മലയാളത്തിന്റെ ചോക്ലേറ്റ് ഹീറോ കുഞ്ചാക്കോ ബോബനെ നായകനാക്കിക്കൊണ്ട് സംവിധായകൻ സെന്ന ഹെഗ്ഡെ അണിയിച്ചൊരുക്കുന്ന പുത്തൻ മലയാള ചിത്രമാണ് പദ്മിനി. തിങ്കളാഴ്ച നിശ്ചയം എന്ന സിനിമ ചെയ്തുകൊണ്ട് മലയാളി പ്രേക്ഷകർ ഹൃദയങ്ങളിൽ ഇടം നേടിയ സംവിധായകനാണ് സെന്ന ഹെഗ്ഡെ. കുറച്ച് ദിവസങ്ങൾക്ക് മുൻപ് പുറത്തിറങ്ങിയ പദ്മിനിയുടെ ടീസർ വീഡിയോ ഏറെ ശ്രദ്ധ നേടിയിരുന്നു. ഇപ്പൊൾ ചിത്രത്തിൻ്റെ ഓഫീഷ്യൽ ട്രൈലർ ആണ് അണിയറ പ്രവർത്തകർ പുറത്ത് വിട്ടിരിക്കുന്നത്..
ഇതിനോടകം തന്നെ നിരവധി പേരാണ് ചിത്രത്തിൻ്റെ ട്രൈലർ വീഡിയോ കണ്ട് കഴിഞ്ഞത്. ഒരു കോളേജ് അധ്യാപകൻ്റെ വേഷത്തിൽ ആണ് പദ്മിനിയിൽ നടൻ കുഞ്ചാക്കോ ബോബൻ എത്തുന്നത് . റൊമാൻസിനും കോമിഡിയ്ക്കും ഒപ്പം ആക്ഷനും പ്രാധാന്യം നൽകിയാണ ചിത്രം ഒരുക്കുന്നത് .
പദ്മിനി യിൽ കുഞ്ചാക്കോ ബോബൻ, മഡോണ എന്നിവരെ കൂടാതെ അപർണ ബാലമുരളി , വിൻസി അലോഷ്യസ് , മാളവിക മേനോൻ , സജിൻ ചെറുകയിൽ , ഗണപതി, അൽത്താഫ് സലീം, ആനന്ദ് മന്മഥൻ, ഗോകുലൻ , സീമ ജി നായർ , ജെയിംസ് എലിയ എന്നിവരും ചിത്രത്തിൽ ശ്രദ്ധേയ വേഷങ്ങൾ ചെയ്യുന്നുണ്ട്. ലിറ്റിൽ ബിഗ് ഫിലിംസിന്റെ ബാനറിൽ പുറത്തിറങ്ങുന്ന ഈ ചിത്രത്തിൻറെ നിർമ്മാണം നിർവഹിക്കുന്നത് പ്രശോഭ് കൃഷ്ണ, അഭിലാഷ് ജോർജ് , സുവിൻ കെ വർക്കി എന്നിവരാണ് .