‘അന്ന് കല്യാണം കഴിപ്പിച്ചിരുന്നെങ്കിൽ എന്റെ കഥ വേറെയായേനെ’; ശ്രുതി രജനീകാന്ത്

വിവാഹത്തെ ജീവിതത്തിലെ നിർബന്ധമായൊരു ഘട്ടമായി കാണുന്നില്ലെന്ന് നടിയും അവതാരകയുമായ ശ്രുതി രജനികാന്ത് പറഞ്ഞു. ചെറുപ്പത്തിൽ വിവാഹം കഴിച്ചിരുന്നെങ്കിൽ ഭർത്താവിന്റെയും അദ്ദേഹത്തിന്റെ കുടുംബത്തിന്റെയും കാര്യങ്ങൾ നോക്കുന്നതിലേക്കും പിന്നീട് കുട്ടികളുടെ ഉത്തരവാദിത്തത്തിലേക്കും ജീവിതം മാറുമായിരുന്നുവെന്നും, അത്തരമൊരു സാഹചര്യത്തിൽ അഭിനേത്രിയാകണമെന്നോ ബിസിനസ് ചെയ്യണമെന്നോ ചിന്തിക്കുമായിരുന്നില്ലെന്നും ശ്രുതി വ്യക്തമാക്കി. സ്വന്തം കരിയറിനും വ്യക്തിത്വത്തിനും പ്രാധാന്യം നൽകിയാണ് ഇപ്പോൾ മുന്നോട്ടുപോകുന്നതെന്നും താരം പറഞ്ഞു.