May 16, 2022

താരങ്ങൾ എല്ലാം സോഷ്യൽ മീഡിയയിൽ വളരെ സജീവമാണ്. മലയാള സിനിമയിലെ യുവതാരങ്ങളിൽ ശ്രദ്ധേയനായ പ്രണവ് മോഹൻലാൽ തന്റെ ഇൻസ്റ്റാഗ്രാം അക്കൗണ്ടിൽ പോസ്റ്റ് ചെയ്ത ഒരു വീഡിയോ ആണ് ഇപ്പോൾ പ്രേക്ഷകർക്കിടയിൽ ശ്രദ്ധ നേടുന്നത്. പ്രണവ് ഇപ്പോൾ പോസ്റ്റ് ചെയ്തിരിക്കുന്നത് വലിച്ചു കെട്ടിയ ഒരു ഞാണിന്റെ പുറത്തു കൂടാതെ വീഴാതെ ബാലൻസ് ചെയ്തു നടക്കുന്ന താരത്തിന്റെ വീഡിയോയാണ് . സാഹസികതയുടെ പര്യായം ആയാണ് മലയാളി പ്രേക്ഷകരും ആരാധകരും പ്രണവിനെ കാണുന്നത്. ആദി എന്ന തന്റെ ആദ്യ ചിത്രത്തിലെ അതിഗംഭീര സംഘട്ടന രംഗങ്ങളിലൂടെ അതിസാഹസിക രംഗങ്ങൾ ഡ്യൂപ്പില്ലാതെ സ്‌ക്രീനിൽ ചെയ്തു കയ്യടി നേടുന്ന അച്ഛന്റെ മകൻ തന്നെയാണ് താനെന്നു പ്രണവ് കാണിച്ചു തന്നിരുന്നു. ലോക യാത്രകളുടെ പേരിൽ ബദ്ധ നേടിയ പ്രണവ് പർവ്വതാരോഹണം, ജിംനാസ്റ്റിക്, സർഫിങ് തുടങ്ങി ഒട്ടേറെ കാര്യങ്ങളും പഠിച്ചിട്ടുണ്ട്.

തന്റെ ആദ്യ ചിത്രത്തിനായി ഏറെ അപകടം പിടിച്ച പാർക്കർ സംഘട്ടനവും പ്രണവ് പരിശീലിച്ചിരുന്നു. ലോകം മുഴുവൻ പല തവണ യാത്ര ചെയ്‌തിട്ടുള്ള പ്രണവ് സോഷ്യൽ മീഡിയയിൽ കൂടുതലും പങ്കു വെക്കാറുള്ളത് തന്റെ യാത്രകൾക്കിടയിൽ നിന്നുള്ള ചിത്രങ്ങളാണ്. അവസാനമായി പുറത്തിറങ്ങിയ പ്രണവിന്റെ ഹൃദയം എന്ന വിനീത് ശ്രീനിവാസൻ ചിത്രം മെഗാ ബ്ലോക്ക്ബസ്റ്ററായി മാറിയിരുന്നു.

ഈ ചിത്രം അമ്പതു കോടി ക്ലബ്ബിൽ ഇടം നേടുകയും ഈ ചിത്രത്തിൽ പ്രണവ് അവതരിപ്പിച്ച അരുൺ എന്ന കഥാപാത്രം പ്രേക്ഷകർക്കിടയിൽ വലിയ കയ്യടി നേടുകയും ചെയ്തു. പ്രണവിന്റെ തായി പുറത്തിറങ്ങുന്ന പുതിയ ചിത്രം ഏതെന്നുള്ള ഔദ്യോഗിക പ്രഖ്യാപനം ഇതുവരെ ഉണ്ടായിട്ടില്ല എങ്കിലും, അഞ്ജലി മേനോൻ സംവിധാനം ചെയ്ത് അൻവർ റഷീദ് നിർമിക്കുന്ന പുത്തൻ ചിത്രത്തിൽ പ്രണവ് അഭിനയിക്കും എന്ന വാർത്തകൾ വന്നിരുന്നു. ഈ ചിത്രത്തിൽ നസ്രിയ, കാളിദാസ് ജയറാം എന്നിവരും ഉണ്ടാകും എന്നാണ് സൂചന.

ആന്റണി സോണി സംവിധാനം ചെയ്ത് മഞ്ജു വാര്യർ നായികയായി എത്തിയ സൈറ ഭാനു എന്ന ചിത്രത്തിന് ശേഷം അദ്ദേഹം ഒരുക്കുന്ന ഏറ്റവും പുതിയ ചിത്രമാണ് ‘പ്രിയൻ ഓട്ടത്തിലാണ്’ . ഈ സിനിമയുടെ ട്രെയിലർ ഇപ്പോൾ പുറത്തിറങ്ങി. ഈ ചിത്രത്തിൽ കേന്ദ്ര കഥാപാത്രങ്ങളായി എത്തുന്നത് ഷറഫുദ്ധീൻ, നൈല ഉഷ, അപർണ ദാസ് എന്നിവരാണ് . കൂടാതെ ഒരുപാട് താരങ്ങൾ വേറെയും അഭിനയിക്കുന്നുണ്ട്.
അഭയാകുമാറും അനിൽ കുര്യനും ചേർന്ന് തിരക്കഥ തയ്യാറാക്കിയ ഈ ചിത്രം നിർമ്മിക്കുന്നത് സന്തോഷ് ത്രിവിക്രമൻ ആണ്. ക്യാമറ കൈകാര്യം ചെയ്തിരിക്കുന്നത് പി.എം ഉണ്ണികൃഷ്ണനാണ് .

ട്രെയിലർ കണ്ടാൽ ഒരു പഴയ സത്യൻ അന്തിക്കാട് സിനിമ കാണുന്ന ഫീൽ ആണ് തോന്നുന്നത്. പ്രേക്ഷകർ കാത്തിരിക്കുന്ന ഈ ചിത്രം ഒരു ഫീൽ ഗുഡ് ഫാമിലി മൂവി ആയിരിക്കും എന്ന പ്രതീക്ഷയിലാണ് .
ഇത്തരം ഫാമിലി ചിത്രം ത്രില്ലർ, മാസ്സ് സിനിമകൾ മാത്രം കണ്ടുകൊണ്ടിരിക്കുന്ന പ്രേക്ഷകർക്ക് അനിവാര്യമാണ്. ഈ ചിത്രത്തിന്റെ മറ്റൊരു പ്രത്യേകത നീയും ഞാനും എന്ന സിനിമയ്ക്ക് ശേഷം ഷറഫുദ്ധീൻ വീണ്ടും നായകനായി വേഷമിടുന്ന ചിത്രമാണിത്. അതും ഷറഫുദീൻ അഭിനയിക്കുന്നത് ടൈറ്റിൽ റോളിലാണ് .ഷറഫുദീൻ ചിത്രത്തിൽ പ്രിയദർശൻ എന്ന കഥാപാത്രത്തെയാണ് അവതരിപ്പിക്കുന്നത്.

ബാലേട്ടൻ എന്ന സിനിമയിലെ ലാലേട്ടന്റെ കഥാപാത്രം പോലെ മറ്റുള്ളവരുടെ ആവശ്യങ്ങൾക്ക് വേണ്ടി ഓടി നടക്കുന്ന ഒരു ചെറുപ്പകാരനായിട്ടാണ് ചിത്രത്തിന്റെ ട്രെയിലറിൽ ഷറഫുദീനെ കാണിച്ചിരിക്കുന്നത്. ചിത്രത്തിൽ അശോകൻ, ഹരിശ്രീ അശോകൻ, ജാഫർ ഇടുക്കി, ബാലു, ഷാജു ശ്രീധർ, അനാർക്കലി മരിക്കാർ ,സുധി കോപ്പ,തുടങ്ങിയ താരങ്ങളും പ്രധാന വേഷത്തിൽ എത്തുന്നുണ്ട്. ഒരുപാട് നർമ്മ മുഹൂർത്തങ്ങൾ ട്രെയിലറിൽ തന്നെ കാഴ്ചവച്ചിട്ടുണ്ട്.

തെന്നിന്ത്യൻ സിനിമാ പ്രേമികൾ ഒരുപോലെ കാത്തിരിക്കുന്ന ഏറ്റവും പുതിയ ചിത്രമാണ് ഉലകനായകൻ കമൽ ഹാസൻ പ്രധാന വേഷത്തിൽ എത്തുന്ന വിക്രം. ലോകേഷ് കനകരാജിന്റെ ബ്ലോക്ക്ബസ്റ്റർ ചിത്രങ്ങളായ മാനഗരം, കൈദി, മാസ്റ്റർ എന്നിവയ്ക്ക് ശേഷം ഒരുക്കുന്ന വിക്രം എന്ന ഈ ചിത്രം കാത്തിരിക്കാൻ പ്രേക്ഷകർക്ക് ഒരുപാട് കാരണങ്ങളുണ്ട്. ഇതിന്റെ താരനിര തന്നെയാണ് അതിലെ പ്രധാന കാരണം. ഉലകനായകൻ കമൽഹാസനൊപ്പം മലയാള സിനിമയിലെ യുവതാരം ഫഹദ് ഫാസിൽ, തമിഴ് സിനിമയിലെ മക്കൾ സെൽവൻ വിജയ് സേതുപതി എന്നിവരും കൂടാതെ അതിഥി വേഷത്തിൽ നടിപ്പിന് നായകൻ സൂര്യയും ഈ ചിത്രത്തിന്റെ ഭാഗമാകുന്നു എന്നത് എടുത്തു പറയേണ്ട സവിശേഷതയാണ്.

ഈ വമ്പൻ താരനിരയ്ക്കൊപ്പം ചെമ്പൻ വിനോദ്, കാളിദാസ് ജയറാം, നരൻ, അർജുൻ ദാസ് തുടങ്ങിയവരും ഈ ചിത്രത്തിൽ വേഷമിടുന്നുണ്ട്. ഇപ്പോഴിതാ പ്രേക്ഷകർക്ക് മുന്നിലേക്ക് വിക്രത്തിന്റെ ട്രൈലെർ പുറത്ത് വിട്ടിരിക്കുകയാണ്. ആരാധകരെ ആകാംഷയുടെ മുൾ മുനയിൽ നിർത്തുന്ന ആക്ഷൻ രംഗങ്ങളും , കോരിത്തരിപ്പിക്കുന്ന തീപ്പൊരി സീനുകളും നിറച്ച ഒരു പക്കാ ആക്ഷൻ എന്റർടൈനറാണ് ഈ ചിത്രം എന്ന സൂചനയാണ് ഇപ്പോൾ റിലീസ് ചെയ്ത ട്രൈലെർ നൽകുന്നത്. അതുപോലെ തന്നെ പ്രേക്ഷകരെ ത്രസിപ്പിക്കുന്ന പഞ്ച് ഡയലോഗുകളും ട്രൈലറിൽ ഉൾപ്പെടുത്തിയിട്ടുണ്ട് .

ട്രൈലെർ ഒരു കംപ്ലീറ്റ് ഉലകനായകൻ ഷോയാണ് എന്ന് പറയുമ്പോഴും മറ്റ് കഥാപാത്രങ്ങൾക്ക് ശ്കതമായ സാന്നിധ്യമറിയിക്കാൻ കഴിയുന്ന ചിത്രമായിരിക്കുമിതെന്നും ഈ ട്രൈലെർ പ്രേക്ഷകർക്ക് കാണിച്ചു തരുന്നുണ്ട്. രാജ് കമൽ ഇന്റർനാഷനലിന്റെ ബാനറിൽ കമൽ ഹാസൻ തന്നെയാണ് ഈ ചിത്രം നിർമിക്കുന്നത്. അനിരുദ്ധ് രവിചന്ദർ ആണ് ഈ ചിത്രത്തിന് സംഗീതം ഒരുക്കിയിരിക്കുന്നത്. മലയാളിയായ ഗിരീഷ് ഗംഗാധരൻ ആണ് ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് ഫിലോമിൻ രാജ് ആണ് . ഇന്ന് നടന്ന ട്രൈലെർ ലോഞ്ചിനൊപ്പം തന്നെ ഈ ചിത്രത്തിന്റെ ഓഡിയോ ലോഞ്ചും നടത്തി. ഇതിലെ ഒരു ഗാനം നേരത്തെ തന്നെ റിലീസ് ചെയ്യുകയും അത് സൂപ്പർ ഹിറ്റായി മാറുകയും ചെയ്തിരുന്നു. ഈ ചിത്രം ആഗോള റിലീസായെത്തുന്നത് ജൂൺ മൂന്നിനാണ് .