ജിമിക്കി പൊണ്ണിന്റെ സംഗീതസംവിധാനം നിർവഹിച്ചിരിക്കുന്നത് എസ് തമൻ ആണ്. വിവേക് വരികൾ ഒരുക്കിയ ഈ ഗാനം ആലപിച്ചിരിക്കുന്നത് അനിരുദ്ധ് രവിചന്ദർ, ജോണിത ഗാന്ധി എന്നിവരാണ്.
292 കോടി രൂപയാണ് ബോക്സ് ഓഫീസിൽ ഇതിനോടകം വാരിസ് നേടിയത് . 135 കോടി രൂപ തമിഴ്നാട് നിന്നും കളക്ഷൻ നേടിയ ഈ ചിത്രം പതിനാലര കോടി രൂപ കർണാടകയിൽ നിന്നും പതിമൂന്നര കോടി രൂപ കേരളത്തിൽ നിന്നും സ്വന്തമാക്കി. 26 കോടിക്ക് മുകളിലാണ് ആന്ധ്രാ/ തെലുങ്കാന സംസ്ഥാനങ്ങളിൽ നിന്ന് വാരിസ് നേടിയത്. വിദേശത്ത് നിന്ന് 88 കോടിയും റസ്റ്റ് ഓഫ് ഇന്ത്യ മാർക്കറ്റിൽ നിന്ന് പതിനാലര കോടിയും ഗ്രോസ് നേടാൻ ചിത്രത്തിന് സാധിച്ചു. വംശിയുടെ സംവിധാന മികവിൽ ഒരുങ്ങിയ ഈ ചിത്രത്തിൻറെ നിർമ്മാണം നിർവഹിച്ചത് ദിൽ രാജുവാണ്. വിജയ്, രശ്മിക മന്ദാന എന്നീ കേന്ദ്ര കഥാപാത്രങ്ങളെ കൂടാതെ പ്രകാശ് രാജ്, ശരത് കുമാർ, യോഗി ബാബു, ശ്യാം, ശ്രീകാന്ത്, ജയസുധ എന്നിവരും ഈ ചിത്രത്തിൽ ശ്രദ്ധേയ വേഷങ്ങളിൽ അഭിനയിച്ചു. തമിഴ് കൂടാതെ വാരിസിന്റെ തെലുങ്ക് പതിപ്പും റിലീസ് ചെയ്തിരുന്നു.