രണ്ടാം കീമോയ്ക്ക് ശേഷം ഐസിയുവിൽ; വ്യാജപ്രചാരണങ്ങൾ അവസാനിപ്പിക്കണമെന്ന് രേണു സുധി

കാൻസർ ചികിത്സയുടെ ഭാഗമായി രണ്ടാം കീമോതെറാപ്പിക്ക് ശേഷം കടുത്ത അസ്വസ്ഥതകളെ തുടർന്ന് അഞ്ച് ദിവസം ഐസിയുവിൽ കഴിഞ്ഞതായി രേണു സുധി പറഞ്ഞു. ഇനിയും നാല് കീമോയും ശസ്ത്രക്രിയയും ബാക്കിയുണ്ട്. തനിക്ക് കാൻസറില്ലെന്നും മരുന്ന് ബില്ലുകൾ വ്യാജമാണെന്നുമുള്ള സോഷ്യൽ മീഡിയ പ്രചാരണങ്ങൾക്കെതിരെ കുടുംബം പ്രതികരിച്ചു. യൂട്യൂബ് മാത്രമാണ് നിലവിലെ വരുമാനമാർഗമെന്നും വ്യാജപ്രചാരണങ്ങളിലൂടെ ദ്രോഹിക്കരുതെന്നും രേണു അഭ്യർഥിച്ചു.