തമിഴ് സിനിമയിലെ പ്രശസ്തനായ നടനും ശ്രദ്ധേയ സംവിധായകനും ആണ് നടൻ സുന്ദർ സി. താരം പ്രധാന വേഷത്തിൽ എത്തുന്ന ഏറ്റവും പുതിയ ചിത്രമാണ് തലൈനഗരം 2. കുറച്ചു ദിവസങ്ങൾക്കു മുൻപ് റിലീസ് ചെയ്ത ഈ ചിത്രത്തിൻറെ ടീസർ ഇപ്പോൾ സോഷ്യൽ മീഡിയയിൽ ശ്രദ്ധ നേടിക്കൊണ്ടിരിക്കുകയാണ്. ഈ ചിത്രത്തിൻറെ ടീസർ വീഡിയോ പ്രേക്ഷകരിലേക്ക് എത്തിയത് സരിഗമ തമിഴ് യൂട്യൂബ് ചാനലിലൂടെയാണ് . ഈ വീഡിയോ ഇതിനോടകം സ്വന്തമാക്കിയത് പതിനാറ് ലക്ഷത്തോളം കാഴ്ചക്കാരെയാണ് .
തലൈനഗരം 2 ഒരുക്കിയിരിക്കുന്നത് ആക്ഷൻ, വയലൻസ്, ഗ്ലാമർ എന്നിവയ്ക്ക് എല്ലാം തന്നെ തുല്യ പ്രാധാന്യം നൽകി കൊണ്ടാണ് . ഇപ്പോൾ പ്രേക്ഷകർ ഏറ്റെടുത്തുകൊണ്ടിരിക്കുന്ന ഈ ടീസർ വീഡിയോയുടെ ഹൈലൈറ്റ് ആയി മാറുന്നത് ഇതിലെ രക്തരൂക്ഷിതമായ ആക്ഷൻ രംഗങ്ങളാണ് . കേന്ദ്ര കഥാപാത്രത്തെ അവതരിപ്പിക്കുന്ന സുന്ദർ സിയോടൊപ്പം പാലക് ലാൽവാനി, തമ്പി രാമയ്യ, ബാഹുബലി പ്രഭാകർ, ആയിര, ജൈസ് ജോസ്, വിശാൽ രാജൻ, സെരൻ രാജ് എന്നിവരും ഈ ചിത്രത്തിൽ പ്രധാന കഥാപാത്രങ്ങളായി വേഷമിടുന്നുണ്ട്. ചിത്രത്തിൻറെ സംവിധാനം നിർവഹിച്ചിരിക്കുന്നത് ദൊരൈ വി ഇസഡ് ആണ് . ചിത്രത്തിൻറെ കഥ തിരക്കഥ എന്നിവയ്ക്ക് പിന്നിൽ പ്രവർത്തിച്ചിരിക്കുന്നതും സംവിധായകൻ തന്നെയാണ്.
സംവിധായകൻ ദൊരൈ വി ഇസഡും എസ്‌ എം പ്രഭാകരനും ചേർന്ന് നിർമ്മിക്കുന്ന ഈ ചിത്രം പുറത്തിറങ്ങുന്നത് റൈറ്റ് ഐ തീയേറ്റേഴ്സിന്റെ ബാനറിൽ ആണ്. മധു രാജ്, ആർ എസ്‌ വെങ്കട്, എ പി വി മാരൻ എന്നിവർ ഈ ചിത്രത്തിൻറെ സഹ നിർമ്മാതാക്കളാണ്. ചിത്രത്തിന്റെ ഛായാഗ്രഹകൻ ഇ കൃഷ്ണസ്വാമി ആണ് . തലൈനഗരം ടുവിന്റെ സംഗീതസംവിധാനം നിർവഹിച്ചത് ജിബ്രാൻ ആണ്. ആർ സുദർശൻ ആണ് ചിത്രം എഡിറ്റ് ചെയ്തിരിക്കുന്നത്. കലാസംവിധാനം – എ കെ മുത്തു . ചിത്രത്തിലെ ആക്ഷൻ രംഗങ്ങൾ ഒരുക്കിയത് ഡോൺ അശോകാണ്. സുന്ദർ സി കേന്ദ്ര കഥാപാത്രത്തെ അവതരിപ്പിക്കുന്ന ഒരു തമിഴ് ചിത്രം റിലീസ് ചെയ്യാൻ ഒരുങ്ങുന്നത് ഒരിടവേളക്ക് ശേഷമാണ്.