അത് വലിയ അവബോധം സമൂഹത്തിൽ സൃഷ്ടിച്ചു; അനുപമയെ പിന്തുണച്ച് അദിതി ശങ്കർ

അനുപമ പരമേശ്വരൻ അടുത്തിടെ പങ്കുവെച്ച വ്യക്തിപരമായ അനുഭവങ്ങളെ പിന്തുണച്ച് നടി അദിതി ശങ്കർ. ഇത്തരം അനുഭവങ്ങളെക്കുറിച്ച് തുറന്നുപറയുന്നത് സമൂഹത്തിൽ വലിയ അവബോധം സൃഷ്ടിക്കുമെന്ന് അദിതി പറഞ്ഞു. പല സ്ത്രീകളും പുരുഷന്മാരും സമാനമായ സാഹചര്യങ്ങളിലൂടെ കടന്നുപോകുന്നുണ്ടെങ്കിലും തങ്ങൾ നേരിടുന്നത് ഒരു പ്രശ്നമാണെന്ന് പോലും തിരിച്ചറിയാത്തവരുണ്ടെന്നും അവർ ചൂണ്ടിക്കാട്ടി. ആരെയും താഴ്ത്തിക്കെട്ടുക എന്നതല്ല അനുപമയുടെ ഉദ്ദേശമെന്നും, അവർ പങ്കുവെച്ച കാര്യങ്ങളിൽ നിന്ന് ലഭിക്കുന്ന അവബോധമാണ് പ്രധാനമെന്നും അദിതി വ്യക്തമാക്കി.