Teaser

ജീവിതത്തിൽ തോൽവികൾ ഏറ്റുവാങ്ങി കൊണ്ടിരിക്കുന്നവരുടെ കഥയുമായി തോൽവി എഫ് സി ഒഫീഷ്യൽ ടീസർ വീഡിയോ….

ജോർജ് കോര രചനയും സംവിധാനവും നിർവഹിക്കുന്ന പുത്തൻ മലയാള ചിത്രമാണ് തോൽവി എഫ് സി . നർമ്മ മുഹൂർത്തങ്ങളുമായി എത്തുന്ന തോൽവി എഫ് സി യുടെ ഒഫീഷ്യൽ ടീസർ വീഡിയോ ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. ഷറഫ് യൂ ദ്ദീൻ, ജോണി ആൻറണി, ജോർജ് കോര എന്നിവരാണ് ഈ ചിത്രത്തിലേക്ക് കേന്ദ്ര കഥാപാത്രങ്ങളെ അവതരിപ്പിക്കുന്നത്. ജീവിതത്തിൽ തോൽവി നേരിട്ടുകൊണ്ടിരിക്കുന്ന മൂന്നുപേരുടെ കഥയാണ് ചിത്രം പ്രേക്ഷകരോട് പറയുന്നത് എന്ന കാര്യം ഈ ടീസർ വീഡിയോയിൽ നിന്നും വ്യക്തമാണ്.

മികച്ച ഒരു കോമഡി ഫാമിലി എന്റർടെയ്നർ ആയിരിക്കും ഈ ചിത്രമെന്നും ടീസർ വീഡിയോ സൂചന നൽകുന്നുണ്ട്. ഷറഫ് യൂ ദ്ദീൻ, ജോണി ആൻറണി, ജോർജ് കോര എന്നിവരെ കൂടാതെ ആൾ മഠത്തിൽ, മീനാക്ഷി രവീന്ദ്രൻ , അൽത്താഫ് സലിം, ജിനു ബെൻ , അനുരാജ് ഒ ബി എന്നിവരും ചിത്രത്തിൽ ശ്രദ്ധേയ വേഷങ്ങൾ കൈകാര്യം ചെയ്യുന്നുണ്ട്. ചിത്രത്തിലെ ഒരു കേന്ദ്ര കഥാപാത്രത്തെ അവതരിപ്പിക്കുന്ന ജോർജ് കോര തന്നെയാണ് ഈ ചിത്രത്തിൻറെ രചന നിർവഹിക്കുന്നത്. നാഷൻ വൈഡ് പിക്ചർസിൻറെ ബാനറിൽ എബ്രഹാം ജോസഫ് ആണ് ഈ ചിത്രം നിർമ്മിക്കുന്നത്. ഡിജോ കുര്യൻ, പോൾ കറുകപ്പിള്ളിൽ, റോണിലാൽ ജെയിംസ്, മനു, ജോസഫ് ചാക്കോ , ബിനോയ് ഇനി ചിത്രത്തിൻറെ സഹ നിർമ്മാതാക്കളാണ്.

ശ്യാമപ്രകാശ് എം എസ് ക്യാമറ ചലിപ്പിക്കുന്ന ഈ ചിത്രത്തിൻറെ ലാൽ കൃഷ്ണ . ലാൽ കൃഷ്ണ ചിത്രത്തിൻറെ പോസ്റ്റ് പ്രൊഡക്ഷൻ ഡയറക്ടർ കൂടിയാണ്. ചിത്രത്തിലെ പശ്ചാത്തല സംഗീതം ഒരുക്കിയിരിക്കുന്നത് സിബി മാത്യു അലക്സ് . വിനായക് ശശികുമാർ , കാർത്തിക് കൃഷ്ണൻ , റിജിൻ എന്നിവർ ചേർന്ന് വരികൾ തയ്യാറാക്കിയ ചിത്രത്തിലെ ഗാനങ്ങൾ ആലപിച്ചിരിക്കുന്നത് വിനീത് ശ്രീനിവാസൻ , കാർത്തിക് കൃഷ്ണൻ , സൂരജ് സന്തോഷ് എന്നിവരാണ് . ആർട്ട് ഡയറക്ടർ – ആഷിക് എസ് , മേക്കപ്പ് – രഞ്ജു കോലഞ്ചേരി, കോസ്റ്റ്യൂം ഡിസൈനർ – ഗായത്രി കിഷോർ, പ്രൊഡക്ഷൻ കൺട്രോളർ – ജെ പി മനകൗഡ്, ചീഫ് അസോസിയേറ്റ് ഡയറക്ടർ – ശ്രീകാന്ത് മോഹൻ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.

ഹാക്കിംഗ് കഥ പറഞ്ഞ്..മിസ്റ്റർ ഹാക്കർ ടീസർ വീഡിയോ കാണാം..

സംവിധായകൻ ഹാരിസ് അണിയിച്ചൊരുക്കുന്ന പുത്തൻ മലയാള ചിത്രമാണ് മിസ്റ്റർ ഹാക്കർ . ഭീമൻ രഘു, ദേവൻ, അന്ന രേഷ്മ രാജൻ, അൽമാസ് മോതിവാല എന്നിവരാണ് ഈ ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. ഫസ്റ്റ് ലുക്ക് പോസ്റ്റർ പുറത്തിറങ്ങിയപ്പോൾ മുതൽ ഏറെ ശ്രദ്ധിക്കപ്പെട്ടു കൊണ്ടിരുന്ന ഈ ചിത്രത്തിൻറെ ഒഫീഷ്യൽ ടീസർ വീഡിയോ ഇപ്പോൾ പ്രേക്ഷകർ ഏറ്റെടുത്തിരിക്കുകയാണ്. സരിഗമ മലയാളം യൂട്യൂബ് ചാനലിലൂടെയാണ് 56 സെക്കൻഡുകൾ മാത്രം ദൈർഘ്യമുള്ള ചിത്രത്തിൻറെ വീഡിയോ പ്രേക്ഷകർക്കും മുൻപാകെ എത്തിയത്. മണിക്കൂറുകൾ കൊണ്ട് ലക്ഷക്കണക്കിന് കാഴ്ചക്കാരെ നേടുവാനും സിനിമാപ്രേമികളിൽ നിന്ന് മികച്ച അഭിപ്രായങ്ങൾ സ്വന്തമാക്കാനും ഈ ചിത്രത്തിന് സാധിച്ചു.

ചിത്രത്തിന്റെ ടൈറ്റിൽ പോലെ തന്നെ ഹാക്കിംഗ് തന്നെയാണ് ഈ ചിത്രത്തെ മുന്നോട്ടു കൊണ്ടുപോകുന്നത്. ഹാക്കിങ്ങിനെ തുടർന്നുണ്ടാകുന്ന സംഭവ വികാസങ്ങളാണ് ചിത്രത്തിൽ ഉൾപ്പെടുത്തിയിരിക്കുന്നത്. ഹാരിസ്, സോഹൻ സീനുലാല്‍, പാഷാണം ഷാജി, ടോണി ആൻറണി, എം എ നിഷാദ്, മണി സി കാപ്പൻ , റോയ് തോമസ് പാലാ, ഷഫീഖ് റഹ്‌മാൻ, ഉല്ലാസ് പന്തളം , രാജൻ സൂര്യ, നീനാ കുറുപ്പ്, ഗീതാ വിജയൻ , അംബിക മോഹൻ , അർച്ചന , അക്ഷര എന്ന താരങ്ങളും ഈ ചിത്രത്തിൻറെ ഭാഗമാകുന്നുണ്ട്. ഹാരിസ് തന്നെയാണ് ചിത്രത്തിൻറെ കഥയും തിരക്കഥയും ഒരുക്കിയിട്ടുള്ളത്.

സിഎഫ്സി ഫിലിംസ് നിർമ്മിക്കുന്ന ഈ ചിത്രത്തിൻറെ അഷറഫ് പാലാഴി ആണ് . റോഷൻ ജോസഫ് , സുമേഷ് കൂട്ടിക്കൽ , റോണി റാഫേൽ, എന്നിവർ ചേർന്നാണ് ഈ ചിത്രത്തിലെ ഗാനങ്ങൾ ഒരുക്കിയിട്ടുള്ളത്. എഡിറ്റർ വിപിൻ എം ജി ആണ് . അസോസിയേറ്റ് ഡയറക്ടർ – വിനോദ് ചന്ദ്രൻ , ആർട്ട് ഡയറക്ടർ – രാജൻ ചെറുവത്തൂർ, കോസ്റ്റ്യൂം – ഗായത്രി നിർമല , പ്രൊഡക്ഷൻ ഡിസൈനർ – ഷജിത് , സ്റ്റിൽസ് – ഷാലു എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.

“നിൻ്റെ ഭാര്യേടെ ഭാഗ്യം” പ്രേക്ഷക ശ്രദ്ധ നേടി ജോജു ജോർജ് ചിത്രം പുലിമട ടീസർ കാണാം..

ജോജു ജോർജ് , ഐശ്വര്യ രാജേഷ് എന്നിവർ പ്രധാന വേഷം കൈകാര്യം ചെയ്യുന്ന പുത്തൻ മലയാള ചിത്രമാണ് പുലിമട . പുലിമടയുടെ ഒഫീഷ്യൽ ടീസർ വീഡിയോ അപ്പു പാത്തു പപ്പു പ്രൊഡക്ഷൻസിന്റെ യൂട്യൂബ് ചാനലിലൂടെ ഇപ്പോൾ പ്രേക്ഷകർക്ക് മുൻപാകെ എത്തിയിരിക്കുകയാണ്. ഒന്നര മിനിറ്റ് ദൈർഘ്യമുള്ള ഈ വീഡിയോ ദൃശ്യത്തിൽ അഭിനയിച്ചിരിക്കുന്നത് ജോജുവും ഐശ്വര്യയും തന്നെയാണ്. കണ്ടിരിക്കുന്ന പ്രേക്ഷകർക്ക് ഒരു പിടിയും തരാതെ അൽപ്പം ദുരൂഹത നിറഞ്ഞ കഥയാണ് ചിത്രം പറയുന്നത് എന്ന സൂചന നൽകി കൊണ്ടാണ് അണിയറ പ്രവർത്തകർ ഈ ടീസർ വീഡിയോ പങ്കുവെച്ചിട്ടുള്ളത്.

സെൻറ് ഓഫ് എ വുമൺ എന്ന ടാഗ് ലൈനോടെ ആണ് ചിത്രത്തിൻറെ ടൈറ്റിൽ പങ്കുവെച്ചിരിക്കുന്നത്. ടീസർ വീഡിയോയും പ്രേക്ഷകർക്ക് നൽകുന്ന സൂചന സ്ത്രീകളുമായി ബന്ധപ്പെട്ട നായകൻറെ ദുരൂഹത നിറഞ്ഞ ജീവിതമാണ് ചിത്രം പങ്കുവെക്കുന്നത് എന്നാണ്. ഏതായാലും പ്രേക്ഷകരിൽ നിന്ന് മികച്ച പ്രതികരണമാണ് ഈ ചിത്രത്തിന് ലഭിച്ചുകൊണ്ടിരിക്കുന്നത്.

എ കെ സാജൻ ആണ് ചിത്രത്തിൻറെ രചനയും സംവിധാനവും നിർവഹിച്ചിരിക്കുന്നത്. ജോജു, ഐശ്വര്യ എന്നീ താരങ്ങളെ കൂടാതെ ചെമ്പൻ വിനോദ് ജോസ് , ലിജോ മോൾ , ജാഫർ ഇടുക്കി, ജോണി ആൻറണി, ജിയോ ബേബി, കൃഷ്ണപ്രഭ, അബിൻ ബിനോ, പോളി വത്സൻ , സോനാ നായർ , ജോളി ചിറയത്ത്, ഷിബില , ബാലചന്ദ്രമേനോൻ , അബുസലിം എന്നിവരും ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നു. ഇഷാൻ ദേവ് ആണ് ചിത്രത്തിലെ ഗാനങ്ങൾ ഒരുക്കിയിട്ടുള്ളത്. വേണു ക്യാമറ ചലിപ്പിച്ച ഈ ചിത്രത്തിൻറെ എഡിറ്റർ സംവിധായകൻ സാജൻ തന്നെയാണ്.

നല്ലവനായ കൊള്ളക്കാരനായി നിവിൻ പോളി.. രാമചന്ദ്രബോസ് ആൻഡ് കോ ടീസർ കാണാം..

നിവിൻ പോളി ആരാധകർ ഇപ്പോൾ കാത്തിരിക്കുന്നത് താരത്തിന്റെ മികച്ച ഒരു ചിത്രത്തിനു വേണ്ടിയാണ്. ആരാധകർക്ക് ആശ്വാസമായി ഇപ്പോൾ താരത്തിന്റെ പുത്തൻ ചിത്രമായ രാമചന്ദ്രബോസ് ആൻഡ് കോയുടെ ഒഫീഷ്യൽ ടീസർ വീഡിയോ പുറത്തിറങ്ങിയിരിക്കുകയാണ്. മാജിക് ഫ്രെയിംസ് യൂട്യൂബ് ചാനലിലൂടെ മണിക്കൂറുകൾ മുൻപ് പുറത്തിറങ്ങിയ ചിത്രത്തിന്റെ ടീസർ വീഡിയോ ലക്ഷക്കണക്കിന് കാഴ്ചക്കാരെ ഇതിനോടകം സ്വന്തമാക്കി കഴിഞ്ഞു.

ഏറെ കാലമായി പ്രേക്ഷകർ കാണാനിരുന്ന നിവിൻ പോളി എന്ന താരത്തിന്റെ മികച്ച ഒരു ഫാമിലി എന്റർടൈനർ ആയിരിക്കും ഈ ചിത്രം എന്നത് ഇപ്പോൾ പുറത്തിറങ്ങിയ ടീസർ വീഡിയോയിൽ നിന്നും വ്യക്തമാണ്. നല്ലവനായ ഒരു കൊള്ളക്കാരനായ ചിത്രത്തിൽ നിവിൻപോളി എത്തുന്നത് എന്നാണ് ടീസർ നൽകുന്ന സൂചന. നല്ലവനായ ഈ കൊള്ളക്കാരന്റെ കഥയാണ് ചിത്രം പറയുന്നത്. നർമ്മ രംഗങ്ങൾ കൂടി കോർത്തിണക്കിയ ഒരു അതിഗംഭീര ടീസർ തന്നെയാണ് അണിയറ പ്രവർത്തകർ ഇപ്പോൾ പങ്കുവെച്ചിട്ടുള്ളത്. യു എ ഇ യിലും കേരളത്തിലും ആയാണ് രാമചന്ദ്രബോസ് ആൻഡ് കോ ചിത്രത്തിൻറെ ഷൂട്ടിംഗ് പുരോഗമിച്ചത്.

ഹനീഫ് അദാനിയാണ് ഈ ചിത്ര സംവിധാനം ചെയ്യുന്നത്. അദ്ദേഹം തന്നെയാണ് ചിത്രത്തിൻറെ രചനയും നിർവഹിച്ചിട്ടുള്ളത്. പോളി ജൂനിയർ പിക്ചേഴ്സും മാജിക് ഫ്രെയിംസും ചേർന്ന് നിർമ്മിക്കുന്ന നിവിൻപോളിയും ലിസ്റ്റൻ സ്റ്റീഫനും ആണ് . ജസ്റ്റിൻ സ്റ്റീഫൻ ചിത്രത്തിൻറെ സഹ നിർമ്മാതാവ് ആണ്. നിഷാദ് യൂസഫ് എഡിറ്റിംഗ് നിർവഹിച്ച ഈ ചിത്രത്തിൻറെ ക്യാമറ കൈകാര്യം ചെയ്തിരിക്കുന്നത് വിഷ്ണു തണ്ടാശേരിയാണ് മിഥുൻ മുകുന്ദൻ ആണ് ഇതിലെ ഗാനങ്ങൾ ഒരുക്കിയിട്ടുള്ളത്.

പ്രേക്ഷകർ ചിത്രത്തിന്റെ ടീസർ കണ്ടു ഏറെ ആകാംക്ഷയിലാണ്. നിവിന്റെ ഒരു അതിഗംഭീര തിരിച്ചുവരവാണ് ഈ സിനിമയിലൂടെ സിനിമ പ്രേമികൾ പ്രതീക്ഷിക്കുന്നത്. താരത്തിന്റെ പഴയകാല ചിത്രങ്ങൾ മിസ്സ് ചെയ്യുന്നു അതുപോലെ ഒരു ചിത്രം ഇറങ്ങട്ടെ എന്നും ആരാധകർ വീഡിയോയ്ക്ക് താഴെ കമൻറ് ചെയ്തിട്ടുണ്ട്.

സ്ത്രീകളും പുരുഷന്മാരും അടങ്ങുന്ന ഒരു ദയയും ഇല്ലാത്ത കൊട്ടേഷൻ സംഘം… പ്രേക്ഷകരെ പിടിച്ചുലക്കുന്ന ടീസറുമായി ക്വാട്ടേഷൻ ഗ്യാങ്..

വിവേക് കുമാർ കണ്ണൻ സംവിധാനം ചെയ്യുന്ന പുത്തൻ ക്രൈം ത്രില്ലർ ചിത്രമാണ് കൊട്ടേഷൻ ഗ്യാങ് . നിരവധി ഭാഷകളിൽ അണിയിച്ചൊരുക്കുന്ന ഈ ചിത്രം ക്യുജി എന്ന പേരിൽ അറിയപ്പെടുന്നു. ഇപ്പോൾ സാമൂഹ്യ മാധ്യമങ്ങളിൽ ശ്രദ്ധ നേടുന്നത് ക്യൂജിയുടെ ഒഫീഷ്യൽ ടീസർ വീഡിയോ ആണ്. പ്രേക്ഷക ആകാംക്ഷ വാനോളം ഉയർത്തുന്ന അതിഗംഭീര ടീസർ തന്നെയാണ് ക്യൂജിയുടെ അണിയറ പ്രവർത്തകർ ഇപ്പോൾ പുറത്തുവിട്ടിട്ടുള്ളത്. ഡിവോ മ്യൂസിക് യൂട്യൂബ് ചാനലിലൂടെ പുറത്തിറങ്ങിയ രണ്ട് മിനിറ്റ് ദൈർഘ്യമുള്ള ഈ ടീസർ വീഡിയോ ലക്ഷക്കണക്കിന് കാഴ്ചക്കാരെയാണ് നേടിയത്.

സ്ത്രീകളും പുരുഷന്മാരും അടങ്ങുന്ന അതിക്രൂരമായ ഒരു കൊട്ടേഷൻ സംഘം . കാശ്മീർ, മുംബൈ, ചെന്നൈ എന്നിവിടങ്ങളിലായി അരങ്ങേറുന്ന കുറ്റകൃത്യങ്ങൾ . പതിവിൽ നിന്നും വ്യത്യസ്തമായ ഒരു ക്രൈം ത്രില്ലർ തന്നെയാണ് ക്യൂജിയിൽ കാണാൻ സാധിക്കുന്നത്. ജാക്കി ഷെറോഫ് , സണ്ണി ലിയോൺ, പ്രിയാമണി, സാറാ അർജുൻ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. താരങ്ങളുടെ അതിഗംഭീര പെർഫോമൻസ് തന്നെയാണ് രണ്ടുമിനിറ്റ് ദൈർഘ്യമുള്ള ഈ ടീസർ വീഡിയോയിൽ കാണാൻ സാധിക്കുന്നത്.

വിഷ്ണു വാരിയർ , അക്ഷയ, ജയപ്രകാശ്, അഷറഫ് മല്ലിശ്ശേരി, പ്രദീപ് കുമാർ , സോണൽ കില്വാനി, കിയാര സാറ്റിന്റർ, ഷെറിൻ , ഗാൽവിൻ മൈക്കിൾ എന്നിവരും ഈ ചിത്രത്തിൽ പ്രധാന വേഷങ്ങൾ അവതരിപ്പിക്കുന്നു. സംവിധായകൻ വിവേക് കുമാർ കണ്ണൻ തന്നെയാണ് ഈ ചിത്രത്തിൻറെ രചനയും നിർവഹിച്ചിരിക്കുന്നത്. ഓം പ്രകാശ് ആണ് ഈ ചിത്രത്തിലെ ആക്ഷൻ രംഗങ്ങൾ ഒരുക്കിയിട്ടുള്ളത്. ഗായത്രി സുരേഷ് , വിവേക് കുമാർ കണ്ണൻ എന്നിവരാണ് ഈ ചിത്രത്തിൻറെ നിർമാതാക്കൾ . അരുൺ ഭത്മനാഭൻ ക്യാമറ ജയിപ്പിച്ച ഈ ചിത്രത്തിന് എഡിറ്റിംഗ് നിർവഹിച്ചിരിക്കുന്നത് വെങ്കട്രമനൻ ആണ്.

അനുപമ പരമേശ്വരൻ്റെ പ്രണയ രംഗങ്ങളിൽ ശ്രദ്ധ നേടിയ തെലുങ്ക് ചിത്രം തില്ലു സ്ക്വയറിന്റെ ടീസർ.. കാണാം..

ഇപ്പോൾ സോഷ്യൽ മീഡിയയിൽ വൈറലായി മാറിക്കൊണ്ടിരിക്കുന്നത് മലയാളികളുടെ സ്വന്തം അനുപമ പരമേശ്വരൻ നായികയായി എത്തുന്ന തില്ലു സ്ക്വയർ എന്ന ചിത്രത്തിന്റെ പ്രെമോ ടീസർ വീഡിയോ ആണ് . ഈ ടീസറിന്റെ ഹൈലൈറ്റ് ഗ്ലാമർ വേഷത്തിൽ എത്തുന്ന നടി അനുപമ പരമേശ്വരൻ തന്നെയാണ്. ഈ ചിത്രത്തിലേത് അനുപമയുടെ ഏറ്റവും ഗ്ലാമർ ആയ വേഷമാണ് എന്നും ഇതിനോടകം റിപ്പോർട്ടുകൾ വന്നിരുന്നു.

2022 റിലീസിന് എത്തിയ ഡിലെ തില്ലു എന്ന ക്രൈം കോമഡി ചിത്രത്തിൻറെ തുടർ ഭാഗമാണ് ഈ ചിത്രം . ഈ ചിത്രം സംവിധാനം ചെയ്യുന്നത് മാലിക് റാം ആണ് . ചിത്രത്തിൽ നായക വേഷം ചെയ്യുന്നത് സിദ്ദു ജൊന്നാലഗഢ ആണ്. സെപ്റ്റംബർ 15നാണ് തില്ലു സ്ക്വയർ തിയേറ്ററുകളിൽ പ്രദർശനത്തിന് എത്തുന്നത്. എഡിറ്റിംഗ് നിർവഹിച്ചിരിക്കുന്നത് നവീൻ നൂലിയും ചിത്രത്തിലെ ഗാനങ്ങൾ ഒരുക്കിയിട്ടുള്ളത് ശ്രീചരൺ പകലയും ആണ് .

പ്രേമം എന്ന മലയാള ചിത്രത്തിലൂടെ തന്റെ അഭിനയ ജീവിതത്തിന് തുടക്കം കുറിച്ച അനുപമ കൂടുതൽ ശോഭിച്ചത് തെലുങ്കു ചിത്രങ്ങളിലാണ്. 2016 ലാണ് അനുപമ ആദ്യമായി ഒരു തെലുങ്ക് ചിത്രം ചെയ്യുന്നത് . തുടർന്നങ്ങോട്ട് താരത്തിന് തെലുങ്കിൽ നിരവധി അവസരങ്ങളാണ് ലഭിച്ചത്. കഴിഞ്ഞവർഷം 5 തെലുങ്ക് ചിത്രങ്ങളാണ് അനുപമയുടെതായി പുറത്തിറങ്ങിയത്. ഇതിൽ അവസാനമായി റിലീസ് ചെയ്തത് ബട്ടർഫ്ലൈ എന്ന മിസ്റ്ററി ത്രില്ലർ ചിത്രമാണ്. തില്ലു സ്ക്വയർ എന്ന ചിത്രത്തിന് പുറമേ സൈറൺ എന്ന തമിഴ് ചിത്രവും ജെ എസ് കെ സത്യം എപ്പോഴും ജയിക്കും എന്ന മലയാള ചിത്രവും അനുപമയുടെതായി ഒരുങ്ങുന്നുണ്ട്.

ഗംഭീര അക്ഷൻ രംഗങ്ങളുമായി ധനുഷിന്റെ ക്യാപ്റ്റൻ മില്ലർ… ടീസർ കാണാം..

അരുൺ മാതേശ്വരൻ അണിയിച്ച് ഒരുക്കുന്ന പുത്തൻ തമിഴ് ചിത്രമാണ് ക്യാപ്റ്റൻ മില്ലർ . ഡിസംബർ 15ന് ആഗോളതലത്തിൽ റിലീസ് ചെയ്യാൻ ഒരുങ്ങുന്ന ഈ ചിത്രത്തിൻറെ ടീസർ വീഡിയോ പുറത്തുവിട്ടിരിക്കുകയാണ് അണിയറ പ്രവർത്തകർ. നടൻ ധനുഷ് ആണ് ഈ ചിത്രത്തിൽ പ്രധാന വേഷം കൈകാര്യം ചെയ്യുന്നത്. ധനുഷിന്റെ ജന്മദിനത്തോടനുബന്ധിച്ചാണ് ചിത്രത്തിൻറെ ടീസർ വീഡിയോ പുറത്തുവിട്ടിട്ടുള്ളത്. ഒന്നര മിനിറ്റ് ദൈർഘ്യമുള്ള ഈ വീഡിയോ സത്യ ജ്യോതി ഫിലിംസിന്റെ യൂട്യൂബ് ചാനലിലൂടെയാണ് പ്രേക്ഷകർക്ക് മുൻപാകെ എത്തിയിട്ടുള്ളത്.

ധനുഷ് ആരാധകരെ കോരിത്തരിപ്പിക്കുന്ന ഒരു വീഡിയോ തന്നെയാണ് ഇപ്പോൾ പങ്കുവെച്ചിട്ടുള്ളത്. ക്യാപ്റ്റൻ മില്ലർ എന്ന ടൈറ്റിൽ കഥാപാത്രമായി വ്യത്യസ്തമായ ഒരു ലുക്കിൽ ആണ് ധനുഷ് ഈ ചിത്രത്തിൽ എത്തുന്നത്. അടിയും ഇടിയും വെടിവെപ്പും സ്ഫോടനങ്ങളുമായി ഒരു കിടിലൻ ആക്ഷൻ പാക്കഡ് ടീസർ വീഡിയോ തന്നെയാണ് റിലീസ് ചെയ്തിട്ടുള്ളത്. വീഡിയോ പുറത്തിറങ്ങി 10 മണിക്കൂറുകൾ പിന്നിടുമ്പോഴേക്കും 55 ലക്ഷത്തിലേറെ കാഴ്ചക്കാരെയാണ് ഈ വീഡിയോ സ്വന്തമാക്കിയത്.

ധനുഷിനെ കൂടാതെ ശിവരാജ് കുമാർ , സന്ദീപ് കിഷൻ, പ്രിയങ്ക അരുൾ മോഹൻ , ജോൺ കോക്കൻ , എഡ്വേർഡ് സോനെർബ്ലിക്ക് , നിവേദിത സതീഷ് , വിനോദ് കിഷൻ , നാസർ എന്നിവരും ഈ ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. സംവിധായകൻ അരുൺ തന്നെയാണ് ചിത്രത്തിൻറെ രചനയും നിർവഹിച്ചിട്ടുള്ളത്. ഡയലോഗുകൾ തയ്യാറാക്കിയത് മദൻ കാർക്കി ആണ് . സിദ്ധാർത്ഥ നുനി  ക്യാമറ ഈ ചിത്രത്തിൻറെ എഡിറ്റിംഗ് നിർവഹിച്ചിരിക്കുന്നത് നാഗൂരാൻ രാമചന്ദ്രൻ ആണ് . ജീ വി പ്രകാശ് കുമാറാണ് ചിത്രത്തിൻറെ സംഗീതസംവിധാനം നിർവഹിക്കുന്നത്. സത്യജോതി ഫിലിംസ് നിർമ്മാണം നിർവഹിക്കുന്ന ഈ ചിത്രത്തിൻറെ നിർമ്മാതാക്കൾ സെന്തിൽ ത്യാഗരാജൻ, അർജുൻ ത്യാഗരാജൻ എന്നിവരാണ് .

സണ്ണി വെയ്ൻ, ആസിഫ് അലി, ഷൈൻ ടോം എന്നിവർ ഒന്നിക്കുന്ന കാസർഗോൾഡ്.. ടീസർ കാണാം…

സണ്ണി വെയ്ൻ, ആസിഫ് അലി, ഷൈൻ ടോം ചാക്കോ തുടങ്ങിയവർ പ്രധാന കഥാപാത്രങ്ങളായി എത്തുന്ന ഏറ്റവും പുതിയ ചലച്ചിത്രമാണ് കാസർഗോൾഡ്. മൃദുൽ നായർ കഥയെഴുതി സംവിധാനം ചെയ്യുന്ന സിനിമയെ ഏറെ ആവേശത്തോടെയാണ് സിനിമ പ്രേഷകർ സ്വീകരിക്കുന്നത്. ടോവിനോ തോമസ്, പൃഥ്വിരാജ് സുകുമാരൻ, ഉണ്ണി മുകുന്ദൻ തുടങ്ങിയ നടന്മാർ ചേർന്നാണ് സിനിമയുടെ ടീസർ സോഷ്യൽ മീഡിയ വഴി റിലീസ് ചെയ്തത്.

ഒരുപാട് കളർഫുൾ ഫ്രെയിമുകൾ നിറഞ്ഞ ടീസറിനു മികച്ച അഭിപ്രായമാണ് പ്രേഷക കാണികളിൽ നിന്ന് ലഭ്യമാകുന്നത്. ടീസറിലെ പ്രധാന ആകർഷണം വിഷ്ണു വിജയുടെ സംഗീതമാണ്. മികച്ച അഭിപ്രായങ്ങളും നിറഞ്ഞ കൈയടികളുമാണ് അദ്ദേഹത്തിന്റെ സംഗീതത്തിനു ലഭിക്കുന്നത്. ഒരു മിനിറ്റ് 36 സെക്കന്റുകൾ നിറഞ്ഞു നിൽക്കുന്ന ടീസറാണ് അണിയറ പ്രവർത്തകർ റിലീസ് ചെയ്തത്.

മുഖരി എന്റർടൈൻമെന്റ്സിന്റെ ബാനറിൽ സിദ്ധാർഥ് ആനന്ദ് കുമാർ, സൂരജ് കുമാർ, റിണി ദിവാകർ തുടങ്ങിയവർ ഒന്നിച്ചാണ് ചലച്ചിത്രം നിർമ്മിച്ചിരിക്കുന്നത്. സരിഗമയാണ് സിനിമ അവതരിപ്പിക്കുന്നത്. ടീസർ റിലീസിനു മുൻപ് തന്നെ റിലീസ് ചെയ്ത ഗാനം സോഷ്യൽ മീഡിയയിൽ വലിയ രീതിയിൽ ഹിറ്റായിരുന്നു. അതുമാത്രമല്ല 2018നു ശേഷം ആസിഫ് അലിയുടെ കളർഫുൾ സിനിമയായിരിക്കും കാസർഗോൾഡ്.

മാളവിക ശ്രീനാഥ്‌, വിനായകൻ, സിദ്ധിഖ്, സമ്പത്ത്, ദീപക് പറമ്പോൾ ധ്രുവൻ, അഭിറാം രാധകൃഷ്ണൻ, പ്രശാന്ത് മുരളിയും എന്നിവരും പ്രധാന വേഷത്തിൽ സിനിമയിൽ അഭിനയിക്കുന്നുണ്ട്. ജെയിംസ് ഏലിയ, സാഗർ സൂര്യ തുടങ്ങിയവരാണ് മറ്റ് പ്രധാന കഥാപാത്രങ്ങൾ. സഹിൽ ശർമയാണ് കോ പ്രൊഡ്യൂസർ. എന്തായാലും അടുത്ത് തന്നെ സിനിമയുടെ റിലീസവും പ്രേഷകർക്ക് കാണാം.

കെ ജി എഫ്നെ വെല്ലാൻ സലാർ..! പ്രേക്ഷക ശ്രദ്ധ നേടിയ സലാർ ടീസർ കാണാം..

തെനിന്ത്യനിൽ തന്നെ ഏറ്റവും കൂടുതൽ പ്രേഷകർ ജനശ്രെദ്ധ നേടിയ ചലച്ചിത്രമായിരുന്നു കെ ജി എഫ്. ഇന്ത്യയിൽ തന്നെ ഏറ്റവും വലിയ നടനായ യാഷാണ് നായകനായി എത്തിയത്. കെ ജി എഫ് ഒന്നാം ഭാഗം തിയേറ്ററിൽ അത്ര ആഘോഷമായില്ലെങ്കിലും ഇന്ത്യ കണ്ട എക്കാലത്തെയും വലിയ സിനിമയായി മാറുകയായിരുന്നു കെ ജി എഫ് രണ്ടാം ഭാഗം.

ഇപ്പോൾ ഇതാ കെ ജി എഫിന്റെ സംവിധായകൻ പ്രശാന്ത് നീൽ സംവിധാനം ചെയ്യുന്ന ഏറ്റവും പുതിയ ചലച്ചിത്രമായ സലാർ ആണ് യൂട്യൂബിൽ തരംഗമാകുന്നത്. മറ്റൊരു കെ ജി എഫ് ആകുമെന്നാണ് പല സിനിമ പ്രേമികൾ പറയുന്നത്. ഏകദേശം കെ ജി എഫിന്റെ അതേ രീതിയിൽ തന്നെയാണ് സലാർ സിനിമ വരുന്നത്. ചിത്രത്തിന്റെ ആദ്യ ഭാഗത്തിന്റെ ടീസറാണ് ഇപ്പോളാണ് സമൂഹ മാധ്യമങ്ങളിൽ ഏറെ ജനശ്രെദ്ധ പിടിച്ചു പറ്റുന്നത്.

ടീസറിൽ തന്നെ കെ ജി എഫ് സിനിമയിലെ ഓരോ രംഗങ്ങൾ മനസ്സിലേക്ക് ഓടി വരും. ആരെയും ആരാധകനാക്കി മാറ്റുന്ന മാരക ഡയലോഗും ടീസറിൽ നിന്ന് വെക്തമാകുന്നുണ്ട്. “സിമ്പിൾ ഇംഗ്ലീഷ് നൊ കൺഫ്യൂഷൻ, ലയൺ ചീറ്റർ, ടൈഗർ എലിഫെന്റ് വെരി ഡൈൻജർസ് ബട്ട് നൊ ഇൻ ജുറാസിക്ക് പാർക്ക്.. റിഗാർഡിങ് ദാറ്റ്‌ പാർക്ക്. തെയർ ഈസ് ഐ എന്ന് സഹനടന്റെ ഡയലോഗാണ് ടീസറിൽ സിനിമ പ്രേമികൾ ഏറ്റെടുക്കുന്നത്. സലാർ ടീസറിലെ മാരകമായ ദൃശ്യങ്ങളും വളരെ നല്ല രീതിയിൽ തന്നെ കാണിച്ചിട്ടുണ്ട്. എന്തായാലും സിനിമയ്ക്ക് വേണ്ടി ഏറെ കാത്തിരിപ്പിലാണ് ഇന്ത്യൻ സിനിമ പ്രേമികൾ.

പാപ്പച്ചൻചേട്ടനെ നോക്കി ഇരിക്കാണെങ്കിൽ ഇവിടെ ഇരിപ്പേ ഉണ്ടാകൂ… പാപ്പച്ചൻ ഒളിവിലാണ് ടീസർ കാണാം..

നവാഗതനായ സിന്റോ സണ്ണി അണിയിച്ച് ഒരുക്കുന്ന പുത്തൻ മലയാള ചിത്രമാണ് പാപ്പച്ചൻ ഒളിവിലാണ്. ഇതിനോടകം പുറത്തിറങ്ങിയ ഈ ചിത്രത്തിൻറെ ഫസ്റ്റ് ലുക്ക് പോസ്റ്ററും വീഡിയോ ഗാനവും എല്ലാം വലിയ രീതിയിൽ പ്രേക്ഷകശ്രദ്ധ പിടിച്ചുപറ്റിയിരുന്നു. അതിനെ പിന്നാലെയായി ഇപ്പോൾ ഇതാ പാപ്പച്ചൻ ഒളിവിലാണ് എന്ന ചിത്രത്തിൻറെ ടീസർ വീഡിയോ കൂടി പുറത്തുവിട്ടിരിക്കുകയാണ്. മനോരമ മ്യൂസിക് സോങ്സ് യൂട്യൂബ് ചാനലിലൂടെയാണ് വെറും 48 സെക്കൻഡുകൾ മാത്രമുള്ള ടീസർ വീഡിയോ പ്രേക്ഷകർക്കും മുൻപാകെ എത്തിയിട്ടുള്ളത്. പ്രേക്ഷകരിൽ നിന്നും മികച്ച പ്രതികരണമാണ് ഈ ടീസർ വീഡിയോ നേടിക്കൊണ്ടിരിക്കുന്നത്.

കുടുംബ പ്രേക്ഷകർക്ക് ഇരുകൈയും നേടി സ്വീകരിക്കാവുന്ന മനോഹരമായ ചിത്രം എന്നാണ് പ്രേക്ഷകർ ഇതിനെ വിശേഷിപ്പിക്കുന്നത്. അത്രമാത്രം പ്രേക്ഷക പ്രതീക്ഷ ഉയർത്തുന്ന ഒരു ടീസർ വീഡിയോ തന്നെയാണ് ഇപ്പോൾ റിലീസ് ചെയ്തിട്ടുള്ളത്. സൈജു കുറുപ്പ് ആണ് ഈ ചിത്രത്തിലെ ടൈറ്റിൽ കഥാപാത്രമായ പാപ്പച്ചനായി വേഷമിടുന്നത്. താരത്തെ കൂടാതെ നടി ശ്രിദ്ധ, വിജയരാഘവൻ , അജു വർഗീസ്, ജഗദീഷ് , സോളമന്റെ തേനീച്ചകൾ എന്ന ചിത്രത്തിലൂടെ ശ്രദ്ധ നേടിയെടുത്ത ദർശന, പ്രശാന്ത് അലക്സാണ്ടർ , കോട്ടയം നസീർ എന്നിവരും ഈ ചിത്രത്തിൽ ശ്രദ്ധേയ കഥാപാത്രങ്ങളെ അവതരിപ്പിക്കുന്നുണ്ട്.

സംവിധായകൻ സിന്റോ സണ്ണി തന്നെയാണ് ഈ ചിത്രത്തിൻറെ രചനയും നിർവഹിച്ചിട്ടുള്ളത്. തോമസ് തിരുവല്ല ഫിലിംസിന്റെ ബാനറിൽ ഒരുങ്ങുന്ന ഈ ചിത്രത്തിൻറെ നിർമ്മാണം നിർവഹിക്കുന്നത് തോമസ് തിരുവല്ല ആണ് . ശ്രീജിത്ത് നായർ ഛായാഗ്രഹണം നിർവഹിക്കുന്ന ചിത്രത്തിൻറെ എഡിറ്റിംഗ് കൈകാര്യം ചെയ്യുന്നത് രതിൻ രാധാകൃഷ്ണൻ ആണ് . ഔസേപ്പച്ചനാണ് ഈ ചിത്രത്തിൻറെ പശ്ചാത്തല സംഗീതവും സംഗീതസംവിധാനവും നിർവഹിക്കുന്നത്. സംവിധായകൻ സിന്റോയും വികെ ഹരിനാരായണനുമാണ് ചിത്രത്തിലെ ഗാനങ്ങൾക്ക് വരികൾ തയ്യാറാക്കിയിട്ടുള്ളത്.

ആർട്ട് ഡയറക്ടർ –  വിനോദ് പട്ടണക്കാടൻ, കോസ്റ്റ്യൂം ഡിസൈനർ – സുജിത്ത് മട്ടന്നൂർ, മേക്കപ്പ് – മനോജ് കിരൺ രാജ്, പ്രൊഡക്ഷൻ കൺട്രോളർ – പ്രശാന്ത് നാരായണൻ , കൊറിയോഗ്രാഫി – ശാന്തി, ചീഫ് അസോസിയേറ്റ് – ബോബി സത്യശീലൻ , സ്റ്റിൽസ് – അജീഷ് സുഗന്ധൻ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.

Scroll to Top