എന്‍റെ വസ്ത്രത്തെക്കുറിച്ച് ആരോടും വിശദീകരിക്കേണ്ട ആവശ്യമില്ല; ക്ലീവേജ് കാണിച്ചാൽ സംസ്കാരമില്ലെന്നല്ല അർഥം, ഐശ്വര്യ ലക്ഷ്മി

വസ്ത്രധാരണത്തിന്റെ പേരിൽ ഉയർന്ന സോഷ്യൽ മീഡിയ വിമർശനങ്ങൾക്ക് മറുപടിയുമായി നടി ഐശ്വര്യ ലക്ഷ്മി. താൻ തിരഞ്ഞെടുക്കുന്ന വസ്ത്രത്തെക്കുറിച്ച് ആരോടും വിശദീകരണം നൽകേണ്ട ബാധ്യതയില്ലെന്നും, ഇഷ്ടമുള്ള വസ്ത്രം ധരിക്കാൻ മറ്റാരുടെയും അനുവാദം ആവശ്യമില്ലെന്നും താരം വ്യക്തമാക്കി. അതേസമയം, വിവാദമായ ഒരു വസ്ത്രം തിരഞ്ഞെടുക്കുന്നതിൽ തനിക്ക് തെറ്റ് പറ്റിയെന്ന് തമാശയോടെയും ഐശ്വര്യ സമ്മതിച്ചു. സംസ്കാരം വസ്ത്രത്തിന്റെ നീളത്തിലോ ക്ലീവേജിലോ അല്ല, മറിച്ച് ഒരാൾ എങ്ങനെ പെരുമാറുന്നു എന്നതിലാണെന്നും താരം വിമർശകരോട് ചോദിച്ചു.