രണ്ട് വർഷത്തിനുള്ളിൽ വിവാഹം ഉണ്ടാകും; ലിവിങ് ടുഗെതറിനെക്കുറിച്ച് അനാർക്കലി മരക്കാർ

ലിവിങ് ടുഗെതർ ബന്ധത്തിലാണെന്നും ഏകദേശം അഞ്ച് വർഷമായി പങ്കാളിക്കൊപ്പം ഒരുമിച്ചാണ് താമസിക്കുന്നതെന്നും നടി അനാർക്കലി മരിക്കാർ പറഞ്ഞു. വിവാഹം കഴിക്കാൻ താൽപര്യമുണ്ടെങ്കിലും അതിനുള്ള ശരിയായ സമയമായിട്ടില്ലെന്നാണ് താരത്തിന്റെ നിലപാട്. ഇരുവർക്കും സാമ്പത്തിക സ്ഥിരതയും സ്വന്തമായൊരു വ്യക്തിത്വവും ഉറപ്പാക്കിയ ശേഷം വിവാഹം നടത്താനാണ് ആഗ്രഹമെന്നും അനാർക്കലി വ്യക്തമാക്കി. അടുത്ത ഒന്നോ രണ്ടോ വർഷത്തിനുള്ളിൽ വിവാഹം ഉണ്ടായേക്കുമെന്നും താരം പറഞ്ഞു. വലിയ രീതിയിലുള്ള വിവാഹത്തോട് പ്രത്യേക താൽപര്യമില്ലെന്നും, വിവാഹത്തിന് അനാവശ്യമായി പണം ചെലവഴിക്കാൻ താൽപര്യമില്ലെന്നും അനാർക്കലി കൂട്ടിച്ചേർത്തു.