Author name: CINEMA PRANTHAN

പ്രേക്ഷകരെ ചിരിപ്പിച്ച് തീയറ്ററിൽ വൻ ഹിറ്റായി മാറിയ ടൈം ട്രാവൽ ചിത്രം മാർക്ക് ആൻറണി…! വീഡിയോ കാണാം..

Promo videos / By

സെപ്റ്റംബർ 15 ആയിരുന്നു സയൻസ് ഫിക്ഷൻ ആക്ഷൻ കോമഡി വിഭാഗത്തിൽപ്പെടുന്ന മാർക്ക് ആന്റണി തിയേറ്ററുകളിൽ പ്രദർശനത്തിന് എത്തിയത്. മികച്ച ഓപ്പണിങ് ലഭിച്ച ഈ ചിത്രം തീയറ്ററുകളിൽ ഇപ്പോൾ വമ്പൻ വിജയ് കുതിപ്പാണ് കാഴ്ചവയ്ക്കുന്നത്. വിശാൽ , എസ് ജെ സൂര്യ എന്നിവരാണ് ഈ ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. ആദിക് രവിചന്ദ്രൻ സംവിധാനം ചെയ്യുന്ന ഈ ചിത്രത്തിലെ ഒരു വൈബ് വീഡിയോ ആണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്.

തിങ്ക് മ്യൂസിക് ഇന്ത്യ യൂട്യൂബ് ചാനലിലൂടെയാണ് വൈബ് ഓഫ് മാർക്ക് ആൻറണി എന്ന പേരിൽ രണ്ട് മിനിറ്റ് ദൈർഘ്യമുള്ള ചിത്രത്തിൻറെ വീഡിയോ പങ്കുവെച്ചിട്ടുള്ളത്. സുനീൽ, സെൽവരാഘവൻ , റിതു, അഭിനയ , കിംഗ്‌സ്ലി, വെ ജി മഹേന്ദ്രൻ എന്നിവരാണ് ചിത്രത്തിലെ മറ്റ് ശ്രദ്ധ വേഷങ്ങൾ കൈകാര്യം ചെയ്യുന്നത്. ഈ ചിത്രം ഒരു മുഴുനീള ഗ്യാങ്സ്റ്റർ ടൈം ട്രാവലർ എന്റർടൈനർ ആണ് . 1995 കാലഘട്ടത്തിലെ കഥയാണ് ചിത്രം പങ്കുവെക്കുന്നത്. മാർക്ക് ആൻറണി എന്ന ടൈറ്റിൽ കഥാപാത്രമായി വിശാൽ വേഷമിടുന്നു. എസ് ജെ സൂര്യയുടെ അതിഗംഭീര കോമഡി രംഗങ്ങൾ ചിത്രത്തിലുടനീളം കാണാൻ സാധിക്കും.

ചിത്രത്തിൻറെ തിരക്കഥ തയ്യാറാക്കിയത് സംവിധായകൻ ആദിക് രവിചന്ദ്രൻ തന്നെയാണ്. ജീ വി പ്രകാശ് കുമാറാണ് ഇതിലെ ഗാനങ്ങൾ ഒരുക്കിയിട്ടുള്ളത്. എസ് വിനോദ് കുമാർ ആണ് ഈ ചിത്രത്തിൻറെ നിർമ്മാണം നിർവഹിച്ചത്. അഭിനന്ദൻ രാമാനുജം ക്യാമറ കൈകാര്യം ചെയ്ത മാർക്ക് ആൻറണിയുടെ എഡിറ്റർ വിജയ് വേലുക്കുട്ടി ആണ് . ആർ കെ വിജയ് മുരുകൻ ആണ് ചിത്രത്തിന്റെ ആർട്ട് ഡയറക്ടർ. പീറ്റർ ഹെയ്ൻ, ദിലിപ് സുബ്ബയ്യൻ, കനൽ കണ്ണൻ, ദിനേഷ് സുബ്ബരയ്യൻ എന്നിവർ ചേർന്നാണ് ഇതിലെ ആക്ഷൻ രംഗങ്ങൾ ഒരുക്കിയിട്ടുള്ളത്.

ഇതൊന്നും എനക്ക് വേണ്ടിട്ടല്ല ഒക്കെം പാർട്ടിടെ നല്ലതിനുവേണ്ടിയാ… കുഞ്ചാക്കോ ബോബൻ നായകനായി എത്തുന്ന ചാവേർ.. ട്രൈലർ കാണാം..

Trailer / By

സ്വാതന്ത്ര്യം അർദ്ധരാത്രിയിൽ, അജഗജാന്തരം എന്നീ ചിത്രങ്ങളിലൂടെ പ്രേക്ഷകശ്രദ്ധ പിടിച്ചുപറ്റിയ സംവിധായകൻ ടിനു പാപ്പച്ചൻ അണിയിച്ചൊരുക്കുന്ന പുത്തൻ മലയാള ചിത്രമാണ് ചാവേർ . ഒരു പൊളിറ്റിക്കൽ ആക്ഷൻ ത്രില്ലർ ചിത്രമായ ഇതിൻറെ ഒഫീഷ്യൽ ട്രെയിലർ വീഡിയോ ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. കുഞ്ചാക്കോ ബോബൻ , ആന്റണി വർഗീസ്, അർജുൻ അശോകൻ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്.

പൂർണ്ണമായും രാഷ്ട്രീയ പശ്ചാത്തലത്തിലാണ് ഈ ചിത്രം അണിയിച്ചൊരുക്കിയിട്ടുള്ളത് എന്ന കാര്യം ഇപ്പോൾ പുറത്തിറങ്ങിയ ട്രെയിലർ വീഡിയോയിൽ നിന്നും വ്യക്തമാണ്. പാർട്ടികൾക്ക് വേണ്ടി കൊല്ലാനും ചാവാനും നടക്കുന്ന ഒരുകൂട്ടം യുവാക്കളുടെ കഥയാണ് ഈ ചിത്രത്തിലൂടെ തുറന്നു കാണിക്കുന്നത്. തിങ്ക് മ്യൂസിക് ഇന്ത്യ യൂട്യൂബ് ചാനലിലൂടെ പുറത്തിറങ്ങിയ രണ്ടര മിനിറ്റ് ദൈർഘ്യമുള്ള ഈ ട്രൈലർ വീഡിയോ ലക്ഷക്കണക്കിന് കാഴ്ചക്കാരെയാണ് നേടിയത്.

അക്രമാസക്തമായ ഏറ്റുമുട്ടലുകളും കടുത്ത രാഷ്ട്രീയ മത്സരങ്ങളുമാണ് ഈ ചിത്രത്തിൻറെ ഇതിവൃത്തം. കുഞ്ചാക്കോ ബോബൻ , ആന്റണി വർഗീസ്, അർജുൻ അശോകൻ എന്നിവരെ കൂടാതെ സജിൻ ഗോപു , സംഗീത മാധവൻ നായർ , ജോയ് മാത്യു, മനോജ് കെ. യു , അനുരൂപ് എന്നിവരും ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നുണ്ട്. സെപ്റ്റംബർ 21നായിരുന്നു ചിത്രത്തിൻറെ റിലീസ് ആദ്യം തീരുമാനിച്ചിരുന്നത് പിന്നീട് ഇത് മാറ്റി വയ്ക്കുകയായിരുന്നു.

ജോയ് മാത്യു ചിത്രത്തിൻറെ രചന നിർവഹിച്ചിട്ടുള്ളത്. അരുൺ നാരായണൻ പ്രൊഡക്ഷൻസ്, കാവ്യ ഫിലിം കമ്പനി എന്നിവയുടെ ബാനറിൽ അരുൺ നാരായണനും വേണു കുന്നപ്പള്ളിയുമാണ് ഈ ചിത്രം നിർമ്മിച്ചിരിക്കുന്നത്. ജിന്റോ ജോർജ് ക്യാമറ കൈകാര്യം ചെയ്ത ഈ ചിത്രത്തിൻറെ എഡിറ്റർ നിഷാദ് യൂസഫ് ആണ് . ജസ്റ്റിൻ വർഗീസ് ആണ് ഇതിലെ ഗാനങ്ങൾ ഒരുക്കിയിട്ടുള്ളത്.

ജീവിക്കണോ മരിക്കണോ എന്ന് നിനക്ക് തീരുമാനിക്കാം..! അന്ന രാജൻ നായികയായി എത്തുന്ന “മിസ്റ്റർ ഹാക്കർ” ട്രൈലർ കാണാം..

Trailer / By

ഹാരിസിന്റെ സംവിധാന മികവിൽ അണിയിച്ചൊരുക്കുന്ന പുത്തൻ മലയാള ചിത്രമാണ് മിസ്റ്റർ ഹാക്കർ . ഇതിനോടകം പുറത്തിറങ്ങിയ മിസ്റ്റർ ഹാക്കറുടെ ടീസർ വീഡിയോ എല്ലാം വലിയ രീതിയിൽ ശ്രദ്ധ നേടിയിരുന്നു. അതിന് പിന്നാലെയായി ഇപ്പോൾ ഇതാ ചിത്രത്തിന്റെ ഒഫീഷ്യൽ ട്രെയിലർ വീഡിയോ കൂടി പ്രേക്ഷകർക്ക് മുൻപാകെ എത്തിയിരിക്കുകയാണ്. സരിഗമ മലയാളം youtube ചാനലിലൂടെ പുറത്തിറങ്ങിയ മിസ്റ്റർ ഹാക്കറുടെ ട്രെയിലർ വീഡിയോ ലക്ഷക്കണക്കിന് കാഴ്ചക്കാരെയാണ് ഇതിനോടകം സ്വന്തമാക്കിയത്.

ഈ ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത് ഭീമൻ രഘു, ദേവൻ, അന്ന രേഷ്മ രാജൻ, അൽമാസ് മോതിവാല എന്നിവരാണ് . ഹാക്കിങ്ങും അതിൻറെ നൂലാമാലകളുമായി എത്തുന്ന ഈ ചിത്രത്തിന്റെ ടീസർ ട്രൈലർ വീഡിയോകൾ എല്ലാം തന്നെ പ്രേക്ഷകരിൽ നിന്നും മികച്ച പ്രതികരണമാണ് സ്വന്തമാക്കിയത്. കുഞ്ഞുമോൻ എന്ന ഹാക്കറുടെ ജീവിത കഥയിലൂടെയാണ് ഈ ചിത്രം മുന്നോട്ടു നീങ്ങുന്നത്. നാഷണൽ സൈബർ സെക്യൂരിറ്റിയുടെ കുഴപ്പങ്ങൾ കണ്ടെത്തിയ ഹാക്കർ കുഞ്ഞുമോനും കുഞ്ഞുമോന്റെ ഹാക്കിംഗ് വിദ്യകളും തന്നെയാണ് ഈ ചിത്രത്തിൻറെ പ്രധാന പ്രമേയം.

ഹാരിസ്, സോഹൻ സീനുലാല്‍, പാഷാണം ഷാജി, ടോണി ആൻറണി, എം എ നിഷാദ്, മണി സി കാപ്പൻ , റോയ് തോമസ് പാലാ, ഷഫീഖ് റഹ്‌മാൻ, ഉല്ലാസ് പന്തളം , രാജൻ സൂര്യ, നീനാ കുറുപ്പ്, ഗീതാ വിജയൻ , അംബിക മോഹൻ , അർച്ചന , അക്ഷര തുടങ്ങി താരങ്ങളും ഈ ചിത്രത്തിൽ വേഷമിടുന്നുണ്ട്.  ചിത്രത്തിൻറെ കഥയും തിരക്കഥയും തയ്യാറാക്കിയത് സംവിധായകൻ ഹാരിസ് തന്നെയാണ്.

സിഎഫ്സി ഫിലിംസ് നിർമ്മാണം നിർവഹിക്കുന്നു ഈ ചിത്രത്തിൻറെ നിർമ്മാതാവ് അഷറഫ് പാലാഴി ആണ് . ഈ ചിത്രത്തിലെ ഗാനങ്ങൾ ഒരുക്കിയിട്ടുള്ളത് റോഷൻ ജോസഫ് , സുമേഷ് കൂട്ടിക്കൽ , റോണി റാഫേൽ, എന്നിവർ ചേർന്നാണ് . എഡിറ്റിംഗ് കൈകാര്യം ചെയ്തിരിക്കുന്നത് വിപിൻ എം ജി ആണ് . അസോസിയേറ്റ് ഡയറക്ടർ – വിനോദ് ചന്ദ്രൻ , കോസ്റ്റ്യൂം – ഗായത്രി നിർമല , പ്രൊഡക്ഷൻ ഡിസൈനർ – ഷജിത് , ആർട്ട് ഡയറക്ടർ – രാജൻ ചെറുവത്തൂർ,  സ്റ്റിൽസ് – ഷാലു എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.

ധ്യാൻ ശ്രീനിവാസൻ നായകനായി എത്തുന്ന “നദികളിൽ സുന്ദരി യമുന” പ്രേക്ഷക ശ്രദ്ധ നേടിയ വീഡിയോ സോങ്ങ് കാണാം..

Song / By

ധ്യാൻ ശ്രീനിവാസൻ – അജു വർഗീസ് കോംബോയിൽ സെപ്റ്റംബർ 15ന് തിയേറ്ററുകളിൽ പ്രദർശനത്തിന് എത്തിയ ഒരു കോമഡി ഡ്രാമ ചിത്രമാണ് നദികളിൽ സുന്ദരി യമുന. പ്രേക്ഷകരിൽ നിന്നും സമ്മിശ്ര പ്രതികരണം നേടിയ ഈ ചിത്രത്തിലെ ഒരു വീഡിയോ ഗാനം ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. കായാം പൂവിൻ കണ്ണിൽ എന്ന വരികളോടെ തുടങ്ങുന്ന വീഡിയോ ഗാനമാണ് ഇപ്പോൾ പ്രേക്ഷകർക്ക് മുൻപാകെ എത്തിയിരിക്കുന്നത്. മൂന്നു മിനിറ്റ് ദൈർഘ്യമുള്ള ഈ വീഡിയോ ഗാനം സരിഗമ മലയാളം യൂട്യൂബ് ചാനലിലൂടെയാണ് എത്തിയിട്ടുള്ളത്.

അരുൺ മുരളീധരൻ സംഗീത സംവിധാനം നിർവഹിച്ച ഈ ഗാനം ആലപിച്ചിരിക്കുന്നത് അരവിന്ദ് വേണുഗോപാലും ഗായത്രി രാജീവും ചേർന്നാണ്. ബി കെ ഹരിനാരായണനാണ് ഈ ഗാനത്തിന്റെ വരികൾ തയ്യാറാക്കിയിട്ടുള്ളത്. ചിത്രത്തിലെ നായകൻ ധ്യാൻ ശ്രീനിവാസനും നടി പ്രജ്ഞാ നഗ്രയുമാണ് ഈ ഗാനരംഗത്തിൽ അഭിനയിച്ചിരിക്കുന്നത്. പ്രേക്ഷകരിൽ നിന്നും മികച്ച പ്രതികരണമാണ് ഈ വീഡിയോ ഗാനം സ്വന്തമാക്കുന്നത്.

കണ്ണൂരിന്റെ ദൃശ്യ ഭംഗിയിൽ അണിയിച്ച് ഒരുക്കിയിട്ടുള്ള ഈ ചിത്രത്തിൽ ധ്യാൻ, അജു, പ്രജ്ഞാ എന്നിവരെ കൂടാതെ സുധീഷ് , നിർമ്മൽ പാലാഴി, കലാഭവൻ ഷാജോൺ, സോഹൻ സീനുലാൽ , അനീഷ് ഗോപാൽ, നവാസ് വള്ളിക്കുന്ന്, ഉണ്ണിരാജ്, ആമി, വിസ്മയ ശശി കുമാർ , ദേവരാജ് , രാജേഷ് അഴീക്കോട്,  കിരൺ രമേഷ്, ശരത് ലാൽ എന്നിവരും പ്രധാന വേഷങ്ങൾ കൈകാര്യം ചെയ്യുന്നുണ്ട്.

വിജേഷ് പണത്തൂർ , ഉണ്ണി വെള്ളോറ എന്നീ നവാഗത സംവിധായകരാണ് ഈ ചിത്രം അണിയിച്ചൊരുക്കിയിട്ടുള്ളത്. സിനിമാറ്റിക് ഫിലിംസിന്റെ ബാനറിൽ പുറത്തിറങ്ങിയ ഈ ചിത്രത്തിൻറെ നിർമ്മാതാവ് മുരളി ആണ് . ഫൈസൽ അലി ആണ് ഛായാഗ്രാഹകൻ . എഡിറ്റർ രതിൻ രാധാകൃഷ്ണൻ. ചിത്രത്തിലെ പശ്ചാത്തല സംഗീതം അണിയിച്ച് ഒരുക്കിയിരിക്കുന്നത് ശങ്കർ ശർമയാണ്.

വിജയ് ദേവരകൊണ്ടയും സാമന്തയും ഒന്നിച്ച ഖുഷിയിലെ മനോഹര ഗാനം കാണാം..

Song / By

വിജയ് ദേവരകൊണ്ട, സാമന്ത റൂത്ത് പ്രഭു എന്നിവർ പ്രധാന വേഷങ്ങളിലെത്തിയ റൊമാൻറിക് കോമഡി തെലുങ്ക്  ചിത്രമാണ് ഖുഷി. സെപ്റ്റംബർ ഒന്നു മുതൽ പ്രദർശനത്തിന് എത്തിയ ഈ ചിത്രം പ്രേക്ഷകരിൽ നിന്ന് സമ്മിശ്ര പ്രതികരണം നേടുകയും ബോക്സ് ഓഫീസിൽ വിജയം തീർക്കുകയും ചെയ്തു. ഇപ്പോഴിതാ സോഷ്യൽ മീഡിയയിൽ ഈ ചിത്രത്തിലെ ആരാധ്യ എന്ന മലയാള വീഡിയോ ഗാനം ഏറെ ശ്രദ്ധ നേടുകയാണ്.

സരിഗമ മലയാളം യൂട്യൂബ് ചാനലിലൂടെയാണ് അഞ്ചു മിനിട്ട് ദൈർഘ്യമുള്ള ഈ വീഡിയോ ഗാനം പ്രേക്ഷകർക്കും മുൻപാകെ എത്തിയത്. സാമന്തയും വിജയ് ദേവരകൊണ്ടയും തമ്മിലുള്ള മനോഹരമായ പ്രണയ രംഗങ്ങളിലൂടെയാണ് ഈ വീഡിയോ ഗാനം ചിത്രീകരിച്ചിട്ടുള്ളത്. ഹൃദയം എന്ന ചിത്രത്തിലൂടെ പ്രേക്ഷകഹൃദയങ്ങളിൽ വലിയൊരു സ്ഥാനം നേടിയ സംഗീത സംവിധായകൻ ഹിഷാം അബ്ദുൽ വഹാബ് ആണ് ഈ ചിത്രത്തിലെ ഗാനങ്ങൾ ഒരുക്കിയിട്ടുള്ളത്. അരുൺ ആലാട്ട് ആണ് വരികൾ തയ്യാറാക്കിയത്. ഇതിലെ ഇംഗ്ലീഷ് വരികൾ ഒരുക്കിയിരിക്കുന്നത് ഷിയാസ് അബ്ദുൽ വഹാബ് ആണ് . കെ എസ് ഹരിശങ്കറും ശ്വേതാ മോഹനനും ചേർന്നാണ് ഈ ഗാനം ആലപിച്ചിരിക്കുന്നത്. കൊറിയോഗ്രഫി നിർവാണ , പോണി വർമ എന്നിവരുടേതാണ്.

ഈ റൊമാൻറിക് ചിത്രത്തിന്റെ തിരക്കഥ തയ്യാറാക്കിയത് ശിവ നിർവാണ ആണ് . സാമന്ത വിജയ് എന്നിവരെ കൂടാതെ സച്ചിൻ ഖേദകർ , ശരണ്യ പൊൻവണ്ണൻ , മുരളി ശർമ്മ, ലക്ഷ്മി, രോഹിണി, ജയറാം , വെണ്ണല കിഷോർ, രാഹുൽ രാമകൃഷ്ണ , ശ്രീകാന്ത് അയ്യങ്കാർ എന്നിവരും ചിത്രത്തിൽ ശ്രദ്ധേയ വേഷങ്ങൾ കൈകാര്യം ചെയ്യുന്നു. മുരളി ജി ക്യാമറ കൈകാര്യം ചെയ്ത ഈ ചിത്രത്തിൻറെ എഡിറ്റർ പ്രവിൻ പുഡി ആണ്. മൈത്രി മൂവി മേക്കേഴ്സ് അണിയിച്ച് ഒരുക്കിയ ഈ ചിത്രത്തിൻറെ നിർമ്മാതാക്കൾ നവീൻ യേർനേനി, വൈ രവിശങ്കർ എന്നിവരാണ് .

ജീവിതത്തിൽ തോൽവികൾ ഏറ്റുവാങ്ങി കൊണ്ടിരിക്കുന്നവരുടെ കഥയുമായി തോൽവി എഫ് സി ഒഫീഷ്യൽ ടീസർ വീഡിയോ….

Teaser / By

ജോർജ് കോര രചനയും സംവിധാനവും നിർവഹിക്കുന്ന പുത്തൻ മലയാള ചിത്രമാണ് തോൽവി എഫ് സി . നർമ്മ മുഹൂർത്തങ്ങളുമായി എത്തുന്ന തോൽവി എഫ് സി യുടെ ഒഫീഷ്യൽ ടീസർ വീഡിയോ ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. ഷറഫ് യൂ ദ്ദീൻ, ജോണി ആൻറണി, ജോർജ് കോര എന്നിവരാണ് ഈ ചിത്രത്തിലേക്ക് കേന്ദ്ര കഥാപാത്രങ്ങളെ അവതരിപ്പിക്കുന്നത്. ജീവിതത്തിൽ തോൽവി നേരിട്ടുകൊണ്ടിരിക്കുന്ന മൂന്നുപേരുടെ കഥയാണ് ചിത്രം പ്രേക്ഷകരോട് പറയുന്നത് എന്ന കാര്യം ഈ ടീസർ വീഡിയോയിൽ നിന്നും വ്യക്തമാണ്.

മികച്ച ഒരു കോമഡി ഫാമിലി എന്റർടെയ്നർ ആയിരിക്കും ഈ ചിത്രമെന്നും ടീസർ വീഡിയോ സൂചന നൽകുന്നുണ്ട്. ഷറഫ് യൂ ദ്ദീൻ, ജോണി ആൻറണി, ജോർജ് കോര എന്നിവരെ കൂടാതെ ആൾ മഠത്തിൽ, മീനാക്ഷി രവീന്ദ്രൻ , അൽത്താഫ് സലിം, ജിനു ബെൻ , അനുരാജ് ഒ ബി എന്നിവരും ചിത്രത്തിൽ ശ്രദ്ധേയ വേഷങ്ങൾ കൈകാര്യം ചെയ്യുന്നുണ്ട്. ചിത്രത്തിലെ ഒരു കേന്ദ്ര കഥാപാത്രത്തെ അവതരിപ്പിക്കുന്ന ജോർജ് കോര തന്നെയാണ് ഈ ചിത്രത്തിൻറെ രചന നിർവഹിക്കുന്നത്. നാഷൻ വൈഡ് പിക്ചർസിൻറെ ബാനറിൽ എബ്രഹാം ജോസഫ് ആണ് ഈ ചിത്രം നിർമ്മിക്കുന്നത്. ഡിജോ കുര്യൻ, പോൾ കറുകപ്പിള്ളിൽ, റോണിലാൽ ജെയിംസ്, മനു, ജോസഫ് ചാക്കോ , ബിനോയ് ഇനി ചിത്രത്തിൻറെ സഹ നിർമ്മാതാക്കളാണ്.

ശ്യാമപ്രകാശ് എം എസ് ക്യാമറ ചലിപ്പിക്കുന്ന ഈ ചിത്രത്തിൻറെ ലാൽ കൃഷ്ണ . ലാൽ കൃഷ്ണ ചിത്രത്തിൻറെ പോസ്റ്റ് പ്രൊഡക്ഷൻ ഡയറക്ടർ കൂടിയാണ്. ചിത്രത്തിലെ പശ്ചാത്തല സംഗീതം ഒരുക്കിയിരിക്കുന്നത് സിബി മാത്യു അലക്സ് . വിനായക് ശശികുമാർ , കാർത്തിക് കൃഷ്ണൻ , റിജിൻ എന്നിവർ ചേർന്ന് വരികൾ തയ്യാറാക്കിയ ചിത്രത്തിലെ ഗാനങ്ങൾ ആലപിച്ചിരിക്കുന്നത് വിനീത് ശ്രീനിവാസൻ , കാർത്തിക് കൃഷ്ണൻ , സൂരജ് സന്തോഷ് എന്നിവരാണ് . ആർട്ട് ഡയറക്ടർ – ആഷിക് എസ് , മേക്കപ്പ് – രഞ്ജു കോലഞ്ചേരി, കോസ്റ്റ്യൂം ഡിസൈനർ – ഗായത്രി കിഷോർ, പ്രൊഡക്ഷൻ കൺട്രോളർ – ജെ പി മനകൗഡ്, ചീഫ് അസോസിയേറ്റ് ഡയറക്ടർ – ശ്രീകാന്ത് മോഹൻ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.

തീപ്പൊരി ബെന്നിയായി നടൻ അർജ്ജുൻ അശോകൻ…. രാഷ്ട്രീയവും നർമ്മവുമായി തീപ്പൊരി ബെന്നിയുടെ ഒഫീഷ്യൽ ട്രൈലർ കാണാം..

Trailer / By

മലയാളത്തിലെ യുവ താരനിരയിലെ ശ്രദ്ധേയനായ നടൻ അർജ്ജുൻ അശോകൻ കേന്ദ്ര കഥാപാത്രമായി എത്തുന്ന പുത്തൻ ചിത്രമാണ് തീപ്പൊരി ബെന്നി . ചിത്രത്തിലെ ടൈറ്റിൽ കഥാപാത്രമാണ് അർജുൻ അശോകൻ എത്തുന്നത്. മിന്നൽ മുരളി എന്ന ചിത്രത്തിലൂടെ പ്രേക്ഷകർക്ക് സുപരിചിതയായ നടി ഫെമിന ജോർജ് ആണ് ഈ ചിത്രത്തിലെ നായിക. തീപ്പൊരി ബെന്നിയുടെ ഫസ്റ്റ് ലുക്ക് പോസ്റ്റർ ഏറെ ശ്രദ്ധ നേടിയിരുന്നു. ഇപ്പോഴിത ഷെബിൻ ബക്കർ പ്രൊഡക്ഷൻസിന്റെ യൂടൂബ് ചാനലിലിലൂടെ ചിത്രത്തിന്റെ ഒഫീഷ്യൽ ട്രൈലർ വീഡിയോ പ്രേക്ഷകർക്ക് മുൻപാകെ എത്തിയിരിക്കുകയാണ്.

ഇടതുപക്ഷ രാഷ്ട്രീയത്തെ കൂടെ ചേർത്തിരിക്കുന്ന വട്ടക്കുട്ടയിൽ ചേട്ടായിടേയും രാഷ്ട്രീയത്തെ എതിർക്കുന്ന ബെന്നിയുടേയും രസകരമായ കഥാസന്ദർഭങ്ങളാണ് ഈ ട്രൈലർ വീഡിയോയിൽ ഒരുക്കിയിട്ടുള്ളത്. നടൻ ജഗദീഷ് ആണ് വട്ടക്കുട്ടയിൽ ചേട്ടായി എന്ന കഥാപാത്രത്തെ അവതരിപ്പിക്കുന്നത്. ഷാജു ശ്രീധർ , റാഫി എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.

രാജേഷ് ജോജി ആണ് ഈ ചിത്രത്തിന്റെ സംവിധായകൻ. ചിത്രത്തിന്റെ കഥ തിരക്കഥ രചന നിർവ്വഹിച്ചിരിക്കുന്നതും രാജേഷ് തന്നെയാണ്. ഷെബിൻ ബക്കർ നിർമ്മാണം നിർവഹിക്കുന്ന ഈ ചിത്രത്തിന്റെ സഹ നിർമ്മാതാക്കളാണ് റുവൈസ് ഷെബിൻ, ഷിബു ബക്കർ , ഫൈസൽ ബക്കർ എന്നിവർ. ശ്രീരാജ് സജി ആണ് ചിത്രത്തിന്റെ സംഗീത സംവിധായകൻ. വിനായക് ശശികുമാർ , ഹരികൃഷ്ണൻ യു എന്നിവർ ചേർന്നാണ് ഇതിലെ ഗാനങ്ങൾ ഒരുക്കിയിട്ടുള്ളത്.

അജയ് ഫ്രാൻസീസ് ജോർജ് ഛായാഗ്രഹണം നിർവഹിച്ച ഈ ചിത്രത്തിന്റെ എഡിറ്റർ സൂരജ് ഇ എസ് ആണ്. ശ്രീജിത്ത് , ശാന്തി കുമാർ എന്നിവരാണ് കൊറിയോഗ്രഫേഴ്സ്, മേക്കപ്പ് – മനോജ് കിരൺ രാജ്, സ്റ്റണ്ട് – മാഫിയ ശശി, പ്രൊഡക്ഷൻ കൺട്രോളർ – അലക്സ് ഇ കുര്യൻ, പി ആർ ഒ – ഹെയ്ൻസ് എന്നിവരാണ് ചിത്രത്തിന്റെ മറ്റ് അണിയറ പ്രവർത്തകർ.

ഭാവന നായികയായി എത്തുന്ന ഷാജി കൈലാസിൻ്റെ ഇൻവെസ്റ്റിഗേഷൻ ത്രില്ലർ ചിത്രം ഹണ്ട്.. ട്രൈലർ കാണാം..

Trailer / By

മോഹൻലാലിനെ നായകനാക്കി അണിയിച്ചൊരുക്കിയ എലോൺ എന്ന ചിത്രത്തിനുശേഷം ഷാജി കൈലാസ് സംവിധാനം ചെയ്യുന്ന പുത്തൻ ഹൊറർ സസ്പെൻസ് ത്രില്ലർ ചിത്രമാണ് ഹണ്ട്. ഭാവന കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രത്തിൻറെ ഒഫീഷ്യൽ ട്രെയിലർ വീഡിയോ സോഷ്യൽ മീഡിയയിൽ ശ്രദ്ധ നേടുകയാണ്. ഹൊറർ മൂഡിൽ ഒരുങ്ങുന്ന ഈ ചിത്രത്തിൻറെ മേക്കിങ് വീഡിയോ ചിത്രീകരണ സമയത്ത് തന്നെ പുറത്ത് വിടുകയും അത് ഏറെ ശ്രദ്ധ നേടുകയും ചെയ്തിരുന്നു.



ഗുഡ്വിൽ എന്റർടൈൻമെന്റിന്റെ യൂട്യൂബ് ചാനലിലൂടെയാണ് ഹണ്ടിന്റെ ഒഫീഷ്യൽ ട്രെയിലർ വീഡിയോ പ്രേക്ഷകർക്ക് മുൻപാകെ എത്തിയത്. ഹൊററും സസ്പെൻസും ചേർന്ന ഒരു ത്രില്ലർ ചിത്രമാണ് ഇതെന്ന സൂചന ട്രെയിലർ വീഡിയോയിൽ നിന്നും ലഭിക്കുന്നുണ്ട്. ഭാവന ഈ ചിത്രത്തിൽ എത്തുന്നത് ഡോക്ടർ കീർത്തി എന്ന കഥാപാത്രമായാണ്. മെഡിക്കൽ കോളേജിലേക്ക് എത്തുന്ന ഒരു കേസും അതേത്തുടർന്നുണ്ടാകുന്ന സംഭവ വികാസങ്ങളുമാണ് ഈ ചിത്രത്തിൻറെ പ്രമേയം.



ഭാവനയെ കൂടാതെ രഞ്ജി പണിക്കർ, അജ്മൽ അമീർ , ചന്ദുനാഥ്, അനു മോഹൻ , സുരേഷ് കുമാർ , രാഹുൽ മാധവ് , ബിജു പപ്പൻ , നന്ദു, വിജയകുമാർ എന്നിവരും ഈ ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. നിഖിൽ ആനന്ദ് ആണ് ഈ ചിത്രത്തിൻറെ രചന നിർവഹിച്ചത്. ഈ ചിത്രത്തിന്റെ നിർമാണം നിർവഹിക്കുന്നത് കെ രാധാകൃഷ്ണനാണ്. ജാക്സൺ ജോൺസൺ ക്യാമറ ചലിപ്പിച്ച ഹണ്ടിന്റെ എഡിറ്റിംഗ് നിർവഹിച്ചിരിക്കുന്നത് അഖിൽ എ ആർ ആണ് . കൈലാസ് മേനോൻ ആണ് ഇതിലെ ഗാനങ്ങൾ ഒരുക്കിയിട്ടുള്ളത്.



2017 ൽ പുറത്തിറങ്ങിയ ആദം ജോൺ എന്ന ചിത്രത്തിനു ശേഷം ഭാവന മലയാളത്തിൽ വേഷമിട്ടത് ഈ വർഷം പുറത്തിറങ്ങിയ ന്റിക്കാക്കക്കൊരു പ്രേമണ്ടാർന്ന് എന്ന ചിത്രത്തിൽ ആണ്. ഈ ചിത്രം വേണ്ടത്ര ശ്രദ്ധ താരത്തിന് നേടി കൊടുത്തില്ല. ഹണ്ട് ഒരു ഗംഭീര വിജയ ചിത്രമായി മാറും എന്നാണ് പ്രേക്ഷകർ പ്രതീക്ഷിക്കുന്നത്. കന്നട തമിഴ് മലയാളം ഭാഷകളിലായി ഓരോ ചിത്രങ്ങൾ കൂടി ഭാവനയുടെതായി ഒരുങ്ങിക്കൊണ്ടിരിക്കുന്നുണ്ട്.

തിയേറ്റർ പൂര പറമ്പാക്കിയ കിംഗ് ഓഫ് കൊത്തയിലെ കലാപക്കാരാ..! ഫുൾ വീഡിയൊ കാണാം..

Song / By

സിനിമ റിലീസ് ചെയ്യുന്നതിന് മുൻപ് തന്നെ ചിത്രത്തിലെ ഗാനങ്ങൾ പുറത്തുവിടുന്നതും സോഷ്യൽ മീഡിയ പ്ലാറ്റ്ഫോമുകളിൽ വൈറലായി മാറുന്നതും ഒരു പതിവ് കാഴ്ചയാണ്. അത്തരത്തിൽ ഏറെ ട്രെൻഡിങ് ആയി മാറിയ ഗാനമായിരുന്നു ദുൽഖർ സൽമാന്റെ കിംഗ് ഓഫ് കൊത്തയിലെ കലാപക്കാരാ ഗാനം. ഇൻസ്റ്റഗ്രാം റീൽസുകളിൽ ഈ ഗാനവും ഇതിലെ ട്രെൻഡിങ് സ്റ്റെപ്പും എല്ലാം നിറഞ്ഞു നിന്നിരുന്നു.

ഇപ്പോഴിതാ ഏറെ ട്രെൻഡിങ് ആയി മാറിയ ഈ ഗാനത്തിന്റെ വീഡിയോ പ്രേക്ഷകർക്ക് മുൻപാകെ എത്തിയിരിക്കുകയാണ്. സോണി മ്യൂസിക് സൗത്ത് യൂട്യൂബ് ചാനലിലൂടെയാണ് നാലേകാൽ മിനിറ്റ് ദൈർഘ്യമുള്ള ഈ വീഡിയോ ഗാനം പോസ്റ്റ് ചെയ്തിട്ടുള്ളത്. ജേക്സ് ബിജോയ് ഈണം പകർന്ന ഈ ഗാനത്തിലെ വരികൾ തയ്യാറാക്കിയത് ജോ പോൾ ആണ് . ജേക്സ് ബിജോയ്, ശ്രേയ ഘോഷാൽ, ബെന്നി ദയാൽ എന്നിവരാണ് കലാപക്കാരാ ഗാനം പാടിയിരിക്കുന്നത്.

ദുൽഖർ സൽമാനോടൊപ്പം ഈ ഗാന രംഗത്തിൽ അഭിനയിച്ചിരിക്കുന്നത് തെന്നിന്ത്യൻ താരം ഋതിക സിംഗ് ആണ് . ഒരു സ്പോർട്സ് താരം കൂടിയായ റിതികയുടെ ആദ്യ മലയാള ചിത്രം കൂടിയാണ് ഇത്. ഈ ഗാനരംഗത്തിൽ മാത്രമാണ് റിതിക വേഷമിട്ടത്. പ്രസന്ന, ഷബീർ കല്ലറയ്ക്കൽ, ഗോകുൽ സുരേഷ്, ഐശ്വര്യ ലക്ഷ്മി , ശരൺ ശക്തി , ചെമ്പൻ വിനോദ് ജോസ് , ഷമ്മി തിലകൻ , അനിഖ സുരേന്ദ്രൻ , നൈല ഉഷ, ശാന്തി കൃഷ്ണ എന്നിവരാണ് ചിത്രത്തിലെ മറ്റ് പ്രധാന വേഷങ്ങൾ കൈകാര്യം ചെയ്തത്.

ഓഗസ്റ്റ് 24ന് പ്രദർശനത്തിന് എത്തിയ ഈ ചിത്രം സമ്മിശ്ര പ്രതികരണമാണ് നേടിയത്. 50 കോടി മുതൽമുടക്കിൽ ഒരുക്കിയ ഈ ചിത്രം ഇതിനോടകം സ്വന്തമാക്കിയ ബോക്സ് ഓഫീസ് കളക്ഷൻ 38 കോടിയാണ്. അഭിലാഷ് ജോഷി സംവിധാനം ചെയ്ത ഈ ചിത്രത്തിന്റെ നിർമാണം നിർവഹിച്ചത് ദുൽഖർ സൽമാനും സി സ്റ്റുഡിയോസും ചേർന്നാണ് . അഭിലാഷ് എൻ ചന്ദ്രനാണ് ചിത്രത്തിൻറെ രചന നിർവഹിച്ചത്.

ചെറിയൊരു ഇടവേളയ്ക്ക് ശേഷം അനുഷ്ക ഷെട്ടി വീണ്ടും സ്ക്രീനിൽ എത്തുന്നു… മിസ് ഷെട്ടി മിസ്റ്റർ പോളി ഷെട്ടി ട്രൈലർ കാണാം…

Trailer / By

2020 ന് ശേഷം നടി അനുഷ്ക ഷെട്ടി അഭിനയിക്കുന്ന പുത്തൻ ചിത്രമാണ് മിസ് ഷെട്ടി മിസ്റ്റർ പോളി ഷെട്ടി . ഈ തെലുങ്കു ചിത്രത്തിന്റെ ട്രൈലർ വീഡിയോ ഇപ്പോൾ പ്രേക്ഷകർ മുൻപാകെ എത്തിയിരിക്കുകയാണ്. മിസ്സ് ഷെട്ടിയായി അനുഷ്കയും മിസ്റ്റർ പോളി ഷെട്ടിയായി നവീനും എത്തുന്നു. രണ്ടര മിനുട്ട് ദൈർഘ്യള്ള ഈ ട്രൈലർ വീഡിയോ യു വി ക്രിയേഷൻസിന്റെ യൂട്യൂബ് ചാനലിലൂടെ ആണ് പ്രേക്ഷകരിലേക്ക് എത്തിയത്.

ഫെമിനിസ്റ്റായ മിസ് ഷെട്ടിയും ഒരു യഥാർത്ഥ പ്രണയത്തിനായി കാത്തിരിക്കുന്ന മിസ്റ്റർ പോളി ഷെട്ടിയും തമ്മിൽ കണ്ട് മുട്ടുന്നതും തുടർന്ന് അവർക്കിടയിൽ ഉണ്ടാകുന്ന രസകരമായ നിമിഷങ്ങളാണ് ഈ ചിത്രത്തിന്റെ പ്രമേയം. സെപ്തംബർ 7 ന് ആണ് ഈ ചിത്രം പ്രദർശനത്തിന് എത്തുന്നത്. മഹേഷ് ബാബു പി ആണ് ഈ ചിത്രത്തിന്റെ സംവിധായകൻ. ചിത്രത്തിന്റെ രചന നിർവഹിച്ചിരിക്കുന്നത് മഹേഷ് ബാബു തന്നെയാണ്.

യു വി ക്രിയേഷൻസിന്റെ ബാനറിൽ പുറത്തിറങ്ങുന്ന ഈ ചിത്രം നിർമ്മിക്കുന്നത് വംശി പ്രമോദ് ആണ്. രഥൻ ആണ് ഈ ചിത്രത്തിന്റെ സംഗീത സംവിധായകൻ. ഗോപി സുന്ദറാണ് ഈ ചിത്രത്തിന്റെ പശ്ചാത്തല സംഗീതം ഒരുക്കിയിട്ടുള്ളത്. നിരവ് ഷാ ക്യാമറ ചലിപ്പിച്ച ഈ ചിത്രത്തിന്റെ എഡിറ്റർ കൊട്ടഗിരി വെങ്കടേശ്വര രാവു ആണ്. ആർട്ട് ഡയറക്ടർ – രാജീവൻ നമ്പ്യാർ ആണ്.

Scroll to Top