സഞ്ജു സാംസണ്‍ ബാറ്റ് ചെയ്തതിനേക്കാള്‍; കൂടുതല്‍ സമയം കാര്യവട്ടം സ്റ്റേഡിയത്തില്‍ ഞാന്‍ ബാറ്റ് ചെയ്തിട്ടുണ്ട്

ദുൽഖർ സൽമാനൊപ്പം ഐ ആം ഗെയിം എന്ന ചിത്രത്തിൽ അഭിനയിക്കുന്ന ആന്റണി വർഗീസ് പെപ്പെ, ചിത്രീകരണത്തിനിടെ ഉണ്ടായ രസകരമായ അനുഭവം പങ്കുവെച്ചു. കാര്യവട്ടം ഗ്രീൻഫീൽഡ് സ്റ്റേഡിയത്തിൽ ഒരു ദിവസം ഉച്ചയ്ക്ക് രണ്ട് മണി മുതൽ അടുത്ത ദിവസം പുലർച്ചെ രണ്ട് മണിവരെ ഏകദേശം 12 മണിക്കൂർ തുടർച്ചയായി ബാറ്റിങ് രംഗങ്ങൾ ചിത്രീകരിച്ചതായി പെപ്പെ പറഞ്ഞു. അവസാനം മുഖം ചുവന്നുപോയെന്നും കൂടുതൽ സമയം തുടരുന്നത് ബുദ്ധിമുട്ടാകുമെന്ന് തോന്നിയതോടെ ഷൂട്ടിങ് അവസാനിപ്പിക്കുകയായിരുന്നുവെന്നും താരം വ്യക്തമാക്കി.