സൂര്യ അനുഭവിച്ച കഷ്ടപ്പാടും വേദനയും എനിക്കറിയാം; ഇന്ന് അദ്ദേഹത്തെയോർത്ത് അഭിമാനം -രാധിക ശരത്കുമാർ

വിശ്വനാഥ് ആൻഡ് സൺസ് വിജയാഘോഷത്തിനിടെ നടൻ സൂര്യയെക്കുറിച്ച് വികാരഭരിതമായി സംസാരിച്ച് രാധിക ശരത്കുമാർ. സൂര്യ ജീവിതത്തിൽ വലിയ മാനസിക പോരാട്ടങ്ങളിലൂടെ കടന്നുപോയിട്ടുണ്ടെന്നും അതെല്ലാം അതിജീവിച്ചാണ് ഇന്ന് ഈ നിലയിലെത്തിയതെന്നും അവർ പറഞ്ഞു. സ്വന്തം വികാരങ്ങൾ എല്ലാവരോടും തുറന്നുപറയാത്ത വ്യക്തിയാണ് സൂര്യയെന്നും, തനിക്ക് അദ്ദേഹത്തോട് സംസാരിക്കാനും ചില കാര്യങ്ങളിൽ ഉപദേശം നൽകാനും കഴിഞ്ഞിട്ടുണ്ടെന്നും രാധിക വ്യക്തമാക്കി.