതിപ്പ് ബ്ലോക്ക്ബസ്റ്റർ ആയി മാറി. അക്ഷയ് കുമാർ നായക വേഷം ചെയ്ത ഈ ചിത്രത്തിൽ വിദ്യ ബാലൻ ആണ് നായികാ വേഷം അവതരിപ്പിച്ച്. ഇപ്പോഴിതാ ബോളിവുഡ് ഈ ചിത്രത്തിന്റെ രണ്ടാം ഭാഗവുമായി എത്തുകയാണ് . ഭൂൽ ഭുലയ്യ 2 എന്ന പേരിൽ ഇറങ്ങുന്ന ഈ ചിത്രത്തിന്റെ ട്രൈലെർ ഇപ്പോൾ സോഷ്യൽ മീഡിയയിൽ വൈറലാവുകയാണ്.

മെയ് ഇരുപതിന്‌ പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിൽ കാർത്തിക് ആര്യൻ, തബു, കിയാര അദ്വാനി, രാജ്പാല്‍ യാദവ്, സഞ്ജയ് മിശ്ര എന്നിവരാണ് പ്രധാന വേഷങ്ങളിൽ എത്തുന്നത്. എന്നാൽ പ്രിയദർശൻ അല്ല ഈ രണ്ടാം ഭാഗം ഒരുക്കിയിരിക്കുന്നത് . ഈ രണ്ടാം ഭാഗം സംവിധാനം ചെയ്തിരിക്കുന്നത് അനീസ് ബസ്മി ആണ് . പ്രീതം ആണ് ഈ ചിത്രത്തിന് സംഗീതം ഒരുക്കിയിട്ടുള്ളത്. മനു ആനന്ദ് ആണ് ചിത്രത്തിന്റെ ക്യാമറമാൻ . ആകാശ് കൗശിക് രചന നിർവഹിച്ച ഈ ചിത്രത്തിന് സംഭാഷണങ്ങൾ തയ്യാറാക്കിയിരിക്കുന്നത് അദ്ദേഹവും പ്രശസ്ത സംവിധായകനും രചയിതാവുമായ ഫർഹാദ് സംജിയും ചേർന്നാണ്.

ദളപതി വിജയ് നായകനാക്കി നെൽസൺ ദിലീപ് കുമാർ സംവിധാനം ചെയ്ത ഏറ്റവും പുതിയ തമിഴ് ചിത്രമാണ് ബീസ്റ്റ്. ബ്രഹ്മാണ്ഡ റിലീസ് ആയി ഈ ചിത്രം എത്തിയത് ഈ കഴിഞ്ഞ ഏപ്രിൽ പതിമൂന്നിന് ആണ് . പ്രേക്ഷകരിൽ ഈ ചിത്രം സമ്മിശ്ര പ്രതികരണം ആണ് നേടിയത് എങ്കിലും ഇരുനൂറു കോടിക്കു മുകളിൽ കളക്ഷൻ ബോക്സ് ഓഫീസിൽ നേടാൻ ഈ ചിത്രത്തിന് സാധിച്ചിരുന്നു. ആക്ഷനും, കോമഡിയും ഒരു പോലെ കോർത്തിണക്കി ഒരുക്കിയ ഈ ചിത്രം നിർമ്മിച്ചത് സൺ പിക്ചേഴ്സ് ആണ്. ചിത്രത്തിൽ വിജയ് അവതരിപ്പിച്ച ആക്ഷൻ രംഗങ്ങൾക്ക് പ്രേക്ഷകരിൽ നിന്നും മികച്ച അഭിപ്രായം ആണ് ലഭിച്ചത്.

ഇപ്പോഴിതാ നിർമ്മാതാക്കളായ സൺ പിക്ചേഴ്സ് ചിത്രത്തിലെ ആക്ഷൻ രംഗങ്ങൾ ഒരുക്കിയത് എങ്ങനെ എന്ന് കാണിക്കുന്ന ഒരു മേക്കിങ് വീഡിയോയുടെ ക്ലിപ്സ് പ്രേക്ഷകർക്കായി പുറത്തു വിട്ടിരിക്കുകയാണ് . ഈ ചിത്രം ഷൂട്ട് ചെയ്ത വമ്പൻ മാളിന്റെ സെറ്റ് എങ്ങനെയാണു ഇട്ടതു എന്ന് കാണിക്കുന്ന വീഡിയോയും നേരത്തെ ഇവർ റിലീസ് ചെയ്തിരുന്നു.

വിജയ് ഈ ചിത്രത്തിൽ അവതരിപ്പിക്കുന്നത് ടെററിസ്റ്റുകള്‍ ഹൈജാക്ക് ചെയ്ത മാളില്‍ കുടുങ്ങിയ ജനങ്ങളെ രക്ഷിക്കാന്‍ ശ്രമിക്കുന്ന പട്ടാളക്കാരനായ നായക കഥാപാത്രത്തെ ആണ് . ഇതിൽ വിജയ് അവതരിപ്പിച്ച കഥാപാത്രത്തിന്റെ പേര് വീരരാഘവൻ എന്നാണ് . നായികാ വേഷം ചെയ്തത് പൂജ ഹെഗ്‌ടെ ആണ്. കൂടാതെ ഈ ചിത്രത്തിൽ മലയാളി താരങ്ങൾ ആയ ഷൈൻ ടോം ചാക്കോ, അപർണ്ണ ദാസ് എന്നിവരും വേഷമിട്ടിട്ടുണ്ട്. മനോജ് പരമഹംസയാണ് ഈ ചിത്രത്തിന്റെ ക്യാമറമാൻ . എഡിറ്റർ ആർ നിർമ്മലുമാണ്. ഈ ചിത്രത്തിന് വേണ്ടി സംഗീത സംവിധാനം നിർവ്വഹിച്ചിരിക്കുന്നത് അനിരുദ്ധ് രവിചന്ദറാണ്. സെൽവ രാഘവൻ, യോഗി ബാബു, അങ്കുർ വികൽ, പുകഴ് എന്നിവരും ഈ ചിത്രത്തിന്റെ ഭാഗമായിട്ടുണ്ട്.

ബാഹുബലി എന്ന ബ്രഹ്മാണ്ഡ ചിത്രത്തിന് ശേഷം രാജമൗലി ഒരുക്കിയ ചിത്രമാണ് ആർ.ആർ.ആർ.. ജൂനിയർ എൻ. ടി. ആറും രാചരണുമാണ് ചിത്രത്തിലെ പ്രധാന വേഷങ്ങളെ അവതരിപ്പിച്ചത്. അല്ലൂരി സീതാരാമ രാജു , കൊമരുഭീം എന്നീ സ്ഥാന്ത്യ സമര സേനാനികളെ ചുറ്റിപറ്റിയുള്ള ഒരു സാങ്കൽപ്പിക കഥയാണ് രാജമൗലി ഈ ചിത്രത്തിൽ അവതരിപ്പിച്ചത്. ഈ ചിത്രത്തിലെ എത്തര ജെൻഡ എന്ന ഗാനം ഇപ്പോൾ പുറത്തുവിട്ടിരിക്കുകയാണ്. സ്വാതന്ത്ര്യ സമര സേനാനികൾക്ക് ആദരവ് പ്രകടിപ്പിക്കുന്ന ഈ ഗാനത്തിൽ പ്രധാനമായും എത്തിയിരിക്കുന്നത് രാം ചരൺ , ജൂനിയർ എൻ. ടി ആർ, ആലിയ ഭട്ട് എന്നിവരാണ്.

എം.എം കീരവാണി സംഗീത സംവിധാനം നിർവഹിച്ച ഈ ഗാനം ആലപിച്ചിരിക്കുന്നത് വിശാൽ മിശ്ര, പൃഥ്വി ചന്ദ്ര, എം.എം കീരവാണി ,സഹിതി , ഹരിക നാരായണൻ എന്നിവരാണ്. ലഹരി മ്യൂസിക്ക് ടി – സീരീസ് എന്ന യൂട്യൂബ് ചാനലിലൂടെയാണ് ഈ ഗാനം റിലീസ് ചെയ്തിരിക്കുന്നത്. ഗാന രംഗത്തിൽ കിടിലൻ നൃത്ത ചുവടുകളാണ് രാം ചരണും ജൂനിയർ എൻ ടി ആറും കാഴ്ചവയ്ക്കുന്നത്. ആലിയയും ഇവർക്കൊപ്പം ചുവടു വയ്ക്കുന്നുണ്ട്. റിലീസ് ചെയ്ത് നിമിക്ഷങ്ങൾകകം ലക്ഷക്കണക്കിന് കാഴ്ചക്കാരെയാണ് ഈ വീഡിയോ സ്വന്തമാക്കിയത് . ഒട്ടേറെ പേരാണ് വീഡിയോയ്ക്ക് താഴെ കമന്റുകൾ രേഖപ്പെടുത്തിയിട്ടുള്ളത്. അതിമനോഹരമായ ഈ ഗാനം പ്രേക്ഷകർ ഇതിനോടകം ഏറ്റെടുത്തു.

മക്കൾ സെൽവൻ എന്ന് ആരാധകർ സ്നേഹ പൂർവ്വം വിശേഷിപ്പിക്കുന്ന തമിഴ് നടൻ വിജയ് സേതുപതി നായകനായി എത്തുന്ന ഏറ്റവും പുതിയ ചിത്രം ആണ് കാത്തുവക്കുള്ള രണ്ടു കാതൽ. ഈ റൊമാന്റിക് കോമഡി ചിത്രത്തിന്റെ രചനയും സംവിധാനവും നിരവഹിക്കുന്നത് പ്രശസ്ത സംവിധായകൻ വിഘ്‌നേശ് ശിവൻ ആണ്. കഴിഞ്ഞ ദിവസമാണ് ഈ ചിത്രത്തിന്റെ ട്രയ്ലർ റിലീസ് ചെയ്തത്. സോഷ്യൽ മീഡിയയിൽ തരംഗമായി മാറിയിരിക്കുകയാണ് ഈ ട്രൈലർ. ചിരിപ്പിക്കുന്ന ഒട്ടേറെ നിമിഷങ്ങൾ കോർത്തിണക്കി പുറത്തുവിട്ട ഇതിന്റെ ടീസർ, ട്രയ്ലർ, അതുപോലെ ഗാനങ്ങൾ എന്നിവ സോഷ്യൽ മീഡിയയിൽ സൂപ്പർ ഹിറ്റായി മാറിയവ ആണ്.ചിത്രത്തിൽ രണ്ടു കാമുകിമാരുടെ ഇടയിൽ നട്ടം തിരിയുന്ന കാമുകന്റെ വേഷത്തിൽ ആണ് വിജയ് സേതുപതി എത്തുന്നത്. ചിത്രത്തിലെ നായിക കഥാപാത്രങ്ങളായ കണ്മണി, ഖദീജ എന്നീ വേഷങ്ങളിൽ എത്തുന്നത് ലേഡി സൂപ്പർ സ്റ്റാർ നയൻ താരയും തെന്നിന്ത്യ താരറാണി സാമന്തയും ആണ്.

ഇപ്പോഴിതാ ഇവരെ കൂടാതെ മറ്റൊരാൾ കൂടി ഇതിന്റെ ട്രയ്ലർ വന്നപ്പോൾ ഇവർക്കൊപ്പം ശ്രദ്ധ നേടുകയാണ് മലയാളിയും മുൻ ഇന്ത്യൻ ക്രിക്കറ്റ് താരവുമായ ശ്രീശാന്ത് ആണ് ചിത്രത്തിന്റെ ട്രൈലർ രംഗങ്ങളിൽ കിടിലൻ മാസ്സ് പരിവേഷത്തിൽ എത്തിയിരിക്കുന്നത്. മലയാള സിനിമയിൽ നായക വേഷങ്ങളിലും അഭിനയിച്ചിട്ടുള്ള ശ്രീശാന്ത്, അന്യ ഭാഷ ചിത്രങ്ങളിലും ശോഭിച്ചിട്ടുണ്ട് . ഇവരെ കൂടാതെ പ്രഭു, കല മാസ്റ്റർ, റെഡിന് കിംഗ്സ്ലി, ലോല്‌ സഭ മാരൻ, മാസ്റ്റർ ഭാർഗവ സുന്ദർ, എസ് എന്നിവരും ഈ ചിത്രത്തിന്റെ ഭാഗമായിട്ടുണ്ട്. ഈ ചിത്രം നിർമ്മിച്ചിരിക്കുന്നത് സംവിധായകൻ വിഘ്‌നേശ് ശിവൻ, നയൻ താര, എസ് എസ് ലളിത് കുമാർ എന്നിവർ ചേർന്നാണ്. റൗഡി പിക്ചേഴ്സ്, സെവൻ സ്ക്രീൻ സ്റ്റുഡിയോസ് എന്നിവയുടെ ബാനറിൽ ആണ് ഈ ചിത്രം ഒരുങ്ങുന്നത്. അനിരുദ്ധ് രവിചന്ദർ ആണ് ഈ ചിത്രത്തിന് സംഗീതം പകർന്നിരിക്കുന്നത്. കാത്തുവക്കുള്ള രണ്ടു കാതൽ പ്രദർശനത്തിന് എത്തുന്നത് ഈ വരുന്ന ഏപ്രിൽ 28 നു ആണ്. എഡിറ്റിംഗ് കൈകാര്യം ചെയ്തിരിക്കുന്നത് ശ്രീകർ പ്രസാദ് ആണ്. ഈ ചിത്രത്തിന്റെ ക്യാമറാമാൻ എസ് ആർ കതിർ, വിജയ് കാർത്തിക് കണ്ണൻ എന്നിവരാണ്.