വ്യാജചിത്രം പ്രചരിപ്പിച്ചവർ നിയമത്തിന് മുന്നിൽ ഉത്തരം പറയണം; സൈബർ ആക്രമണത്തിനെതിരെ അന്ന രാജൻ

സമൂഹമാധ്യമങ്ങളിൽ തന്റെ ചിത്രം എഡിറ്റ് ചെയ്ത് മോശമായി പ്രചരിപ്പിച്ചതിനെതിരെ നടി അന്ന രേഷ്മ രാജൻ ശക്തമായി പ്രതികരിച്ചു. വ്യാജചിത്രം പങ്കുവച്ച അക്കൗണ്ടിനെതിരെ ഇൻസ്റ്റഗ്രാമിലും പൊലീസിലും പരാതി നൽകുമെന്നും, ഇതിന് പിന്നിലുള്ളവർ നിയമത്തിന് മുന്നിൽ ഉത്തരം പറയേണ്ടിവരുമെന്നും താരം വ്യക്തമാക്കി. ഇത്തരം അധിക്ഷേപകരമായ ഉള്ളടക്കം ആരും പ്രചരിപ്പിക്കുകയോ പിന്തുണയ്ക്കുകയോ ചെയ്യരുതെന്നും അന്ന അഭ്യർഥിച്ചു.