anupama date nigt

ആരാധകരുടെ മനം മയക്കി അനുപമ.. പുത്തൻ ചിത്രങ്ങൾ പങ്കുവച്ച് താരം..

പ്രേമം എന്ന ചിത്രത്തിലൂടെ ആരാധകർക്ക് ലഭിച്ച താരസുന്ദരിയാണ് നടി അനുപമ പരമേശ്വരൻ. ചിത്രത്തിലെ മൂന്ന് നായികമാരിൽ ഒരാളായാണ് താരം എത്തിയത് എങ്കിലും താരത്തിന്റെ കഥാപാത്രം വളരെയധികം പ്രേക്ഷകശ്രദ്ധ പിടിച്ചു പറ്റിയിരുന്നു. താരത്തിന്റെ അഭിനയ മികവ് കൊണ്ട് പിന്നീട് ഒട്ടേറെ അവസരങ്ങളാണ് താരത്തെ തേടി എത്തിയത്. അരങ്ങേറ്റം മലയാളത്തിൽ ആയിരുന്നെങ്കിലും അന്യഭാഷാ ചിത്രങ്ങളിലാണ് താരം കൂടുതൽ ശോഭിച്ചത്.

മലയാളത്തിൽ താരം അവസാനമായി അഭിനയിച്ചത് ദുൽഖർ സൽമാൻ നായകനായി എത്തിയ കുറുപ്പ് എന്ന ചിത്രത്തിൽ ആയിരുന്നു. ഈ ചിത്രത്തിൽ ടൊവിനോ അവതരിപ്പിച്ച കഥാപാത്രത്തിന്റെ ഭാര്യ ആയിട്ടാണ് താരം പ്രത്യക്ഷപ്പെട്ടത്. ചെറിയ റോളാണ് ലഭിച്ചതെങ്കിലും ആ കഥാപാത്രം വളരെയധികം പ്രേക്ഷക ശ്രദ്ധ നേടിയിരുന്നു. തെലുങ്കിൽ താരത്തിന്റേതായി ഒരുങ്ങിയ പുത്തൻ ചിത്രമാണ് റൗഡി ബോയ്സ്’ . ഹെലെൻ, 18 പേജസ്, കാർത്തികേയ 2 എന്നിവയാണ് അണിയറയിൽ ഒരുങ്ങുന്ന താരത്തിന്റെ പുത്തൻ തെലുങ്ക് ചിത്രങ്ങൾ.


ഇൻസ്റ്റയിൽ താരം പങ്കുവച്ച ചിത്രങ്ങളാണ് ഇപ്പോൾ പ്രേക്ഷക ശ്രദ്ധ നേടുന്നത്. ഹാഫ് സാരിയിൽ ഗ്ലാമറസ് ലുക്കിൽ മനം മയക്കുന്ന സൗന്ദര്യവുമായാണ് ഈ താരസുന്ദരി പ്രത്യക്ഷപ്പെട്ടിട്ടുള്ളത്. താരത്തിന്റെ ഈ ചിത്രങ്ങൾ പകർത്തിയിട്ടുള്ളത് ഷരീഫ് നന്ദ്യാലയാണ്. സ്റ്റൈലിങ് നിർവഹിച്ചിരിക്കുന്നത് ശിൽപയാണ്. താരത്തിന്റെ ഈ മനോഹര ചിത്രങ്ങൾ ഏറ്റെടുത്തിരിക്കുകയാണ് ആരാധകർ.

ആരാധകർ ഏറ്റെടുത്ത് അനുപമയുടെ ഡേറ്റ് നൈറ്റ് വീഡിയോ ഗാനം…! കാണാം..

പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന തെലുഗു ചിത്രമാണ് റൗഡി ബോയ്സ് . ഈ ചിത്രത്തിലെ ഗാനം ഇപ്പോൾ റിലീസ് ചെയ്തു. ചിത്രത്തിൽ നായികവേക്ഷത്തിൽ എത്തുന്നത് മലയാളി താരം അനുപമ പരമേശ്വരൻ ആണ് . ഈ കഴിഞ്ഞ ദിവസം ആണ് റൗഡി ബോയ്സിന്റെ ട്രൈലെർ പുറത്തിറങ്ങിയത് . ചിത്രത്തിന്റെ ട്രെയിലറിന് വൻ വരവേൽപ്പ് ആണ് ആരാധകർ നൽകിയത്. നേരത്തെ തന്നെ റിലീസ് ചെയ്ത ചിത്രത്തിലെ ഗാനങ്ങൾ എല്ലാം വൻ ജനശ്രദ്ധ പിടിച്ചു പറ്റിയിരുന്നു.

ഇപ്പോൾ ഈ ചിത്രത്തിലേതായ് പുറത്തിറങ്ങിയ ഗാനമാണ് ഡേറ്റ് നൈറ്റ് എന്നത് . ഈ ഗാനം ആലപിച്ചിട്ടുള്ളത് രഞ്ജിത്ത് ഗോവിന്ദ് , സമീറ ഭരദ്വാജ് സി എന്നിവർ ചേർന്നാണ്. യുട്യൂബിൽ ലക്ഷം വ്യൂസ് കടന്നിരിക്കുന്ന ഈ ഗാനത്തിന് സംഗീതം ചെയ്തിരിക്കുന്നത് ദേവി ശ്രീ പ്രസാദ് ആണ്. പാർട്ടി മൂഡിലാണ് ഈ ഗാനരംഗത്തിന്റെ ദൃശ്യങ്ങൾ ഒരുക്കിയിട്ടുള്ളത് . തെന്നിന്ത്യ ഒട്ടാകെ ആരാധകരുള്ള നടി അനുപമയുടെ ഈ ചിത്രത്തിനായി ഒരുപാട് കാലമായി ഫാൻസ് കാത്തിരിക്കുന്നു. ഈ ചിത്രത്തിൽ വളരെ ബോൾഡ് ആയിട്ടുള്ള കഥാപാത്രത്തെയാണ് അനുപമ അവതരിപ്പിക്കുന്നത് .

ഡേറ്റ് നൈറ്റ് എന്ന ഗാനത്തിൽ കിടിലൻ ഡാൻസ് കൊറിയോഗ്രഫി കാണാനാകും.
ഹർഷ കൊനുഗന്തി സംവിധാനം ചെയ്യുന്ന ചിത്രത്തിൽ അനുപമയെ കൂടാതെ ആഷിഷ് , സഹിദേവ് വിക്രം, തേജ് കുരപതി, കാർത്തിക് രത്നം, കോമാളി പ്രസാദ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. കോളേജ് പശ്ചാത്തലത്തിൽ ഒരുങ്ങുന്ന ഈ ചിത്രം ആക്ഷനും റൊമാൻസും കോർത്തിണക്കിയാണ് പുറത്തിറക്കുന്നത്. റൗഡി ബോയ്സ് നിർമ്മിക്കുന്നത് ശ്രീരീഷ്, ദിൽ രാജു എന്നിവർ ചേർന്നാണ്. മധു ആണ് എഡിറ്റിംഗ് കൈകാര്യം ചെയ്തിരിക്കുന്നത്. പ്രേക്ഷകരെ ആവേശത്തിലാഴ്ത്തിയ ഈ ചിത്രം ജനുവരി പതിനാലിന് തിയറ്ററുകളിൽ പ്രദർശനത്തിന് എത്തും.

Scroll to Top