ശബ്ദവും ഇരുട്ടും പേടിച്ച് ജാനകി…! നവ്യ നായർ – സൈജു കുറുപ്പ് ചിത്രം ജാനകി ജാനേ… ട്രെയിലർ കാണാം..
നവ്യ നായർ , സൈജു കുറുപ്പ് എന്നിവരെ കേന്ദ്ര കഥാപാത്രങ്ങൾ ആക്കി അനീഷ് ഉപാസന സംവിധാനം ചെയ്യുന്ന പുത്തൻ ചിത്രമാണ് ജാനകി ജാനേ . മെയ് 12 ന് റിലീസ് ചെയ്യുന്ന ഈ ചിത്രത്തിൻറെ ഒഫീഷ്യൽ ട്രെയിലർ ഇപ്പോൾ അണിയറ പ്രവർത്തകർ പുറത്തുവിട്ടിരിക്കുകയാണ്. മനോരമ മ്യൂസിക് സൗത്ത് യൂട്യൂബ് ചാനലിലൂടെ പുറത്തിറങ്ങിയ രണ്ട് മിനിറ്റ് ധരിക്കും ഉള്ള ചിത്രത്തിന്റെ ട്രെയിലർ വീഡിയോ നിരവധി കാഴ്ചക്കാരെയാണ് മണിക്കൂറുകൾ കൊണ്ട് സ്വന്തമാക്കിയത്. ഒരു ഫാമിലി കോമഡി എന്റർടൈനറായാണ് അനീഷ് ചിത്രം അണിയിച്ചൊരുക്കിയിരിക്കുന്നത്.
രസകരമായ നിമിഷങ്ങളിലൂടെയാണ് ട്രെയിലർ വീഡിയോ ആരംഭിക്കുന്നത്. ഇരുട്ടും ശബ്ദവും എല്ലാം വളരെ ഭയമുള്ള ജാനകി എന്ന കഥാപാത്രത്തെയാണ് നവ്യ നായർ ചിത്രത്തിൽ അവതരിപ്പിക്കുന്നത്. ഭാര്യ ഭർത്താക്കന്മാരായാണ് നവ്യയും സൈജുവും ചിത്രത്തിൽ വേഷമിടുന്നത്. ഇതിന് മുൻപ് പുറത്തിറങ്ങിയ ഒരുത്തി എന്ന ചിത്രത്തിലും ഈ കോംബോ പ്രത്യക്ഷപ്പെട്ടിരുന്നു. ഈ താരങ്ങളെ കൂടാതെ ജോണി ആൻറണി, ഷറഫുദ്ദീൻ, കോട്ടയം നസീർ ,അനാർക്കലി മരയ്ക്കാർ , ജോർജ് കോര, സ്മിനു സിജോ,പ്രമോദ് വെളിയനാട്, ജെയിംസ് ഇലിയ, ജോർദി പൂഞ്ഞാർ , അഞ്ജലി സത്യനാഥ്, സതി പ്രേംജി , അൻവർ ഷെരീഫ് എന്നിവരും ചിത്രത്തിലെ മറ്റ് ശ്രദ്ധേയ കഥാപാത്രങ്ങളെ അവതരിപ്പിക്കുന്നു.
സംവിധായകൻ അനീഷ് തന്നെയാണ് ചിത്രത്തിൻറെ രചനയും നിർവഹിച്ചിരിക്കുന്നത്. എസ് ക്യൂബ് ബാനറിൽ പുറത്തിറങ്ങുന്ന ഈ ചിത്രത്തിൻറെ നിർമ്മാണം നിർവഹിക്കുന്നത് ഷെനുഗാ, ഷേർഗ , ഷെഗ്ന എന്നിവർ ചേർന്നാണ്. ശ്യാം പ്രകാശ് എം എസ് ആണ് ഈ ചിത്രത്തിന്റെ ക്യാമറാമാൻ. നിർവഹിച്ചത് നൗഫൽ അബ്ദുള്ള ആണ് . കൈലാസ് സംഗീതസംവിധാനം നിർവഹിക്കുന്ന ഈ ചിത്രത്തിൻറെ പശ്ചാത്തല സംഗീതം ഒരുക്കിയിട്ടുള്ളത് സിബി മാത്യു അലക്സാണ്. എക്സിക്യൂട്ടീവ് പ്രൊഡ്യൂസർ – രതീന, ലൈൻ പ്രൊഡ്യൂസർ – ഹാരിസ് ദേശം, പ്രൊഡക്ഷൻ ഡിസൈൻ – ജ്യോതിഷ് ശങ്കർ , കോസ്റ്റ്യൂം – സമീറ സനീഷ് , ചീഫ് അസോസിയേറ്റ് – രാമവർമ്മ, മേക്കപ്പ് – ശ്രീജിത്ത് ഗുരുവായൂർ , പി ആർ ഓ – വാഴൂർ ജോസ് , മഞ്ജു ഗോപിനാഥ് , പ്രൊഡക്ഷൻ എക്സിക്യൂട്ടീവ് – അനീഷ് എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.
