ജെ ഡി ആൻഡ് ജെറി എന്നീ സംവിധായകർ ചേർന്ന് ബിസിനസ്സ്മാൻ ലെജൻഡ് ശരവണനെ നായകനാക്കി ഒരുക്കുന്ന പുത്തൻ ചിത്രമാണ് ദി ലെജൻഡ് . പരസ്യങ്ങളിലൂടെ ശ്രദ്ധേയനായ അദ്ദേഹം ആദ്യമായാണ് നായകനായി പ്രേക്ഷകർക്ക് മുന്നിലേക്ക് എത്തുന്നത്. ഇപ്പോൾ പ്രേക്ഷക ശ്രദ്ധ നേടുന്നത് ഈ ചിത്രത്തിലെ പുതിയ വീഡിയോ ഗാനം ആണ്. ഹാരിസ് ജയരാജ് സംഗീതം ഒരുക്കിയ മോസലോ മൊസല് എന്ന വീഡിയോ ഗാനമാണ് ഇപ്പോൾ ഹിറ്റ് ആയി മാറുന്നത്.

ഈ ഗാനത്തിന്റെ ഹൈലൈറ്റ് ആയി മാറിയിട്ടുള്ളത് ലെജൻഡ് ശരവണനും ഗ്ലാമർ നായികമാരും ചേർന്നുള്ള നൃത്തമാണ് . പാ വിജയ് വരികൾ രചിച്ച ഈ ഗാനം ആലപിച്ചിരിക്കുന്നത് അർമാൻ മാലിക്, മുകേഷ് മുഹമ്മദ് എന്നിവർ ചേർന്നാണ്. തിങ്ക് മ്യൂസിക്കിന്റെ യൂട്യൂബ് ചാനലിലൂടെയാണ് ഈ വീഡിയോ റിലീസ് ചെയ്തിരിക്കുന്നത്. ഇതിനോടകം ഈ വീഡിയോ ഗാനം ഒന്നര ലക്ഷത്തോളം കാഴ്ചക്കാരെ സ്വന്തമാക്കി.

ഈ ചിത്രം നിർമ്മിച്ചിരിക്കുന്നത് നായകനായ ലെജൻഡ് ശരവണൻ തന്നെയാണ്. പി വേൽരാജ് ആണ് ചിത്രത്തിന്റെ ക്യാമറമാൻ . എഡിറ്റിംഗ് കൈര്യം ചെയ്തിരിക്കുന്നത് റൂബൻ ആണ്. ഈ ഗാനത്തിന്റെ ഡാൻസ് കൊറിയോഗ്രഫി നിർമ്മിച്ചിരിക്കുന്നത് പ്രശസ്ത നൃത്ത സംവിധായകൻ ആയ രാജു സുന്ദരം ആണ് . ഇദഹത്തെ കൂടാതെ ബ്രിന്ദ മാസ്റ്റർ, ദിനേശ് മാസ്റ്റർ എന്നിവരും ഈ ചിത്രത്തിന് വേണ്ടി ഡാൻസ് കൊറിയോഗ്രഫി ചെയ്യുന്നുണ്ട്.

ഈ ചിത്രത്തിന് വേണ്ടി സംഭാഷണങ്ങൾ രചിച്ചിരിക്കുന്നത് പട്ടുകോട്ടൈ പ്രഭാകർ ആണ് . ഈ ചിത്രത്തിലെ നായികാ വേഷം ചെയ്യുന്നത് ഉർവശി റൗട്ടല്ല ആണ് . കേന്ദ്ര കഥാപാത്രങ്ങളെ കൂടാതെ പ്രഭു, വിവേക്, നാസർ, വിജയകുമാർ, കോവൈ സരള എന്നിവരും ഈ ചിത്രത്തിൽ വേഷമിടുന്നുണ്ട്. ദി ലെജൻഡ് ഒരു സയൻസ് ഫിക്ഷൻ ചിത്രമായാണ് ഒരുക്കുന്നത് എന്നാണ് ലഭിച്ചിരിക്കുന്ന സൂചന.

തമിഴകത്തിന്റെ ഇളയ ദളപതി വിജയെ കേന്ദ്ര കഥാപാത്രമാക്കി നെൽസൺ ദിലീപ് കുമാർ ഒരുക്കുന്ന പുതിയ ചിത്രമാണ് ബീസ്റ്റ്. വിജയ് ആരാധകരും സിനിമാ പ്രേമികളും ഒരുപോലെ കാത്തിരിക്കുന്ന ഈ ചിത്രം വരുന്ന ഏപ്രിൽ പതിമൂന്നിന് ആണ് ആഗോള റിലീസ് ആയി എത്തുന്നത്. ബിഗ് ബഡ്ജറ്റിൽ ഒരുക്കുന്ന ഈ സ്റ്റൈലിഷ് മാസ്സ് ചിത്രത്തിന്റെ ട്രൈലെർ സൂപ്പർ ട്രെൻഡിങ് ആയിരുന്നു. ഇപ്പോഴിതാ ഈ ചിത്രത്തിലെ ബീസ്റ്റ് മോഡ് എന്ന മൂന്നാമത്തെ ഗാനം കൂടി ഇന്ന് പുറത്തിറങ്ങിയിരിക്കുകയാണ്. നേരത്തെ പുറത്തിറങ്ങിയ ട്രെയ്ലറിൽ പശ്ചാത്തല സംഗീതമായി ഒരുക്കിയ തീം സോങ് ആണ് ഇപ്പോൾ റിലീസ് ചെയ്തിരിക്കുന്നത്.

ഇതിന്റെ ട്രൈലെർ കണ്ടപ്പോൾ തന്നെ ചിത്രം അതിഗംഭീരമാകും എന്ന സൂചന ഓരോ പ്രേക്ഷകനും ലഭിച്ചിരുന്നു. എന്നാൽ ഇപ്പോൾ ഈ വിശ്വാസം അരക്കിട്ട് ഉറപ്പിക്കും പോലെ ആണ് ഇതിലെ ഗാനങ്ങളുടെ നിലവാരം. ഈ പുതിയ ഗാനത്തിന്റെ രചന നിർവഹിച്ചിരിക്കുന്നത് വിവേകും ഗാനം ആലപിച്ചിരിക്കുന്നത് അനിരുദ്ധും ആണ്.

നെൽസൺ ദിലീപ്കുമാർ സംവിധാനം ചെയ്ത് ഹിറ്റാക്കിയ കോലമാവ്‌ കോകില, ഡോക്ടർ എന്നീ ചിത്രങ്ങൾക്ക് ശേഷം അദ്ദേഹം ഒരുക്കുന്ന ബീസ്റ്റ് എന്ന ചിത്രം സൺ പിക്ചേഴ്സ് ആണ് നിർമ്മിച്ചിരിക്കുന്നത് . ഈ ചിത്രത്തിന്റെ ഹൈലൈറ്റ് ദളപതി വിജയ്‌യുടെ ആക്ഷൻ രംഗങ്ങൾ തന്നെ ആയിരിക്കും എന്നാണ് സൂചന.

പൂജ ഹെഗ്‌ഡെ നായികവേഷത്തെ അവതരിപ്പിക്കുന്ന ഈ ചിത്രത്തിൽ യോഗി ബാബു, ഷൈൻ ടോം ചാക്കോ, വിടിവി ഗണേഷ്, അപർണ്ണ ദാസ്, പുകഴ് എന്നിവരും വേഷമിടുന്നു. ചിത്രത്തിന് വേണ്ടി സംഗീതം ഒരുക്കിയിരിക്കുന്നത് അനിരുദ്ധ് രവിചന്ദർ ആണ്. ക്യാമറ കൈകാര്യം ചെയ്തിരിക്കുന്നത് മനോജ് പരമഹംസ ആണ്. ആർ നിർമ്മലും ആണ് ചിത്രത്തിന്റെ എഡിറ്റർ. ബീസ്റ്റിലെ നേരത്തെ റിലീസ് ചെയ്ത ഗാനങ്ങൾ അറബിക് കുത്തു, ജോളിയ ജിംഖാന എന്നിവയാണ്.

അൽ ജസ്സാം അബ്‌ദുൾ ജബ്ബാർ നിർമിച്ച് സുൽത്താൻ ബ്രദർസ് എന്റർടൈൻമെന്റ്സിന്റെ ബാനറിൽ ഒരുക്കിയ മുത്തുഗൗ എന്ന സിനിമക്ക് ശേഷം വിപിൻ ദാസ് രചനയും സംവിധാനവും നിർവഹിക്കുന്ന ഏറ്റവും പുതിയ ചിത്രമാണ് അന്താക്ഷരി. ഒറ്റിറ്റി പ്ലാറ്റ് ഫോമായ സോണി ലൈവിൽ നേരിട്ട് എത്തുന്ന ഈ ചിത്രത്തിന്റെ ട്രൈലെർ പുറത്തു വിട്ടു.

ഇതിന്റെ ട്രൈലെർ നൽകുന്ന സൂചന പ്രേക്ഷകരെ ഞെട്ടിക്കുന്ന ഒരു കിടിലൻ ഇൻവെസ്റ്റിഗേഷൻ ത്രില്ലർ ആയിരിക്കും ഈ ചിത്രം എന്നതാണ് . ഈ ചിത്രത്തിലെ നായകനായ പോലീസ് ഓഫീസർ ആയെത്തുന്നത് നടൻ സൈജു കുറുപ്പ് ആണ് . അദ്ദേഹത്തെ കൂടാതെ ശബരീഷ് വർമ്മ, സുധി കോപ്പ ,ബിനു പപ്പു, വിജയ് ബാബു, പ്രിയങ്ക നായർ, എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഈ ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് ബബ്‌ലു അജു ആണ് .

ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത് അങ്കിത് മേനോൻ ആണ്. എഡിറ്റിംഗ് കൈകാര്യം ചെയ്തിരിക്കുന്നത് ജോൺകുട്ടി ആണ്. കല- സാബുമോഹൻ, സൗണ്ട് ഡിസൈൻ-അരുൺ എസ് മണി, എക്സിക്യൂട്ടീവ് പ്രൊഡ്യൂസർ-അൽ സജാം അബ്ദുൽ ജബ്ബാർ, പോജക്ട് ഡിസൈനർ- അൽ ജസീം അബ്‍ദുൾ ജബ്ബാർ, സ്റ്റിൽസ്-ഫിറോസ് കെ ജയേഷ്, ചീഫ് അസോസിയേറ്റ് ഡയറക്ടർ-അഭിലാഷ് എം. യൂ, അസോസിയേറ്റ് ഡയറക്ടർ-രെജീവൻ.എ.

രണിത് രാജ്,ക്രിയേറ്റിവ് ഡയറക്ടർ-നിതീഷ് സഹദേവ്, അശ്വതി ജയകുമാർ വസ്ത്രാലങ്കാരവും സുധീർ സുരേന്ദ്രൻ മേക്കപ്പും നിർവഹിച്ചിരിക്കുന്നു. പ്രൊഡക്ഷൻ കൺട്രോളർ- ശ്യാം ലാൽ, പ്രൊഡക്ഷൻ കോർഡിനേറ്റർ-ഹരിലാൽ, പരസ്യകല- അജിപ്പാൻ,നവീൻ കൃഷ്ണ.പി. പി,പി ആർ ഒ-ശബരി തുടങ്ങിയവരാണ് ഈ ചിത്രത്തിന് വേണ്ടി പ്രവർത്തിച്ച മറ്റ് പിന്നണി പ്രവർത്തകർ. ഈ ചിത്രം അവതരിപ്പിക്കുന്നത് സൂപ്പർ ഹിറ്റ് സംവിധായകൻ ജീത്തു ജോസഫ് ആണ് എന്ന പ്രത്യേകതയുമുണ്ട്. ഗോകുൽ സുരേഷ് ആയിരുന്നു വിപിൻ ദാസ് ഒരുക്കിയ ആദ്യ ചിത്രമായ മുത്തുഗൗ വിൽ നായകൻ.

നാദിർഷയുടെ സംവിധാനത്തിൽ ജയസൂര്യയെ നായകനാക്കി ഒരുക്കുന്ന പുത്തൻ ചിത്രമാണ് ഈശോ . ഈ ചിത്രത്തിന്റെ ടീസർ ഇപ്പോൾ പുറത്തിറങ്ങി.
അരുണ്‍ നാരായൺ നിർമ്മിക്കുന്ന ഈ ചിത്രം അരുണ്‍ നാരായണ്‍ പ്രൊഡക്ഷന്‍സിന്റെ ബാനറില്‍ ആണ് പുറത്തിറങ്ങുന്നത്. ചിത്രത്തിന്റെ തിരക്കഥ തയ്യാറാക്കിയിരിക്കുന്നത് സുനീഷ് വാരനാട് ആണ്. ജയസൂര്യയെ കൂടാതെ ചിത്രത്തിൽ ജാഫര്‍ ഇടുക്കി, നമിത പ്രമോദ്, ജോണി ആന്റണി, സുരേഷ് കൃഷ്ണ എന്നിങ്ങനെ ഒട്ടേറെ താരങ്ങളും അണിനിരക്കുന്നുണ്ട്. പ്രദര്‍ശനത്തിന് ഒരുങ്ങി നിൽക്കുന്ന ഈ ചിത്രത്തിന്റെ ചിത്രീകരണം പൂർത്തീകരിച്ചത് മുണ്ടക്കയം, കുട്ടിക്കാനം, പീരുമേട്, തിരുവനന്തപുരം, എറണാകുളം, ദുബായ് എന്നിവിടങ്ങളിലായാണ്.

ഈശോ എന്ന സിനിമയുടെ ചുറ്റിപ്പറ്റി ഏറെ വിവാദങ്ങളാണ് ഉണ്ടായത്. ചില ക്രിസ്തീയ സംഘടനകള്‍ കഴിഞ്ഞ ഓഗസ്റ്റില്‍ ഈ ചിത്രത്തിന്റെ ഈശോ എന്ന പേര് മാറ്റണം എന്ന ആരോപണവുമായി എത്തിയിരുന്നു. സംഘടനകളുടെ വാദം ചിത്രത്തിന്റെ പേര് ക്രിസ്തീയ മതവിശ്വാസത്തെ വൃണപ്പെടുത്തുന്ന തരത്തിലാണ് എന്നതാണ് . സംവിധായകൻ നാദിർഷയ്ക്ക് എതിരെ രൂക്ഷ ഭാഷയിൽ വിമർശനങ്ങൾ പി.സി ജോർജ് ഉൾപ്പടെയുള്ളവർ ഉന്നയിച്ചിരുന്നു.

സിനിമയ്ക്ക് സര്‍ട്ടിഫിക്കറ്റ് നല്‍കരുതെന്ന് വിവിധ സംഘടനകള്‍ സെന്‍സര്‍ ബോര്‍ഡില്‍ കത്തയക്കുകയും ചെയ്തിരുന്നു. എന്നാല്‍ സെന്‍സര്‍ ബോര്‍ഡ് ഈ സിനിമയില്‍ മോശമായ ഒരു പരാമര്‍ശവും ഇല്ലെന്ന് അംഗീകരിച്ചു. മാത്രല്ല ഈ ചിത്രത്തിന് മറ്റൊരു പേര് നല്‍കാന്‍ കഴിയില്ലെന്നും സെന്‍സര്‍ബോര്‍ഡ് വിലയിരുത്തി.

തമിഴകത്തിന്റെ സ്വന്തം ദളപതി വിജയ് നായകനായി സംവിധായകൻ നെൽസൺ ദിലീപ് കുമാർ ഒരുക്കുന്ന ഏറ്റവും പുതിയ ചിത്രമാണ് ബീസ്റ്റ്. ഇന്ത്യൻ സിനിമാ പ്രേമികൾ ഏറ്റവും കൂടുതൽ ആകാംഷയോ കാത്തിരിക്കുന്ന ഈ ചിത്രം ഏപ്രിൽ പതിമൂന്നിന് ആണ് ആഗോള റിലീസ് ആയി എത്തുന്നത് . ഇന്നിപ്പോൾ പുറത്തു വന്നിരിക്കുന്നത് ഒരു ബിഗ് ബഡ്ജറ്റിൽ ഒരുക്കുന്ന സ്റ്റൈലിഷ് മാസ്സ് ചിത്രമായ ബീസ്റ്റിന്റെ ട്രൈലെർ ആണ് .

ഈ ട്രൈലറിനായി ആരാധകർ ഏറെ നാളായി കാത്തിരിക്കുകയാണ്. ഈ ട്രൈലെർ അക്ഷരാർത്ഥത്തിൽ ഒരു കിടിലൻ മാസ്സ് ദൃശ്യാനുഭവം തന്നെയാണ് സമ്മാനിക്കുന്നത് . ഇതിന്റെ ട്രൈലറിൽ നിന്നും ചിത്രം അതിഗംഭീരമാകും എന്ന സൂചനയാണ് ലഭിക്കുന്നത്. ഈ ഒരു ട്രൈലെർ കൊടുങ്കാറ്റു പോലെ പടർന്നു പിടിച്ചു കഴിഞ്ഞിരിക്കുകയാണ് സോഷ്യൽ മീഡിയയിൽ . നിമിഷങ്ങൾക്കകം തന്നെയാണ് ഈ വീഡിയോ സോഷ്യൽ മീഡിയ കീഴടക്കിയത്. ബീസ്റ്റ് ട്രൈലെർ ആകും ഇനി സോഷ്യൽ മീഡിയ ഭരിക്കുന്നത് എന്ന് തന്നെ പറയാം.

കോലമാവ്‌ കോകില, ഡോക്ടർ എന്നീ മികച്ച ചിത്രങ്ങൾക്ക് ശേഷം നെൽസൺ ദിലീപ്കുമാർ ഒരുക്കുന്ന ബീസ്റ്റ് സൺ പിക്ചേഴ്സ് ആണ് നിർമ്മിക്കുന്നത് . ഈ ചിത്രത്തിന്റെ ഹൈലൈറ്റ് ആയി മാറുന്ന കിടിലൻ ആക്ഷൻ രംഗങ്ങൾ ഇതിലുണ്ടെന്ന് ട്രൈലെറിൽ നിന്നും മനസിലാക്കാം. പൂജ ഹെഗ്‌ഡെ ആണ് ചിത്രത്തിൽ വിജയിയുടെ നായികയായി എത്തുന്നത്. ഇവരെ കൂടാതെ യോഗി ബാബു, ഷൈൻ ടോം ചാക്കോ, വിടിവി ഗണേഷ്, അപർണ്ണ ദാസ്, പുകഴ് എന്നിവരും ചിത്രത്തിൽ പ്രധാനവേഷങ്ങളെ അവതരിപ്പിക്കുന്നു .

ഇതിനോടകം ഈ ചിത്രത്തിലെ രണ്ടു ഗാനങ്ങൾ പുറത്തു വരികയും അവ പ്രേക്ഷകർക്കിടയിൽ വൻ തരംഗം സൃഷ്ടിക്കുകയും ചെയ്തിരുന്നു. അനിരുദ്ധ് രവിചന്ദർ ആണ് ഈ ചിത്രത്തിന്റെ സംഗീത സംവിധാനം ഒരുക്കിയിട്ടുള്ളത്. മനോജ് പരമഹംസയാണ് ക്യാമറമാൻ . എഡിറ്റിംഗ് കൈകാര്യം ചെയ്തിരിക്കുന്നത് ആർ നിർമ്മലും ആണ്.

ഹാസ്യ നടൻ , സംവിധായകൻ, അവതാരകൻ എന്നി മേഖലകളിൽ എല്ലാം തന്നെ ശോഭിച്ച താരമാണ് രമേഷ് പിഷാരടി . അദ്ദേഹത്തെ നായകനാക്കി കൊണ്ട് നിതിൻ ദേവീദാസ് ആദ്യമായി സംവിധാനം ചെയ്യുന്ന നോ വേ ഔട്ട് പ്രേക്ഷക സദസ്സിൽ എത്താൻ ഒരുങ്ങുകയായി. നിതിൻ ഈ ചിത്രം ഒരു സർവൈവൽ ത്രില്ലർ ആയാണ് ഒരുക്കിയിരിക്കുന്നത്. ഇപ്പോഴിത ഈ ചിത്രത്തിന്റെ ആദ്യ ടീസർ പുറത്തുവിട്ടിരിക്കുകയാണ്. ഈ വീഡിയോ റീലീസ് ചെയ്തിരിക്കുന്നത് രമേഷ് പിഷാരടി എന്റെർറ്റൈന്മെന്റ്സ് എന്ന യൂട്യൂബ് ചാനലിലൂടെ ആണ്.

മികച്ച പ്രേക്ഷക പ്രതികരണം നേടി മുന്നേറുകയാണ് ഈ ടീസർ . റെമോഷ് എം എസ് നിർമ്മിച്ചിരിക്കുന്ന ഈ ചിത്രം റെമോ എന്റർടൈൻമെൻറ്സിന്റെ ബാനറിൽ ആണ് ഒരുങ്ങുന്നത് . രമേഷ് പിഷാരടിയെ കൂടാതെ ചിത്രത്തിൽ ധർമജൻ ബോൾഗാട്ടി, ബേസിൽ ജോസെഫ്, രവീണ എൻ എന്നീ താരങ്ങളും പ്രധാന വേഷങ്ങളിൽ എത്തുന്നുണ്ട്. വർഗീസ് ഡേവിഡ് ആണ് ചിത്രത്തിന്റെ കാമറ കൈകാര്യം ചെയ്യുന്നത്. എഡിറ്റിംഗ് നിർവഹിച്ചിരിക്കുന്നത് കെ ആർ മിഥുൻ ആണ്. കെ ആർ രാഹുൽ ആണ് ഈ ചിത്രത്തിന് ഗാനങ്ങൾ ഒരുക്കിയത്. ഈ ചിത്രത്തിന് പശ്‌ചാത്തല സംഗീതം ഒരുക്കിയത് ക്രിസ്റ്റി ജോബിയാണ് .

ചിത്രത്തിന്റെ ആക്ഷൻ സംവിധാനം നിർവഹിച്ചത്‌ മാഫിയ ശശിയാണ്. കലാസംവിധാനം ഗിരീഷ് മേനോനും വസ്ത്രാലങ്കാരം സുജിത് മട്ടന്നൂരും നിർവഹിച്ചിരിക്കുന്നു. അമൽ ചന്ദ്രൻ ചമയം നിർവഹിച്ച ഈ ചിത്രത്തിന്റെ ഡാൻസ് കൊറിയോഗ്രഫർ ശാന്തി മാസ്റ്ററാണ്. ഈ ചിത്രത്തിന്റെ പ്രൊഡക്ഷൻ കൺട്രോളർ വിനോദ് പറവൂർ ആണ്. ഡിസൈൻസ് കറുപ്പ്, സ്റ്റിൽസ് ശ്രീനി മഞ്ചേരി, പി ആർ ഒ മഞ്ജു ഗോപിനാഥ് ഡിജിറ്റൽ മാർക്കറ്റിങ് അനൂപ് സുന്ദരൻ, എന്നിവരാണ്. ഇതിന്റെ ടീസറിൽ നിന്നും മലയാളത്തിൽ അധികം ചെയ്യാത്ത സർവൈവൽ ത്രില്ലർ മോഡലിൽ ആണ് ഈ ചിത്രം എത്തുന്നതെന്ന സൂചനയാണ് ലഭിക്കുന്നത്. ഇതിലൂടെ പ്രേക്ഷകർക്ക് മുന്നിൽ എത്തുന്നത് ഹാസ്യ വേഷങ്ങളിൽ ശോഭിച്ചിട്ടുള്ള രമേഷ് പിഷാരടിയുടെ ഒരു സീരിയസ് കഥാപാത്രമായിരിക്കും.

മലയാളത്തിലെ സൂപ്പർസ്റ്റാർ മോഹൻലാലിന്റെ മകൾ വിസ്മയ മോഹൻലാലിനെ അറിയാത്തവർ വിരളമാണ്. മകൻ പ്രണവിനെ പോലെ മകൾ അഭിനയ രംഗത്തേക്ക് കടന്നു വന്നിട്ടില്ലെങ്കിലും താരങ്ങളുടെ മക്കളുടെ കാര്യങ്ങൾ അറിയാൻ പ്രേക്ഷകർ താല്പര്യം കാണിക്കാറുണ്ട്. ഇപ്പോൾ സോഷ്യൽ മീഡിയയിൽ ശ്രദ്ധനേടുന്നത് വിസ്മയ തന്റെ ഇൻസ്റ്റഗ്രാം അക്കൗണ്ടിൽ പങ്കുവച്ച ചില ചിത്രങ്ങളും വീഡിയോകളും ആണ്.

തായ്ലൻഡിൽ എത്തിയ വിസ്മയ ; താൻ അവിടെ പരിശീലിച്ച കുങ്ഫു മുറകളെക്കുറിച്ചും പൈ സന്ദർശനത്തെ കുറിച്ചുമെല്ലാം ആണ് ഈ വീഡിയോയിൽ ഉൾപ്പെടുത്തിയിരിക്കുന്നത്. വീഡിയോയ്ക്ക് ഒപ്പം ഒരു നീണ കുറിപ്പും വിസ്മയ രേഖപ്പെടുത്തിയിരുന്നു. ഇത് പൈയിൽ താമസിച്ച് പരിശീലനം നേടിയ സമയത്തെ ചില ചിത്രങ്ങളും വീഡിയോകളും മാത്രമാണ്. എന്റെ ദിനചര്യകൾ താളതെക്കിയതാണെന്നും മധ്യഭാഗത്ത് ചില ഭാഗങ്ങൾ നഷ്ടപ്പെട്ടിരുക്കുന്നു. ഞാൻ ഇപ്പോഴും തുടക്കകാരിയാണ്.

എല്ലാം അതിശയത്തോടെ നോക്കി കണ്ടു പഠിക്കുന്നു. പൈയിലെ മുഗസംരക്ഷണ കേന്ദ്രത്തിൽ നിന്നുള്ളതാണ് അവസാന വീഡിയോ. മൃഗങ്ങളെ പുനരധിവധിപ്പിക്കുന്നുണ്ട് ഇവിടെ . ഭംഗിയുള്ള നായ്ക്കളെയും പന്നികളെയും കുതിരകളെയും ഇവിടെ കണ്ടു മുട്ടി. വൈയുമായി പ്രണയത്തിലായി. മലനിരകളിലെ മനോഹര കാഴ്ചകളിലേക്കും പരിശീലനത്തിലേക്കും ഉണർന്നത് മാന്ത്രികമായിരുന്നു .

അതുകൊണ്ട് തന്നെ ഇവിടുത്തെ താമസം നീട്ടി കൊണ്ടു പോയി. ഇവിടെ എത്തിയപ്പോൾ മുതൽ അനുഭവിച്ചത് വ്യത്യാസമാണ്. കുംഫു ചെയ്യുന്നതും പ്രത്യേകിച്ച് രാവിലെ കിഗോംഗ് എന്റെ മനസിനേയും ശരീരത്തേയും ശാന്തമാക്കി. ഇൻസ്ട്രക്ടർമാർ എല്ലാവരും അവരുടെ കലയിൽ വളരെയധികം അഭിനിവേശം ഉള്ളവരായിരുന്നു. വളരെ ക്ഷമയോടെ പഠിപ്പിച്ചു. ഞാൻ തീർച്ചയായും മടങ്ങിവരും . മാസ്റ്റർ ഇയിനും അദ്ദേഹത്തിന്റെ ടീമിനും നന്ദി. എന്ന് കുറിച്ചു കൊണ്ടാണ് വിസ്മയ തന്റെ പോസ്റ്റ് അവസാനിപ്പിച്ചത്.

മലയാള സിനിമയിൽ നടി സാനിയ ഇയ്യപ്പൻ അറിയപ്പെടുന്നത് ഫാഷൻ ക്വീൻ എന്നാണ് .സാനിയയ്ക്ക് അടുത്ത മാസം 20 വയസ്സ് തികയുകയാണ്. ഈ ചെറുപ്രായത്തിലേ സിനിമയിൽ വ്യക്തി മുദ്ര പതിപ്പിച്ച് ശ്രദ്ധേയയായി മാറാൻ സാനിയയ്ക്ക് കഴിഞ്ഞിട്ടുണ്ട്. ഒരു ഡാൻസ് റിയാലിറ്റി ഷോയിലൂടെയാണ് കുട്ടി സാനിയയെ പ്രേക്ഷകർക്ക് പരിചിതമായത്. ഇതിലൂടെ പ്രേക്ഷക ശ്രദ്ധ നേടിയ താരം പിന്നീട് ബാലതാരമായി മലയാള സിനിമയിൽ അരങ്ങേറ്റം കുറിച്ചു. ഒട്ടും വൈകാതെ നായിക നിരയിലേക്കും താരം ഉയർന്നു.

വളരെ ചെറിയ പ്രായത്തിൽ തന്നെ സിനിമ രംഗത്തേക്ക് എത്തിയത് കൊണ്ട് സാനിയയ്ക്ക് ഇനിയും വർഷങ്ങളോളം സിനിമയിൽ തുടരാൻ സാധിക്കും. സാനിയ ആദ്യമായി നായികയായി അഭിനയിക്കുന്നത് നവാഗതരെ പ്രധാന വേഷത്തിൽ അഭിനയിപ്പിച്ച ക്വീൻ എന്ന സൂപ്പർഹിറ്റ് ചിത്രത്തിലാണ് . ശേഷം കൈനിറയെ ചിത്രങ്ങളാണ് താരത്തിന് വന്നു കൊണ്ടിരുന്നത്. മലയാളത്തിൽ ഏറ്റവും കൂടുതൽ കളക്ഷൻ നേടിയ മോഹൻ ലാൽ ചിത്രം ലൂസിഫറിലും സാനിയ ഒരു പ്രധാന കഥാപാത്രത്തെ അവതരിപ്പിച്ചിരുന്നു.

സോഷ്യൽ മീഡിയയിൽ സാനിയ ഒരു സജീവ താരമാണ്. താരത്തിന്റെ ചെറിയ ചെറിയ ഫോട്ടോഷൂട്ടുകൾ ലോക്ക് ഡൗൺ നാളിൽ ശ്രദ്ധനേടുകയും പിന്നീട് താരം ഗ്ലാമറസ് വേഷങ്ങളിലെ ഷൂട്ടുകളിൽ ശ്രദ്ധിക്കപ്പെടുകയും ചെയ്തു. താരത്തിന്റെ പോസ്റ്റുകൾ എല്ലാം തന്നെ ആരാധകർ ഏറ്റെടുക്കുകയും വൈറലായി മാറുകയും ചെയ്തിട്ടുണ്ട്. സാനിയയ്ക്ക് ഏത് തരം ഡ്രെസ്സും ചേരും എന്നതാണ് മറ്റൊരു പ്രതേകത. ഫാഷൻ ക്വീൻ എന്നറിയപ്പെടുന്നതും അതുകൊണ്ട് തന്നെയാണ് .

ഇപ്പോഴിതാ സോഷ്യൽ മീഡിയയിൽ ശ്രദ്ധ നേടുന്നത് സാനിയയുടെ ഒരു ബിക്കിനി ഫോട്ടോഷൂട്ടാണ് . സാനിയയുടെ ബിക്കിനി ഷൂട്ട് ഇതിന് മുമ്പും സോഷ്യൽ മീഡിയ കീഴടക്കിയിട്ടുണ്ട്. താരത്തിന്റെ ചിത്രങ്ങൾ എടുത്തിരിക്കുന്നത് കിഷോർ രാധാകൃഷ്ണനാണ് . സ്റ്റൈലിംഗ് നിർവഹിച്ചിരിക്കുന്നത് സ്മിജി കെ.ടിയും മേക്കപ്പ് ഉണ്ണി പി.എസും ആണ്. സാനിയ ഇതിന്റെ ഒരു ബി.ടി.എസ് വീഡിയോയും ഇപ്പോൾ പങ്കുവച്ചിട്ടുണ്ട്.

അൽഫോൻസ് പുത്രന്റെ സംവിധാനത്തിൽ ഒരുങ്ങിയ സൂപ്പർ ഹിറ്റ് ചിത്രങ്ങളായ നേരം, പ്രേമം എന്നിവയ്ക്ക ശേഷം അദ്ദേഹം അണിയിച്ചൊരുക്കുന്ന ഏറ്റവും പുതിയ ചിത്രമാണ് ഗോൾഡ്. പ്രേക്ഷകരുടെ മുന്നിലേക്ക് ഒരു അൽഫോൻസ് പുത്രൻ ചിത്രം എത്താൻ പോകുന്നത് ഏഴു വർഷത്തെ ഇടവേളയ്ക്കു ശേഷമാണ് എന്ന കാര്യം എടുത്തു പറയേണം. ഈ ചിത്രത്തിൽ നടൻ പൃഥ്വിരാജ് സുകുമാരൻ ആണ് നായകനായി എത്തുന്നത്. ഈ ചിത്രത്തിന്റെ ആദ്യ ടീസർ ഇന്ന് റിലീസ് ചെയ്തിരിക്കുകയാണ്. ഈ ടീസർ പുറത്തു വിട്ടിരിക്കുന്നത് മാജിക് ഫ്രെയിംസിന്റെ യൂട്യൂബ് ചാനലിലൂടെയാണ് .

തീയേറ്ററുകളിൽ മാർച്ച് 25 വെള്ളിയാഴ്ച മുതൽ ഈ ടീസർ പ്രദർശിപ്പിച്ചു തുടങ്ങും. ഇന്ന് വന്ന ടീസർ ഏതു തരത്തിൽ ഉള്ളതായിരിക്കും എന്നഗോൾഡ് എന്ന ചിത്രം എന്നുള്ള ഒരു സൂചനയാണ് തരുന്നത്. ചിത്രത്തിൽ നായികാ വേഷം അവതരിപ്പിക്കുന്നത് തമിഴിലെ ലേഡി സൂപ്പർ സ്റ്റാർ നയൻ താര ആണ്. പൃഥ്വിരാജ് സുകുമാരനും മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും ചേർന്നാണ് ഈ ചിത്രം നിർമ്മിക്കുന്നത്.

അൽഫോൻസ് പുത്രൻ തന്നെയാണ് ചിത്രത്തിന്റെ രചന നിർവ്വഹിച്ചിരിക്കുന്നത്. ചിത്രത്തിൽ കേന്ദ്ര കഥാപാത്രങ്ങളായ നയൻ താരയേയും പൃഥിരാജിനേയും കൂടാതെ ശബരീഷ് വർമ്മ, ലാലു അലക്സ്, പ്രേം കുമാർ, സൈജു കുറുപ്പ്മല്ലിക സുകുമാരൻ, അജ്മൽ അമീർ, തെസ്നി ഖാൻ, ബാബുരാജ്, ജഗദീഷ്, കൃഷ്ണ ശങ്കർ, , ഷമ്മി തിലകൻ, ശാന്തി കൃഷ്ണ, ചെമ്പൻ വിനോദ്, എന്നിവരും അണിനിരക്കുന്നുണ്ട്.

ഏതായാലും ടീസറിൽ നിന്നും ഒരു കോമഡി ത്രില്ലർ ആയിരിക്കും ഗോൾഡ് എന്ന സൂചനയാണ് ലഭിക്കുന്നത്. രാജേഷ് മുരുഗേശൻ ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. അൽഫോൻസ് പുത്രൻ തന്നെയാണ് എഡിറ്റിംഗും കൈകാര്യം ചെയ്തിരിക്കുന്നത്. ആനന്ദ് സി ചന്ദ്രൻ ആണ് ക്യാമറമാൻ . അൽഫോൻസ് പുത്രൻ തന്നെയാണ് ഈ ചിത്രത്തിന്റെ സംഘട്ടന സംവിധാനം, കളർ ഗ്രേഡിംഗ് എന്നിവ നിർവഹിച്ചിട്ടുള്ളതും. പൃഥ്വിരാജ് , ജോഷി എന്ന കഥാപാത്രത്തെയാണ് ചിത്രത്തിൽ അവതരിപ്പിക്കുന്നത്. നയൻ താര എത്തുന്നത് സുമംഗലി എന്ന കഥാപാത്രം ആയാണ് .