500 കോടി മുതൽ മുടക്കിൽ പുറത്തിറങ്ങാൻ ഒരുങ്ങുന്ന ഇന്ത്യയിലെ തന്നെ ബ്രഹ്മാണ്ഡ ചിത്രമാണ് ആദിപുരുഷ് . ഹിന്ദി, മലയാളം, തമിഴ്, തെലുങ്കു, കന്നട ഭാഷകളിലായി പുറത്തിറക്കുന്ന ഈ ചിത്രത്തിൻറെ സംവിധായകൻ ഓം റൗട്ട് ആണ് . പ്രഭാസ് നായക വേഷം ചെയ്യുന്ന ആദിപുരുഷിൻറെ ടീസർ വീഡിയോ പുറത്തിറങ്ങിയ സമയത്ത് നിരവധി വിമർശനങ്ങളാണ് നേരിടേണ്ടി വന്നത്. 500 കോടി മുതൽ മുടക്കിൽ 250 കോടിയോളം വി എഫ് എക്സിന് ചെലവാക്കുന്ന ഈ ചിത്രത്തിൻറെ ടീസർ വീഡിയോ കണ്ടപ്പോൾ പ്രേക്ഷകർ ഏവരും പരിഹസിച്ചു. കുട്ടികൾക്കായുള്ള കാർട്ടൂൺ വീഡിയോ ഇതിലും മികച്ചത് ആയിരിക്കും എന്നായിരുന്നു അന്ന് വീഡിയോ കണ്ട പലരുടെയും അഭിപ്രായം. ഈ വാർത്തകൾ ഏറെക്കാലം സാമൂഹ്യ മാധ്യമങ്ങളിൽ ചൂടുപിടിച്ച് നിൽക്കുകയും ചെയ്തിരുന്നു.
എന്നാൽ ഇപ്പോൾ ഇതാ ടീസറിന്റെ ക്ഷീണം മാറ്റിക്കൊണ്ട് പ്രേക്ഷകരെ തൃപ്തിപ്പെടുത്തുന്ന രീതിയിൽ ആദിപുരുഷിൻറെ ഒഫീഷ്യൽ ട്രെയിലർ വീഡിയോ പങ്കുവെച്ചിരിക്കുകയാണ്. ടി സിരീസ് യൂട്യൂബ് ചാനലിലൂടെ ആണ് എല്ലാ ഭാഷകളിലും ഉള്ള ഈ ചിത്രത്തിൻറെ ഒഫീഷ്യൽ ട്രെയിലർ വീഡിയോ എത്തിയത്. ടീസർ കണ്ടതുപോലെയല്ല എത്രയോ മികച്ചുനിൽക്കുന്നു എന്നതായിരുന്നു പ്രേക്ഷകർ ഏവരും കമൻറ് ചെയ്തത്. രാമായണത്തെ ആസ്പദമാക്കി അണിയിച്ചൊരുക്കുന്ന ഈ ചിത്രത്തിൽ കൃതി സനോൺ , സൈഫ് അലി ഖാൻ എന്നിവരും പ്രധാന കഥാപാത്രങ്ങൾ ആയി വേഷമിടുന്നുണ്ട്. തിന്മയ്ക്ക് മേലെയുള്ള നന്മയുടെ വിജയം ആഘോഷിക്കുന്നു എന്ന ടാഗ് ലൈനോട് കൂടിയാണ് വീഡിയോ പുറത്തുവിട്ടിട്ടുള്ളത്.
ജൂൺ 16 മുതൽക്കാണ് ചിത്രം തിയറ്ററുകളിൽ പ്രദർശനത്തിന് എത്തുന്നത്. ത്രീഡി മികവോടെയാണ് ചിത്രം പ്രേക്ഷകർക്കും മുൻപാകെ പ്രദർശിപ്പിക്കുന്നത്. ഭൂഷൻ കുമാർ , കൃഷൻ കുമാർ , ഓം റൗട്ട് , പ്രസാദ് രാജേഷ് നായർ എന്നിവരാണ് ചിത്രത്തിന്റെ നിർമാണം നിർവഹിക്കുന്നത്. ഗുൽഷൻ കുമാർ , ടി സീരീസ് എന്നിവ അവതരിപ്പിക്കുന്ന ഈ ചിത്രം നിർമ്മിക്കുന്നത് എ ടി സീരീസ് ഫിലിംസും റിട്രോഫൈൽസ് പ്രൊഡക്ഷനും ചേർന്നാണ്. ഏതായാലും ചിത്രത്തിൻറെ വി എഫ് എക്സൽ വൻ മാറ്റം വന്നതോടെ ചിത്രത്തിനായുള്ള പ്രേക്ഷക പ്രതീക്ഷകളും ഏറെയാണ്.