‘ജയിലർ 2’ ആദ്യ ഗാനം ‘കത്തിക്കാൻ’ ഷംന കാസിം; ടീമിന് നന്ദി പറഞ്ഞ് താരം

ജയിലർ 2വിലെ ആദ്യ ഗാനമായ ‘അല്ല ബോലെലോ’യിലൂടെ ശ്രദ്ധ നേടുകയാണ് നടി ഷംന കാസിം. രജനികാന്തിനെ നായകനാക്കി നെൽസൺ ദിലീപ്കുമാർ സംവിധാനം ചെയ്യുന്ന ചിത്രത്തിലെ ഗാനത്തിന്റെ പ്രമോ പുറത്തിറങ്ങിയതോടെയാണ് ഷംനയുടെ നൃത്തപ്രകടനം ചർച്ചയായത്.
ഗാനത്തിന്റെ പ്രമോയിൽ ഷംനയുടെ ഡാൻസിന്റെ ചില ഭാഗങ്ങൾ കാണാം. ഇതോടെ ചിത്രത്തിൽ താരത്തിന് പ്രാധാന്യമുള്ളൊരു ഡാൻസ് രംഗം ഉണ്ടാകുമെന്ന പ്രതീക്ഷയിലാണ് ആരാധകർ. അനിരുദ്ധ് രവിചന്ദറാണ് ഗാനത്തിന് സംഗീതം ഒരുക്കിയിരിക്കുന്നത്.
‘ജയിലർ 2’യുടെ ഭാഗമാകാൻ കഴിഞ്ഞതിലുള്ള സന്തോഷം ഷംന സോഷ്യൽ മീഡിയയിലൂടെയും പങ്കുവെച്ചിരുന്നു. രജനികാന്തിനും സംവിധായകൻ നെൽസൺ ദിലീപ്കുമാറിനും സംഗീതസംവിധായകൻ അനിരുദ്ധ് രവിചന്ദറിനും കൊറിയോഗ്രാഫർ ജാനി മാസ്റ്ററിനും ചിത്രത്തിന്റെ മുഴുവൻ ടീമിനും താരം നന്ദി അറിയിച്ചു.
മുൻപ് ‘ഗുണ്ടൂർ കാരം’ സിനിമയിലെ ‘കുർച്ചി മടത്തപെട്ടി’ എന്ന ഗാനത്തിലൂടെയും ഷംനയുടെ നൃത്തപ്രകടനം ശ്രദ്ധ നേടിയിരുന്നു. ഇപ്പോൾ ‘അല്ല ബോലെലോ’യിലൂടെ വീണ്ടും ഒരു ശ്രദ്ധേയമായ ഡാൻസ് പെർഫോമൻസുമായി താരം എത്തുന്നതിന്റെ ആവേശത്തിലാണ് ആരാധകർ.