മലയാളി പ്രേക്ഷകർക്ക് സുപരിചിതയായ നടി അനു ഇമ്മാനുവൽ നായികയായി എത്തുന്ന ഏറ്റവും പുതിയ തെലുങ്ക് ചിത്രമാണ് ഉർവശിവോ രാക്ഷസിവോ. ഈ ചിത്രത്തിൽ നായകനായി വേഷമിടുന്നത് നടൻ അല്ലു സിരിഷ് ആണ്. തെലുങ്ക് സൂപ്പർ താരം അല്ലു അർജുന്റെ അനുജനാണ് താരം. ഇപ്പോഴിതാ ഈ ചിത്രത്തിന്റെ ടീസർ മികച്ച പ്രേക്ഷക ശ്രദ്ധ നേടി മുന്നേറുകയാണ്. രാകേഷ് സഷി ആണ് ഈ ചിത്രം സംവിധാനം ചെയ്തിരിക്കുന്നത്. ധീരജ് മോഗിളിനേനി, വിജയ് എം എന്നിവർ ചേർന്നാണ് ചിത്രത്തിന്റെ നിർമ്മാണം നിർവഹിച്ചിരിക്കുന്നത്. ഈ ചിത്രം അവതരിപ്പിക്കുന്നത് അല്ലു അരവിന്ദാണ്.
സുനിൽ വെണ്ണല കിഷോർ, അമാനി, കേദാർ ശങ്കർ എന്നിവരും ചിത്രത്തിൽ പ്രധാന വേഷങ്ങളെ അവതരിപ്പിക്കുന്നു. സംവിധായകൻ രാകേഷ് സഷി തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത്. ഗീത ആർട്സിന്റെ യൂട്യൂബ് ചാനലിൽ നാല് ദിവസം മുൻപ് റിലീസ് ചെയ്ത ഈ ടീസർ ഇതിനോടകം അൻപത് ലക്ഷത്തോളം കാഴ്ചക്കാരെയാണ് നേടിയത്. നായിക അനു ഇമ്മാനുവലിന്റെ ചുംബന രംഗങ്ങളാണ് ഈ ടീസറിന്റെ ഹൈലൈറ്റ്.
ടീസറിൽ നിന്നും ഉർവശിവോ രാക്ഷസിവോ ഒരു റൊമാന്റിക് കോമഡി ചിത്രമായാണ് ഇത് ഒരുക്കിയിരിക്കുന്നത് എന്ന സൂചനയാണ് നമുക്ക് ലഭിക്കുന്നത്. അച്ചു രാജാമണി, അനുപ് റൂബെൻസ് എന്നിവരാണ് ഈ ചിത്രത്തിന് സംഗീതം നൽകുന്നത്. കാർത്തിക ശ്രീനിവാസ് ആർ ആണ് ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത്. തൻവീർ മിർ ആണ് ഈ ചിത്രത്തിന് വേണ്ടി ക്യാമറ ചലിപ്പിച്ചത്.
ജയറാം നായകനായി എത്തിയ സ്വപ്ന സഞ്ചാരി എന്ന ചിത്രത്തിലൂടെയാണ് അനു ഇമ്മാനുവൽ അഭിനയരംഗത്ത് ശ്രദ്ധ നേടുന്നത്. ചിത്രത്തിൽ ജയറാമിന്റെ മകളായി വേഷമിട്ട് താരം മലയാള സിനിമ പ്രേമികളുടെ ശ്രദ്ധ നേടിയെടുത്തു. പിന്നീട് മലയാള സിനിമയിൽ നായികയായാണ് താരം പ്രത്യക്ഷപ്പെട്ടത്. നിവിൻ പോളി നായകനായ ആക്ഷൻ ഹീറോ ബിജു എന്ന ചിത്രത്തിലാണ് അനു നായികാ വേഷം ചെയ്തത്. പിന്നീട് താരം ഒരുപിടി അന്യ ഭാഷ ചിത്രങ്ങളിൽ വേഷമിടുകയും നിരവധി ആരാധകരെ സ്വന്തമാക്കുകയും ചെയ്തു. പിന്നീട് ഗ്ലാമറസ് മേക്കോവറുകൾ നടത്തി അനു യുവാക്കളുടെ ഹരമായി മാറി. അന്യ ഭാഷ ചിത്രങ്ങളിൽ അതീവ ഗ്ലാമറസായാണ് അനു പ്രത്യക്ഷപ്പെടാറുള്ളത്. അനു കൂടുതലും അഭിനയിക്കുന്നത് തമിഴ്, തെലുങ്ക് ചിത്രങ്ങളിലാണ് .