ജൂലൈ 8 ന് റിലീസിന് ഒരുങ്ങുന്ന ഒരു തമിഴ് ഹാസ്യ ചിത്രമാണ് പന്നിക്കുട്ടി. ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പ്രേക്ഷ ശ്രദ്ധ നേടുകയാണ്. യോഗി ബാബു , കരുണാകരൻ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളായി എത്തുന്നത്. തുടക്കം മുതൽ ഒടുക്കം വരെ തമാശകൾ മാത്രം കോർത്തിണക്കിയ ഒരു ചിത്രമായിരിക്കും ഇതെന്ന സൂചനയാണ് ട്രൈലറിൽ നിന്നും ലഭിക്കുന്നത്. യോഗി ബാബു , കരുണാകരൻ എന്നിവരുടെ രസകരമായ അഭിനയ പ്രകടനം കാഴ്ച വച്ച ഒരു ട്രൈലറാണ് ഇത് . ലൈക്ക മ്യൂസിക് എന്ന യൂടൂബ് ചാനലിലൂടെയാണ് ഈ വീഡിയോ പുറത്തുവിട്ടത് .

അനുചരൻ മുരുഗയ്യൻ സംവിധാനം ചെയ്യുന്ന ഈ ചിത്രത്തിൽ യോഗി ബാബു
കരുണാകരൻ എന്നിവരെ കൂടാതെ ലക്ഷ്മിപ്രിയയും പ്രധാന വേഷത്തിൽ എത്തുന്നു . ചിത്രത്തിലെ ഗാനങ്ങൾ ഒരുക്കിയിട്ടുള്ളത് കെ ആണ് . സൂപ്പർ ടോക്കീസിന്റെ ബാനറിൽ സമീർ ഭരത് റാം ആണ് ഈ ചിത്രം നിർമ്മിക്കുന്നത്.

രവി മുരുഗയ്യ കഥ തയ്യാറാക്കിയ ഈ ചിത്രത്തിന്റെ തിരക്കഥ ഒരുക്കിയത് സംവിധായകൻ അനുചരൻ മുരുഗയ്യയും രവി മുരുഗയ്യയും ചേർന്നാണ്. ഫയർ കാർത്തിക് ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയത്. സതീഷ് മുരുകൻ എൻ ആണ് ചിത്രത്തിന്റെ ഛായഗ്രാഹകൻ . എഡിറ്റിംഗ് കൈകാര്യം ചെയ്തിരിക്കുന്നതും സംവിധായകൻ അനുചരൻ തന്നെയാണ്.

പ്രേക്ഷകർക്ക് കെട്ട്യോളാണ് എന്റെ മാലാഖ എന്ന ചിത്രത്തിലൂടെ സുപരിചിതയായ താരമാണ് നടി വീണ നന്ദകുമാർ . ചിത്രത്തിൽ ആസിഫ് അലിയുടെ നായികയായി എത്തിയ താരം ഏറെ പ്രേക്ഷക ശ്രദ്ധ നേടി. ചിത്രം ഹിറ്റായത് പോലെ ചിത്രത്തിലെ നായിക വീണ നന്ദകുമാറും ഹിറ്റായി മാറി. ഈ ചിത്രവും ചിത്രത്തിലെ റിൻസി എന്ന കഥാപാത്രവും താരത്തിന്റെ അഭിനയജീവിതത്തിൽ വലിയ വഴിത്തിരിവായി മാറി.

വീണ അരങ്ങേറ്റം കുറിച്ചത് കോഴിപ്പോര് എന്ന ചിത്രത്തിലൂടെ ആണ് എങ്കിലും വീണ എന്ന താരത്തെ പ്രേക്ഷകർ അറിഞ്ഞത് കെട്ട്യോളാണ് എന്റെ മാലാഖ എന്ന ചിത്രത്തിൽ എത്തിയപ്പോഴാണ് . ബ്രഹ്മാണ്ഡ ചിത്രമായ മരക്കാർ അറബിക്കടലിന്റെ സിംഹം എന്ന സിനിമയിലും ചെറിയൊരു വേഷം ചെയ്ത് വീണ എത്തിയിരുന്നു. അമൽ നീരദ് സംവിധാനം ചെയ്ത് മമ്മൂട്ടി കേന്ദ്ര കഥാപാത്രമായി എത്തിയ ഭീഷ്മ പർവ്വം ആണ് താരത്തിന്റേതായി പുറത്തിറങ്ങിയ അവസാന ചിത്രം . ഈ ചിത്രത്തിൽ നടൻ ഷൈൻ ടോം ചാക്കോയുടെ ഭാര്യയുടെ കഥാപാത്രമാണ് വീണ അവതരിപ്പിച്ചത്. ഒട്ടേറെ താരങ്ങൾ അണിനിരന്ന ഈ ചിത്രത്തിൽ വളരെ മികച്ച റോൾ തന്നെ താരത്തിന് ലഭിച്ചിരുന്നു.

സോഷ്യൽ മീഡിയയിലെ സജീവ താരമാണ് വീണ നന്ദകുമാർ. ഒട്ടേറെ ആരാധകരുള്ള താരം തന്റെ പുത്തൻ ഫോട്ടോസും വീഡിയോസും ആരാധകരമായി പങ്കു വയ്ക്കാറുണ്ട്. വീണ തന്റെ ഇൻസ്റ്റഗ്രാം പേജിൽ പങ്കുവച്ച പുത്തൻ വീഡിയോ ആണ് ഇപ്പോൾ പ്രേക്ഷക ശ്രദ്ധ നേടുന്നത്. വെള്ള കളർ സാരി ധരിച്ച് മുല്ലപ്പൂ ചൂടി , കുളത്തിൽ നീന്തി തുടിക്കുന്ന താരത്തിന്റെ വീഡിയോ ആണ് ഇപ്പോൾ ആരാധകർ ഏറ്റെടുത്തിരിക്കുന്നത് . സാരിയിൽ ഗ്ലാമറസ് ആയാണ് താരം എത്തിയിരിക്കുന്നത് . വാട്ടർ ലില്ലിയുടെ സൈന്റിഫിക് പേരായ നിംഫിയ എന്ന ക്യാപ്ഷനോടെയാണ് താരം ഈ വീഡിയോ പങ്കുവച്ചിക്കുന്നത് . വഫാറ ആണ് താരത്തിന്റെ ഈ കിടിലൻ ചിത്രങ്ങൾ പകർത്തിയിട്ടുള്ളത്. സ്റ്റൈലിംഗ് നിർവഹിച്ചിരിക്കുന്നത് അസനിയ നസ്രിൻ ആണ് .

View this post on Instagram

A post shared by Vaffara (@vaffara_)

ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് ജുഗ് ജുഗ് ജീയോ എന്ന ഹിന്ദി ചിത്രത്തിലെ പുതിയൊരു വീഡിയോ ഗാനമാണ്. ഒട്ടേറെ ഗാനങ്ങളുള്ള ഈ ചിത്രത്തിലെ ദുപ്പട്ട എന്ന ഗാനത്തിന്റെ വീഡിയോ ആണ് ഇപ്പോൾ റിലീസ് ചെയ്തിരിക്കുന്നത്. നായകന്മാരുടെ കിടിലൻ നൃത്ത ചുവടുകൾക്കൊപ്പം ഡാൻസ് ബാറിലെ ഗ്ലാമറസ് നൃത്തരംഗവും ഏറെ ശ്രദ്ധ നേടുന്നുണ്ട്.

1994 ൽ പുറത്തിറങ്ങിയ ഹിറ്റ് പഞ്ചാബി ഗാനമായ ദുപ്പട്ട തേരാ സത്രംഗ് ദയ എന്ന ഗാനത്തെ പുനർ നിർമ്മിച്ചതാണ് ജുഗ് ജുഗ് ജീയോയിലെ ഈ ദുപ്പട്ട ഗാനം. ശ്രേയ ശർമ്മ , ഡൈസ്ബി എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. ഗാന രംഗത്തിൽ അതിസുന്ദരിയായി നായിക കിയാര അദ്യാനിയേയും കാണാൻ സാധിക്കും.

ജൂൺ 24 ന് പുറത്തിറങ്ങിയ ഈ ചിത്രം പ്രേക്ഷകരിൽ നിന്നും മികച്ച പ്രതികരണമാണ് നേടിയത്. രാജ് മേത്ത സംവിധാനം ചെയ്ത ഈ ചിത്രത്തിൽ കിയാരയെ കൂടാതെ അനിൽ കപൂർ, വരുൺ ധവാൻ, നീതു കപൂർ, മനീഷ് പോൾ, പ്രജക്ത കോലി, ടിസ്ക ച്രോപ്ര എന്നിവരും പ്രധാന വേഷങ്ങളിൽ എത്തുന്നുണ്ട്. ഒരു ഫാമിലി കോമഡി ഡ്രാമ പാറ്റേണിൽ ഒരുക്കിയ ഈ ചിത്രം നിർമ്മിച്ചിരിക്കുന്നത് ധർമ്മ പ്രൊഡക്ഷൻസും വിയാകോം 18 സ്റ്റുഡിയോസും ചേർന്നാണ്. ജയ് ഐ പട്ടേൽ ആണ് ചിത്രത്തിന്റെ ഛായഗ്രഹണം നിർവഹിച്ചിരിക്കുന്നത് . മനീഷ് മോർ ആണ് എഡിറ്റർ.

ആരാധകർ സ്നേഹപൂർവം കുഞ്ഞിക്ക എന്ന് വിശേഷിപ്പിക്കുന്ന പ്രിയതാരം ദുൽഖർ സൽമാൻ നായകനായി എത്തുന്ന രണ്ടാമത്തെ തെലുങ്ക് ചിത്രമാണ് സീത രാമം. ഈ ചിത്രത്തിലെ ലെറിക്കൽ വീഡിയോ ഗാനത്തിന്റെ രണ്ടാമത് പ്രെമോ ഇപ്പോൾ റിലീസ് ചെയ്തിരിക്കുകയാണ്. ജൂലൈ നാലിന് ആണ് ഈ ഗാനം റിലീസ് ചെയ്യുന്നത് . വെറും സെക്കന്റുകൾ മാത്രം ദൈർഘ്യമുള്ള ഈ പ്രെമോ വീഡിയോയിൽ നായിക മൃണാൾ താക്കൂറിനെയാണ് കാണാൻ സാധിക്കുന്നത്. സോണി മ്യൂസിക് സൗത്ത് എന്ന യൂടൂബ് ചാനലിലൂടെയാണ് ഈ വീഡിയോ പുറത്തു വിട്ടത്. മൃണാൾ താക്കൂറിനെ പ്രശംസിച്ച് നിരവധി ആരാധകരാണ് കമന്റുകൾ നൽകിയിട്ടുള്ളത്.

തെലുങ്കിന് പുറമേ മലയാളം, തമിഴ് ഭാഷകളിലായും ഈ ചിത്രം പ്രദർശനത്തിന് എത്തുന്നുണ്ട്. ലെഫ്റ്റനന്റ് റാമിന്റെ പ്രണയകഥപറയുന്ന ഈ ചിത്രത്തിൽ ലെഫ്റ്റനന്റ് റാം എന്ന കഥാപാത്രമായി എത്തുന്നത് നടൻ ദുൽഖർ ആണ്. ഈ ചിത്രത്തിന്റെ സംവിധായകൻ ഹനു രാഘവപുടിയാണ് .

ഈ ചിത്രത്തിന്റെ നിർമ്മാണം ഏറ്റെടുത്തിരിക്കുന്നത് വൈജയന്തി മൂവീസ് , സ്വപ്ന സിനിമ എന്നിവർ ചേർന്നാണ്. വിശാൽ ചന്ദ്ര ശേഖറാണ് ചിത്രത്തിലെ ഗാനങ്ങൾ ഒരുക്കുന്നത്. തെന്നിന്ത്യൻ താരസുന്ദരി രശ്‌മിക മന്ദാനയും ഈ ചിത്രത്തിന്റെ ഭാഗമാകുന്നുണ്ട്. പി എസ് വിനോദ് , ശ്രേയസ് കൃഷ്ണ എന്നിവരാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. കോട്ടഗിരി വെങ്കിടേശ്വര റാവു ആണ് ചിത്രത്തിന്റെ എഡിറ്റർ.

ബബിത , റിൻ എന്നിവർ ചേർന്ന് രചനയും സംവിധാനവും നിർവഹിക്കുന്ന പുത്തൻ മലയാളം ഡ്രാമ ചിത്രമാണ് പ്യാലി . ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ ദുൽഖർ സൽമാൻ പുറത്തുവിട്ടിരിക്കുകയാണ് . കാശ്മീരി വംശജരായ സഹോദരങ്ങൾ കേരളത്തിലെ ഒരു ചേരിയിൽ ജീവിക്കാൻ കഷ്ടപ്പെടുന്നതും അവരുടെ സഹോദര സ്നേഹവുമാണ് ഈ ട്രൈലർറിൽ കാണിക്കുന്നത്.

തന്റെ കൊച്ചു സഹോദരിയെ സംരക്ഷിക്കുന്ന സഹോദരനാണ് ഈ ട്രൈലറിലെ ഹൈലൈറ്റ്. ജോർജ് ജേക്കബ്, ബാർബി ശർമ്മ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളായി എത്തുന്നത്. ഇവരെ കൂടാതെ ശ്രീനിവാസൻ , മാമുക്കോയ, ശരത്ത് കുമാർ , റാഫി , അൽത്താഫ് സലിം, അതും മുരുകദോസ് , സുജിത്ത് ശങ്കർ എന്നിവരും ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നു .

വേഫാറർ ഫിലിംസ് , എൻ.എഫ് വർഗീസ് പിക്ച്ചേഴ്സ് എന്നിവയുടെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് സോഫിയ വർഗ്ഗീസ് ആണ്. പ്രശാന്ത് പിള്ളയാണ് ചിത്രത്തിലെ ഗാനങ്ങൾ ഒരുക്കിയിരിക്കുന്നത്. ജിജു സണ്ണി ക്യാമറ കൈകാര്യം ചെയ്തിരിക്കുന്നു. ദീപു ജോസഫ് ആണ് ചിത്രത്തിന്റെ എഡിറ്റർ. ജൂലൈ എട്ടിന് പ്രദർശനത്തിന് എത്തുന്ന ഈ ചിത്രത്തിനായുള്ള കാത്തിരിപ്പിലാണ് പ്രേക്ഷകർ. ചിത്രത്തിന് ആശംസകൾ അറിയിച്ചുകൊണ്ട് നിരവധിപ്പേരാണ് വീഡിയോയ്ക്ക് താഴെ കമന്റുകൾ നൽകിയിട്ടുള്ളത്.

ശരത്ത് മാണ്ഡവ സംവിധാനം ചെയ്ത് ജൂലൈ 29 ന് റിലീസിന് ഒരുങ്ങുന്ന തെലുങ്ക് ചിത്രമാണ് രാമറാവു ഓൺഡ്യൂട്ടി . രവി തേജ നായകനായി എത്തുന്ന ഈ ചിത്രത്തിലെ ഒരു ഐറ്റം സോങ്ങിന്റെ ലെറിക്കൽ വീഡിയോ ഇപ്പോൾ റിലീസ് ചെയ്തിരിക്കുകയാണ്. നാ പേരു സീസ എന്ന ഈ ഗാന രംഗത്തിൽ രവി തേജയ്ക്കൊപ്പം സീസ എന്ന ബാർ നർത്തകിയായി നടി അൻവേഷി ജയിനും എത്തുന്നു. അൻവേഷിയുടെ ത്രസിപ്പിക്കുന്ന നൃത്ത ചുവടുകളും ഉൾക്കൊള്ളിച്ചുള്ള ലെറിക്കൽ വീഡിയോ ആണ് ഇപ്പോൾ പുറത്തുവിട്ടിരിക്കുന്നത്. ആരാധകരെ മയക്കുന്ന നായികയുടെ ഗ്ലാമറസ് നൃത്തത്തിനൊപ്പം രവി തേജയും ചുവടുവയ്ക്കുന്നുണ്ട്.

ചന്ദ്രബോസ് രചന നിർവഹിച്ച ഈ ഗാനത്തിന് ഈണം നൽകിയിരിക്കുന്നത് സാം സി എസ് ആണ്. ശ്രേയ ഘോഷാലും സാം സി എ സും ചേർന്നാണ് ഈ ഗാനം ആലപിച്ചിരിക്കുന്നത്. ഗാനം ആലപിക്കുന്ന രംഗങ്ങളും ഈ ലെറിക്കൽ വീഡിയോയിൽ കാണാൻ സാധിക്കും. രവി തേജയെ കൂടാതെ ദിവ്യാഷ കൗഷിക്, രജിഷ വിജയൻ , വേണു തൊട്ടെംപുഡി , നാസ്സർ , നരേഷ് , പവിത്ര ലോകേഷ് , ജോൺ വിജയ് , ചൈതന്യ കൃഷ്ണ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.

സംവിധായകൻ ശരത്ത് മാണ്ഡവ തന്നെയാണ് ചിത്രത്തിന്റെ രചനയും നിർവഹിച്ചിരിക്കുന്നത്. എസ്. എൽ. വി സിനിമാസ് എൽ എൽ പി , ആർ ട്ടി ടീം വർക്ക്സ് എന്നിവയുടെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് സുധാകർ ചെറുകുറിയാണ്. പീറ്റർ സ്റ്റെയിൻ , ശിവ എന്നിവർ ചേർന്നാണ് ചിത്രത്തിലെ ആക്ഷൻ രംഗങ്ങൾ ഒരുക്കിയിട്ടുള്ളത്. സത്യൻ സൂര്യൻ ആണ് ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് പ്രവീൺ കെ.എൽ ആണ്.

മാനഗരം, കൈദി, മാസ്റ്റർ തുടങ്ങി ബ്ലോക്ക്ബസ്റ്റർ ചിത്രങ്ങൾ പ്രേക്ഷകർക്ക് സമ്മാനിച്ച ലോകേഷ് കനകരാജിന്റെ മറ്റൊരു സൂപ്പർ ഹിറ്റ് ചിത്രമായിരുന്നു ഈ അടുത്ത് പുറത്തിറങ്ങിയ വിക്രം . ബ്രഹ്മാണ്ഡ വിജയം കരസ്ഥമാക്കിയ ഈ ചിത്രത്തിൽ കേന്ദ്ര കഥാപാത്രത്തെ അവതരിപ്പിച്ചത് ഉലകനായകൻ കമൽ ഹാസൻ ആയിരുന്നു . ആഗോള തലത്തിൽ ഈ ചിത്രം നാന്നൂറ് കോടി പിന്നിട്ടു എന്നാണ് റിപ്പോർട്ടുകൾ.

ഇപ്പോഴിതാ ഈ ചിത്രത്തിലെ ട്രെൻഡിംഗ് ആയി മാറിയ ഗാനത്തിന്റെ വീഡിയോ എത്തിയിരിക്കുയാണ് . പത്തല പത്തല എന്ന വരികളോടെ തുടങ്ങുന്ന ഈ ഗാനം ചിത്രം ഇറങ്ങുന്നതിന് മുൻപ് തന്നെ വൈറലായി മാറിയിരുന്നു. നായകൻ കമൽഹാസൻ തന്നെയാണ് ഈ ഗാനം രചിച്ചിരിക്കുന്നതും ആലപിച്ചിരിക്കുന്നതും . 70 മില്യൺ കാഴ്ചക്കാരെയാണ് ഈ ഗാനത്തിന്റെ ലെറിക്കൽ വീഡിയോ സ്വന്തമാക്കിയത്. പ്രശസ്ത സംഗീത സംവിധായകനും ഗായകനുമായ അനിരുദ്ധ് രവിചന്ദർ ആണ് ഈ ഗാനത്തിന് ഈണം പകർന്നത്.

കമൽഹാസനൊപ്പം ഒരു വമ്പൻ താരനിര തന്നെ ഈ ചിത്രത്തിൽ അണിനിരന്നിരുന്നു. അതിഥി വേഷത്തിൽ എത്തിയ നടിപ്പിന് നായകൻ സൂര്യ , മക്കൾ സെൽവൻ വിജയ് സേതുപതി എന്നിവർക്കൊപ്പം മലയാളത്തിലെ യുവതാരം ഫഹദ് ഫാസിൽ, നരേൻ , ചെമ്പൻ വിനോദ് എന്നിവരും വേഷമിട്ടിരുന്നു. രാജ് കമൽ ഇന്റർനാഷനലിന്റെ ബാനറിൽ ഒരുങ്ങിയ ഈ ചിത്രം നിർമ്മിച്ചത് താരം കമൽ ഹാസൻ തന്നെയാണ്. മലയാളിയായ ഗിരീഷ് ഗംഗാധരൻ ആണ് ഈ ചിത്രത്തിന്റെ ക്യാമറ കൈകാര്യം ചെയ്തത്. എഡിറ്റർ ഫിലോമിൻ രാജ് .

എൻ. ലിംഗുസാമി സംവിധാനം ചെയ്ത് ജൂലൈ പതിനാലിന് റീലീസിന് ഒരുങ്ങുന്ന പുത്തൻ തെലുങ്ക് ചിത്രമാണ് ദി വാരിയർ . റാം പൊത്തിനേനി കേന്ദ്ര കഥാപാത്രമായി എത്തുന്ന ഈ ചിത്രത്തിന്റെ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ആദിത്യ മ്യൂസിക് എന്ന യൂടൂബ് ചാനലിലൂടെ റീലീസ് ചെയ്ത ഈ ട്രൈലർ വീഡിയോ ഇപ്പോൾ സോഷ്യൽ മീഡിയ കീഴടക്കുകയാണ് .

ചിത്രത്തിൽ റാം പൊത്തിനേനി ഒരു പോലീസ് കഥാപാത്രത്തെയാണ് അവതരിപ്പിക്കുന്നത്. കർണൂലിൽ ഡി എസ് പിയായി ചുമതലയേൽക്കുന്ന സത്യ എന്ന പോലീസ് ഉദ്യോഗസ്ഥനായാണ് റാം എത്തുന്നത്. ഗുരു എന്ന ഗുണ്ടാ നേതാവിനോടും അയാളുടെ സംഘത്തോടുമുള്ള പ്രശ്നങ്ങളാണ് ഈ ട്രൈലറിൽ കാണാൻ സാധിക്കുന്നത്. പോലീസും ഗുണ്ടാ സംഘവുമായുള്ള കിടിലൻ ആക്ഷൻ രംഗങ്ങളും ചിത്രത്തിൽ കാണാം. ഗുരു എന്ന വില്ലൻ കഥാപാത്രമായി എത്തുന്നത് നടൻ ആദി പിന്നിഷെട്ടി ആണ്. നദിയ മൊയ്തു , നായിക കൃതി ഷെട്ടി എന്നിവരേയും ട്രൈലർ രംഗങ്ങളിൽ കാണാം.

തമിഴിലും തെലുങ്കിലും ഒരേ സമയം ഈ ചിത്രം ഒരുക്കുന്നുണ്ട്. ശ്രീനീവാസ് സിൽവർ സ്ക്രീനിന്റെ ബാനറിൽ ശ്രീനിവാസാ ചിട്ടൂരി ആണ് ഈ ചിത്രം നിർമ്മിക്കുന്നത് . സോഷ്യൽ മീഡിയയിൽ ട്രെൻഡിംഗ് ആയി മാറിയ ഈ ചിത്രത്തിലെ ഗാനങ്ങൾ ഒരുക്കിയിട്ടുള്ളത് ദേവി ശ്രീ പ്രസാദ് ആണ്. സുജിത്ത് വാസുദേവ് ആണ് ഛായാഗ്രഹണം നിർവഹിച്ചിരിക്കുന്നത്. എഡിറ്റിംഗ് കൈകാര്യം ചെയ്തിരിക്കുന്നത് നവീൻ നൂലി ആണ്.

ജൂൺ പതിനേഴിന് തിയറ്ററുകളിൽ പ്രദർശനത്തിന് എത്തിയ തെലുങ്ക് ചിത്രമാണ് ” വിരാടപർവ്വം . വേണു ഉഡുഗുലയുടെ സംവിധാനത്തിൽ ഒരുങ്ങിയ ഈ ചിത്രം ഒട്ടേറെ പ്രശംസ പിടിച്ചു പറ്റിയെങ്കിലും ബോക്സ് ഓഫീസിൽ വലിയ വിജയം കാഴ്ച വയ്ക്കാൻ ചിത്രത്തിന് സാധിച്ചില്ല . റാണ ദഗുബതി , സായ് പല്ലവി എന്നിവർ കേന്ദ്ര കഥാപാത്രങ്ങളായി എത്തിയ ഈ ചിത്രം 1990 കളിൽ തെലുങ്കാന പ്രദേശത്ത് നടന്ന നക്സലൈറ്റ് മൂവ്മെന്റിനെ പശ്ചാത്തലമാക്കിയാണ് ഒരുക്കിയത്. നക്സലൈറ്റ് നേതാവിനെ പ്രണയിക്കുന്ന ഒരു പെൺകുട്ടിയുടെ വേഷമാണ് ചിത്രത്തിൽ സായ് പല്ലവി അവതരിപ്പിക്കുന്നത് . സഖാവ് രാവണ്ണ എന്ന ഈ നക്സലൈറ്റ് കഥാപാത്രമായി എത്തുന്നത് റാണ ദഗ്ഗുബതിയാണ്.

ഇപ്പോൾ ഈ ചിത്രത്തിലെ പുതിയൊരു വീഡിയോ ഗാനം റീലീസ് ചെയ്തിരിക്കുകയാണ്. കൊലു കൊലു എന്ന ഈ ഗാനരംഗത്തിൽ നടി സായ് പല്ലവിയെ ആണ് കാണാൻ സാധിക്കുന്നത്. പ്രണയം മനസ്സിൽ നിറഞ്ഞു നിൽക്കുന്ന ഒരു പെൺകുട്ടിയെ ആണ് ഈ ഗാന രംഗത്തിൽ സായ് പല്ലവി അവതരിപ്പിക്കുന്നത് . നിരവധി പ്രേക്ഷകരാണ് സായ് പല്ലവിയുടെ അഭിനയത്തെ പ്രശംസിച്ച് കൊണ്ട് കമന്റുകൾ നൽകിയിട്ടുള്ളത്.

ഡാൻസ് ചെയ്ത പ്രേക്ഷകരെ അത്ഭുതപ്പെടുത്താറുള്ള താരം ഇത്തവണ അഭിനയ മികവ് കൊണ്ട് ആരാധകരെ അതിശയിപ്പിച്ചിരിക്കുകയാണ്. ചന്ദ്രബോസ് വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് സുരേഷ് ബൊബ്ലിയാണ്. ദിവ്യ മല്ലിക , സുരേഷ് ബൊബ്ലി എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

അല്ലരി നരേഷ് കേന്ദ്ര കഥാപാത്രമായി എത്തുന്ന പുത്തൻ ചിത്രമാണ് “ഇറ്റ്ലു മാറേഡുമില്ലി പ്രജനീകം ” . അല്ലരി നരേഷിന്റെ ജന്മദിനത്തോടനുബന്ധിച്ച് ഈ ചിത്രത്തിന്റെ ഒഫീഷ്യൽ ടീസർ റിലീസ് ചെയ്തിരിക്കുകയാണ്. സീ സ്റ്റുഡിയോസ് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത് . ഒരു ഡ്രാമ പറ്റേണിൽ ഒരുക്കിയ ഈ ചിത്രം ആദിവാസി ജനങ്ങളുടെ കഥയാണ് പറയുന്നത്. സ്വയം വോട്ടർമാരായി രജിസ്റ്റർ ചെയ്യാൻ മാറേടുമില്ലി മേഖലയിലെ ആദിവാസി ജനങ്ങളോട് ആവശ്യപ്പെടാൻ സർക്കാർ അയക്കുന്ന ഉദ്യോഗസ്ഥന്റെ വേഷമാണ് അല്ലരി നരേഷ് ഈ ചിത്രത്തിൽ അവതരിപ്പിക്കുന്നത്. അദ്ദേഹം ആ ഗ്രാമത്തിൽ എത്തിയതിന് ശേഷം നടക്കുന്ന സംഭവവികാസങ്ങളാണ് ഈ ചിത്രത്തിൽ കാണിച്ചിരിക്കുന്നത്.

അല്ലരി നരേഷിനെ കൂടാതെ ആനന്ദി, വെണല കിഷോർ, പ്രവീൺ, സമ്പത്ത് രാജ് എന്നിവരും പ്രധാന വേഷങ്ങളിൽ എത്തുന്നു. ഈ ചിത്രത്തിന്റെ രചനയും സംവിധാനവും നിർവഹിക്കുന്നത് എ ആർ മോഹൻ ആണ്. അബ്ബുറി രവിയാണ് സംഭാഷണങ്ങൾ തയ്യാറാക്കിയത്.

സീ സ്റ്റുഡിയോസ് , ഹാസ്യ മൂവീസ് എന്നിവയുടെ ബാനറിൽ റസേഷ് ദണ്ഡ ആണ് ഈ ചിത്രം നിർമ്മിക്കുന്നത്. ബാലജി ഗുട്ട ചിത്രത്തിന്റെ സഹ നിർമ്മാതാവ് ആണ്. പൃഥ്വി ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയിരിക്കുന്നത് . റാം റെഡ്ഡി ആണ് ചിത്രത്തിന്റെ ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് ഛോട്ട കെ പ്രസദ് ആണ്. അല്ലരി നരേഷിന്റെ മറ്റൊരു ബ്ലോക്ക് ബസ്റ്ററായി ഈ ചിത്രം മാറും എന്ന പ്രതീക്ഷയിലാണ് ആരാധകർ.