യുവഹൃദയങ്ങളിൽ ഒരു ഓളം തീർത്ത ചിത്രമായിരുന്നു അൽഫോൺസ് പുത്രൻ സംവിധാനം ചെയ്ത പ്രേമം . ഈ സിനിമയിലൂടെ മലയാളികൾക്ക് സമ്മാനിച്ച പുതു താരസുന്ദരിമാർ ആയിരുന്നു സായ് പല്ലവിയും മഡോണ സെബാസ്റ്റിനും. പ്രേമം എന്ന മലയാള ചിത്രത്തിലൂടെ വന്ന് പ്രേക്ഷക മനം കീഴടക്കിയ ഈ നായികമാർ തെന്നിന്ത്യൻ സിനിമ ലോകത്തെ ഏറെ തിരക്കുള്ള നായികമാരായി ഇരുവരും മാറി കഴിഞ്ഞു. പ്രേമം എന്ന ചിത്രത്തിൽ ഒന്നിച്ച് അഭിനയിച്ച ഇവർ വീണ്ടും ഒന്നിച്ച് അഭിനയിക്കുകയാണ്.

മലയാള സിനിമയിൽ അല്ല ഇരുവരും ഒന്നിക്കുന്നത് എന്ന് മാത്രം
ഈച്ച എന്ന തെലുങ്ക് ഡബ് ചിത്രത്തിലൂടെ മലയാളി പ്രേക്ഷകർക്ക് സുപരിചിതനായി മാറിയ നായകനാണ് നാനി . നാനി പ്രധാന വേഷത്തിൽ എത്തുന്ന ശ്യാം സിംഘ റോയ് എന്ന തെലുങ്ക് ചിത്രത്തിലൂടെയാണ് മഡോണയും സായി പല്ലവിയും വീണ്ടും ഒന്നിച്ച് അഭിനയിക്കുന്നത്. മൂന്ന് നായികമാരാണ് ശ്യാം സിംഘ റോയ് എന്ന ചിത്രത്തിൽ ഉള്ളത് . സായ് പല്ലവി , മഡോണ എന്നിവരെ കൂടാതെ കൃതി ഷെട്ടിയാണ് മൂന്നാമത്തെ നായികയായി എത്തുന്നത് . ചിത്രത്തിൽ കൃതിയും സായി പല്ലവിയുമാണ് നായകനായ നാനിയുടെ നായികമാരായി എത്തുന്നത്.

ചിത്രത്തിൽ ഒരു വക്കീൽ കഥാപാത്രത്തെയാണ് മഡോണ അവതരിപ്പിക്കുന്നത് . ഈ ചിത്രത്തിന്റെ ട്രെയിലർ ഇപ്പോൾ റിലീസ് ചെയ്തിരിക്കുകയാണ് . വളരെ മികച്ച അഭിപ്രായം നേടി ട്രെയിലർ മുന്നേറുന്നു . ചിത്രത്തിൽ നടൻ നാനി ഇരട്ടവേഷത്തിൽ എത്തുന്നുണ്ട്. നാനിയുടെ രണ്ടു കഥാപാത്രങ്ങളും ഒന്നിനൊന്ന് വ്യത്യസ്തവും മികച്ചതും ആവുമെന്ന പ്രതീക്ഷയിലാണ് പ്രേക്ഷകർ. വളരെ മികച്ച വേഷമാണ് സായി പല്ലവിയ്ക്ക് ഈ ചിത്രത്തിൽ ലഭിച്ചിരിക്കുന്നത്.

ട്രെയിലറിൽ നിന്നും ശ്യാം സിംഘ റോയ് ഒരു കിടിലൻ ഹിസ്റ്റോറിക്കൽ ത്രില്ലർ സിനിമയായിരിക്കും എന്നത് വ്യക്തമാണ്. ഈ ഹിസ്റ്റോറിക്കൽ ത്രില്ലർ സംവിധാനം ചെയ്യുന്നത് രാഹുൽ സാനകൃത്യൻ ആണ് . നിഹാരിക എന്റർടൈൻമെൻറ് പ്രൊഡക്ഷൻസാണ് ഈ ചിത്രം നിർമ്മിച്ചിരിക്കുന്നത്. തെലുങ്കിനോപ്പം മലയാളം, തമിഴ്, കന്നഡ ഭാഷകളിൽ എല്ലാം ഒരുപോലെ ഡബ് ചെയ്ത റിലീസ് ചെയ്യാൻ ഒരുങ്ങുന്ന ഈ ചിത്രം ഡിസംബർ 24 ന് പുറത്തിറങ്ങും .

നിർമ്മൽ സഹദേവ് തിരക്കഥയെഴുതി സംവിധാനം ചെയ്യുന്ന പുത്തൻ ചിത്രമാണ് കുമാരി . ഐശ്വര്യലക്ഷ്മിയും ഷൈൻ ടോം ചാക്കോയുമാണ് ചിത്രത്തിലെ കേന്ദ കഥാപാത്രങ്ങളെ അവതരിപ്പിക്കുന്നത്. ബിഗ് ജെ എന്റർടെയ്ൻമെന്റ്സ് , ഫ്രഷ് ലൈം സോഡാസ് എന്നിവയുടെ ബാനറിൽ നിർമ്മിച്ച് പൃഥ്വിരാജ് പ്രെഡക്ഷൻസ് ആണ് ചിത്രം അവതരിപ്പിക്കുന്നത് . ഷൈൻ ടോം , ഐശ്വര്യ ലക്ഷ്മി എന്നിവരെ കൂടാതെ സ്വാസിക , തൻവി റാം , സുരഭി , ജിജു ജോൺ , രാഹുൽ മാധവ് , സഫടികം ജോർജ് , ശിവജിത്ത് നമ്പ്യാർ എന്നിവരും പ്രധാന വേഷങ്ങൾ കൈകാര്യം ചെയ്യുന്നു.

കുമാരി ചിത്രത്തിന്റെ പൂജ വീഡിയോ ആണ് ഇപ്പോൾ സോഷ്യൽ മീഡിയയിൽ ശ്രദ്ധേയമാകുന്നത്. എറണാകുളം ജില്ലയിലെ ഇടപ്പള്ളി അഞ്ചുമന ദേവീ ക്ഷേത്രാങ്കണത്തിൽ വച്ചായിരുന്നു ചിത്രത്തിന്റെ പൂജ നടന്നത്. ഐശ്വര്യ ലക്ഷ്മി , ഷൈൻ ടോം ചാക്കേ , സ്വാസിക, തൻവി റാം, ഉണ്ണിമുകുന്ദൻ , സുരഭി എന്നിവർ ചടങ്ങിൽ പങ്കെടുത്തു . ഇതിൽ ഐശ്വര്യ, സ്വാസിക , തൻവി എന്നിവരുടെ ലുക്ക് എടുത്തു പറയേണ്ടതാണ്.

ദുരൂഹതകൾ ഉണർത്തുന്ന ഈ ചിത്രത്തിന്റെ മോഷൻ പോസ്റ്റുകളും നേരത്തെ പുറത്തു വന്നിരുന്നു. കുമാരി ചിത്രത്തിന് സംഗീതം ഒരുക്കുന്നത് ജേക്സ് ബിജോയ് ആണ് . ജിഗ് മെ ടെൻസിംഗ് ആണ് ചിത്രത്തിന്റെ ഛായഗ്രഹണം നിർവഹിക്കുന്നത് . എഡിറ്റിംഗ് കൈകാര്യം ചെയ്യുന്നത് ശ്രീജിത്ത് സാരംഗ് ആണ് .

മലയാളത്തിലെ ശ്രദ്ധേയമായ സംവിധായകരിൽ ഒരാളായ വൈശാഖ് സംവിധാനം ചെയ്യുന്ന പുതിയ സിനിമയാണ് നൈറ്റ് ഡ്രൈവ്. ഇന്ദ്രജിത്ത്, റോഷൻ മാത്യു, അന്ന ബെൻ എന്നിവരാണ് ചിത്രത്തിലെ പ്രധാന വേഷങ്ങൾ കൈകാര്യം ചെയ്യുന്നത് . മലയാളത്തിലെ പ്രമുഖ നടന്മാരായ മമ്മൂട്ടി, പൃഥ്വിരാജ് എന്നിവരെ ഒന്നിപ്പിച്ചു കൊണ്ട് ഒരുക്കിയ പോക്കിരിരാജ ആയിരുന്നു വൈശാഖിന്റെ സംവിധാനത്തിൽ പുറത്തിറങ്ങിയ ആദ്യചിത്രം.

അതിന് ശേഷം മോഹൻലാലിനെ കേന്ദ്ര കഥാപാത്രമാക്കി സംവിധാനം ചെയ്ത പുലിമുരുകൻ മലയാള സിനിമയിലെ വമ്പൻ ഹിറ്റ് ആയി മാറി. പുതുതായി ഒരുങ്ങുന്ന നൈറ്റ് ഡ്രൈവ് എന്ന ചിത്രം ഒരു ത്രില്ലർ സിനിമയാണ് . ചിത്രത്തിന്റെ ട്രയിലർ ഇതിനോടകം പ്രേക്ഷക ശ്രദ്ധ നേടി കഴിഞ്ഞു . ഈ ചിത്രത്തിൽ ഒരു പോലീസ് കഥാപാത്രത്തെയാണ് ഇന്ദ്രജിത്ത് അവതരിപ്പിക്കുന്നത് . സാറാസ് എന്ന ചിത്രമായിരുന്നു അന്ന ബെന്നിന്റെതായി പുറത്തിറങ്ങിയ അവസാന ചിത്രം .

കുരുതി എന്ന ചിത്രമാണ് റോഷൻ മാത്യുവിന്റെ തായി പുറത്തിറങ്ങിയ അവസാന ചിത്രം . വൈശാഖിന്റെ സംവിധാനത്തിൽ പുറത്തിറങ്ങിയ മറ്റു ചിത്രങ്ങളാണ് സീനിയേഴ്സ്, മല്ലു സിങ്, വിശുദ്ധൻ, കസിൻസ്, സൗണ്ട് തോമ, മധുര രാജ എന്നിവ . അഭിലാഷ് പിള്ളയാണ് നൈറ്റ് ഡ്രൈവ് എന്ന ചിത്രത്തിന്റെ രചന നിർവഹിച്ചിരിക്കുന്നത് . അഭിലാഷ് പിള്ള തന്നെ രചിച്ച ചിത്രങ്ങളാണ് എം പദ്മകുമാർ ഒരുക്കുന്ന പത്താം വളവ്, തമിഴ് ചിത്രം കടാവർ എന്നിവ . പ്രിയ വേണു , നീതാ പിന്റോ എന്നിവരാണ് വൈശാഖ് അണിയിച്ചൊരുക്കുന്ന ഈ ചിത്രം നിർമ്മിക്കുന്നത് .

ചിത്രത്തിന്റെ ഛായാഗ്രഹണം നിർവഹിക്കുന്നത് ഷാജി കുമാറും എഡിറ്റിംഗ് കൈകാര്യം ചെയ്യുന്നത് സുനിൽ എസ് പിള്ളയുമാണ് ‘ . നൈറ്റ് ഡ്രൈവ് എന്ന ചിത്രത്തിലെ സംഗീതം ഒരുക്കിയിട്ടുള്ളത് രഞ്ജിൻ രാജ് ആണ്. ഒരു രാത്രി നടക്കുന്ന കഥയെ ആസ്പദമാക്കിയാണ് ചിത്രം പ്രേക്ഷകർക്ക് മുന്നിൽ അവതരിപ്പിക്കുന്നത്.

അല്ലു അർജുൻ പ്രധാനവേഷത്തിൽ എത്തുന്ന വമ്പൻ ചിത്രമായ പുഷ്പ തിയറ്ററുകളിൽ എത്താൻ ഇനി മണിക്കൂറുകൾ മാത്രമാണ് ബാക്കിയുള്ളത് . മലയാള സിനിമയിലെ യുവ താരം ഫഹദ് ഫാസിലും പുഷ്പ എന്ന ഈ വമ്പൻ ചിത്രത്തിന്റെ ഭാഗമാണ് . പുഷ്പയുടെ പ്രമോഷന്റെ ഭാഗമായി ചിത്രത്തിലെ കേന്ദ്ര കഥാപാത്രങ്ങളായ അല്ലു അർജുനും രശ്മിക മന്ദാനയും കൊച്ചിയിലെത്തിയിരുന്നു .

ആ പ്രെമോഷൻ ഇവന്റോടു കൂടി രശ്മിക എന്ന താരം കൊച്ചിയുടെ ഹൃദയം കീഴക്കി. പുഷ്പ തന്നെ സംബന്ധിച്ച് ഒരു പഠനയാത്ര ആയിരുന്നെന്നും , പുഷ്പ എന്ന ചിത്രത്തിന്റെ ഭാഗമാകാൻ കഴിഞ്ഞതിൽ വളരെ അഭിമാനമുണ്ടെന്ന് താരം വ്യക്തമാക്കി . ചിത്രീകരണം ആരംഭിച്ച ആദ്യ ദിനങ്ങളിൽ താൻ ആകെ പരിഭ്രാന്തിയിൽ ആയിരുന്നെന്നു , എന്നാൽ അല്ലു തന്നോട് പറഞ്ഞു ; ഒപ്പം ജോലി ചെയ്യുന്ന ആളുകളുടെ ബുദ്ധിയെ സംശയിക്കരുത് എന്ന് .

തെന്നിന്ത്യൻ ലോകം ഒന്നടങ്കം ആകാംക്ഷയോടെ കാത്തിരിക്കുന്ന ചിത്രമാണ് പുഷ്പ . ഈ ചിത്രത്തിലെ വില്ലൻ കഥാപാത്രത്തെയാണ് നടൻ ഫഹദ് ഫാസിൽ കൈകാര്യം ചെയ്യുന്നത് . രണ്ട് ഭാഗങ്ങളായാണ് ഈ ചിത്രം പുറത്തു വരുന്നത് . ചിത്രത്തിന്റെ ആദ്യഭാഗമാണ് ഡിസംബർ 17ന് റിലീസ് ചെയ്യുന്നത് .
ചിത്രത്തിലെ നായികയായ രശ്മിക ശ്രീവല്ലി എന്ന കഥാപാത്രമായാണ് പുഷ്പയിൽ എത്തുന്നത്. അല്ലു അർജുൻ രശ്മിക താരജോഡികൾ ഒന്നിക്കുന്ന ആദ്യ ചിത്രമാണിത് എന്ന പ്രത്യേകതയും ഇതിനുണ്ട്.

ഇത് തന്റെ സ്വപ്ന സാഫല്യം ആണെന്നും അല്ലു രശ്മിക കെമിസ്ട്രി സ്ക്രീനിൽ നന്നായി വർക് ഔട്ട് ചെയ്യുമെന്ന് തനിക്ക് ഉറപ്പുണ്ടെന്നും നടി തുറന്നു പറഞ്ഞു . പുഷ്പയുടെ പ്രമോഷനുമായി ബന്ധപ്പെട്ട് ഹൈദരാബാദിൽ നടന്ന പ്രസ് മീറ്റിൽ , തനിക്ക് അല്ലുവിനൊപ്പം ഒരു നൂറു സിനിമകൾ കൂടി ചെയ്യണമെന്നാണ് ആഗ്രഹo എന്ന് രശ്മിക പറഞ്ഞിരുന്നു.

ഉണ്ണിമുകുന്ദനെ നായകനാക്കി വിഷ്ണു മോഹൻ സംവിധാനം ചെയ്യുന്ന പുത്തൻ ചിത്രമാണ് മേപ്പടിയാൻ . നടി അഞ്ജു കുര്യനാണ് ചിത്രത്തിലെ നായിക . ഉണ്ണിമുകുന്ദൻ ഫിലിംസിന്റെ ബാനറിൽ ഉണ്ണിമുകുന്ദൻ തന്നെയാണ് ചിത്രം നിർമ്മിക്കുന്നത് . അഞ്ജു, ഉണ്ണിമുകുന്ദൻ എന്നീ കേന്ദ്ര കഥാപാത്രങ്ങളെ കൂടാതെ ഇന്ദ്രൻസ്, അജു വർഗീസ്, സൈജു കുറുപ്പ്, കലാഭവൻ ഷാജോൺ , മേജർ രവി, വിജയ്ബാബു , പോളി വത്സൻ , നിഷ സാരംഗ് തുടങ്ങിയവരും ചിത്രത്തിൽ പ്രധാന വേഷങ്ങൾ അവതരിപ്പിക്കുന്നു.

മേപ്പടിയാനിലെ ഗാനങ്ങൾ ഏറെ ജനപ്രീതി നേടിയിരുന്നു. ഒരു ഫാമലി എന്റർടൈനറായ ഈ ചിത്രം ജനുവരി പതിനാലിന് തിയറ്ററുകളിൽ എത്തും. ചിത്രത്തിന്റെ ഒരു പ്രെമോഷൻ ഇവന്റ് ഈ കഴിഞ്ഞ ദിവസം കാലടി ശ്രീശങ്കര കോളേജിൽ നടന്നിരുന്നു. ചടങ്ങിൽ ഉണ്ണി മുകുന്ദൻ , അഞ്ജു കുര്യൻ , ഗായിക നിത്യാ മാമ്മൻ എന്നിവർ പങ്കെടുത്തു.

വമ്പൻ സ്വീകരണമാണ് വിദ്യാർത്ഥികൾ ഇവർക്കായി ഒരുക്കിയത്. നിത്യാ മാമ്മൻ ചിത്രത്തിൽ ആലപിച്ച കണ്ണിൽ മിന്നും എന്ന ഗാനം ചടങ്ങിൽ വിദ്യാർത്ഥികൾക്കായി വീണ്ടും ആലപിച്ചു. ഉണ്ണിമുകുന്ദനും അഞ്ജുവും വിദ്യാർത്ഥികളുടെ ആഹ്ലാദ ചടങ്ങിൽ അവർക്കൊപ്പം ചുവടു വച്ചു .അതിഗംഭീരമായ ഇവന്റിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്.

വിനീത് ശ്രീനിവാസൻ രചനയും സംവിധാനവും നിർവഹിക്കുന്ന പുത്തൻ ചിത്രമാണ് ഹൃദയം. മലയാളി പ്രേക്ഷകർ ഏറെ ആകാംഷയോടെ കാത്തിരിക്കുന്ന ഈ ചിത്രത്തിൽ താരപുത്രൻ പ്രണവ് മോഹൻലാൽ ആണ് പ്രധാന വേഷം ചെയ്യുന്നത് . പ്രേക്ഷകർക്ക് ഒട്ടേറെ പ്രതീക്ഷ സമ്മാനിച്ച് ഒരുങ്ങുന്ന ഈ ചിത്രത്തിന്റെ പോസ്റ്ററുകളും ദർശന സോങ് ടീസർ, പിന്നീട് വന്ന ദർശന എന്ന ഗാനം എന്നിവ സോഷ്യൽ മീഡിയയിൽ കോളിളക്കം സൃഷ്ടിച്ചവയായിരുന്നു .

അതിനു ശേഷമായിരുന്നു ചിത്രത്തിന്റെ രണ്ടു ടീസറുകളും അരികെ നിന്ന എന്ന ഒരു ഗാനവും പുറത്തുവിട്ടത് . പ്രതീക്ഷ തെറ്റിക്കാതെ അതും ആരാധകർ ഏറ്റെടുത്ത് വമ്പൻ ഹിറ്റാക്കി മാറ്റി . ചിത്രത്തിലേ ആദ്യമായി റിലീസ് ചെയ്ത ദർശന എന്നു തുടങ്ങുന്ന ഗാനം ആലപിച്ചത് ഹിഷാം അബ്ദുൽ വഹാബും ദർശനയും ഒന്നിച്ചാണ് . ജോബ് കുര്യൻ ആണ് രണ്ടാമതായി റിലീസ് ചെയ്ത അരികെ നിന്ന എന്ന ഗാനം ആലപിച്ചത് . ഇപ്പോഴിതാ ഈ ചിത്രത്തിലെ മൂന്നാമത്തെ ഗാനം കൂടി പുറത്തുവിട്ടിരിക്കുകയാണ്.

വിനീത് ശ്രീനിവാസൻ ആണ് ഒണക്ക മുന്തിരി എന്ന വരികളോടെ തുടങ്ങുന്ന ഈ ചിത്രത്തിലെ മൂന്നാമത്തെ ഗാനം രചിച്ചിരിക്കുന്നത്. ഈ ഗാനം ആലപിച്ചിരിക്കുന്നത് അദ്ദേഹത്തിന്റെ ഭാര്യ ദിവ്യയാണ്. ചിത്രത്തിലേതായി പുറത്തു വന്ന ആദ്യ രണ്ട് ഗാനങ്ങളും രചിച്ചത് അരുൺ ആലാട്ട് ആയിരുന്നു . പ്രണവ്- ദർശന താര ജോഡികളെ ആണ് ആദ്യ ഗാനമായി പുറത്തിറങ്ങിയ ദർശനാ … വീഡിയോ സോങ്ങിൽ കണ്ടത്. രണ്ടാം ഗാനത്തിന്റെ ലെറിക് വീഡിയോയിൽ പ്രത്യക്ഷപ്പെട്ടതും പ്രണവ് തന്നെയായിരുന്നു .

എന്നാൽ ചിത്രത്തിലെ രണ്ടാമത്തെ നായിക കല്യാണി പ്രിയദർശനെ കൂടി കാണിച്ചു കൊണ്ടാണ് ഇപ്പോൾ പുറത്തു വന്നിരിക്കുന്ന ഈ ഗാനത്തിലെ ദൃശ്യങ്ങൾ . പന്ത്രണ്ടിന് മുകളിൽ ഗാനങ്ങൾ നിറഞ്ഞിരിക്കുന്ന ഈ ചിത്രത്തിന് ഹിഷാം അബ്ദുൽ വഹാബ് ആണ് സംഗീത സംവിധാനം നിർവഹിച്ചിരിക്കുന്നത് . വിശാഖ് സുബ്രഹ്മണ്യം നിര്‍മിക്കുന്ന ഈ ചിത്രം മെറിലാൻഡ് സിനിമാസിന്റെ ബാനറില്‍ അടുത്ത മാസം ആഗോള റിലീസിനായി എത്തും .

എച്ച്. വിനോദിന്റെ സംവിധാനത്തിൽ ഒരുങ്ങുന്ന പുത്തൻ ചിത്രമാണ് വലിമൈ . ചിത്രത്തിൽ പ്രധാന കഥാപത്തെ അവതരിപ്പിക്കുന്നത് തമിഴ് സൂപ്പർ താരം അജിത്താണ്. ഈ ചിത്രത്തിന്റെ മേക്കിങ് വീഡിയോ ഇന്നലെ സാമൂഹ്യമാധ്യമങ്ങളിലൂടെ പുറത്തുവിട്ടിരുന്നു. ആക്ഷൻ രംഗങ്ങൾ നിറഞ്ഞ മേക്കിങ് വീഡിയോയിൽ ഹീറോ അജിത്തിന് അപകടം പറ്റുന്ന രംഗവും ഉൾപ്പെടുത്തിയിട്ടുണ്ട്. ബൈക്ക് സ്റ്റണ്ടിനിടെ നടൻ അജിത്ത് വീഴുന്ന രംഗങ്ങളാണ് ഇതിൽ ഉൾപെടുത്തിയിട്ടുള്ളത്.

പോസ്റ്റ് ചെയ്ത് നിമിഷനേരം കൊണ്ട് ഒട്ടേറെ കാഴ്ചക്കാരെയാണ് വീഡിയോ സ്വന്തമാക്കിയത്. നടൻ അജിത്തിനെ സപ്പോർട്ട് ചെയ്ത് ഒട്ടേറെ പ്രേക്ഷകരാണ് കമന്റ് ചെയ്തിരിക്കുന്നത്.
ഐ.പി.എസ് ഓഫീസർ വേഷമാണ് ചിത്രത്തിൽ അജിത്ത് നിർവഹിക്കുന്നത്. താരത്തെ കൂടാതെ കാർത്തികേയ , ഹുമ ഖുറേഷി , യോഗി ബാബു , അച്യുത് കുമാർ എന്നിവരും മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.

ബോണി കപൂറാണ് ചിത്രം നിർമ്മിക്കുന്നത്. ചിത്രത്തിന്റെ സംഗീത സംവിധാനം യുവാൻ ശങ്കർ രാജയാണ്. സാഹസിക ആക്ഷൻ രംഗങ്ങളും , ചേസിങ്ങും നിറഞ്ഞ മേക്കിങ് വീഡിയോ കണ്ട് ആകാംഷയിലാണ് പ്രേക്ഷകർ . ചിത്രം പൊങ്കലിന് തിയറ്ററുകളിൽ എത്തും എന്നാണ് അറിയാൻ കഴിഞ്ഞിട്ടുള്ളത്.

മലയാള സിനിമയിലെ അതുല്യ പ്രതിഭ മഞ്ജു വാര്യരും, നടൻ , സംവിധായകൻ എന്നീ മേഖലകളിൽ ശ്രദ്ധിക്കപ്പെട്ട സൗബിൻ ഷാഹിറും ഒന്നിക്കുന്ന പുത്തൻ സിനിമയാണ് വെള്ളരിക്കാപ്പട്ടണം. മഞ്ജുവും സൗബിനും കേന്ദ്രകഥാപാത്രങ്ങളായി എത്തുന്ന ഈ ചിത്രത്തിന്റെ മേക്കിങ് വീഡിയോ ആണ് ഇപ്പോൾ സാമൂഹ്യ മാധ്യമങ്ങളിൽ ശ്രദ്ധ നേടുന്നത് . പൊട്ടിച്ചിരിയുടെ പുത്തൻ ദൃശ്യാവിഷ്കാരങ്ങളുമായാണ് ഈ മേക്കിങ് വീഡിയോ പ്രേക്ഷകർക്ക് മുന്നിൽ കാഴ്ചവച്ചിരിക്കുന്നത്.

ഈ വീഡിയോയുടെ മുഖ്യ ആകര്‍ഷണമായി മാറുന്നത് മഞ്ജുവാര്യരും സൗബിന്‍ഷാഹിറും ഒന്നിച്ച് ഒരുക്കുന്ന തമാശയും കൗതുക കാഴ്ചകളുമാണ് എന്നത് എടുത്ത് പറയേണ്ട ഒന്നാണ്. ഒരു കുടുംബ ചിത്രമായ വെള്ളാരിക്കാപട്ടണം ഒരുപാട് നർമ്മ രംഗങ്ങളും കേർത്തിണക്കികൊണ്ടാണ് പ്രേക്ഷ സദസിലേക്ക് എത്തുക എന്ന് ഇതിലെ ദൃശ്യങ്ങളിൽ നിന്ന് വ്യക്തമാണ്. വെള്ളരിക്കാപട്ടണത്തിന്റെ സംവിധാനം നിർവഹിച്ചിരിക്കുന്നത് മഹേഷ് വെട്ടിയാറാണ്. മാധ്യമപ്രവര്‍ത്തകനായ ശരത്കൃഷ്ണയും സംവിധായകൻ മഹേഷും ചേര്‍ന്ന് രചന നിർവഹിച്ചിരിക്കുന്ന ഈ ചിത്രം ഫുള്‍ ഓണ്‍ സ്റ്റുഡിയോസ് ആണ് നിര്‍മിക്കുന്നത്.

അലക്സ് ജെ.പുളിക്കല്‍ ആണ് ചിത്രത്തിന്റെ ക്യാമറമാൻ . മാവേലിക്കരയും വെണ്മണിയിലുമായാണ് ചിത്രം പ്രധാനമായും ഷൂട്ട് ചെയ്തിരിക്കുന്നത് ‘ . ചിത്രത്തിൽ സലിംകുമാര്‍, സുരേഷ്‌കൃഷ്ണ, കൃഷ്ണശങ്കര്‍, ശബരീഷ് വര്‍മ, ഇടവേള ബാബു, അഭിരാമി ഭാര്‍ഗവന്‍, കോട്ടയം രമേശ്, വീണനായര്‍, പ്രമോദ് വെളിയനാട്, യൂട്യൂബ് സെൻസേഷൻ ശ്രീകാന്ത് വെട്ടിയാര്‍ തുടങ്ങി താരനിരകളും ചിത്രത്തിൽ അണിനിരക്കുന്നു. ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത് അപ്പു ഭട്ടതിരിയും അർജു ബെന്നും ചേർന്നാണ്.

മധുവാസുദേവനും വിനായക് ശശികുമാറുമാണ് ഈ ചിത്രത്തിന് വേണ്ടി വരികൾ രചിച്ചിരിക്കുന്നത്. സച്ചിൻ ശങ്കര്‍ മന്നത്ത് ആണ് വെള്ളരിക്ക പട്ടണത്തിലെ ഗാനങ്ങൾ ഒരുക്കിയിട്ടുള്ളത് . ജ്യോതിഷ് ശങ്കറാണ് ഈ ചിത്രത്തിന്റെ പ്രൊഡക്ഷന്‍ ഡിസൈനര്‍ ആയി പ്രവർത്തിച്ചിരിക്കുന്നത് . ബെന്നി കട്ടപ്പന ആണ് ചിത്രത്തിന്റെ പ്രൊഡക്ഷന്‍ കണ്‍ട്രോളര്‍. ശ്രീജിത് നായരും കെ.ജി.രാജേഷ് കുമാറുമാണ് വെള്ളരിക്കാവുന്നത്തിന്റെ അസോസിയേറ്റ് ഡയറക്ടര്‍മാര്‍ . ഇതിന്റെ പി.ആര്‍.ഒ എ.എസ്.ദിനേശ് ആണ്.

മലയാളികളുടെ പ്രിയതാരം ജോജുവിനെ നായകനാക്കി അഹമ്മദ് കബീർ ഒരുക്കുന്ന പുതിയ ചിത്രമാണ് മധുരം. രജീഷ വിജയൻ പ്രധാന കഥാപാത്രത്തെ അവതരിപ്പിച്ച ജൂൺ എന്ന ഹിറ്റ് ചിത്രത്തിന് ശേഷം അഹമ്മദ് ഒരുക്കുന്ന പുതിയ ചിത്രമാണിത്. ഈ ചിത്രം സോണി ലൈവ് വഴി ഒടിടി റിലീസ് വഴിയാണ് പ്രേക്ഷകരിലേക്ക് എത്തുന്നത്. ഈ മാസം അവസാന വാരത്തിൽ ചിത്രം റീലീസ് ചെയ്യും എന്നാണ് സൂചന. അതിന്റെ മുന്നോടിയായി സോണി ലൈവ് യൂട്യൂബ് ചാനലിലൂടെ ഈ ചിത്രത്തിന്റെ ട്രൈലെർ രണ്ടു ദിവസം മുൻപ് പുറത്തുവിട്ടിരുന്നു . ട്രൈലർ .

കണ്ട പ്രേക്ഷകർ വളരെ മികച്ച പ്രതികരണമാണ് നൽകുന്നത് . ആസ്വാദകരവും വൈകാരികവുമായ രംഗങ്ങൾ നിറഞ്ഞ ഈ ചിത്രത്തിന്റെ ട്രൈലെർ എല്ലാ പ്രേക്ഷകർക്കും വളരെ മികച്ച ഒരു ഫീൽ സമ്മാനിക്കുന്നു. മധുരം മനോഹരമായ അനുഭൂതി സമ്മാനിക്കും എന്നാണ് ട്രൈലർ നൽകുന്ന സൂചന . ജോജു ജോർജ് നിർമ്മിക്കുന്ന ചിത്രം അപ്പു പാത്തു പപ്പു പ്രൊഡക്ഷൻസിന്റെ ബാനറിൽ പുറത്തിറങ്ങും. ഈ ചിത്രത്തിന്റെ കഥ രചിച്ചിരിക്കുന്നത് സംവിധായകൻ അഹമ്മദ് കബീറും തിരക്കഥ രചിച്ചിരിക്കുന്നത് ആഷിക് ഐമാർ, ഫാഹിം സഫർ എന്നിവർ ഒരുമിച്ചാണ് .

ജോജു ജോർജിന് പുറമെ ചിത്രത്തിൽ ഇന്ദ്രൻസ്, അർജുൻ അശോകൻ, ശ്രുതി രാമചന്ദ്രൻ, നിഖില വിമൽ, ജഗദീഷ്, ലാൽ, ജാഫർ ഇടുക്കി, നവാസ് വള്ളിക്കുന്ന്, ഫാഹിം സഫർ, ബാബു ജോസ്, ജീവൻ ബേബി മാത്യു, മാളവിക ശ്രീനാഥ്, ജോർഡി പാലാ, സുധി മിറാഷ്, തിരുമല രാമചന്ദ്രൻ, ഐഷ മറിയം തുടങ്ങിയവരും പ്രധാന വേഷങ്ങളിൽ എത്തുന്നുണ്ട് . ജിതിൻ സ്റ്റാനിസ്ലാസ് ആണ് ചിത്രത്തിന്റെ ക്യാമറമാൻ . മഹേഷ് ഭുവനേന്ദാണ് ഈ ചിത്രം എഡിറ്റ് ചെയ്തിരിക്കുന്നത്. മധുരത്തിലെ ഗാനങ്ങൾക്ക് സംഗീതം പകർന്നിരിക്കുന്നത് ഹിഷാം അബ്ദു വഹാബ് ആണ് . ഒരു ഹോസ്പിറ്റലിൽ വെച്ച് പരിചയപ്പെടുന്ന കുറച്ചു സാധാരണക്കാരും അവർ തമ്മിൽ ഉണ്ടാവുന്ന വൈകാരിക ബന്ധത്തിന്റെയും കഥയിലൂടെയാണ് മധുരം എന്ന ചിത്രം മുന്നേറുന്നത്.