മെയ് 12 മുതൽ തീയറ്ററുകളിൽ പ്രദർശനം ആരംഭിക്കാൻ ഒരുങ്ങുന്ന പുത്തൻ ചിത്രമാണ് കസ്റ്റഡി . തമിഴ് തെലുങ്ക് ഭാഷകളിലായി ഒരുക്കുന്ന ഈ ചിത്രത്തിൽ നാഗചൈതന്യ അക്കിനേനി, അരവിന്ദ് സ്വാമി, കൃതി ഷെട്ടി എന്നിവരാണ് കേന്ദ്ര കഥാപാത്രങ്ങളായി എത്തുന്നത്. വെങ്കട് പ്രഭു സംവിധാനം ചെയ്യുന്ന ഈ ചിത്രത്തിൻറെ ട്രെയിലർ വീഡിയോ ഇപ്പോൾ സാമൂഹ്യ മാധ്യമങ്ങളിൽ വലിയ രീതിയിൽ ശ്രദ്ധ നേടുകയാണ്.
ഒരു കേസ് അന്വേഷണ ചിത്രമായാണ് കസ്റ്റഡിയിൽ എത്തുന്നത്. ചിത്രത്തിൽ നാഗചൈതന്യ ഒരു പോലീസ് കോൺസ്റ്റബിളിന്റെ വേഷമാണ് അവതരിപ്പിക്കുന്നത്. അത്യുഗ്രൻ ആക്ഷൻ രംഗങ്ങളും സസ്പെൻസും നിറഞ്ഞ ഒരു ട്രെയിലർ വീഡിയോ തന്നെയാണ് ഇപ്പോൾ അണിയറ പ്രവർത്തകർ പുറത്ത് വിട്ടിട്ടുള്ളത്. മികച്ച പ്രേക്ഷക സ്വീകാര്യതയാണ് ഈ വീഡിയോയ്ക്ക് ലഭിച്ചുകൊണ്ടിരിക്കുന്നത്.
ചിത്രത്തിൽ പ്രിയാമണി, ശരത് കുമാർ , സമ്പത്ത് രാജ്, പ്രേംജി അമരൻ , വെണ്ണല കിഷോർ, പ്രേമി വിശ്വനാഥ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. സംവിധായകൻ വെങ്കട് പ്രഭു തന്നെയാണ് ചിത്രത്തിൻറെ രചനയും നിർവ്വഹിച്ചിട്ടുള്ളത്. ശ്രീനിവാസ് ചിറ്റൂരി ആണ് ഈ ചിത്രത്തിൻറെ നിർമ്മാണം നിർവഹിക്കുന്നത്. ഇളയരാജ, യുവൻ ശങ്കർ രാജ എന്നിവരാണ് ചിത്രത്തിന്റെ സംഗീതസംവിധാനം ഏറ്റെടുത്തിരിക്കുന്നത്. എസ് ആർ കതിർ ക്യാമറ ചലിപ്പിച്ച ഈ ചിത്രത്തിൻറെ എഡിറ്റിംഗ് വെങ്കട് രാജൻ ആണ് നിർവഹിച്ചിട്ടുള്ളത്.
പ്രൊഡക്ഷൻ ഡിസൈനർ – രാജീവൻ , ആർട്ട് ഡയറക്ടർ – സത്യനാരായണ, ആക്ഷൻ ഡയറക്ടർ – സ്റ്റണ്ട് ശിവ, മഹേഷ് മാത്യു, കോസ്റ്റ്യൂം ഡിസൈനർ – പല്ലവി സിംഗ്, മാർക്കറ്റിംഗ് – വിഷ്ണു തേജ് പുട്ട, പി ആർ ഒ – വംശി ശേഖർ, സുരേഷ് ചന്ദ്ര, രേഖ, പബ്ലിസിറ്റി ഡിസൈൻ – ട്യൂണി ജോൺ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ. ശ്രീനിവാസ സിൽവർ സ്ക്രീൻ ബാനറിൽ ആണ് ഈ ചിത്രം പുറത്തിറങ്ങുന്നത്.
https://youtu.be/D67bpCgzqdo?si=wA-ogAt_YCXSNo7Z
https://youtu.be/i2oeV99uE_Y?si=vR_oRmhMgyu8Tod5
The anticipation surrounding the latest Malayalam film, "Vayassethrayayi Muppathi", has reached a crescendo with the…
Kanguva - Sizzle Teaser Movie Credits The highly anticipated movie, "Kanguva," is set to sizzle…