സംവിധായകൻ ജൂഡ് ആന്തണി ജോസഫിനൊപ്പം പുതിയ സിനിമയുമായി വീണ്ടും ഒന്നിക്കുന്നതിൽ സന്തോഷമുണ്ടെന്ന് മോഹൻലാൽ. അടുത്ത വർഷം ചിത്രം പ്രേക്ഷകരിലേക്ക് എത്തുമെന്നും താരം സമൂഹമാധ്യമങ്ങളിലൂടെ അറിയിച്ചു. തുടക്കം എന്ന ചിത്രത്തിന് ശേഷം ഇരുവരും വീണ്ടും ഒന്നിക്കുന്ന സിനിമയാണിത്. ചിത്രത്തിന്റെ കൂടുതൽ വിവരങ്ങൾ വൈകാതെ പുറത്തുവിടുമെന്നും മോഹൻലാൽ വ്യക്തമാക്കി. പുതിയ കൂട്ടുകെട്ടിനെ ഏറെ പ്രതീക്ഷയോടെയാണ് ആരാധകർ കാണുന്നത്.
കുഞ്ചാക്കോ ബോബനും ലിജോമോൾ ജോസും പ്രധാന കഥാപാത്രങ്ങളാകുന്ന ഉന്മാദം സിനിമയുടെ ട്രെയ്ലർ ലോഞ്ച് ഇന്ന് വൈകിട്ട് 6ന് കൊച്ചി ലുലു മാളിൽ നടക്കും. ചിത്രത്തിലെ താരങ്ങളും അണിയറ പ്രവർത്തകരും ചടങ്ങിൽ പങ്കെടുക്കും. ഷാഹി കബീറിന്റെ തിരക്കഥയിൽ കിരൺ ദാസ് സംവിധാനം ചെയ്യുന്ന ചിത്രം ജൂലൈ 31ന് ലോകമെമ്പാടുമുള്ള തിയറ്ററുകളിൽ റിലീസ് ചെയ്യും.
വിഷ്ണു വിശാലും ഐശ്വര്യ ലക്ഷ്മിയും ഒന്നിക്കുന്ന ഗട്ട കുസ്തി 2യിലെ ജനപ്രിയമായ ‘ഹൗസ് ഹസ്ബൻഡ്’ വീഡിയോ ഗാനം പുറത്തിറങ്ങി. റിലീസിന് പിന്നാലെ സോഷ്യൽ മീഡിയയിൽ മികച്ച പ്രതികരണമാണ് ഗാനത്തിന് ലഭിക്കുന്നത്. ഷോൺ റോൾഡൻ സംഗീതം നൽകിയ ഗാനത്തിൽ ഇരുവരുടെയും രസകരമായ കെമിസ്ട്രിയും കുടുംബ പശ്ചാത്തലത്തിലുള്ള നർമ്മ മുഹൂർത്തങ്ങളും പ്രേക്ഷകരുടെ ശ്രദ്ധ നേടുന്നുണ്ട്.
സൈക്കിളിൽ മീൻവിൽക്കാൻ പോകുന്ന ചിത്രവുമായി മിമിക്രി കലാകാരനും നടനുമായ ഷാജി മാവേലിക്കര സമൂഹമാധ്യമങ്ങളിൽ ശ്രദ്ധനേടി. സാമ്പത്തിക പ്രതിസന്ധിയെ തുടർന്ന് പുതിയ തൊഴിൽ തുടങ്ങിയെന്നാണ് പലരും കരുതിയത്. എന്നാൽ ഇത് അദ്ദേഹം അഭിനയിക്കുന്ന പുതിയ ചിത്രമായ ‘നാട്ടുകൂട്ടം’ എന്ന സിനിമയിലെ കഥാപാത്രത്തിന്റെ ലുക്കാണെന്ന് പിന്നീട് വ്യക്തമാക്കി. ചിത്രത്തെ ചൊല്ലി സോഷ്യൽ മീഡിയയിൽ വലിയ ചർച്ചയും ആശയക്കുഴപ്പവും ഉണ്ടായി.
മോഹൻലാലിനെ നായകനാക്കി സംവിധായകൻ കൃഷാന്ദ് ഒരുക്കുന്ന പുതിയ ചിത്രം ‘ഛോട്ടാ മുംബൈ’ പോലൊരു പക്കാ തിയറ്റർ എന്റർടെയ്നറായിരിക്കുമെന്ന് നിർമാതാവ് മണിയൻപിള്ള രാജു പറഞ്ഞു. മോഹൻലാലിന്റെ ഹ്യൂമർ, ഡാൻസ്, പാട്ട്, കുട്ടിത്തം തുടങ്ങി പ്രേക്ഷകർ ഇഷ്ടപ്പെടുന്ന എല്ലാ ഘടകങ്ങളും ചിത്രത്തിൽ ഉണ്ടാകുമെന്നും അദ്ദേഹം വ്യക്തമാക്കി. നിയോഗാണ് ചിത്രത്തിന്റെ തിരക്കഥ ഒരുക്കുന്നതെന്നും, വലിയ കാൻവാസിലുള്ള മാസ് സിനിമയായിരിക്കും ഇതെന…
You're all caught up.
