April 21, 2022

നെൽസൺ ദിലീപ് കുമാർ സംവിധാനം ചെയ്ത് ദളപതി വിജയ് നായകനായി എത്തിയ ഏറ്റവും പുതിയ ചിത്രമാണ് ബീസ്റ്റ് . തിയറ്ററുകളിൽ വിജയകരമായി പ്രദർശനം തുടരുന്ന ഈ ചിത്രത്തിന്റെ മേക്കിങ് വീഡിയോയുടെ പ്രൊമോ വീഡിയോ ഇപ്പോൾ അണിയറ പ്രവർത്തകർ പുറത്തുവിട്ടിരിക്കുകയാണ്. ചെന്നൈ ഈസ്റ്റ് കോസ്റ്റ് മാൾ ആണ് ഈ സിനിമയുടെ പ്രധാന കഥാപശ്ചാത്തലമായി കാണിച്ചിട്ടുള്ളത് . എന്നാൽ ഇപ്പോൾ പുറത്തിറങ്ങിയ പ്രൊമോ വീഡിയോയിൽ ഈ മാൾ ഫുൾ സെറ്റിട്ടതാണെന്ന് കാണാം.

ചിത്രത്തിന്റെ മേക്കിങ് വീഡിയോ സൺ ടിവിയിൽ ഏപ്രിൽ 24 ന് ഉച്ചയ്ക്ക് 12.30 ന് പുറത്തുവിടും. ഈ സിനിമയുടെ കലാ സംവിധാനം നിർവഹിച്ചിരിക്കുന്നത് അഭിനേതാവ് കൂടിയായ ഡി. ആർ. കെ. കിരൺ ആണ്. ശിവകാർത്തികേയനെ നായകനാക്കി നെൽസൺ ദിലീപ് കുമാർ സംവിധാനം ചെയ്ത ഡോക്ടർ എന്ന ചിത്രത്തിനും കലാ സംവിധാനം നിർവഹിച്ചത് ഡി. ആർ. കെ. കിരൺ തന്നെയാണ്.
ഏപ്രിൽ പതിമൂന്നിന് ആയിരുന്നു ഈ ചിത്രം പ്രദർശനത്തിന് എത്തിയത് .

ചിത്രത്തിൽ പൂജ ഹെഗ്ഡെയാണ് നായിക വേഷം ചെയ്തിരിക്കുന്നത്. കൂടാതെ ഷൈൻ ടോം ചാക്കോ അപർണ ദാസ് എന്നീ മലയാളി താരങ്ങളും രാഘവൻ , പുകഴ്, യോഗി ബാബു, അങ്കുർ വികൽ തുടങ്ങി താരങ്ങളും അഭിനയിച്ചിട്ടുണ്ട് . ചിത്രത്തിന്റെ എഡിറ്റിംഗ് കൈകാര്യം ചെയ്തിരിക്കുന്നത് ആർ നിർമ്മൽ ആണ്. ചിത്രത്തിന്റെ ക്യാമറമാൻ മനോജ് പരമഹംസയാണ് .

ജയസൂര്യയെ നായകനാക്കി നവാഗതനായ അഭിജിത്ത് ജോസഫ് അണിയിച്ചൊരുക്കുന്ന പുത്തൻ ചിത്രമാണ് ജോൺ ലൂഥർ . ഈ ചിത്രത്തിന്റെ ട്രൈലർ ഇന്ന് റിലീസ് ചെയ്തു. ഒരു ഇൻവസ്റ്റിഗേഷൻ ത്രില്ലർ പാറ്റേണിലാണ് ഈ ചിത്രം ഒരുക്കിയിരിക്കുന്നതെന്ന് ട്രൈലറിൽ നിന്നും വ്യക്തമാണ്. വളരെയധികം സസ്പെൻസ് നിറഞ്ഞ ഒരു ട്രൈലറാണ് ഇപ്പോൾ പുറത്തുവിട്ടിരിക്കുന്നത്.

ചിത്രത്തിൽ ഒരു പോലീസ് കഥാപാത്രത്തെയാണ് ജയസൂര്യ അവതരിപ്പിക്കുന്നത് . ചില ചിത്രങ്ങളിൽ ജയസൂര്യ പോലീസ് വേഷത്തിൽ എത്തിയിട്ടുണ്ട് എങ്കിലും ഒരു ത്രില്ലർ ചിത്രത്തിൽ പോലീസ് വേഷത്തിൽ എത്തുന്നത് ഇതാദ്യമായാണ്.
കേന്ദ്ര കഥാപാത്രമായ ജയസൂര്യയെ കൂടാതെ ചിത്രത്തിൽ സിദ്ദിഖ്, ആത്മീയ, ദൃശ്യ രഘുനാഥ്, ദീപക് പറമ്പോൽ , ശിവദാസ് കണ്ണൂർ, ശ്രീലക്ഷ്മി തുടങ്ങിയവരും പ്രധാന വേഷങ്ങളെ അവതരിപ്പിക്കുന്നു. അലോൻസ ഫിലിംസിന്റെ ബാനറിൽ തോമസ് പി. മാത്യുവാണ് ഈ ചിത്രം നിർമ്മിക്കുന്നത്.

സംവിധായകൻ അഭിജിത്ത് ജോസഫ് തന്നെയാണ് ചിത്രത്തിന്റെ രചനയും നിർവഹിച്ചിരിക്കുന്നത്. ഷാൻ റഹ്മാൻ ആണ് ഈ ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. എഡിറ്റിംഗ് കൈകാര്യം ചെയ്തിരിക്കുന്നത് പ്രവീൺ പ്രഭാകർ ആണ്.
മനോരമ മ്യൂസിക് സോങ്സ് എന്ന യൂട്യൂബ് ചാനലിലൂടെയാണ് ജോൺ ലൂഥറിന്റെ ഒഫീഷ്യൽ ടീസർ റിലീസ് ചെയ്തിരിക്കുന്നത് . റിലീസ് ചെയ്ത് മണിക്കൂറുകൾ പിന്നിടുമ്പോഴേക്കും ലക്ഷക്കണക്കിന് കാഴ്ചക്കാരെയാണ് ഈ വീഡിയോ സ്വന്തമാക്കിയത്. ജയസൂര്യയുടെ പുത്തൻ പോലീസ് കഥാപാത്രത്തിനായുള്ള കാത്തിരിപ്പിലാണ് ആരാധകർ.

വിജയ് സേതുപതിയെ നായകനാക്കി വിഘ്നേഷ് ശിവൻ സംവിധാനം ചെയ്യുന്ന പുത്തൻ ചിത്രമാണ് കാതു വാക്കിലെ രണ്ട് കാതൽ. ത്രികോണ പ്രണയകഥ പറയുന്ന ഈ റൊമാന്റിക് കോമഡി ചിത്രത്തിൽ നായിക വേഷങ്ങളിൽ എത്തുന്നത് തമിഴ് ലേഡി സൂപ്പർസ്റ്റാർ നയൻ താരയും തെന്നിന്ത്യൻ താരറാണി സാമന്ത റൂത്ത് പ്രഭുവുമാണ് . ഈ ചിത്രത്തിന്റെ ടീസർ വളരെയധികം പ്രേക്ഷക ശ്രദ്ധ നേടിയിരുന്നു. ഇപ്പാേൾ ഈചിത്രത്തിലെ ലെറിക്കൽ വീഡിയോ ഗാനം പുറത്തു വിട്ടിരിക്കുകയാണ്.

ഡിപ്പം ഡപ്പം എന്ന ഈ ലെറിക്കൽ വീഡിയോ ഖദീജ റാംബോ ലൗ സ്റ്റോറിയാണ് കാണിക്കുന്നത്. സാമന്തയാണ് ചിത്രത്തിൽ ഖദീജ എന്ന കഥാപാത്രത്തെ അവതരിപ്പിക്കുന്നത് . അതുകൊണ്ട് തന്നെ ഈ ലെറിക്കൽ വീഡിയോയിൽ നിറഞ്ഞു നിൽക്കുന്നത് സാമന്ത – വിജയ് സേതുപതി താരജോടികൾ ആണ്.

ഡിപ്പം ഡപ്പം എന്ന് പേര് നൽകിയിരിക്കുന്ന ഈ ഗാനത്തിന്റെ വരികൾ രചിച്ചിരിക്കുന്നത് സംവിധായകൻ വിഘ്നേഷ് ശിവൻ തന്നെയാണ്. ഈ ഗാനത്തിന് സംഗീതം പകർത്തിരിക്കുന്നത് അനിരുദ്ധ് രവിചന്ദർ ആണ്. ഈ ഗാനം ആലപിച്ചിരിക്കുന്നത് അനിരുദ്ധും അന്തോണി ദാസനും ചേർന്നാണ് . സോണി മ്യൂസിക് സൗത്തിന്റെ യൂട്യൂബ് ചാനലിലൂടെ പുറത്തു വിട്ട ഈ ഗാനം മണിക്കൂറുകൾ പിന്നിടുമ്പോഴേക്കും ലക്ഷകണക്കിന് കാഴ്ചക്കാരെയാണ് സ്വന്തമാക്കിയത്.