ദുൽഖർ വളരെ മനുഷ്യത്വമുള്ള ഒരു വ്യക്തിയാണ്; അവനെപ്പോലുള്ള ഒരു പ്രൊഡ്യൂസറെ മലയാള സിനിമക്ക് ആവശ്യമാണ്: വിനയ് ഫോർട്ട്

ദുൽഖർ സൽമാനെ ഒരു മികച്ച നടൻ എന്നതിലുപരി ഏറെ മനുഷ്യത്വമുള്ള വ്യക്തിയായാണ് താൻ കാണുന്നതെന്ന് വിനയ് ഫോർട്ട് പറഞ്ഞു. ദുൽഖറിന്റെയും വേഫെറർ ഫിലിംസിന്റെ ടീമിന്റെയും പ്രവർത്തനരീതി എല്ലാവരെയും ഉൾക്കൊള്ളുന്നതാണെന്നും സെറ്റിലെ ഓരോരുത്തരുടെയും ക്ഷേമത്തിന് അവർ പ്രാധാന്യം നൽകുന്നുണ്ടെന്നും വിനയ് വ്യക്തമാക്കി. ഭക്ഷണം ഉൾപ്പെടെയുള്ള കാര്യങ്ങളിൽ വേഫെറർ പുലർത്തുന്ന ശ്രദ്ധയും അദ്ദേഹം എടുത്തുപറഞ്ഞു. മലയാള സിനിമയ്ക്ക് ദുൽഖറിനെപ്പോലുള്ള കൂടുതൽ നിർമാതാക്കൾ ആവശ്യമാണെന്നും ഇനിയും അദ്ദേഹത്തിനൊപ്പം പ്രവർത്തിക്കണമെന്നാണ് ആഗ്രഹമെന്നും വിനയ് ഫോർട്ട് കൂട്ടിച്ചേർത്തു.