വിജയുടെ തകർപ്പൻ ഡാൻസുമായി ബീസ്റ്റ്ലെ ആദ്യ പാട്ട് കാണാം..

തമിഴകത്തിന്റെ ഇളയ ദളപതി വിജയ് കേന്ദ്ര കഥാപാത്രമായി എത്തുന്ന ഏറ്റവും പുതിയ ചിത്രമാണ് ബീസ്റ്റ്. ആരാധകർ ഏറെ പ്രതീക്ഷയോടെ കാത്തിരിക്കുന്ന ഈ ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നത് നെൽസൺ ദിലീപ്കുമാർ ആണ്. ബീസ്റ്റ് ഇപ്പോൾ അതിന്റെ പോസ്റ്റ് പ്രൊഡക്ഷൻ സ്റ്റേജിലാണ്. ലഭിക്കുന്ന അനൗദ്യോഗിക റിപ്പോർട്ടുകൾ പ്രകാരം ഈ ബിഗ് ബഡ്ജറ്റ് ചിത്രം വരുന്ന ഏപ്രിൽ മാസം പതിനാലിന് പ്രദർശനത്തിന് എത്തും എന്നാണ് അറിയാൻ കഴിഞ്ഞത്. ബിഗ് ബഡ്ജറ്റിൽ ഒരുങ്ങുന്ന ഈ ചിത്രം സൺ പിക്ചേഴ്സ് ആണ് നിർമ്മിക്കുന്നത് .

ഈ ചിത്രത്തിന്റെ പോസ്റ്ററുകളും അതുപോലെ ഇതിലെ ആദ്യ ഗാനത്തിന്റെ പ്രഖ്യാപന വീഡിയോയും എല്ലാം തന്നെ സാമൂഹ്യമാധ്യമങ്ങളിൽ ട്രെൻഡിങ് ആയി മാറിയിരുന്നു. പ്രഖ്യാപനം നടത്തിയ ഇതിലെ ആദ്യ ഗാനമായ അറബിക് കുത്തു ഗാനം ഇപ്പോൾ പുറത്തുവിട്ടു. പുറത്തിറങ്ങിയ നിമിഷം മുതൽ ബ്ലോക്ക്ബസ്റ്റർ ആയി മാറിയിരിക്കുകയാണ് ഈ ഗാനം. അറബിക് സ്റ്റൈൽ മ്യൂസിക്, വരികൾ എന്നിവക്കൊപ്പം തമിഴ് ബീറ്റുകൾ മിക്സ് ചെയ്താണ് പാൻ വേൾഡ് സോങ് എന്ന പേരിൽ ഈ ഗാനം ഒരുക്കിയിട്ടുള്ളത്.

ഈ ഗാനം ആലപിച്ചിരിക്കുന്നത് അനിരുദ്ധ് രവിചന്ദർ, ജോണിത ഗാന്ധി എന്നിവർ ചേർന്നാണ്. വിജയുടെ കിടിലൻ നൃത്ത ചുവടുകളും ഈ ഗാനത്തിന്റെ ഹൈലൈറ്റ് ആയി മാറിയിരിക്കുകയാണ്.

ഈ ഗാനത്തിന് വരികൾ രചിച്ചിരിക്കുന്നത് തമിഴിലെ യുവ താരം ശിവകാർത്തികേയൻ ആണ്. അനിരുദ്ധ് രവിചന്ദർ തന്നെയാണ് ഈ ഗാനത്തിന് സംഗീതം നൽകിയിരിക്കുന്നത്. അനിരുദ്ധ് ഹിറ്റാക്കിയ മാസ്റ്ററിലെ വാത്തി കമിങ് ന് ശേഷം വീണ്ടും ഒരു വമ്പൻ ഹിറ്റുമായി എത്തിയിരിക്കുകയാണ് അനിരുദ്ധ് എന്ന് തന്നെ പറയാം. കോലമാവ്‌ കോകില, ഡോക്ടർ എന്നീ നെൽസൺ ദിലീപ്കുമാർ ചിത്രങ്ങളിലെ സൂപ്പർ ഹിറ്റ് ഗാനങ്ങളും ഒരുക്കിയിട്ടുള്ളത് അനിരുദ്ധ് തന്നെയാണ് . അനിരുദ്ധ് ആണ് നെൽസൽ ഒരുക്കുന്ന അടുത്ത രജനികാന്ത് ചിത്രത്തിന്റെയും സംഗീത സംവിധായകൻ . പൂജ ഹെഗ്‌ഡെ ആണ് ചിത്രത്തിലെ നായികാ വേഷം ചെയ്യുന്നത്. കൂടാതെ യോഗി ബാബു, ഷൈൻ ടോം ചാക്കോ, വിടിവി ഗണേഷ്, അപർണ്ണ ദാസ്, പുകഴ് എന്നിവരും ബീറ്റ്സിൽ അഭിനയിച്ചിട്ടുണ്ട്. മനോജ് പരമഹംസ ആണ് ചിത്രത്തിന്റെ കാമറ മാൻ. ആർ നിർമ്മൽ ആണ് എഡിറ്റിംഗ് കൈകാര്യം ചെയ്തിരിക്കുന്നത്.

വിജയുടെ തകർപ്പൻ ഡാൻസുമായി ബീസ്റ്റ്ലെ ആദ്യ പാട്ട് കാണാം.. Read More »

റൊമാൻ്റിക് രംഗങ്ങളാൽ ശ്രദ്ധ നേടി കുഞ്ചാക്കോ ബോബൻ ചിത്രം ഒറ്റിലെ ആദ്യ ഗാനം..

മലയാളത്തിന്റെ ചോക്ലേറ്റ് ഹീറോ ചാക്കോച്ചനും പ്രശസ്ത തമിഴ് താരം അരവിന്ദ് സ്വാമിയും കേന്ദ്ര കഥാപാത്രങ്ങളെ അവതരിപ്പിക്കുന്ന പുത്തൻ ചിത്രമാണ് ഒറ്റ്. തമിഴിലും മലയാളത്തിലും റിലീസ് ചെയ്യുന്ന ഈ ചിത്രം രണ്ടകം എന്ന പേരിലാണ് തമിഴിൽ എത്തുന്നത്. ഈ ചിത്രത്തിലെ ആദ്യ മലയാള വീഡിയോ ഗാനം ഇപ്പോൾ പുറത്തുവിട്ടിരിക്കുകയാണ്. ഒരേ നോക്കിൽ എന്നാരംഭിക്കുന്ന ഈ റൊമാന്റിക് ഗാനത്തിന്റെ വരികൾ രചിച്ചിരിക്കുന്നത് വിനായക് ശശികുമാർ ആണ്. ഈ ഗാനത്തിന് ഈ പകർന്നിരിക്കുന്നത് എ എച് കാഷിഫ് ആണ്. ശ്വേതാ മോഹൻ ആണ് ഈ മനോഹര ഗാനം ആലപിച്ചിരിക്കുന്നത്. ഈ പ്രണയ ഗാന രംഗത്തിൽ എത്തിയിട്ടുള്ളത് നടൻ കുഞ്ചാക്കോ ബോബനും നായികയായ ഈഷ റെബയും ആണ്.

ഇരുവരും ചേർന്നുള്ള പ്രണയ രംഗങ്ങൾ ആണ് ഈ ഗാനത്തിന്റെ ഹൈലൈറ്റും. കഴിഞ്ഞ വർഷം പുറത്തിറങ്ങിയ ഭീമന്റെ വഴി എന്ന ചാക്കോച്ചൻ ചിത്രത്തിൽ കുഞ്ചാക്കോ ബോബന്റെ ചുംബനരംഗം ഉണ്ടായിരുന്നു. ഇപ്പോൾ പുറത്തിറങ്ങിയ ഗാനത്തിലും താരത്തിന്റെ ചുംബന രംഗം ഉണ്ട് . ഗാനം സോഷ്യൽ മീഡിയയിൽ വൈറലായി മാറ്റുകയാണ്.


ടോവിനോ തോമസ് നായകനായ തീവണ്ടി എന്ന സിനിമയിലൂടെ ശ്രദ്ധ നേടിയ സംവിധായകനാണ് ടി.പി ഫെല്ലിനി. അദ്ദേഹമാണ് ഈ ചിത്രത്തിന്റെയും സംവിധായകൻ. കുഞ്ചാക്കോ ബോബൻ തമിഴിൽ അരങ്ങേറ്റം കുറിക്കുന്ന ചിത്രമാണ് രണ്ടഗം എന്നതും ഇതിന്റെ പ്രത്യേകതയാണ്. ഇതേ സമയം എടുത്തു പറയേണ്ട മറ്റൊരു പ്രത്യേകതയാണ് മലയാളത്തിലേക്കുള്ള അരവിന്ദ് സ്വാമിയുടെ തിരിച്ചു വരവും . അദ്ദേഹം മലയാള സിനിമയില്‍ അഭിനയിക്കുന്നത് ഇരുപത്തിയഞ്ച് വര്‍ഷങ്ങളുടെ ഇടവേളയ്ക്ക് ശേഷമാണ് . 1996ല്‍ പ്രദര്‍ശനത്തിനെത്തിയ ഭരതൻ സംവിധാനം ചെയ്ത ദേവരാഗമാണ് അരവിന്ദ് സ്വാമി ഏറ്റവും ഒടുവിലായി അഭിനയിച്ച മലയാള ചിത്രം.

ഒറ്റ് , രണ്ടഗം എന്നീ പേരുകളിൽ പുറത്തിറങ്ങുന്ന ഈ ചിത്രം നിർമ്മിക്കുന്നത് ഓഗസ്റ്റ് സിനിമാസിന്റെ ബാനറില്‍ ഷാജി നടേശനും ദി ഷോ പീപ്പിള്‍ ന്റെ ബാനറില്‍ തമിഴ് താരം ആര്യയും ചേര്‍ന്നാണ്. വിജയ് ആണ് ചിത്രത്തിന്റെ ക്യാമറമാൻ, അപ്പു എൻ ഭട്ടതിരിയാണ് എഡിറ്റർ. ഒരു പക്കാ മാസ്സ് ത്രില്ലർ ചിത്രമായ ഈ ചിത്രത്തിന്റെ രചന നിർവഹിച്ചിട്ടുള്ളത് എസ്. സജീവാണ്.

റൊമാൻ്റിക് രംഗങ്ങളാൽ ശ്രദ്ധ നേടി കുഞ്ചാക്കോ ബോബൻ ചിത്രം ഒറ്റിലെ ആദ്യ ഗാനം.. Read More »

ആരാധകർ ഏറ്റെടുത്ത് ആറാട്ടിലെ ഒന്നാം കണ്ടം സോങ്ങ് ടീസർ…! കാണാം..

പുറത്തിറങ്ങിയിരിക്കുകയാണ്. ഒന്നാം കണ്ടം എന്ന ഗാനത്തിന്റെ ടീസറാണ് ഇപ്പോൾ പുറത്തുവിട്ടിട്ടുള്ളത്. മനോഹരമായ കാഴ്ചയൊരുക്കിയ ഈ ഗാനത്തിനായുള്ള കാത്തിരിപ്പിലാണ് ആരാധകർ. അമ്പത്തൊന്ന് സെക്കന്റ് മാത്രം ദൈർഘ്യമുള്ള ഈ ടീസർ തന്നെ പ്രേക്ഷകരെ ആവേശത്തിലാഴ്ത്തുകയാണ്. ഗാനരംഗത്തിലെ മോഹൻലാലിന്റെ ലുക്കും ഏറെ ശ്രദ്ധേയമാണ്. സംഗീത സംവിധാനം നിർവഹിച്ചിട്ടുള്ളത് രാഹുൽ രാജാണ്. ഈ ഗാനത്തിന് വരികൾ രചിച്ചിരുക്കുന്നത് രാജീവ് ഗോവിന്ദനാണ്. ശ്വേതാ അശോക്, നാരായണി ഗോപൻ , യാസിൻ നിസാർ , മിഥുൻ ജയരാജ് , അശ്വൻ വിജയൻ , രാജ്കുമാർ രാധാകൃഷ്ണൻ എന്നിവർ ചേർന്നാണ് ഗാനം ആലപിക്കുന്നത്.


ബി. ഉണ്ണികൃഷ്ണൻ സംവിധാനം ചെയ്യുന്ന ഈ ചിത്രം ഫെബ്രുവരി പതിനെട്ടിന് പ്രദർശനത്തിനെത്തും. ചിത്രത്തിൽ മോഹൻലാലിനെ കൂടാതെ ഇന്ദ്രൻസ്, വിജയ രാഘവൻ , സായ്കുമാർ, സിദ്ദിഖ്, റിയാസ് ഖാൻ, ലുഖ്മാൻ, നന്ദു, ശ്രദ്ധ ശ്രീനാഥ്, രചന നാരായണൻ കുട്ടി, സ്വാസിക , മാളവിക മേനോൻ, നേഹ സക്സേന, സീത എന്നിവരും പ്രധാന വേഷങ്ങളിൽ എത്തുന്നു. ആറാട്ടിന്റെ നിർമ്മാണം നിർവഹിച്ചിരിക്കുന്നത് ആർ.ഡി. ഇല്ലുമിനേഷൻസ് ഇൻ അസോസിയേറ്റഡ് വിത്ത് ഹിപ്പോ പ്രൈം പിക്ച്ചേഴ്സും എം.പി.എം ഗ്രൂപ്പുo ചേർന്നാണ്. വിജയ് ഉലകനാഥാണ് ഛായാഗ്രഹണം. എഡിറ്റിംഗ് കൈകാര്യം ചെയ്തിരിക്കുന്നത് ഷമീർ മുഹമ്മദാണ്.


സോങ് ടീസർ റിലീസ് ചെയ്ത് മണിക്കൂറുകൾ പിന്നിടുമ്പോഴേക്കും ലക്ഷക്കണക്കിന് കാഴ്ചക്കാരെയാണ് വീഡിയോ സ്വന്തമാക്കിയത്. ഒട്ടേറെ പ്രേക്ഷകരാണ് വീഡിയോയ്ക്ക് താഴെ കമന്റുകൾ രേഖപ്പെടുത്തിയിട്ടുള്ളത്. സൈന മ്യൂസിക്കിന്റെ യൂടൂബ് ചാനലിലൂടെയാണ് വീഡിയോ റിലീസ് ചെയ്തിട്ടുള്ളത്.

ആരാധകർ ഏറ്റെടുത്ത് ആറാട്ടിലെ ഒന്നാം കണ്ടം സോങ്ങ് ടീസർ…! കാണാം.. Read More »

ആരാധകരെ കോരി തരിപിച്ച് മമ്മുട്ടിയുടെ ഭീഷ്മ പർവ്വം.. ടീസർ കാണാം..!

മെഗാ സ്റ്റാർ മമ്മൂട്ടി കേന്ദ്ര കഥാപാത്രമായെത്തി റിലീസിന് ഒരുങ്ങി നിൽക്കുന്ന പുത്തൻ ചിത്രമാണ് ഭീഷ്മ പർവ്വം. മമ്മൂട്ടി ആരാധകർ ഏറെ ആകാംഷയോടെ കാത്തിരിക്കുന്ന ഈ മാസ്സ് ചിത്രം ഒരുക്കിയിരിക്കുന്നത് പ്രശസ്ത സംവിധായകൻ അമൽ നീരദ് ആണ്. ചിത്രത്തിൽ മൈക്കൽ എന്ന കഥാപാത്രമായാണ് മമ്മൂക്ക എത്തുന്നത്. കട്ടി താടിയും നീട്ടി വളർത്തിയ മുടിയുമായി ഒരു ഗംഭീര ലുക്കാണ് അദ്ദേഹം അവതരിപ്പിക്കുന്ന കഥാപാത്രത്തിന്. ഈ ചിത്രത്തിന്റെ ആദ്യ ടീസർ ഇപ്പോഴിതാ പ്രേക്ഷകർക്ക് മുന്നിലേക്ക് എത്തിയിരിക്കുകയാണ്.

മെഗാ മാസ്സ് ടീസർ എന്ന് മാത്രമേ ഈ ടീസറിനെ വിശേഷിപ്പിക്കാനാകൂ. മമ്മൂട്ടി ആരാധകരേയും സിനിമാ പ്രേമികളെയും ത്രസിപ്പിക്കുകയും ഈ സിനിമയെ കുറിച്ചുള്ള അവരുടെ പ്രതീക്ഷകൾ വർധിപ്പിക്കുകയും ചെയ്യുന്ന ഒരു ഗംഭീര ടീസർ തന്നെയാണ് ഇന്ന് പുറത്തു വന്നിരിക്കുന്നത്. ഈ ചിത്രം ആഗോള റിലീസ് ആയി എത്തുന്നത് അടുത്ത മാസം മൂന്നിന് ആണ് .

ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകനായ അമൽ നീരദും നവാഗതനായ ദേവദത് ഷാജിയും ചേർന്നാണ്. ആനന്ദ് സി ചന്ദ്രനാണ് ക്യാമറ കൈകാര്യം ചെയ്തിരിക്കുന്നത്. സുഷിൻ ശ്യാമാണ് ചിത്രത്തിന് സംഗീതമൊരുക്കിയിട്ടുള്ളത് . കേന്ദ കഥാപാത്രമായ മമ്മൂട്ടിയെ കൂടാതെ ശ്രീനാഥ് ഭാസി, സൗബിൻ ഷാഹിർ, നെടുമുടി വേണു, ദിലീഷ് പോത്തൻ, ഷൈൻ ടോം ചാക്കോ, സുദേവ് നായർ, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, പോളി വത്സൻ, ധന്യ അനന്യ, റംസാൻ, ജിനു ജോസഫ്, ഫർഹാൻ ഫാസിൽ, ഹാരിഷ് ഉത്തമൻ, അബു സലിം, അനഘ, അനസൂയ ഭരദ്വാജ്,നിസ്താർ സേട്ട്, മാല പാർവതി, കോട്ടയം രമേശ്, ഷെബിൻ ബെൻസൺ എന്നിവരും ചിത്രത്തിൽ വേഷമിടുന്നു.

വിവേക് ഹർഷൻ ആണ് ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത്. മമ്മൂട്ടിയെ നായകനാക്കി അമൽ നീരദ് ഒരുക്കിയ ബിഗ് ബി എന്ന ചിത്രത്തിന് ശേഷം ഇരുവരും ഒന്നിക്കുന്ന ചിത്രം കൂടിയാണ് ഭീഷ്മ പർവ്വം. ഈ ചിത്രം നിർമ്മിക്കുന്നത് അമൽ നീരദ് പ്രൊഡക്ഷൻസിന്റെ ബാനറിൽ സംവിധായകൻ അമൽ തന്നെയാണ്.

ആരാധകരെ കോരി തരിപിച്ച് മമ്മുട്ടിയുടെ ഭീഷ്മ പർവ്വം.. ടീസർ കാണാം..! Read More »

പുനീത് രാജ്‌കുമാറിൻ്റെ അവസാന ചിത്രം ജെയിംസ്..! ചിത്രത്തിൽ സൈനികനായി താരം.. ടീസർ കാണാം..

സിനിമലോകത്തിന് ഞെട്ടലുണ്ടാക്കി കൊണ്ട് കന്നഡ സൂപ്പർ താരം പുനീത് രാജ്‌കുമാർ അന്തരിച്ചത് കഴിഞ്ഞ വർഷമാണ്. ആരാധകരേയും സഹപ്രവർത്തകരേയും താരത്തെ സ്നേഹിക്കുന്ന എല്ലാവരേയും കണ്ണീരിലാഴ്ത്തി കൊണ്ട് ഞെട്ടിച്ചു കൊണ്ട് 2021 ഒക്ടോബർ 29 ന് ഹൃദയാഘാതം മൂലമാണ് പുനീത് രാജ്‌കുമാർ മരണപ്പെട്ടത്. കന്നഡ സിനിമാ ലോകത്തിന് വലിയ ഷോക്ക് ആയിരുന്നു 46 വയസ്സ് മാത്രം പ്രായം ഉണ്ടായിരുന്ന പുനീത് എന്ന അതുല്യ പ്രതിഭയുടെ വിയോഗം. സിനിമാ പ്രവർത്തകർക്കും ആരാധകർക്കും അത്രമാത്രം പ്രിയപെട്ടവൻ ആയിരുന്നു അപ്പു എന്ന് ഏവരും സ്നേഹത്തോടെ വിളിക്കുന്ന പുനീത് രാജ്‌കുമാർ .

അദ്ദേഹം അവസാനമായി അഭിനയിച്ച ചിത്രമാണ് ജെയിംസ് . ഈ ചിത്രത്തിന്റെ ടീസർ ഇപ്പോൾ പുറത്തിറങ്ങിയിരിക്കുകയാണ്. ഈ ചിത്രത്തിന്റെ ടീസർ കന്നഡ, തമിഴ്, മലയാളം, തെലുങ്കു എന്നീ ഭാഷകളിൽ എല്ലാം തന്നെ പുറത്തുവിട്ടിട്ടുണ്ട്. ചേതൻ കുമാർ രചനയും സംവിധാനവും നിർവഹിച്ചിരിക്കുന്ന ഈ ചിത്രം ഒരു ആക്ഷൻ എന്റെർറ്റൈനെർ ആയിട്ടാണ് ഒരുക്കിയിട്ടുള്ളത്.

ശ്രീകാന്ത്, പ്രിയ ആനന്ദ്, അനു പ്രഭാകർ എന്നിവരാണ് ചിത്രത്തിലെ മറ്റ് പ്രധാന വേഷങ്ങൾ ചെയ്തിരിക്കുന്നത്. ഇവരെ കൂടാതെ ഈ ചിത്രത്തിൽ തിലക്, ശേഖർ, ആർ ശരത് കുമാർ, മുകേഷ് ഋഷി, ആദിത്യ മേനോൻ, രംഗയാന രഘു, സാധു കോകില, ചിക്കന്ന എന്നിവരും വേഷമിട്ടിട്ടുണ്ട്. സ്വാമി ജെ ഗൗഡയാണ് ഈ ചിത്രത്തിന്റെ ക്യാമറമാൻ. ചരൺ രാജാണ് ഈ ചിത്രത്തിന് സംഗീതം നൽകിയിട്ടുള്ളത്. ദീപു എസ് കുമാർ ആണ് എഡിറ്റർ. അപ്പു എന്ന താരത്തോടുള്ള ആദര സൂചകമായി അദ്ദേഹത്തിന്റെ ഈ അവസാന ചിത്രം റിലീസ് ചെയ്യാനായി കന്നഡ സിനിമാ ലോകം മറ്റ് എല്ലാ ചിത്രങ്ങളുടെയും റിലീസ് മാറ്റി വെച്ചിരിക്കുകയാണ്.

എടുത്തു പറയേണ്ട മറ്റൊരു കാര്യം എന്നത് താരത്തിന്റെ ഈ അവസാന ചിത്രം അദ്ദേഹത്തിന്റെ ജന്മദിനമായ മാർച്ച് 17ന് ആണ് തിയറ്ററുകളിൽ പ്രദർശനത്തിന് എത്തുന്നതെന്ന വാർത്തകൾ പുറത്തു വന്നിരുന്നു. പുനീത് രാജ്കുമാറിന്റെ ചേട്ടനും കന്നഡ സൂപ്പർ താരവുമായ ശിവരാജ് കുമാറുമാണ് ഈ ചിത്രത്തിൽ അദ്ദേഹത്തിന്റെ കഥാപാത്രത്തിന് വേണ്ടി ശബ്ദം നൽകിയിരിക്കുന്നത് . കിഷോർ പതിക്കൊണ്ട നിർമ്മാണം നിർവഹിക്കുന്ന ഈ ചിത്രം കിഷോർ പ്രൊഡക്ഷൻസിന്റെ ബാനറിൽ ആണ് പുറത്തിറങ്ങുന്നത്.

പുനീത് രാജ്‌കുമാറിൻ്റെ അവസാന ചിത്രം ജെയിംസ്..! ചിത്രത്തിൽ സൈനികനായി താരം.. ടീസർ കാണാം.. Read More »

ആരാധകരെ കൈയ്യിലെടുത്ത് ഹേ സിനാമികയിലെ മറ്റൊരു ഗാനം കൂടി..! ഗാനരംഗത്തിൽ ആടി പാടി തകർത്ത് ദുൽഖറും അതിഥിയും..

മലയാളത്തിന്റെ യൂത്ത് ഐക്കൺ ദുൽഖർ സൽമാന്റെ റീലീസിനൊരുങ്ങി നിൽക്കുന്ന പുത്തൻ തമിഴ് ചിത്രമാണ് ഹേ സിനാമിക. ദുൽഖറിനൊപ്പം താരസുന്ദരിമാരായ കാജൽ അഗർവാളും അദിതി റാവും നായികാ വേഷങ്ങളിൽ എത്തുന്നു . പ്രശസ്ത ഡാൻസ് മാസ്റ്റർ ആയ ബ്രിന്ദ ഗോപാലിന്റെ സംവിധാനത്തിലെ ആദ്യ ചുവടുവയ്പാണ് ഈ ചിത്രം . ബ്രിന്ദ മാസ്റ്റർ സംവിധാനം നിർവഹിക്കുന്ന ഈ ചിത്രത്തിന്റെ രചന കൈകാര്യം ചെയ്യുന്നത് മദൻ കർക്കിയാണ്. ഒരു റൊമാന്റിക് കോമഡി മൂഡിൽ ഒരിക്കിയിരിക്കുന്ന ചിത്രമാണ് ഹേ സിനാമിക . ഇതിനോടകം ഈ ചിത്രത്തിലെ രണ്ടു ഗാനങ്ങൾ പുറത്തുവിടുകയും അത് പ്രേക്ഷകർക്കിടയിൽ വൻ ഹിറ്റായി മാറുകയും ചെയ്തിരുന്നു.

ഈ ഗാനങ്ങളിലൊന്ന് നായകനായ ദുൽഖർ സൽമാൻ തന്നെ ആലാപനം നിർവഹിച്ചതായിരുന്നു. ശേഷം കാജൽ അഗർവാളും ദുൽഖറും തമ്മിലുള്ള ഒരു പ്രണയ ഗാനവും പുറത്തു വന്നു. ഇപ്പോഴിതാ ഈ ചിത്രത്തിലെ മറ്റൊരു ഗാനരംഗം കൂടി പ്രേക്ഷകർക്ക് മുന്നിലേക്ക് എത്തിയിരിക്കുകയാണ്. ദുൽഖർ സൽമാനും അദിതി റാവുവും കൂടി ആടി പാടി തകർക്കുന്ന മേഘം എന്ന ഈ ഗാനത്തിന്റെ രചനയും മദൻ കർക്കിയാണ്. ഈ ചിത്രത്തിലെ ഗാനങ്ങൾക്ക് ഈണം പകർന്നിരിക്കുന്നത് ഗോവിന്ദ് വസന്തയാണ് .

മാർച്ച് മൂന്നിന് ആഗോള റിലീസിനെത്തുന്ന ഈ ചിത്രം ജിയോ സ്റ്റുഡിയോയും ഗ്ലോബൽ വൺ സ്റ്റുഡിയോയും വയാകോം മോഷൻ പിക്ചേഴ്സും ചേർന്നാണ് നിർമ്മിച്ചിരിക്കുന്നത് . പ്രീത ജയരാമനാണ് ക്യാമറ കൈകാര്യം ചെയ്തിരിക്കുന്നത്. എഡിറ്റിംഗ് നിർവഹിച്ചിരിക്കുന്നത് രാധ ശ്രീധറുമാണ്.

ദുൽഖർ സൽമാൻ, കാജൽ അഗർവാൾ, അദിതി റാവു എന്നിവരെ കൂടാതെ നക്ഷത്ര നാഗേഷ്, മിർച്ചി വിജയ്, താപ്പ, കൗശിക്, അഭിഷേക് കുമാർ, പ്രദീപ് വിജയൻ കോതണ്ഡ രാമൻ, ഫ്രാങ്ക്, സൗന്ദര്യാ, ജെയിൻ തോംപ്സൺ, നഞ്ഞുണ്ടാൻ, രഘു, സംഗീത, ധനഞ്ജയൻ, യോഗി ബാബു എന്നിവരും ഈ ചിത്രത്തിൽ പ്രധാന വേഷങ്ങളെ അവതരിപ്പിച്ചിട്ടുണ്ട്. ഈ ചിത്രം കേരളത്തിൽ റിലീസ് ചെയ്യുന്നത് ദുൽഖർ സൽമാന്റെ വേഫേറർ ഫിലിംസ് ആണ് .

ആരാധകരെ കൈയ്യിലെടുത്ത് ഹേ സിനാമികയിലെ മറ്റൊരു ഗാനം കൂടി..! ഗാനരംഗത്തിൽ ആടി പാടി തകർത്ത് ദുൽഖറും അതിഥിയും.. Read More »

സിംപിൾ ലുക്കുമായി നടി സംയുക്ത മേനോൻ..! ചിത്രങ്ങൾ ഏറ്റെടുത്ത് ആരാധകർ

2015 ൽ പുറത്തിറങ്ങിയ പോപ്പ് കോൺ എന്ന മലയാള ചിത്രത്തിൽ സഹ നടിയായി അരങ്ങേറ്റം കുറിച്ച താരമാണ് സംയുക്ത മേനോൻ . പക്ഷേ ഈ ചിത്രം ബോക്സ് ഓഫീസിൽ വൻ പരാജയമായി മാറി . നവാഗതനായ ഫെല്ലിനി സംവിധാനം ചെയ്ത തീവണ്ടി എന്ന ചിത്രത്തിലൂടെയാണ് സംയുക്ത മലയാളി പ്രേക്ഷകർക്ക് സുപരിചിതയാകുന്നത്. ടൊവിനോയുടെ നായികയായി എത്തിയ താരം മികച്ച പ്രകടനമാണ് ചിത്രത്തിൽ കാഴ്ചവച്ചത്.

തുടർന്ന് ഒട്ടേറെ അവസരങ്ങൾ ഈ താരസുന്ദരിയെ തേടിയെത്തി. ഇപ്പോൾ മലയാളം കൂടാതെ തമിഴ്, തെലുങ്ക്, കന്നഡ ചിത്രങ്ങളിലും താരം സജീവമായി തുടരുന്നു. ഭീലനായക്, ബിംബിസാര, കടുവ, സർ, വാത്തി എന്നിവയാണ് താരത്തിന്റെ വരാനിരിക്കുന്ന ചിത്രങ്ങൾ.


മറ്റ് സിനിമാതാരങ്ങളെ പോലെ സംയുക്തയും സോഷ്യൽ മീഡിയയിൽ സജീവമാണ്. താരത്തിന്റെ പുതിയ ചിത്രമാണ് ഇപ്പോൾ സോഷ്യൽ മീഡിയ ശ്രദ്ധ നേടുന്നത്. “നിലവിലെ അവസ്ഥ : ഒരു ദൗത്യത്തിൽ ” എന്ന ക്യാപ്ഷനോടയാണ് താരം തന്റെ ചിത്രം പങ്കുവച്ചിട്ടുളത്. ഫ്ലാറ്റിൽ നിന്നുള്ള ഈ ചിത്രത്തിൽ വളരെ സിംപിൾ ലുക്കിലാണ് താരം പ്രത്യക്ഷപ്പെട്ടിട്ടുള്ളത്. കൂടുതലായും ഹോട്ട് ലൂക്കിലും ഗ്ലാമറസ് ലുക്കിലും എത്താറുള്ള സംയുക്തയുടെ ഈ സിംപിൾ ലുക്ക് ഏറ്റെടുത്തിരിക്കുകയാണ് ആരാധകർ . ഒട്ടേറെ ആരാധകരാണ് താരത്തിന്റെ ചിത്രത്തിന് താഴെ കമന്റുകൾ രേഖപ്പെടുത്തിയിട്ടുള്ളത്.

സിംപിൾ ലുക്കുമായി നടി സംയുക്ത മേനോൻ..! ചിത്രങ്ങൾ ഏറ്റെടുത്ത് ആരാധകർ Read More »

ഇത് അർച്ചന , വയസ്സ് 28 നോക്കട്ടേ ??? പ്രേക്ഷകരെ രസിപ്പിച്ച് “അർച്ചന 31 നോട്ട് ഔട്ട് ” ട്രൈലർ..

മലയാളത്തിലെ യുവ താരസുന്ദരി ഐശ്വര്യ ലക്ഷ്മി പ്രധാന വേഷത്തിൽ എത്തുന്ന പുത്തൻ ചിത്രമാണ് “അർച്ചന 31 നോട്ട് ഔട്ട് ” . കേരളത്തിലെ തീയേറ്ററുകളിൽ ഫെബ്രുവരി പതിനൊന്നിന് പ്രദർശനത്തിനെത്തുകയാണ് ഈ ചിത്രം. നവാഗതനായ അഖില്‍ അനില്‍കുമാറിന്റെ സംവിധാന മികവിൽ ഒരുങ്ങുന്ന ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ അഖില്‍ അനില്‍കുമാറും അജയ് വിജയന്‍, വിവേക് ചന്ദ്രന്‍ എന്നിവരും ഒന്നിച്ചാണ്. ഈ ചിത്രത്തിലെ ഒരു ഗാനം പുറത്തുവിട്ടത് ഈ കഴിഞ്ഞ ആഴ്ച ആണ്.

മാത്തൻ, ജെയിംസ് പോൽ എന്നിവർ രചന നിർവഹിച്ച ഈ ഗാനത്തിന് സംഗീതം പകർന്നത് മാത്തൻ തന്നെയാണ്. മനസുനോ എന്ന വരികളോടെ ആരംഭിക്കുന്ന ഈ ഗാനം ആലപിച്ചത് നടൻ രമേശ് പിഷാരടിയാണ്. ഈ ഗാനത്തിന് ശേഷം ഇപ്പോൾ പ്രേക്ഷകർക്ക് മുന്നിലേക്ക് ഈ ചിത്രത്തിന്റെ ട്രൈലെർ എത്തിയിരിക്കുകയാണ്. ഈ ട്രൈലറിൽ നിന്നും ചിത്രം ഒരു കോമഡി എന്റർടൈനർ ആണെന്ന് മനസിലാക്കാം. ആദ്യാവസാനം പ്രേക്ഷകർക്ക് രസിച്ചു കാണാവുന്ന ഒരു ചിത്രമാണിതെന്ന സൂചനയാണ് ലഭിക്കുന്നത്. ഈ ചിത്രം ഇവിടെ പ്രദർശനത്തിന് എത്തിക്കുന്നത് ഐക്കോൺ സിനിമ റിലീസ് ആണ് .

അഖിൽ അനിൽകുമാർ ഇതിനു മുൻപ് ഷോര്‍ട്ട് ഫിലിമുകളായ ദേവിക പ്‌ളസ് ടു ബയോളജി, അവിട്ടം എന്നിവ സംവിധാനം ചെയ്തു ശ്രദ്ധ നേടിയ വ്യക്തിയാണ് . ജോയൽ ജോജി ആണ് ചിത്രത്തിന്റെ ക്യാമറമാൻ. ചിത്രത്തിൽ കേന്ദ്ര കഥാപാത്രമായ ഐശ്വര്യ ലക്ഷ്മിയെ കൂടാതെ ഇന്ദ്രൻസ്, രമേശ് പിഷാരടി, ലുഖ്മാൻ അവറാൻ, രാജേഷ് മാധവൻ, സുനിൽ സുഗത, അഞ്ചു ജോസെഫ്, ഹകീം ഷാജഹാൻ, അസീസ് നെടുമങ്ങാട്, ബാബുരാജ്, ആലീസ്,അഞ്ജന അപ്പുകുട്ടൻ, രഞ്ജിത് ശേഖർ നായർ, ശ്രുതി സുരേഷ്, എസ് കെ മിനി, രമ്യ സുരേഷ്, ജെയിംസ് വർഗീസ്, ദിലീപ് മോഹൻ, രമേശ് ബാബു, നയന , വിനോദ് തോമസ്, അർച്ചന അനിൽകുമാർ, സ്നേഹ റെജി, തങ്കം മോഹൻ, ജോയ് പയ്യപ്പിള്ളി, ആർച്ച, ആരവ്, മനു പ്രസാദ്, സന്തോഷ് റാം, ഭാനുമതി, സുനിൽ മേലേപ്പുറം, മീനരാജ് പള്ളുരുത്തി, പുളിയനം പൗലോസ്, എസ് സുബ്രമണ്യം, അഖിൽ പ്ലാക്കാട്ട്, താര, ബെൽവിൻ, വിനീത് വാസുദേവൻ, ആതിര പാലക്കാടു, ജയമോഹൻ, ഉദയകുമാർ രാജേന്ദ്രൻ, രഘുനാഥ്, ദീപക് സെൽവരാജ്, സരൺ പണിക്കർ, പൊന്നു കുളപ്പുള്ളി തുടങ്ങി ഒരു വമ്പൻ താരനിര തന്നെ അണിനിരക്കുന്നുണ്ട്.

മാര്‍ട്ടിന്‍ പ്രക്കാട്ട്, സിബി ചാവറ, രഞ്ജിത് നായര്‍ എന്നിവര്‍ ചേർന്ന് നിർമ്മിച്ചിരിക്കുന്ന ഈ ചിത്രം മാര്‍ട്ടിന്‍ പ്രക്കാട്ട് ഫിലിംസിന്റെ ബാനറില്‍ ആണ് ഒരുങ്ങുന്നത്. മുഹ്‌സിൻ പി എം ആണ് എഡിറ്റിംഗ് കൈകാര്യം ചെയ്തിരിക്കുന്നത്.

ഇത് അർച്ചന , വയസ്സ് 28 നോക്കട്ടേ ??? പ്രേക്ഷകരെ രസിപ്പിച്ച് “അർച്ചന 31 നോട്ട് ഔട്ട് ” ട്രൈലർ.. Read More »

സൂപ്പർ ക്രൈം ഇൻവെസ്റ്റിഗേഷൻ ത്രില്ലറുമായി അനൂപ് മേനോൻ “ട്വന്റി വൺ ഗ്രാംസ്‌” ടീസർ കാണാം..

മലയാള നടന്മാരിൽ ശ്രദ്ധേയനായ അനൂപ് മേനോൻ പ്രധാന വേഷത്തിൽ എത്തുന്ന ഏറ്റവും പുതിയ ചിത്രമാണ് 21 ഗ്രാംസ്‌. ഒരു ഇൻവെസ്റ്റിഗേഷൻ ത്രില്ലർ ആയി ഒരുക്കിയിരിക്കുന്ന ഈ ചിത്രത്തിന്റെ ആദ്യ ടീസർ ഇപ്പോൾ പ്രേക്ഷകർക്ക് മുന്നിലേക്ക് എത്തിയിരിക്കുകയാണ്. ആദ്യ ടീസർ കാണുമ്പോൾ തന്നെ ചിത്രം ആദ്യാവസാനം വരെ ഉദ്വേഗജനകമായ ഒരു കുറ്റാന്വേഷണ കഥയാണ് അവതരിപ്പിക്കുന്നതെന്ന് മനസിലാക്കാം. ദി ഫ്രണ്ട് റോ പ്രൊഡക്ഷൻസിന്റെ ബാനറിൽ റിനീഷ് കെ എൻ ആണ് ഈ ചിത്രം നിർമ്മിക്കുന്നത്.

ചിത്രത്തിന്റെ രചനയും സംവിധാനവും നിർവഹിക്കുന്നത് ബിബിൻ കൃഷ്ണ ആണ്.
കേന്ദ്ര കഥാപാത്രമായ അനൂപ് മേനോനെ കൂടാതെ ലിയോണ ലിഷോയ്, അനു മോഹൻ, രഞ്ജി പണിക്കർ, രഞ്ജിത്, ലെന, നന്ദു, ശങ്കർ രാമകൃഷ്ണൻ, ചന്ദുനാഥ്, മാനസ രാധാകൃഷ്ണൻ, പ്രശാന്ത് അലക്സാണ്ടർ, ജീവ ജോസഫ്, മേഘനാഥ റിനീഷ്, അജി ജോൺ, വിവേക് അനിരുദ്ധ്, മറീന മൈക്കൽ, ബിനീഷ് ബാസ്റ്റിൻ, ദിലീപ് നമ്പ്യാർ, നോബിൾ ജേക്കബ് തുടങ്ങി ഒരു വലിയ താരനിര തന്നെ ഈ ചിത്രത്തിൽ അണിനിരക്കുന്നുണ്ട്.


ജിത്തു ദാമോദർ ആണ് ചിത്രത്തിന്റെ ക്യാമറമാൻ. എഡിറ്റിംഗ് കൈകാര്യം ചെയ്തിരിക്കുന്നത് അപ്പു എൻ ഭട്ടതിരി ആണ്. ഈ ചിത്രത്തിന് സംഗീതം പകർന്നിരിക്കുന്നത് ദീപക് ദേവ് ആണ് . അനൂപ് മേനോൻ നായകനായി പുറത്തിറങ്ങാനുള്ള ചിത്രങ്ങളാണ് കിംഗ് ഫിഷ്, വരാൽ, പദ്മ എന്നിവ . ഇതിൽ കിംഗ് ഫിഷ് എന്ന ചിത്രം അനൂപ് മേനോൻ തന്നെ സംവിധാനം ചെയ്യുന്ന ചിത്രമാണ്.

സൂപ്പർ ക്രൈം ഇൻവെസ്റ്റിഗേഷൻ ത്രില്ലറുമായി അനൂപ് മേനോൻ “ട്വന്റി വൺ ഗ്രാംസ്‌” ടീസർ കാണാം.. Read More »

കുടിച്ചത് വവ്വാലിൻ്റെ രക്തം സഹാറ മരുഭൂമിയിൽ ഒറ്റപ്പെട്ട് ആരെയും അമ്പരപ്പിക്കുന്ന അതിജീവനം..

വെല്ലുവിളികൾ ഇഷ്ടപ്പെടുന്ന മനുഷ്യനായിരുന്നു പോലീസ് ഉദ്യോഗസ്ഥനായ മൗറോ പ്രോസ്പെരി . മാരത്തിന്നുകൾ ഇഷ്ടപ്പെടുകയും അതിൽ പങ്കെടുക്കുകയും ചെയ്യാറുള്ള പ്രോസ്പെരി , സഹാര മാരത്തണിനെ കുറിച്ച് കേട്ടപ്പോൾ അതൊരു വെല്ലുവിളിയായി ഏറ്റെടുത്തു. ആറ് ദിവസങ്ങളോളം നീളുന്ന 156 മൈലുകൾ ഉൾക്കൊള്ളുന്നതാണ് സഹാറ മാരത്തൺ . ഇതിൽ പങ്കടുക്കാനായി അദ്ദേഹം പരിശീലനം ആരംഭിക്കുകയും ചെയ്തു. ദിവസവും 25 മൈൽ വീതം ഓടി, വെള്ളത്തിന്റെ അളവ് കുറച്ചു . തീവ്രമായ തയ്യാറെടുപ്പകൾക്ക് ശേഷം അദ്ദേഹം മൊറോക്കയിൽ എത്തി. 1994 ലെ ആ ഇവന്റിൽ 134 മത്സരാർത്ഥികൾ മാത്രമേ ഉണ്ടായിരുന്നുള്ളു. ഓട്ടത്തിന്റെ നാലാം ദിവസം അദ്ദേഹത്തിന് പിഴവ് പറ്റി.

അന്നേ ദിവസത്തെ താപനില വളരെ ഉയർന്നതായിരുന്നു. കൂടാതെ ശക്തമായ മണൽക്കാറ്റും അദ്ദേഹത്തിന് നേരിടേണ്ടതായി വന്നു. പക്ഷേ ഏഴാം സ്ഥാനത്ത് എത്തിയ പ്രോസ്പെരി തന്റെ സ്ഥാനം നഷ്ടമാകരുതെന്ന് കരുതി , മണൽ കാറ്റ് തന്റെ കാഴ്ചയ്ക്ക് തടസമായപ്പോഴും ഓട്ടം തുടർന്നു. മണിക്കൂറുകൾ പിന്നിട്ട് മണൽകാറ്റ് ശമിച്ചപ്പോഴാണ് തനിക്ക് വഴി തെറ്റിയെന്ന കാര്യം അദ്ദേഹം മനസിലാക്കുന്നത്. അന്ന് എത്തിയ സ്ഥലത്ത് ടെന്റ് കെട്ടി താമസിച്ചു. പിറ്റേന്ന് അദ്ദേഹം ട്രാക്ക് തിരിഞ്ഞിറങ്ങി. പക്ഷേ നിരാശയായിരുന്നു ഫലം. കൈയ്യിൽ വളരെ കുറവ് വെള്ളവും ഭക്ഷണവും മാത്രമാണ് ഉണ്ടായിരുന്നത്. നടന്ന് തളർന്ന അദ്ദേഹം അവിടെ ഒരു വീട് കണ്ടെത്തി .

പക്ഷേ അത് ആൾ താമസമില്ലാതെ ഉപേക്ഷിച്ച നിലയിൽ ആയിരുന്നു. അതും അദ്ദേഹത്തിന് രക്ഷയായില്ല. ഈ മരുഭൂമിയിൽ തന്റെ ശരീരത്തിലെ ജലാംശം നിലനിർത്താൻ അദ്ദേഹം അവിടുത്തെ പാറകളിൽ നിന്നുള്ള പ്രഭാത മഞ്ഞു നക്കി , വവ്വാലുകളെ കൊന്ന് അവയുടെ രക്തം കുടിച്ചു , ചില ഘട്ടങ്ങളിൽ അദ്ദേഹം തന്റെ മൂത്രം തന്നെ കുടിച്ചു. തന്റെ ഭക്ഷണശേഖരം കഴിഞ്ഞപ്പോൾ പക്ഷി മുട്ടകളും , വണ്ടുകളും അദ്ദേഹം ഭക്ഷണമാക്കി. ഒരിക്കൽ തന്റെ മുകളിലൂടെ പറന്നു പോയ ഹെലികോപ്റ്ററും വിമാനവും അദ്ദേഹത്തെ വളരെ നിരാശനാക്കി. രക്ഷപ്പെടാൻ ഇനി ഒരു സാധ്യതയുമില്ല എന്ന് വിശ്വസിച്ച അദ്ദേഹം ആത്മഹത്യ ചെയ്യാൻ തീരുമാനിക്കുകയും തന്റെ കൈത്തണ്ട മുറിക്കുകയും ചെയ്തു. എന്നാൽ നിർജ്ജലീകരണം സംഭവിച്ചതിനാൽ രക്തം കട്ട പിടിക്കുകയും മരണം തടയുകയും ചെയ്തു.

അത് അദ്ദേഹത്തിന് രക്ഷപ്പെടാനുള്ള ഒരു ഊർജമായി മാറി. അദ്ദേഹം വീണ്ടും യാത്ര തുടരുകയും എട്ട് ദിവസങ്ങൾക്ക് ശേഷം മരുഭൂമിയിലെ മരപ്പച്ച കാണുകയും ചെയ്തു. പക്ഷേ നീരു വന്നു വീർത്ത അദ്ദേഹത്തിന് അതിൽ നിന്ന് വെള്ളം കുടിക്കുവാൻ സാധിച്ചില്ല. സമയമെടുത്ത് ഓരോ തുള്ളിയായി അദ്ദേഹം ദാഹം തീരുന്നതു വരെ അതിൽ നിന്നും വെള്ളം കുടിക്കുകയും തന്റെ കുപ്പിയിൽ നിറയ്ക്കുകയും ചെയ്തു. വീണ്ടും നടത്തം തുടർന്ന അദ്ദേഹം ഒടുവിൽ വഴിയിൽ കുറച്ച് ആട്ടിൻ കഷ്ഠം കണ്ടെത്തി. അതിനെ പിന്തുടർന്ന് നടന്ന അദ്ദേഹം എട്ട് വയസ്സ് പ്രായമുള്ള ഒരു പെൺകുട്ടിയെ കണ്ടെത്തുകയും അവളോട് സഹായമഭ്യർത്ഥിക്കുകയും ചെയ്തു. തുടർന്ന് ആ കുട്ടിയുടെ കുടുംബത്തിന്റെ സഹായത്തോടെ അദ്ദേഹം രക്ഷപ്പെട്ടു. വഴി തെറ്റിയ അദ്ദേഹം എത്തിയത് അൾജീരിയയിൽ ആയിരുന്നു. മാസങ്ങളോളം നീണ്ട ചികിത്സയ്ക്ക് ശേഷമാണ് അദ്ദേഹം പൂർണ സ്ഥിതി പ്രാപിച്ചത്. വളരെ അവിശ്വസിനീയമായ അതിജീവിന കഥയാണ് അദ്ദേഹത്തിന്റേത്.

കുടിച്ചത് വവ്വാലിൻ്റെ രക്തം സഹാറ മരുഭൂമിയിൽ ഒറ്റപ്പെട്ട് ആരെയും അമ്പരപ്പിക്കുന്ന അതിജീവനം.. Read More »

Scroll to Top