ഈ കഴിഞ്ഞ ഒക്ടോബറിൽ തിയറ്ററുകളിൽ പ്രദർശനത്തിന് എത്തിയ പുത്തൻ മലയാള ചിത്രമായിരുന്നു മോൺസ്റ്റർ . സൂപ്പർസ്റ്റാർ മോഹൻലാൽ നായകവേഷം അവതരിപ്പിച്ച ഈ ചിത്രം ഡിസംബർ രണ്ട് മുതൽ ഒറ്റിറ്റി പ്ലാറ്റ്ഫോമുകളിലും സ്ട്രീമിംഗ് ആരംഭിച്ചിരുന്നു. മോഹൻലാലിനോടൊപ്പം ഈ ചിത്രത്തിൽ പ്രധാന വേഷം കൈകാര്യം ചെയ്ത മറ്റ് താരങ്ങളാണ് ഹണി റോസ്, ലക്ഷ്മി മൻചു, സുദേവ് നായർ എന്നിവർ. മലയാളത്തിലെ സൂപ്പർ ഹിറ്റ് സംവിധായകൻ വൈശാഖ് ആണ് ഈ ചിത്രത്തിന്റെ സംവിധായകൻ. ചിത്രത്തിന്റെ രചന നിർവഹിച്ചത് ഉദയകൃഷ്ണയാണ്. ആന്റണി പെരുമ്പാവൂർ നിർമ്മാണം നിർവഹിച്ച ഈ ചിത്രം ആശീർവാദ് സിനിമാസിന്റെ ബാനറിലാണ് ഒരുങ്ങിയത്. ഗൾഫിൽ ഈ ചിത്രത്തിന്റെ പ്രദർശനം നിരോധിച്ചിരുന്നു. അതിന് കാരണമായത് ഇതിലെ എൽജിബിറ്റിക്യൂ രംഗങ്ങളാണ്. പരീക്ഷണ സ്വഭാവമുള്ള ഒരു ശക്തമായ പ്രമേയവുമായാണ് മോൺസ്റ്റർ പ്രേക്ഷകർക്ക് മുന്നിൽ എത്തിയത്. ഈ ചിത്രത്തിൽ സ്വവർഗാനുരാഗികളായ കഥാപാത്രങ്ങളെയാണ് നടി ഹണി റോസും നടി ലക്ഷ്മി മാഞ്ചുവും അവതരിപ്പിച്ചത്.
ഇപ്പോഴിതാ ഈ ചിത്രത്തിലെ ഹൈ ഓണ് ഡിസയർ എന്ന ഗാനത്തിന്റെ വീഡിയോ പുറത്തിറങ്ങിയിരിക്കുകയാണ്. സ്വവർഗാനുരാഗികൾ തമ്മിലുള്ള പ്രണയ രംഗങ്ങളാണ് ഈ ഗാനത്തിൽ ഉൾപ്പെടുത്തിയിരിക്കുന്നത്. ഈ ഗാനത്തിന്റെ സംഗീത സംവിധായകൻ ദീപക് ദേവ് ആണ് . ജോർജ് പീറ്റർ ആണ് ഈ ഗാനത്തിന്റെ രചയിതാവ് . പ്രശസ്ത ഗായിക സായനോര ഫിലിപ്പാണ് ഇത് പാടിയിരിക്കുന്നത്. സ്വവർഗാനുരാഗികളെ അവതരിപ്പിച്ച നായികാ താരങ്ങളുടെ ഇഴുകി ചേർന്നുള്ള പ്രണയ രംഗങ്ങൾ തന്നെയാണ് ഈ ഗാനത്തിന്റെ ഹൈലൈറ്റ് ആയി മാറിയിരിക്കുന്നത്. ചിത്രത്തിൽ ഹണി റോസ് അവതരിപ്പിച്ചത് ഭാമിനി എന്ന കഥാപാത്രത്തെയാണ് . താരത്തിന്റെ കരിയറിലെ ബെസ്റ്റ് പ്രകടനം തന്നെയായിരുന്നു ഭാമിനി എന്ന കഥാപാത്രമായി ഹണി കാഴ്ച്ച വെച്ചത് . തെലുങ്ക് നടിയായ ലക്ഷ്മി പ്രേക്ഷക ശ്രദ്ധ പിടിച്ചു പറ്റിയത് ഈ ചിത്രത്തിലെ ഗംഭീര ആക്ഷൻ പ്രകടനം കാഴ്ച വച്ച് കൊണ്ടാണ് . ലെന, ഗണേഷ് കുമാർ, സിദ്ദിഖ്, ജോണി ആന്റണി, ജഗപതി ബാബു, അഞ്ജലി നായർ, സാധിക എന്നിവരും ഈ ചിത്രത്തിന്റെ താരനിരയിലുണ്ട്. ഇൻഡസ്ട്രി ഹിറ്റ് ചിത്രമായി മാറിയ പുലിമുരുകന് ശേഷം മോഹൻലാൽ, വൈശാഖ്, ഉദയ കൃഷ്ണ ടീം ഒന്നിച്ച ചിത്രം കൂടിയാണ് മോൺസ്റ്റർ.