കഴിഞ്ഞ വർഷം റിലീസ് ചെയ്ത ഓപ്പറേഷൻ ജാവ എന്ന ചിത്രം വലിയ പ്രേക്ഷക – നിരൂപക പ്രശംസ നേടിയ ചിത്രമായിരുന്നു . നവാഗത സംവിധായകനായ തരുൺ മൂർത്തി ഒരുക്കിയ ഈ ചിത്രത്തിൽ ബാലു വർഗീസ്, ലുഖ്മാൻ, ബിനു പപ്പു, മമിതാ ബൈജു, ഇർഷാദ്, പ്രശാന്ത് അലക്സാണ്ടർ, വിനായകൻ, ഷൈൻ ടോം ചാക്കോ, മാത്യു തോമസ് എന്നിവരെല്ലാമാണ് പ്രധാന വേഷങ്ങളിൽ എത്തിയത് . തീയേറ്ററിൽ ശ്രദ്ധിക്കപ്പെട്ട ഈ ചിത്രം അതിനു ശേഷം ഓൺലൈൻ സ്ട്രീമിങ് പ്ലാറ്റ്‌ഫോമിലും സൂപ്പർ ഹിറ്റായി മാറുകയായിരുന്നു. ഇപ്പോഴിതാ തരുൺ മൂർത്തി തന്റെ രണ്ടാമത്തെ സംവിധാന സംരംഭവുമായി ആരാധകർക്ക് മുന്നിൽ എത്താനുള്ള തയ്യാറെടുപ്പിലാണ്. മെയ് ഇരുപതിന്‌ ആണ് ആണ് അദ്ദേഹത്തിന്റെ പുത്തൻ ചിത്രമായ സൗദി വെള്ളക്ക റിലീസ് ചെയ്യുക. ഇപ്പോൾ സോഷ്യൽ മീഡിയയിൽ ഇതിന്റെ പോസ്റ്ററുകൾ എല്ലാം തന്നെ സൂപ്പർ ഹിറ്റാണ്. ഇപ്പോഴിതാ പ്രേക്ഷകർക്കായി ചിത്രത്തിന്റെ ആദ്യ ടീസർ കൂടി പുറത്തു വിട്ടിരിക്കുകയാണ്.

ഉർവശി തീയേറ്റേഴ്സിന്റെ ബാനറിൽ സന്ദീപ് സേനൻ നിർമ്മിച്ച തൊണ്ടിമുതലും ദൃക്‌സാക്ഷിയും, സത്യം പറഞ്ഞാല്‍ വിശ്വസിക്കുമോ എന്നീ ചിത്രങ്ങള്‍ക്കുശേഷം ഒരുക്കുന്ന പുത്തൻ ചിത്രമാണ് സൗദി വെള്ളക്ക. ഈ ചിത്രത്തിൽ ലുക്ക് മാന്‍ അവറാന്‍, ദേവീ വര്‍മ്മ, സിദ്ധാര്‍ഥ് ശിവ, ബിനു പപ്പു, സുജിത്ത് ശങ്കര്‍ ഗോകുലന്‍, റിയ സെയ്‌റ, ധന്യ, അനന്യ എന്നിവരാണ് വേഷമിട്ടിരിക്കുന്നത്. പാലി ഫ്രാന്‍സിസ് ആണ് ഈ ചിത്രത്തിന് സംഗീതം ഒരുക്കിയിട്ടുള്ളത്. നിഷാദ് യൂസഫ് ആണ് എഡിറ്റിംഗ് കൈകാര്യം ചെയ്തിരിക്കുന്നത്. ശരൺ വേലായുധൻ ആണ് ക്യാമറമാൻ . തരുൺ മൂർത്തി ഈ ചിത്രത്തിന്റെ തിരക്കഥ രചിച്ചത് ഏകദേശം ഇരുപതോളം വക്കീലന്മാർ, റിട്ടയേർഡ് മജിസ്‌ട്രേറ്റുമാർ, നിരവധി കോടതി ജീവനക്കാർ എന്നിവരുടെ സഹായത്തോടെയാണ് . ചിത്രത്തിലെ പോലീസ് സ്റ്റേഷൻ രംഗങ്ങളുടെ പൂർണ്ണതക്കു വേണ്ടി പോലീസ് ഓഫിസർമാരുടെ സഹായവും അദ്ദേഹത്തിന് ഉണ്ടായിരുന്നു.

പ്രശസ്ത സംവിധായകനും ഛായാഗ്രാഹകനുമായ സന്തോഷ് ശിവൻ മലയാളത്തിന്റെ ലേഡി സൂപ്പർ സ്റ്റാർ മഞ്ജു വാര്യരെ കേന്ദ്ര കഥാപാത്രമാക്കി ഒരുക്കുന്ന പുത്തൻ ചിത്രമാണ് ജാക്ക് ആൻഡ് ജിൽ. മലയാളത്തിന്റെ താര രാജാവ് മോഹൻലാൽ കുറച്ചു ദിവസങ്ങൾക്കു മുൻപ് പുറത്തുവിട്ട ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ വലിയ പ്രേക്ഷക ശ്രദ്ധ നേടുകയും ചെയ്തിരുന്നു. ഈ ചിത്രത്തിന്റെ ആദ്യ ടീസർ ഇപ്പോൾ റിലീസ് ചെയ്തിരിക്കുകയാണ്. ഈ ടീസർ റിലീസ് ചെയ്തിരിക്കുന്നത് ഇന്ത്യൻ സിനിമയുടെ മാസ്റ്റർ ഡയറക്ടർ മണി രത്‌നം ആണ് . ഇന്ന് വന്ന ട്രൈലെ റിൽ നിന്നും ഈ ചിത്രം ആക്ഷനും കോമഡിയും സയൻസ് ഫിക്ഷനും ഒരുപോലെ കോർത്തിണക്കിയ ഒരു കംപ്ലീറ്റ് എന്റെർറ്റൈനെർ ആയിരിക്കും എന്ന സൂചനയാണ് ലഭിക്കുന്നത്. ഈ ടീസറിൽ മഞ്ജു വാര്യരുടെ കോമഡി രംഗങ്ങളും ഒപ്പം കിടിലൻ ആക്ഷൻ സീനുകളും നമുക്ക് കാണാൻ സാധിക്കും. ഈ ചിത്രത്തിലെ നേരത്തെ തന്നെ റിലീസ് ചെയ്ത കിം കിം എന്ന ഗാനവും പ്രേക്ഷകർക്കിടയിൽ ഏറെ ശ്രദ്ധേയമായിരുന്നു.

ഒരു സയൻസ് ഫിക്ഷൻ കോമഡി ചിത്രമായ ജാക്ക് ആൻഡ് ജിൽ നിർമ്മിച്ചിരിക്കുന്നത് ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനും ,സന്തോഷ് ശിവൻ, എം പ്രശാന്ത് ദാസ് എന്നിവരും ചേർന്നാണ് . മഞ്ജു വാര്യർക്ക് പുറമേ സൗബിൻ ഷാഹിർ, നെടുമുടി വേണു, ഇന്ദ്രൻസ്, ബേസിൽ ജോസഫ്, കാളിദാസ് ജയറാം, അജു വർഗീസ്, സേതുലക്ഷ്‌മി, ഷായ്‌ലി കിഷൻ, എസ്ഥേർ അനിൽ തുടങ്ങിയവരും ഈ ചിത്രത്തിൽ അഭിനയിക്കുന്നുണ്ട്. മെയ് ഇരുപതിന്‌ ആണ് ഈ ചിത്രം റിലീസ് ചെയ്യുക. ജാക്ക് ആൻഡ് ജില്ലിലെ ഗാനങ്ങൾ രചിച്ചിട്ടുള്ളത് ബി കെ ഹരിനാരായണനും റാം സുന്ദരും ചേർന്നാണ് . റാം സുരേന്ദറും ഗോപി സുന്ദറും ജേക്സ് ബിജോയിയും ചേർന്നാണ് ഗാനങ്ങൾക്ക് ഈണം പകർന്നിരിക്കുന്നത്. ഛായാഗ്രഹണം നിർവഹിച്ചിരിക്കുന്നത് സന്തോഷ് ശിവനും ചിത്രം എഡിറ്റ് ചെയ്തിരിക്കുന്നത് രഞ്ജിത് ടച്ച് റിവറും ആണ്. സന്തോഷ് ശിവൻ, അജിത്‌ എസ് എം എന്നിവർ ചേർന്നാണ് ഈ ചിത്രം രചിച്ചിരിക്കുന്നത് .

മലയാളത്തിൽ ഫാസിൽ ഒരുക്കി 1993 ൽ പുറത്തിറങ്ങിയ ഇൻഡസ്ട്രി ഹിറ്റായി മാറിയ ചിത്രമാണ് മണിച്ചിത്രത്താഴ്. ഈ ചിത്രം ഇന്ത്യ ഒട്ടാകെ ശ്രദ്ധിക്കപ്പെട്ടു. മോഹൻലാൽ, ശോഭന, സുരേഷ് ഗോപി എന്നിവരാണ് ചിത്രത്തിൽ കേന്ദ്ര കഥാപാത്രങ്ങള അവതരിപ്പിച്ചത്. ഈ ചിത്രത്തിലെ നാഗവല്ലി എന്ന കഥാപാത്രമായി നിറഞ്ഞാടിയ ശോഭനക്ക് മികച്ച നടിക്കുള്ള ദേശീയ പുരസ്‍കാരം ലഭിച്ചിരുന്നു. ഈ ചിത്രം മധു മുട്ടം ആണ് രചിച്ചത്. നിരവധി അന്യ ഭാഷകളിലേക്ക് മണിച്ചിത്രത്താഴ് റീമേക് ചെയ്യപ്പെടുകയും ചെയ്തു. മലയാളി സംവിധായകനായ പ്രിയദർശൻ ആയിരുന്നു ഹിന്ദിയിലേക്ക് ഈ ചിത്രം റീമേക് ചെയ്തത്. ഭൂൽ ഭുലയ്യ എന്ന പേരിൽ പുറത്തിറങ്ങിയ മണിച്ചിത്രത്താഴിന്റെ ഹിന്ദി പതിപ്പ് ബ്ലോക്ക്ബസ്റ്റർ ആയി മാറി. അക്ഷയ് കുമാർ നായക വേഷം ചെയ്ത ഈ ചിത്രത്തിൽ വിദ്യ ബാലൻ ആണ് നായികാ വേഷം അവതരിപ്പിച്ച്. ഇപ്പോഴിതാ ബോളിവുഡ് ഈ ചിത്രത്തിന്റെ രണ്ടാം ഭാഗവുമായി എത്തുകയാണ് . ഭൂൽ ഭുലയ്യ 2 എന്ന പേരിൽ ഇറങ്ങുന്ന ഈ ചിത്രത്തിന്റെ ട്രൈലെർ ഇപ്പോൾ സോഷ്യൽ മീഡിയയിൽ വൈറലാവുകയാണ്.

മെയ് ഇരുപതിന്‌ പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിൽ കാർത്തിക് ആര്യൻ, തബു, കിയാര അദ്വാനി, രാജ്പാല്‍ യാദവ്, സഞ്ജയ് മിശ്ര എന്നിവരാണ് പ്രധാന വേഷങ്ങളിൽ എത്തുന്നത്. എന്നാൽ പ്രിയദർശൻ അല്ല ഈ രണ്ടാം ഭാഗം ഒരുക്കിയിരിക്കുന്നത് . ഈ രണ്ടാം ഭാഗം സംവിധാനം ചെയ്തിരിക്കുന്നത് അനീസ് ബസ്മി ആണ് . പ്രീതം ആണ് ഈ ചിത്രത്തിന് സംഗീതം ഒരുക്കിയിട്ടുള്ളത്. മനു ആനന്ദ് ആണ് ചിത്രത്തിന്റെ ക്യാമറമാൻ . ആകാശ് കൗശിക് രചന നിർവഹിച്ച ഈ ചിത്രത്തിന് സംഭാഷണങ്ങൾ തയ്യാറാക്കിയിരിക്കുന്നത് അദ്ദേഹവും പ്രശസ്ത സംവിധായകനും രചയിതാവുമായ ഫർഹാദ് സംജിയും ചേർന്നാണ്.

ദളപതി വിജയ് നായകനാക്കി നെൽസൺ ദിലീപ് കുമാർ സംവിധാനം ചെയ്ത ഏറ്റവും പുതിയ തമിഴ് ചിത്രമാണ് ബീസ്റ്റ്. ബ്രഹ്മാണ്ഡ റിലീസ് ആയി ഈ ചിത്രം എത്തിയത് ഈ കഴിഞ്ഞ ഏപ്രിൽ പതിമൂന്നിന് ആണ് . പ്രേക്ഷകരിൽ ഈ ചിത്രം സമ്മിശ്ര പ്രതികരണം ആണ് നേടിയത് എങ്കിലും ഇരുനൂറു കോടിക്കു മുകളിൽ കളക്ഷൻ ബോക്സ് ഓഫീസിൽ നേടാൻ ഈ ചിത്രത്തിന് സാധിച്ചിരുന്നു. ആക്ഷനും, കോമഡിയും ഒരു പോലെ കോർത്തിണക്കി ഒരുക്കിയ ഈ ചിത്രം നിർമ്മിച്ചത് സൺ പിക്ചേഴ്സ് ആണ്. ചിത്രത്തിൽ വിജയ് അവതരിപ്പിച്ച ആക്ഷൻ രംഗങ്ങൾക്ക് പ്രേക്ഷകരിൽ നിന്നും മികച്ച അഭിപ്രായം ആണ് ലഭിച്ചത്.

ഇപ്പോഴിതാ നിർമ്മാതാക്കളായ സൺ പിക്ചേഴ്സ് ചിത്രത്തിലെ ആക്ഷൻ രംഗങ്ങൾ ഒരുക്കിയത് എങ്ങനെ എന്ന് കാണിക്കുന്ന ഒരു മേക്കിങ് വീഡിയോയുടെ ക്ലിപ്സ് പ്രേക്ഷകർക്കായി പുറത്തു വിട്ടിരിക്കുകയാണ് . ഈ ചിത്രം ഷൂട്ട് ചെയ്ത വമ്പൻ മാളിന്റെ സെറ്റ് എങ്ങനെയാണു ഇട്ടതു എന്ന് കാണിക്കുന്ന വീഡിയോയും നേരത്തെ ഇവർ റിലീസ് ചെയ്തിരുന്നു.

വിജയ് ഈ ചിത്രത്തിൽ അവതരിപ്പിക്കുന്നത് ടെററിസ്റ്റുകള്‍ ഹൈജാക്ക് ചെയ്ത മാളില്‍ കുടുങ്ങിയ ജനങ്ങളെ രക്ഷിക്കാന്‍ ശ്രമിക്കുന്ന പട്ടാളക്കാരനായ നായക കഥാപാത്രത്തെ ആണ് . ഇതിൽ വിജയ് അവതരിപ്പിച്ച കഥാപാത്രത്തിന്റെ പേര് വീരരാഘവൻ എന്നാണ് . നായികാ വേഷം ചെയ്തത് പൂജ ഹെഗ്‌ടെ ആണ്. കൂടാതെ ഈ ചിത്രത്തിൽ മലയാളി താരങ്ങൾ ആയ ഷൈൻ ടോം ചാക്കോ, അപർണ്ണ ദാസ് എന്നിവരും വേഷമിട്ടിട്ടുണ്ട്. മനോജ് പരമഹംസയാണ് ഈ ചിത്രത്തിന്റെ ക്യാമറമാൻ . എഡിറ്റർ ആർ നിർമ്മലുമാണ്. ഈ ചിത്രത്തിന് വേണ്ടി സംഗീത സംവിധാനം നിർവ്വഹിച്ചിരിക്കുന്നത് അനിരുദ്ധ് രവിചന്ദറാണ്. സെൽവ രാഘവൻ, യോഗി ബാബു, അങ്കുർ വികൽ, പുകഴ് എന്നിവരും ഈ ചിത്രത്തിന്റെ ഭാഗമായിട്ടുണ്ട്.

ബാഹുബലി എന്ന ബ്രഹ്മാണ്ഡ ചിത്രത്തിന് ശേഷം രാജമൗലി ഒരുക്കിയ ചിത്രമാണ് ആർ.ആർ.ആർ.. ജൂനിയർ എൻ. ടി. ആറും രാചരണുമാണ് ചിത്രത്തിലെ പ്രധാന വേഷങ്ങളെ അവതരിപ്പിച്ചത്. അല്ലൂരി സീതാരാമ രാജു , കൊമരുഭീം എന്നീ സ്ഥാന്ത്യ സമര സേനാനികളെ ചുറ്റിപറ്റിയുള്ള ഒരു സാങ്കൽപ്പിക കഥയാണ് രാജമൗലി ഈ ചിത്രത്തിൽ അവതരിപ്പിച്ചത്. ഈ ചിത്രത്തിലെ എത്തര ജെൻഡ എന്ന ഗാനം ഇപ്പോൾ പുറത്തുവിട്ടിരിക്കുകയാണ്. സ്വാതന്ത്ര്യ സമര സേനാനികൾക്ക് ആദരവ് പ്രകടിപ്പിക്കുന്ന ഈ ഗാനത്തിൽ പ്രധാനമായും എത്തിയിരിക്കുന്നത് രാം ചരൺ , ജൂനിയർ എൻ. ടി ആർ, ആലിയ ഭട്ട് എന്നിവരാണ്.

എം.എം കീരവാണി സംഗീത സംവിധാനം നിർവഹിച്ച ഈ ഗാനം ആലപിച്ചിരിക്കുന്നത് വിശാൽ മിശ്ര, പൃഥ്വി ചന്ദ്ര, എം.എം കീരവാണി ,സഹിതി , ഹരിക നാരായണൻ എന്നിവരാണ്. ലഹരി മ്യൂസിക്ക് ടി – സീരീസ് എന്ന യൂട്യൂബ് ചാനലിലൂടെയാണ് ഈ ഗാനം റിലീസ് ചെയ്തിരിക്കുന്നത്. ഗാന രംഗത്തിൽ കിടിലൻ നൃത്ത ചുവടുകളാണ് രാം ചരണും ജൂനിയർ എൻ ടി ആറും കാഴ്ചവയ്ക്കുന്നത്. ആലിയയും ഇവർക്കൊപ്പം ചുവടു വയ്ക്കുന്നുണ്ട്. റിലീസ് ചെയ്ത് നിമിക്ഷങ്ങൾകകം ലക്ഷക്കണക്കിന് കാഴ്ചക്കാരെയാണ് ഈ വീഡിയോ സ്വന്തമാക്കിയത് . ഒട്ടേറെ പേരാണ് വീഡിയോയ്ക്ക് താഴെ കമന്റുകൾ രേഖപ്പെടുത്തിയിട്ടുള്ളത്. അതിമനോഹരമായ ഈ ഗാനം പ്രേക്ഷകർ ഇതിനോടകം ഏറ്റെടുത്തു.

മക്കൾ സെൽവൻ എന്ന് ആരാധകർ സ്നേഹ പൂർവ്വം വിശേഷിപ്പിക്കുന്ന തമിഴ് നടൻ വിജയ് സേതുപതി നായകനായി എത്തുന്ന ഏറ്റവും പുതിയ ചിത്രം ആണ് കാത്തുവക്കുള്ള രണ്ടു കാതൽ. ഈ റൊമാന്റിക് കോമഡി ചിത്രത്തിന്റെ രചനയും സംവിധാനവും നിരവഹിക്കുന്നത് പ്രശസ്ത സംവിധായകൻ വിഘ്‌നേശ് ശിവൻ ആണ്. കഴിഞ്ഞ ദിവസമാണ് ഈ ചിത്രത്തിന്റെ ട്രയ്ലർ റിലീസ് ചെയ്തത്. സോഷ്യൽ മീഡിയയിൽ തരംഗമായി മാറിയിരിക്കുകയാണ് ഈ ട്രൈലർ. ചിരിപ്പിക്കുന്ന ഒട്ടേറെ നിമിഷങ്ങൾ കോർത്തിണക്കി പുറത്തുവിട്ട ഇതിന്റെ ടീസർ, ട്രയ്ലർ, അതുപോലെ ഗാനങ്ങൾ എന്നിവ സോഷ്യൽ മീഡിയയിൽ സൂപ്പർ ഹിറ്റായി മാറിയവ ആണ്.ചിത്രത്തിൽ രണ്ടു കാമുകിമാരുടെ ഇടയിൽ നട്ടം തിരിയുന്ന കാമുകന്റെ വേഷത്തിൽ ആണ് വിജയ് സേതുപതി എത്തുന്നത്. ചിത്രത്തിലെ നായിക കഥാപാത്രങ്ങളായ കണ്മണി, ഖദീജ എന്നീ വേഷങ്ങളിൽ എത്തുന്നത് ലേഡി സൂപ്പർ സ്റ്റാർ നയൻ താരയും തെന്നിന്ത്യ താരറാണി സാമന്തയും ആണ്.

ഇപ്പോഴിതാ ഇവരെ കൂടാതെ മറ്റൊരാൾ കൂടി ഇതിന്റെ ട്രയ്ലർ വന്നപ്പോൾ ഇവർക്കൊപ്പം ശ്രദ്ധ നേടുകയാണ് മലയാളിയും മുൻ ഇന്ത്യൻ ക്രിക്കറ്റ് താരവുമായ ശ്രീശാന്ത് ആണ് ചിത്രത്തിന്റെ ട്രൈലർ രംഗങ്ങളിൽ കിടിലൻ മാസ്സ് പരിവേഷത്തിൽ എത്തിയിരിക്കുന്നത്. മലയാള സിനിമയിൽ നായക വേഷങ്ങളിലും അഭിനയിച്ചിട്ടുള്ള ശ്രീശാന്ത്, അന്യ ഭാഷ ചിത്രങ്ങളിലും ശോഭിച്ചിട്ടുണ്ട് . ഇവരെ കൂടാതെ പ്രഭു, കല മാസ്റ്റർ, റെഡിന് കിംഗ്സ്ലി, ലോല്‌ സഭ മാരൻ, മാസ്റ്റർ ഭാർഗവ സുന്ദർ, എസ് എന്നിവരും ഈ ചിത്രത്തിന്റെ ഭാഗമായിട്ടുണ്ട്. ഈ ചിത്രം നിർമ്മിച്ചിരിക്കുന്നത് സംവിധായകൻ വിഘ്‌നേശ് ശിവൻ, നയൻ താര, എസ് എസ് ലളിത് കുമാർ എന്നിവർ ചേർന്നാണ്. റൗഡി പിക്ചേഴ്സ്, സെവൻ സ്ക്രീൻ സ്റ്റുഡിയോസ് എന്നിവയുടെ ബാനറിൽ ആണ് ഈ ചിത്രം ഒരുങ്ങുന്നത്. അനിരുദ്ധ് രവിചന്ദർ ആണ് ഈ ചിത്രത്തിന് സംഗീതം പകർന്നിരിക്കുന്നത്. കാത്തുവക്കുള്ള രണ്ടു കാതൽ പ്രദർശനത്തിന് എത്തുന്നത് ഈ വരുന്ന ഏപ്രിൽ 28 നു ആണ്. എഡിറ്റിംഗ് കൈകാര്യം ചെയ്തിരിക്കുന്നത് ശ്രീകർ പ്രസാദ് ആണ്. ഈ ചിത്രത്തിന്റെ ക്യാമറാമാൻ എസ് ആർ കതിർ, വിജയ് കാർത്തിക് കണ്ണൻ എന്നിവരാണ്.

മലയാളത്തിന്റെ സൂപ്പർസ്റ്റാർ മോഹൻലാൽ നായകനാക്കി നവാഗതനായ ശ്രീകുമാർ മേനോൻ ഒരുക്കിയ മലയാള ചിത്രമായിരുന്നു ഒടിയൻ. 2018 ഡിസംബറിൽ പുറത്തിറങ്ങിയ ഈ ചിത്രത്തിന്റെ രചന നിർവഹിച്ചത് ദേശീയ അവാർഡ് ജേതാവായ ഹരികൃഷ്ണൻ ആണ് . ഏറ്റവും വലിയ ഹൈപ്പിൽ എത്തിയ മലയാള ചിത്രമായിരുന്നു ഒടിയൻ. ഇതിനു വേണ്ടി തന്റെ അമ്പത്തിയെട്ടാം വയസ്സിൽ നടൻ മോഹൻലാൽ വമ്പൻ ഫിസിക്കൽ മേക്കോവറിനു ആണ് വിധേയനായത്. എന്നാൽ വമ്പൻ ഹൈപ്പിൽ പ്രേക്ഷകർക്ക് മുന്നിൽ എത്തിച്ച ഈ ചിത്രം നേരിടേണ്ടി വന്നത് വൻ പരാജയമാണ്. പ്രേക്ഷക പ്രതീക്ഷകളെ തച്ചുടച്ചതിനാൽ വലിയ സോഷ്യൽ മീഡിയ ആക്രമണമാണ് സംവിധായകന് നേരിടേണ്ടി വന്നത്.

മോഹൻലാലിനെ താരമൂല്യത്തിന്റെ ബലത്തിൽ വിമർശനങ്ങൾക്കിടയിലും ഹിറ്റ് ചാർട്ടിൽ ഇടം പിടിച്ച ഈ ചിത്രം അമ്പതു കോടിക്ക് മുകളിൽ ഗ്രോസ് നേടി. ആ വർഷം പുറത്തിറങ്ങിയ കായംകുളം കൊച്ചുണ്ണി, ഞാൻ പ്രകാശൻ എന്നിവ കഴിഞ്ഞാൽ ഏറ്റവും വലിയ മലയാളം ഗ്രോസ്സറുമായി ഒടിയൻ എത്തി. ഇപ്പോഴിതാ ഒടിയന്റെ ഹിന്ദി പതിപ്പ് പ്രദർശനത്തിന് എത്താൻ പോവുകയാണ്.

ഇപ്പോഴിതാ അണിയറ പ്രവർത്തകർ ഹിന്ദി ഭാഷയിലേക്ക് മൊഴിമാറ്റി ഇറക്കുന്ന ഈ ചിത്രത്തിന്റെ ട്രൈലെർ പുറത്തു വിട്ടു. പെൻ മൂവീസിന്റെ യൂട്യൂബ് ചാനലിലാണ് ഈ ട്രെയിലർ പുറത്തുവിട്ടിട്ടുള്ളത്. ഈ ചാനലിൽ കൂടി തന്നെ നാളെ ഒടിയന്റെ ഹിന്ദി പതിപ്പും റിലീസ് ചെയ്യും. മോഹൻലാലിനെ കൂടാതെ പ്രകാശ് രാജ്, മഞ്ജു വാരിയർ, നരേൻ, സിദ്ദിഖ്, ഇന്നസെന്റ്, നന്ദു, മനോജ് ജോഷി, കൈലാസ് തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ മനോഹരമാക്കിയിട്ടുള്ളത്. ഒടിയൻ ഹിന്ദി പതിപ്പ് ഇറക്കാൻ അണിയറ പ്രവർത്തകരെ പ്രേരിപ്പിച്ചത് മറ്റ് മോഹൻലാൽ ചിത്രങ്ങളുടെ ഹിന്ദി പതിപ്പുകൾ നേടുന്ന വലിയ വിജയമാണ്. വലിയ വിജയം നേടിയ പുലി മുരുകൻ, വില്ലൻ, ലൂസിഫർ എന്നീ ചിത്രങ്ങളുടെ ഹിന്ദി പതിപ്പുകളും കൂടാതെ കേരളത്തിൽ വിജയിക്കാതെ പോയ ബിഗ് ബ്രദർ, ആറാട്ട് എന്നിവയുടെ ഹിന്ദി പതിപ്പുകൾക്കും അഭൂതപൂർവമായ സ്വീകരണമാണ് യൂട്യൂബിൽ ലഭിച്ചത്. ഇതു തന്നെയാണ് ഒടിയന്റെ ഹിന്ദി പതിപ്പ് ഇറക്കാൻ അണിയറ പ്രവർത്തകർക്ക് പ്രചോദനമായത്.

തമിഴകത്തിന്റെ ചിയാൻ വിക്രം നായകനായി ആർ. അജയ് ജ്ഞാനമുത്തു ഒരുക്കുന്ന ഏറ്റവും പുതിയ ചിത്രമാണ് കോബ്ര. ഈ ചിത്രത്തിൽ ഒട്ടേറെ ഗെറ്റപ്പുകളിൽ ആണ് വിക്രം എത്തുന്നത്. സൂപ്പർഹിറ്റ് സിനിമകളായ ഇമൈകൾ നൊടികൾ, ഡിമാൻഡി കോളനി എന്നീ ചിത്രങ്ങൾ സംവിധാനം ചെയ്ത മികച്ച സംവിധായകനാണ് ആർ. അജയ് ജ്ഞാനമുത്തു. ഈ ആക്ഷൻ ത്രില്ലർ ചിത്രവും അദ്ദേഹം ഒരു സൂപ്പർ ഹിറ്റാക്കി മാറ്റും. എസ്.എസ്. ലളിത് കുമാർ നിർമിക്കുന്ന ഈ ചിത്രം സെവൻ സ്ക്രീൻ സ്റ്റുഡിയോയുടെ ബാനറിൽ ആണ് ഒരുങ്ങുന്നത്. ഈ ചിത്രത്തിൽ നായികാ വേഷം ചെയ്തിരിക്കുന്നത് പ്രേക്ഷകരെ ആവേശം കൊളളിച്ച ബ്രഹ്മാണ്ഡ കന്നഡ ചിത്രമായ കെജിഎഫിലൂടെ ഇന്ത്യ മുഴുവൻ പോപ്പുലർ ആയ നടി ശ്രീനിധി ഷെട്ടിയാണ് .

ഈ ചിത്രത്തിൽ ഇന്ത്യൻ ക്രിക്കറ്റ് താരം ഇർഫാൻ പത്താൻ ഒരു പ്രധാന വേഷത്തെ അവതരിപ്പിക്കുന്നുണ്ട്. കൂടാതെ മലയാളി താരങ്ങളായ റോഷൻ മാത്യു, സർജാനോ ഖാലിദ്, മിയ എന്നിവരും ഈ ചിത്രത്തിൽ അഭിനയിക്കുന്നുണ്ട്. എ. ആർ. റഹ്മാൻ ആണ് ഈ ചിത്രത്തിന് വേണ്ടി സംഗീത സംവിധാനം ചെയ്തിരിക്കുന്നത് . ഇപ്പോൾ ഈ ചിത്രത്തിലെ രണ്ടാമത്തെ ഗാനം റിലീസ് ചെയ്തിരിക്കുകയാണ്.

വാഗു മാസാന് ആണ് അധീര എന്ന ഈ ഗാനം ആലപിച്ചിരിക്കുന്നത് . ലിറിക്കൽ വീഡിയോ ആയി പുറത്തിറങ്ങിയ ഈ ഗാനത്തിന് വരികൾ രചിച്ചിരിക്കുന്നത് പാ വിജയ് ആണ് . ക്യാമറ കൈകാര്യം ചെയ്തിരിക്കുന്നത് ഹരീഷ് കണ്ണൻ ആണ്. ഭുവൻ ശ്രീനിവാസനാണ് ഈ ചിത്രം എഡിറ്റ് ചെയ്തിരിക്കുന്നത് . ഇതിലെ നേരത്തെ തന്നെ റിലീസ് ചെയ്ത തുമ്പി തുള്ളൽ എന്ന ആദ്യ ഗാനം സൂപ്പർ ഹിറ്റായി മാറിയിരുന്നു. ഇതിലെ ഗാനങ്ങൾ റിലീസ് ചെയ്തിരിക്കുന്നത് സോണി മ്യൂസിക് സൗത്ത് യൂട്യൂബ് ചാനലിൽ ആണ് . ആമസോൺ പ്രൈം റിലീസ് ആയെത്തിയ കാർത്തിക് സുബ്ബരാജ് സൂപ്പർ ഹിറ്റ് ചിത്രം മഹാന് ശേഷം എത്തുന്ന വിക്രം ചിത്രമാണ് കോബ്ര.