തെലുങ്ക് താരം നന്ദമുറി ബാലകൃഷ്ണ പ്രധാന വേഷത്തിൽ എത്തുന്ന ഏറ്റവും പുതിയ ചിത്രമാണ് വീരസിംഹ റെഡി . ഇപ്പോൾ സോഷ്യൽ മീഡിയയിൽ വൈറലായി മാറുന്നത് ഈ ചിത്രത്തിലെ പുത്തൻ ഗാനത്തിന്റെ വീഡിയോ ആണ് . ഇപ്പോൾ അണിയറ പ്രവർത്തകർ പുറത്തുവിട്ടിരിക്കുന്നത് മാ ബവ എന്ന വരികളോടെ തുടങ്ങുന്ന ഈ ഗാനത്തിന്റെ ലിറിക്കൽ വീഡിയോ ആണ് . സോണി മ്യൂസിക് സൗത്ത് യൂട്യൂബ് ചാനലിലൂടെ ആണ് മൂന്നര മിനിറ്റിലധികം ദൈർഘ്യമുള്ള ഈ ലെറിക്കൽ ഗാന വീഡിയോ പ്രേക്ഷകരിലേക്ക് എത്തിയത്. 86 ലക്ഷത്തിലധികം കാഴ്ചക്കാരെയാണ് ഈ ലെറിക്കൽ വീഡിയോ ഗാനം ഇതിനോടകം സ്വന്തമാക്കിയത്.
ഈ തെലുങ്ക് ചിത്രത്തിൽ മലയാളി താരം ഹണി റോസും വേഷമിടുന്നുണ്ട്. പ്രേക്ഷകർ ഏറ്റെടുത്തിരിക്കുന്ന ഈ ലിറിക്സ് വീഡിയോ ഗാനരംഗത്തിൽ നന്ദമുറി ബാലകൃഷ്ണ , ഹണി റോസ് , ചന്ദ്രിക രവി എന്നീ താരങ്ങളെയാണ് കാണാൻ സാധിക്കുന്നത് . ഈ ഗാനത്തിന്റെ ഹൈലൈറ്റ് ആയി മാറുന്നത് ഐറ്റം ഡാൻസർ നടി ചന്ദ്രിക രവിയുടെ ഗ്ലാമറസ് നൃത്ത ചുവടുകളാണ് . തമൻ എസ് ആണ് ഈ ഗാനത്തിന് ഈണം നൽകിയിട്ടുള്ളത് . സഹിതി ചഗന്തി, സത്യ യാമിനി , രേണു കുമാർ എന്നിവർ ചേർന്നാണ് ഈ ഡാൻസ് നമ്പർ ഗാനം ആലപിച്ചിരിക്കുന്നത്. ചിത്രത്തിലെ ഗാനങ്ങൾക്ക് വരികൾ തയ്യാറാക്കിയിട്ടുള്ളത് രാമ ജോഗിയ ശാസ്ത്രിയാണ് . കൊറിയോഗ്രഫി നിർവഹിച്ചത് ശേഖർ വി ജെ, ശങ്കർ എന്നിവരാണ് .
ഈ ചിത്രത്തിൻറെ സംവിധാനം നിർവഹിച്ചിരിക്കുന്നത് ഗോപിചന്ത് മല്ലിനേനിയാണ്. നന്ദമുറി ബാലകൃഷ്ണ , ഹണി റോസ് എന്നിവരെ കൂടാതെ ഈ ചിത്രത്തിൽ ശ്രുതി ഹാസൻ , വരലക്ഷ്മി ശരത് കുമാർ , ദുനിയ വിജയ്, ലാൽ , പി വി രവിശങ്കർ എന്നീ താരങ്ങളും മറ്റ് പ്രധാന റോളുകളിൽ എത്തുന്നുണ്ട്. ഈ ചിത്രത്തിൻറെ കഥയും തിരക്കഥയും തയ്യാറാക്കിയത് സംവിധായകൻ ഗോപിചന്ത് മല്ലിനേനി തന്നെയാണ്. ചിത്രത്തിൻറെ നിർമ്മാണം നിർവഹിച്ചിരിക്കുന്നത് നവീന്‍ യേർനേനി, രവിശങ്കർ യലമാഞ്ചിലി എന്നിവർ ചേർന്നാണ് . ഋഷി പഞ്ചാബി ഛായാഗ്രഹണം നിർവഹിച്ച ഈ ചിത്രത്തിൻറെ എഡിറ്റർ നവീൻ നൂലി ആണ് . ചിത്രത്തിലെ ആക്ഷൻ അംഗങ്ങൾ ഒരുക്കിയിട്ടുള്ളത് രാം ലക്ഷ്മൺ , വെങ്കട് എന്നിവർ ചേർന്നാണ്. 2023 ജനുവരി 12 ന് റിലീസ് ചെയ്യാൻ തയ്യാറെടുക്കുന്ന ഈ ചിത്രം ഒരുങ്ങുന്നത് മൈത്രി മൂവി മേക്കേഴ്സിന്റെ ബാനറിലാണ്.