ഷാരൂഖ് ഖാൻ നായകനായി എത്തുന്ന ഏറ്റവും പുതിയ ബോളിവുഡ് ചിത്രമാണ് പത്താൻ . ഈ ചിത്രത്തിലെ ബേഷരം രംഗ് എന്ന വീഡിയോ ഗാനം ഡിസംബർ 12 ന് റിലീസ് ചെയ്യും എന്നറിയിച്ചിരുന്നു. ഏറെ ആകാംക്ഷയോടെയാണ് ഈ ഗാനത്തിനായി പ്രേക്ഷകർ ,കാത്തിരുന്നത്. വൈ ആർ എഫ് യൂടൂബ് ചാനലിലൂടെ പതിനൊന്ന് മണിക്ക് തന്നെ ഈ ഗാനം റിലീസ് ചെയ്തു. പുറത്തിറങ്ങി മണിക്കൂറുകൾ പിന്നിടുമ്പോഴേക്കും ലക്ഷക്കണക്കിന് കാഴ്ചക്കാരെയാണ് ഈ വീഡിയോ ഗാനം നേടിയത്. ഈ ഗാനരംഗത്തിൽ അഭിനയിച്ചിരിക്കുന്നത് ചിത്രത്തിലെ കേന്ദ്ര കഥാപാത്രങ്ങളായ നടൻ ഷാരൂഖ് ഖാനും നടി ദീപിക പദുക്കോണുംആണ് . അതീവ ഗ്ലാമർ പ്രദർശനവുമായാണ് ദീപിക ഈ ഗാനരംഗത്തിൽ പ്രത്യക്ഷപ്പെട്ടിരിക്കുന്നത്. അതു തന്നെയാണ് ഈ വീഡിയോയുടെ ഹൈലൈറ്റും.
മാസ്സ് സ്റ്റൈലിഷ് ലുക്കിൽ എത്തുന്ന ഷാരൂഖ് ഖാനും ഏറെ പ്രേക്ഷക ശ്രദ്ധ നേടുന്നുണ്ട്. ഇരുതാരങ്ങളും ഈ മൂന്ന് മിനിറ്റ് ദൈർഘ്യമുള്ള വീഡിയോ ഗാനത്തിൽ അത്യുഗ്രൻ നൃത്ത ചുവടുകളും കാഴ്ചവയ്ക്കുന്നുണ്ട്. കുമാർ രചന നിർവഹിച്ച ഈ ഗാനം ശില്പാ റാവു, വിശാൽ , കരലിസ മോണ്ടേറിയോ , ശേഖർ എന്നിവർ ചേർന്നാണ് ആലപിച്ചിരിക്കുന്നത്. ഈ ഗാനത്തിന് ഈണം നൽകിയത് വിശാൽ , ശേഖർ എന്നിവർ ചേർന്നാണ്. വിശാൽ ഡാഡ്ലെനി ആണ് ഇതിലെ സ്പാനിഷ് വരികൾ തയ്യാറാക്കിയത്. കൊറിയോഗ്രാഫർ വൈഭവി മർച്ചന്റാണ് .
ഷാരൂഖ് ഖാൻ , ദീപിക പദുക്കോൺ എന്നിവരോടൊപ്പം നടൻ ജോൺ എബ്രഹാമും ഈ ചിത്രത്തിൽ ഒരു പ്രധാന വേഷം കൈകാര്യം ചെയ്യുന്നുണ്ട്. ഈ ചിത്രത്തിൽ നടൻ സൽമാൻ ഖാനും ഭാഗമാണ്. ടൈഗർ എന്ന തൻറെ സൂപ്പർഹിറ്റ് സ്പൈ വേഷത്തെയാണ് സൽമാൻ ഖാൻ ഈ ചിത്രത്തിൽ അവതരിപ്പിക്കുന്നുണ്ട്. സിദ്ധാർഥ് ആനന്ദ് ആണ് ചിത്രത്തിൻറെ സംവിധായകൻ. യാഷ് രാജ് ഫിലിംസ് നിർമ്മിക്കുന്ന ചിത്രം അവരുടെ ബാനറിൽ ഒരുങ്ങുന്ന അമ്പതാമത്തെ ചിത്രമാണ്. ഈ ചിത്രത്തിൻറെ നിർമാതാവ് ആദിത്യ ചോപ്രയാണ് . സച്ചിത്ത് പൗലോസ് ആണ് ചിത്രത്തിൻറെ ഛായാഗ്രഹണം നിർവഹിച്ചിരിക്കുന്നത്. എഡിറ്റിംഗ് കൈകാര്യം ചെയ്തത് ആരിഫ് ഷെയ്ഖ് ആണ് . ഈ ചിത്രത്തിൻറെ കഥ തയ്യാറാക്കിയത് സംവിധായകൻ സിദ്ധാർഥ് ആനന്ദ് തന്നെയാണ് . ചിത്രത്തിൻറെ തിരക്കഥാകൃത്ത് ശ്രീധർ രാഘവനും സംഭാഷണങ്ങൾ അബ്ബാസ് ടയർവാലയുമാണ് ഒരിക്കിയത്. കിംഗ് ഖാൻ ആരാധകർ ഈ ചിത്രത്തിനായി ഏറെ ആകാംക്ഷയോടെ കാത്തിരിക്കുകയാണ്.