ദി വാരിയർ എന്ന ചിത്രത്തിലെ വിസിൽ ഗാനം ഇപ്പോൾ സോഷ്യൽ മീഡിയയിൽ വൈറലായി മാറുകയാണ്. ലിംഗുസാമി സംവിധാനത്തിൽ ഒരേ സമയം തെലുങ്കിലും തമിഴിലും ചിത്രീകരിക്കുന്ന ഈ ചിത്രത്തിലെ ബുള്ളറ്റ് ഗാനം പ്രേക്ഷകർക്കിടയിൽ ട്രെൻഡിംഗ് ആയി മാറിയിരുന്നു . അതിന് പിന്നാലെയാണ് ഇപ്പോൾ ചിത്രത്തിലെ പുതിയൊരു ഗാനം കൂടി പ്രേക്ഷകരിലേക്ക എത്തിയത്. വിസിൽ ഗാനത്തിന്റെ ലെറിക്കൽ വീഡിയോ മാത്രമാണ് ഇപ്പോൾ റിലീസ് ചെയ്തിട്ടുള്ളത്. ഈ വീഡിയോ ഗാനം പുറത്തുവിട്ടിരിക്കുന്നത് ആദിത്യ മ്യൂസിക് എന്ന യൂട്യൂബ് ചാനലിലൂടെയാണ് . ലെറിക്കൽ വീഡിയോയ്ക്കൊപ്പം ഈ ഗാനത്തിന്റെ ചിത്രീകരണ രംഗങ്ങൾ കൂടി ഉൾപ്പെടുത്തിയിട്ടുണ്ട്. വിസിൽ ഗാനത്തിൽ ചിത്രത്തിലെ കേന്ദ്ര കഥാപാത്രങ്ങളായ റാം പോതിനേനിയുടേയും കൃതി ഷെട്ടിയുടേയും ഒരു പവർ പാക്ക് പെർഫോമൻസ് തന്നെയാണ് കാഴ്ചവച്ചിരിക്കുന്നത്. അത്യുഗ്രൻ ഡാൻസ് പെർഫോമൻസുമായാണ് ഇരുവരും എത്തുന്നത്.

ഈ ഗാനത്തിന് വരികൾ രചിച്ചിരിക്കുന്നത് സഹിതി ആണ് . ദേവി ശ്രീ പ്രസാദ് ഈണം നൽകിയ ഈ ഗാനം പാടിയിരിക്കുന്നത് അന്തോണി ദാസൻ , ശ്രീനിഷ ജയശീലൻ എന്നിവർ ചേർന്നാണ്. ഗാനത്തിന്റെ കൊറിയോഗ്രാഫർ ജാനി മാസ്റ്റർ ആണ്. ഈ ആക്ഷൻ കോമഡി ചിത്രം ജൂലൈ പതിനാലിന് ആണ് പ്രേക്ഷകർക്ക് മുന്നിലേക്ക് എത്തുന്നത് . ചിത്രത്തിലെ ശ്രദ്ധേയ കഥാപാത്രങ്ങളായ റാം പോതിനേനി, കൃതി ഷെട്ടി എന്നിവർക്കൊപ്പം ആദി പിനിസെട്ടി, അക്ഷര ഗൗഡ, നദിയ , ചിരാഗ് ജാനി , റെഡിൻ കിംഗ്‌സ്ലി, ഭാരതി രാജ, ബ്രഹ്മാജി എന്നിവരും പ്രധാന വേഷങ്ങളിൽ എത്തുന്നുണ്ട്.

എം.എസ്. രാജുവിന്റെ സംവിധാന മികവിൽ ജൂൺ 24 ന് പുറത്തിറങ്ങിയ തെലുങ്ക് ചിത്രമാണ് സെവൻ ഡേയ്സ് സിക്സ് നൈറ്റ്സ് . ഒരു അഡൾട്ട് റൊമാന്റിക് ഡ്രാമ ചിത്രമായ സെവൻ ഡേയ്സ് സിക്സ് നൈറ്റ്സിലെ ഒരു വീഡിയോ ഗാനം ഇപ്പോൾ റിലീസ് ചെയ്തിരിക്കുകയാണ്. സരിഗമ തെലുങ്ക് എന്ന യൂട്യൂബ് ചാനലിലൂടെ പുറത്തിറങ്ങിയ ഈ ഗാനം ഇപ്പോൾ സോഷ്യൽ മീഡിയ ശ്രദ്ധ നേടുകയാണ്.

ലെറ്റ് മി ഗോ ദേർ എന്ന ഗാനത്തിന്റെ വീഡിയോയാണ് ശ്രദ്ധിക്കപ്പെടുന്നത് . ചിത്രത്തിലെ കേന്ദ്ര കഥാപാത്രങ്ങളായ സുമന്ത് അശ്വിൻ, മെഹർ ചഹൽ, റോഹൻ , കൃതിക ഷെട്ടി എന്നിവരാണ് ഗാനരംഗത്തിൽ കാണാൻ സാധിക്കുന്നത്. പ്രണയവും സൗഹൃദവും തുറന്നു കാണിക്കുകയാണ് ഈ ഗാന്റംഗത്തിലൂടെ . ഈ വീഡിയോ ഗാനത്തിന്റെ ഹൈലൈറ്റായി മാറ്റിയിരിക്കുന്നത് ബിക്കിനിയിൽ എത്തുന്ന നായികമാരാണ്. നിരവധി ആരാധകരാണ് ഈ വീഡിയോ ഗാനത്തിന് താഴെ കമന്റുകൾ നൽകിയിരിക്കുന്നത് .

കൃഷ്ണ കാന്ത്, സമർത്ത് ഗൊല്ലാപുഡി എന്നിവർ ചേർന്ന് വരികൾ രചിച്ച ഈ ഗാനത്തിന് ഈണം പകർന്നിരിക്കുന്നത് സമർത്ത് ഗൊല്ലാപുഡിയാണ്. അദ്ദേഹവും നുട്ടന മോഹനും ചേർന്നാണ് ഈ ഗാനം ആലപിച്ചിരിക്കുന്നത്. വൈൽഡ് ഹണി പ്രൊഡക്ഷന്റെ ബാനറിൽ ഒരുങ്ങിയ ഈ ചിത്രം നിർമ്മിച്ചിരിക്കുന്നത് എം സുമന്ത് രാജു ആണ്.

മലയാളത്തിന്റെ യൂത്ത് ഐക്കൺ ദുൽഖർ സൽമാൻ കേന്ദ്ര കഥാപാത്രമായി എത്തുന്ന രണ്ടാമത്തെ തെലുങ്ക് ചിത്രമാണ് സീത രാമം. കീർത്തി സുരേഷിനൊപ്പം വേഷമിട്ട മഹാനടിയാണ് ദുൽഖറിന്റെ ആദ്യ തെലുങ്ക് ചിത്രം . ആഗസ്ത് മാസം പതിനഞ്ചിനാണ്‌ ഇദ്ദേഹത്തിന്റെ രണ്ടാമത്തെ തെലുങ്ക് ചിത്രമായ സീത രാമം റിലീസ് ചെയ്യാൻ പോകുന്നത്. തെലുങ്കിന് പുറമേ മലയാളം, തമിഴ് ഭാഷകളിലായും ഈ ചിത്രം മൊഴിമാറ്റിയെത്തുന്നുണ്ട്. ഈ ചിത്രത്തിന്റെ പോസ്റ്ററുകൾ, പ്രൊമോ വീഡിയോ എന്നിവയെല്ലാം വമ്പിച്ച ശ്രദ്ധ നേടിയിരുന്നു.

കൂടാതെ ചിത്രത്തിലെ ഒരു ഗാനവും റിലീസ് ചെയ്ത ഉടൻ പ്രേക്ഷക ശ്രദ്ധ നേടിയിരുന്നു. വിശാൽ ചന്ദ്രശേഖർ ഈണം നൽകിയ ഈ ഗാനത്തിന്റെ മലയാളം പതിപ്പ് ശരത്, നിത്യ മാമൻ എന്നിവർ ചേർന്നാണ് പാടിയത്. ഇപ്പോഴിതാ പ്രേക്ഷകർക്ക് മുന്നിലേക്ക് ഈ ചിത്രത്തിന്റെ ആദ്യ ടീസർ കൂടി എത്തിയിരിക്കുകയാണ്. ചിത്രത്തെ കുറിച്ചുള്ള പ്രതീക്ഷകൾ വാനോളമുയർത്തി ഈ ടീസർ ഇപ്പോൾ മികച്ച പ്രേക്ഷക പ്രതികരണം നേടുകയാണ്.

മൃണാൾ താക്കൂ ർ നായികാ വേഷം ചെയ്യുന്ന ഈ ചിത്രം ലെഫ്റ്റനന്റ് റാമിന്റെ പ്രണയകഥയാണ് പറയുന്നത്. ഹനു രാഘവപുടിയാണ് ചിത്രത്തിന്റെ സംവിധായകൻ. വൈജയന്തി മൂവീസ് , സ്വപ്ന സിനിമഎന്നിവർ ചേർന്നാണ് ഈ ചിത്രത്തിന്റെ നിർമ്മാണം നിർവഹിക്കുന്നത്. തെന്നിന്ത്യൻ താരസുന്ദരി രശ്‌മിക മന്ദാനയും ഇതിൽ ഒരു നിർണ്ണായക കഥാപാത്രത്തെ അവതരിപ്പിക്കുന്നുണ്ട്. പി എസ് വിനോദ് ആണ് ചിത്രത്തിന്റെ ക്യാമറമാൻ . എഡിറ്റർ കോട്ടഗിരി വെങ്കിടേശ്വര റാവു ആണ്. സീത രാമത്തിന് പുറമേ ദുൽഖറിന്റെ ഇനി വരാനുള്ള ചിത്രങ്ങൾ നെറ്റ്ഫ്ലിസ് സീരിസായ ഗൺസ് ആൻഡ് ഗുലാബ്‌സ് , ഹിന്ദി ചിത്രമായ ചുപ് എന്നിവയാണ്.

ഉലക നായകൻ കമൽ ഹാസനെ നായകനാക്കി ലോകേഷ് കനകരാജ് ഒരുക്കിയ സൂപ്പർ ഹിറ്റ് ആക്ഷൻ ത്രില്ലർ ചിത്രമാണ് വിക്രം . ജൂൺ മൂന്നിന് റിലീസ് ചെയ്ത ഈ ചിത്രം ഇപ്പോൾ തമിഴിലെ പുതിയ ഇൻഡസ്ട്രി ഹിറ്റായി മാറിക്കഴിഞ്ഞു. നാനൂറു കോടി ആഗോള ഗ്രോസ് എന്ന നേട്ടത്തിലേക്ക് കുതിക്കുന്ന ഈ ചിത്രത്തിലെ പുതിയൊരു ഗാനം ഇപ്പോൾ റിലീസ് ചെയ്തിരിക്കുകയാണ്. സോണി മ്യൂസിക് സൗത്ത് എന്ന യൂടൂബ് ചാനലിലൂടെയാണ് ഈ വീഡിയോ ഗാനം റിലീസ് ചെയ്തിരിക്കുന്നത്.

പോർക്കണ്ട സിംഗം എന്ന ഈ ഗാന രംഗത്തിൽ കമൽഹാസനെയാണ് കാണാൻ സാധിക്കുന്നത്. ഈ ഗാനരംഗത്തിൽ കിടിലൻ ഷൂട്ടിംഗ് രംഗങ്ങളാണ് ഉൾപ്പെടുത്തിയിരിക്കുന്നത്. വിഷ്ണു എടവൻ വരികൾ രചിച്ച ഈ ഗാനം ആലപിചിരിക്കുന്നതും ഇതിന് ഈണം പകർത്തിരിക്കുന്നതും അനിരുദ്ധ് രവിചന്ദൻ ആണ്. പുറത്തിറങ്ങി നിമിഷ നേരം കൊണ്ട് ലക്ഷക്കണക്കിന് കാഴ്ചക്കാരെയാണ് ഈ വീഡിയോ സ്വന്തമാക്കിയത്. ഈ ചിത്രത്തിന്റെതായി പുറത്തിറങ്ങുന്ന സ്നീക്ക് പീക്ക് വീഡിയോസിനും ചിത്രത്തിലെ ആദ്യ ഗാനത്തിനും വളരെയധികം സ്വീകാര്യത ലഭിച്ചിരുന്നു.

കമൽ ഹാസൻ തന്നെ നിർമ്മിച്ച ഈ മാത്രം രാജ് കമൽ ഫിലിംസ് ഇന്റർനാഷനലിന്റെ ബാനറിൽ ആണ് പുറത്തിറങ്ങിയത്. കമൽഹാസനൊപ്പം ഒരു വമ്പൻ താരനിര തന്നെ ഈ ചിത്രത്തിൽ അണിനിരന്നിരുന്നു. മലയാളത്തിന്റെ പ്രിയനടൻ ഫഹദ് ഫാസിൽ, മക്കൾ സെൽവൻ വിജയ് സേതുപതി, നരേൻ , അതിഥി വേഷത്തിൽ തമിഴിലെ പ്രിയതാരം സൂര്യ എന്നിവരും ഈ ചിത്രത്തിന്റെ ഭാഗമായി. ലോകേഷ് കനകരാജ്- രത്‌നകുമാർ എന്നിവർ ചേർന്ന് രചന നിർവഹിച്ച ഈ ചിത്രം ലോകേഷ് സിനിമാറ്റിക് യൂണിവേഴ്സിന് തുടക്കം കുറിച്ച ചിത്രം കൂടിയാണ്.

ഷാജി കൈലാസ് – പൃഥ്വിരാജ് കൂട്ടുകെട്ടിൽ ഒരുങ്ങുന്ന പുത്തൻ ചിത്രമാണ് കടുവ. ഒരു ബിഗ് ബഡ്ജറ്റ് മാസ്സ് ആക്ഷൻ ത്രില്ലർ ചിത്രമായ കടുവയുടെ കന്നഡ ടീസർ ഇപ്പോൾ പ്രേക്ഷക ശ്രദ്ധ നേടുകയാണ്. ജൂൺ മുപ്പതിന് ആണ് ഈ ചിത്രം പ്രദർശനത്തിന് എത്തുന്നത്. മാജിക് ഫ്രെയിംസ് എന്ന യൂട്യൂബ് ചാനലിലൂടെയാണ് ഈ ടീസർ വീഡിയോ ഇപ്പോൾ റിലീസ് ചെയ്തിരിക്കുന്നത് . ഒരു മിനുട്ടിലധികം ദൈർഘ്യമുള്ള ഈ വീഡിയോയിൽ പൃഥ്വിരാജിന്റെ മാസ്സ് ആക്ഷൻ രംഗങ്ങളാണ് ഹൈലൈറ്റ്. ബോളിവുഡ് താരം വിവേക് ഒബ്‌റോയും ചിത്രത്തിൽ പ്രധാന വേഷത്തിൽ എത്തുന്നുണ്ട്. പോലീസ് വേഷത്തിൽ എത്തുന്ന അദ്ദേഹത്തേയും ഈ ടീസറിൽ കാണാൻ സാധിക്കും.

ചിത്രത്തിലെ നായികയായി എത്തുന്നത് നടി സംയുക്ത മേനോനാണ്. ഇവർക്ക് പുറമേ സിദ്ദിഖ്, അജു വർഗീസ്, സുദേവ് നായർ,വിജയ രാഘവൻ, ദിലീഷ് പോത്തൻ, സായി കുമാർ, സീമ,കലാഭവൻ ഷാജോൺ, മീനാക്ഷി, വൃദ്ധി വിശാൽ, അർജുൻ അശോകൻ, ജനാർദ്ദനൻ, രാഹുൽ മാധവ്, റീന മാത്യൂസ്, പ്രിയങ്ക നായർ, ജൈസ് ജോസ്, കൊച്ചു പ്രേമൻ, സച്ചിൻ കടേക്കർ എന്നിവരും ശ്രദ്ധേയ വേഷങ്ങൾ കൈകാര്യം ചെയ്യുന്നുണ്ട്.

പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ ഒരുങ്ങുന്ന ഈ ചിത്രം സുപ്രിയ മേനോനും ലിസ്റ്റിൻ സ്റ്റീഫനും ചേർന്നാണ് നിർമ്മിക്കുന്നത്. ഈ ചിത്രത്തിന്റെ രചന നിർവ്വഹിച്ചിരിക്കുന്നത് ജിനു വി എബ്രഹാം ആണ്. ചിത്രത്തിലെ ഗാനങ്ങൾ ഒരുക്കിയിരിക്കുന്നത് ജേക്സ് ബിജോയ് ആണ്. വൈഭവ് എം സംഭാഷണം തയ്യാറാക്കിയ ഈ ചിത്രത്തിന്റെ ഡബ്ബിംഗ് ഡയറക്ടർ ആർ.പി ബാലയാണ് . ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് അഭിനന്ദൻ രാമാനുജൻ ആണ്. എഡിറ്റിംഗ് നിർവഹിച്ചിരിക്കുന്നത് ഷമീർ മുഹമ്മദാണ്.

ഇപ്പോൾ സോഷ്യൽ മീഡിയയിൽ വൈറലായി മാറുന്നത് പ്രശസ്ത മലയാളി നടി മാളവിക മോഹനന്റെ ഏറ്റവും പുതിയ വീഡിയോ ഗാനമാണ് . തൗബ എന്ന ഗാനത്തിന്റെ വീഡിയോ ആണ് ഇപ്പോൾ പുറത്തു വിട്ടിരിക്കുന്നത് പ്രശസ്ത ഗായകൻ ബാദ്ഷക്കൊപ്പമുള്ള ഈ ഗാനരംഗത്തിൽ നടി മാളവിക മോഹനൻ അതീവ ഗ്ലാമറസായി നൃത്തം വെക്കുന്ന രംഗങ്ങൾ കാണാം. പായൽ ദേവും ബാദ്ഷയും ചേർന്ന് ആലപിച്ച ഈ ഗാനത്തിന് ഈണം പകർത്തിരിക്കുന്നത് പായൽ ദേവ് ആണ്.

ഇവർ ഇരുവരും ചേർന്ന് ആലപിച്ച ഈ ഗാനത്തിന്റെ രചന നിർവഹിച്ചിരിക്കുന്നതും ഇവരാണ്. പുനീത് ജെ പാഥക് സംവിധാനം ചെയ്യുന്ന ഈ വീഡിയോ ഗാനം നിർമ്മിച്ചത് നീരജ് ശർമ്മ ആണ്. ഈ ഗാനത്തിന് നൃത്ത സംവിധാനം നിർവ്വഹിച്ചതും പുനീത് ജെ പാഥക് തന്നെയാണ്. പട്ടം പോലെ എന്ന ചിത്രത്തിലൂടെ ദുൽഖർ സൽമാന്റെ നായികയായി എത്തി മലയാള സിനിമാ പ്രേമികൾക്ക് സുപരിചിതയായ നടിയാണ് മാളവിക മോഹനൻ.

മാളവിക മലയാളി ഛായാഗ്രാഹകന്‍ കെ.യു മോഹനന്റെ മകളാണ്. താരത്തിന്റെ അഭിനയ ജീവിതത്തിൽ വഴിത്തിരിവായി മാറിയത് ദളപതി വിജയ്‌യുടെ നായികയായി തമിഴിൽ അരങ്ങേറിയപ്പോഴാണ്. ലോകേഷ് കനകരാജിന്റെ സംവിധാനത്തിൽ ഒരുങ്ങിയ മാസ്റ്റർ എന്ന ചിത്രത്തിലാണ് താരം ദളപതി വിജയ്‌യുടെ നായികയായി വേഷമിട്ടത്. മാളവിക അവസാനമായി മലയാളത്തിൽ അഭിനയിച്ചത് മമ്മൂട്ടി നായകനായി എത്തി ഹനീഫ് അദനി ഒരുക്കിയ ദി ഗ്രേറ്റ് ഫാദർ എന്ന ചിത്രത്തിലാണ്. മാസ്റ്റർ എന്ന ചിത്രത്തിൽ ശോഭിച്ച താരം പിന്നീട് ധനുഷിന്റെ നായികയായി മാരൻ എന്ന ചിത്രത്തിലും വേഷമിട്ടു. മാളവികയുടെ ഗ്ലാമർ ഫോട്ടോ ഷൂട്ട് ചിത്രങ്ങളും വീഡിയോകളും സോഷ്യൽ മീഡിയയിൽ വൈറലായി മാറാറുണ്ട് . താരം തന്റെ ഗ്ലാമർ ചിത്രങ്ങളാണ് സോഷ്യൽ മീഡിയയിൽ ആരാധകരുമായി പങ്കുവയ്ക്കാറുള്ളത്. ഹിന്ദി ചിത്രമായ യുധ്രയിൽ നായികയായി എത്തുന്നത് മാളവികയാണ്.

കരൺ മൽഹോത്രയുടെ സംവിധാന മികവിൽ ഒരുങ്ങുന്ന പുത്തൻ ബോളിവുഡ് ചിത്രമാണ് ഷംഷേര. ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ഒരു പീരീഡ് ആക്ഷൻ പാറ്റേണിൽ ഒരുങ്ങുന്ന ഈ ചിത്രത്തിൽ കേന്ദ്ര കഥാപാത്രത്തെ അവതരിപ്പിക്കുന്നത് റൺബീർ കപൂർ ആണ്. ഈ ചിത്രം 1800 കളുടെ പശ്ചാത്തലത്തിൽ നടന്ന കഥയാണ് അവതരിപ്പിക്കുന്നത് .

ഡക്കോയിറ്റ് എന്ന ഗോത്ര വിഭാഗം ബ്രീട്ടീഷ് ഭരണത്തിനും ചൂഷണത്തിനും എതിരെ നടത്തിയ പോരാട്ടമാണ് ഷംഷേര എന്ന ചിത്രത്തിൽ കാണാൻ സാധിക്കുക. ജൂലൈ 22 ന് റിലീസ് ചെയ്യുന്ന ഈ ചിത്രം ഹിന്ദിയ്ക്ക് പുറമേ തമിഴ്, തെലുങ്ക് ഭാഷകളിലും പുറത്തിറങ്ങും.

ചിത്രത്തിൽ വില്ലൻ കഥാപാത്രത്തെ അവതരിപ്പിക്കുന്നത് നടൻ സഞ്ജയ് ദത്ത് ആണെന്ന് ട്രൈലറിൽ നിന്നും മനസിലാക്കാം. വളരെ വ്യത്യസ്തവും ശ്രദ്ധേയവുമായ ഗെറ്റപ്പിലാണ് സഞ്ജയ് ദത്തും റൺബീർ കപൂറും ചിത്രത്തിൽ എത്തുന്നത്. ഷംഷേര എന്ന നായക കഥാപാത്രത്തെയാണ് റൺബീർ കപൂർ അവതരിപ്പിക്കുന്നത് . ഇവർക്ക് പുറമെ വാണി കപൂർ, അശുതോഷ് റാണ, സൗരഭ് ശുക്ല , റോണിത് റോയ്, ത്രിധ ചൗധരി, പിറ്റോബാഷ് ത്രിപാഠി എന്നിവരും പ്രധാന വേഷങ്ങളിൽ എത്തുന്നുണ്ട്.

പ്രേക്ഷകരിൽ ആകാംഷ ഉളവാക്കുന്ന ഒരു ട്രൈലർ ആണ് ഇപ്പോൾ പുറത്തുവന്നിരിക്കുന്നത്. വൈ ആർ എഫ് എന്ന യൂടൂബ് ചാനലിലൂടെ പുറത്തിറങ്ങിയ ഈ ട്രൈലർ മണിക്കൂറുകൾ പിന്നിടുമ്പോഴേക്കും ലക്ഷക്കണക്കിന് കാഴ്ചക്കാരെയാണ് നേടിയത്. നീലേഷ് മിശ്ര, ഖില ഭിഷ്ട് എന്നിവർ ചേർന്ന് കഥ തയ്യാറാക്കിയ ഈ ചിത്രത്തിന് തിരക്കഥ തയ്യാറാക്കിയിരിക്കുന്നത് സംവിധായകൻ കരൺ മൽഹോത്രയും എക്ത പതക് മൽഹോത്രയും ചേർന്നാണ്. മിതൂൻ ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. ചിത്രത്തിന്റെ എഡിറ്റിംഗ് കൈകാര്യം ചെയ്യുന്നത് ശിവകുമാർ വി പണിക്കർ ആണ്.

നടൻ മാധവന്റെ സംവിധാനത്തിൽ ഒരുങ്ങുന്ന പുത്തൻ ചിത്രമാണ് റോക്കട്രി : ദി നമ്പി ഇഫക്ട് . ജൂലൈ ഒന്നിന് ആഗോള റിലീസായി എത്തുന്ന ഈ ചിത്രത്തിന്റെ ഹിന്ദി ട്രൈലർ ഇപ്പോൾ പുറത്തുവിട്ടിരിക്കുകയാണ്. വൈ ആർ എഫ് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത്.

മാധവൻ തന്നെ രചനയും സംവിധാനവും നിർവഹിച്ച ഈ ചിത്രത്തിൽ അദ്ദേഹം തന്നെയാണ് കേന്ദ്ര കഥാപാത്രമായി എത്തുന്നത്. ഐ എസ് ആർ ഒ ശാസ്ത്രജ്ഞനായിരുന്ന നമ്പി നാരായണന്റെ യഥാർത്ഥ ജീവിതമാണ് ഈ ചിത്രത്തിലൂടെ തുറന്ന് കാണിക്കുന്നത്. അദ്ദേഹം രാജ്യത്തിന് സമ്മാനിച്ച സംഭാവനകളും അദ്ദേഹത്തിന്റെ ജീവിതത്തിൽ സംഭവിച്ച ദുരന്തവും ഈ ചിത്രത്തിൽ കാണിക്കുന്നു.

വൈകാരിക നിമിഷങ്ങൾ നിറഞ്ഞ ഒരു ട്രൈലറാണ് ഇപ്പോൾ പുറത്തു വിട്ടിരിക്കുന്നത്. നമ്പി നാരായണന്റെ ജീവിതത്തിലെ പല ഘട്ടങ്ങളും കാണിക്കുന്നതിനാൽ വ്യത്യസ്തമായ ഗെറ്റപ്പുകളിൽ നടൻ മാധവനെ ട്രൈലറിൽ കാണാൻ സാധിക്കും. സിമ്രാൻ ആണ് ചിത്രത്തിൽ നായികയായി എത്തുന്നത്. മലയാളം, തമിഴ്, ഹിന്ദി, തെലുങ്കു , കന്നഡ, ഇംഗീഷ് തുടങ്ങി ഒട്ടേറെ ഭാഷകളിലായാണ് ഈ ചിത്രം ഒരുങ്ങുന്നത്. വർഗീസ് മൂലൻ, വിജയ് മൂലൻ, സരിത മാധവൻ, ആർ. മാധവൻ എന്നിവർ ചേർന്നാണ് ഈ ചിത്രം നിർമ്മിക്കുന്നത്. ബിജിത്ത് ബാല ആണ് ചിത്രം എഡിറ്റ് ചെയ്തിരിക്കുന്നത്. റീലീസ് ചെയ്ത് നിമിഷങ്ങൾക്കകം നിരവധി കാഴ്ചക്കാരെയാണ് ഈ വീഡിയോ സ്വന്തമാക്കിയത്. പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ഈ ചിത്രത്തിന് ആശംസകൾ നേർന്നുകൊണ്ടുള്ള നിരവധി കമന്റുകളും വീഡിയോയ്ക്ക് താഴെ നൽകിയിരുന്നു.

അനൂപ് ഭണ്ഡാരിയുടെ സംവിധാനത്തിൽ ഒരുങ്ങുന്ന ആക്ഷൻ – ഫാന്റസി – അഡ്വഞ്ചർ കന്നഡ ചിത്രമാണ് വിക്രാന്ത് റോണ. ഇപ്പോൾ ഈ ചിത്രത്തിന്റെ മലയാളം ഒഫീഷ്യൽ ട്രൈലർ റീലീസ ചെയ്തിരിക്കുകയാണ്.

ലഹരി മ്യൂസിക് ടി – സീരീസ് എന്ന യൂട്യൂബ് ചാനലിലൂടെയാണ് ഈ ട്രൈലർ റിലീസ് ചെയ്തിരിക്കുന്നത്. കിച്ച സുധീപിന്റെ അതി ഗംഭീര പ്രകടനം തന്നെയാണ് ട്രൈലറിൽ കാണാൻ സാധിക്കുന്നത്. കിടിലൻ ആക്ഷൻ രംഗങ്ങളും അത്ഭുതപ്പെടുത്തുന്ന അഡ്വഞ്ചർ രംഗങ്ങളുമൊരുക്കിയ അതി ഗംഭീര ട്രൈലർ ആണ് ഇപ്പോൾ പ്രേക്ഷകർക്ക് മുന്നിലേക്ക് എത്തിയിരിക്കുന്നത് . ജൂലൈ 28 ന് ആണ് ഈ ത്രീഡി ചിത്രം ആഗോള റിലീസ് ആയി എത്തുന്നത്. സുധീപിനെ കൂടാതെ നിരൂപ് ഭണ്ഡാരി, നീത അശോക്, ജാക്വിലിൻ ഫെർണാണ്ടസ് എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.

ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ അനൂപ് ഭണ്ഡാരി തന്നെയാണ്. ജാക്ക് മഞ്ജു നാഥ് , ശാലിനി മഞ്ജുനാഥ് എന്നിവർ ചേർന്നാണ് ഈ ചിത്രം നിർമ്മിക്കുന്ന ഈ ചിത്രം ശാലിനി ആർട്ട്സിന്റെ ബാനറിൽ ആണ് ഒരുങ്ങുന്നത് . അലങ്കാർ പാണ്ഡ്യൻ ചിത്രത്തിന്റെ സഹ നിർമ്മാതാവ് ആണ്. കന്നഡ ഇൻഡസ്ട്രിയിൽ നിന്നുള്ള അടുത്ത പാൻ ഇന്ത്യ ചിത്രമായ വിക്രാന്ത് റോണ 95 കോടി മുതൽ മുടക്കിലാണ് ഒരുക്കിയിട്ടുള്ളത്. ബി അജനേഷ് ലോക്‌നാഥ് ആണ് ചിത്രത്തിലെ സംഗീതം ഒരുക്കിയിരിക്കുന്നത്. വില്യം ഡേവിഡ് ആണ് ഛായാഗ്രാഹകൻ .

നവാഗതനായ വിഷ്ണു ജി രാഘവ് സംവിധാനം ചെയ്ത ഈ അടുത്ത് പുറത്തിറങ്ങിയ ചിത്രമാണ് വാശി . ഇപ്പോൾ നമ്മുക്ക് കാണാൻ കഴിയുന്നത് ഈ ചിത്രത്തിലെ കോടതി രംഗങ്ങൾ വലിയ ചർച്ചയായി മാറുന്ന കാഴ്ചയാണ്. ചിത്രത്തിലെ കേന്ദ്ര കഥാപാത്രങ്ങളായ ടോവിനോ തോമസും കീർത്തി സുരേഷും വക്കീൽ വേഷമാണ് ചിത്രത്തിൽ ചെയ്തിരിക്കുന്നത്. കോടതി മുറിയിൽ കൊമ്പു കോർക്കുന്ന അഡ്വക്കേറ്റ് എബിന്റെയും അഡ്വക്കേറ്റ് മാധവിയുടേയും രംഗങ്ങൾക്ക് വലിയ കയ്യടിയാണ് നേടുന്നത്. സംവിധായകൻ തന്നെയാണ് ഈ ചിത്രത്തിന്റെ തിരക്കഥ തയ്യാറാക്കിയത്. ഈ ചിത്രത്തിലെ നിർണ്ണായകമായ ഒരു ഘട്ടത്തിൽ കീർത്തി സുരേഷ് അവതരിപ്പിക്കുന്ന അഡ്വക്കേറ്റ് മാധവി എന്ന കഥാപാത്രം കോടതി മുറിക്കുള്ളിൽ ചോദിക്കുന്നുണ്ട് ; ഒരു സ്ത്രീ “സെക്സ് ഈസ്‌ നോട്ട് എ പ്രോമിസ്” എന്ന് പറയുമ്പോൾ കയ്യടിക്കുന്ന സമൂഹം എന്തുകൊണ്ടാണ് ഒരു പുരുഷൻ ഇതേ കാര്യം പറഞ്ഞാൽ അംഗീകരിക്കാൻ മടിക്കുന്നത് എന്ന് . മാധവി വിരൽ ചൂണ്ടുന്നത് നമ്മുടെ ഇന്നത്തെ സമൂഹത്തിലേക്ക് തന്നെയാണ് എന്ന കാര്യവും ഈ ഒരൊറ്റ ചോദ്യത്തിലൂടെ മനസ്സിലാക്കാം. വക്കീലിന്റെ ഈ ചോദ്യം തുറന്നു കാട്ടുന്നത് സ്ത്രീപുരുഷ സമത്വം ഇവിടെ നിഷേധിക്കപ്പെടുന്ന അവസ്ഥയിലേക്കാണ് . ഇതുപോലെ സോഷ്യൽ മീഡിയയിൽ വലിയ ചർച്ചയായി മാറിക്കഴിഞ്ഞിരിക്കുകയാണ് ഈ ചിത്രത്തിലെ പല പ്രധാന രംഗങ്ങളും അതിൽ പറയുന്ന അഭിപ്രായങ്ങളും.

പല അവസരങ്ങളിലും നിയമം പരിരക്ഷ സ്ത്രീകൾക്ക് നൽകുന്നതിനൊപ്പം തന്നെ അർഹരായ പുരുഷന്മാരെ എപ്പോഴും കണ്ടില്ലെന്നു നടിക്കുന്ന പ്രവണതയും, പലപ്പോഴും നിരപരാധികളായ പുരുഷന്മാരെ കരിവാരി തേക്കാൻ ശ്രമിക്കുന്ന മീ ടൂ ഉൾപ്പെടെയുള്ള ആരോപണങ്ങളും അതിനുള്ള പ്രവണതയെ കുറിച്ചും ആണ് ഈ ചിത്രം ചർച്ച ചെയ്യുന്നത്. അത്കൊണ്ട് തന്നെ തീയേറ്ററുകളിൽ വലിയ കയ്യടി നേടുകയാണ് ചിത്രത്തിലെ പല ചോദ്യങ്ങളും. ടോവിനോ തോമസ്- കീർത്തി സുരേഷ് ടീം വക്കീൽ വേഷത്തിൽ ഗംഭീര പ്രകടനം തന്നെയാണ് കാഴ്ച വെച്ചിരിക്കുന്നത്. ജാനിസ് ചാക്കോ സൈമൺ ആണ് ചിത്രത്തിന്റെ കഥ രചിച്ചിരിക്കുന്നത്.

ജി സുരേഷ് കുമാർ, മേനക സുരേഷ് കുമാർ, രേവതി സുരേഷ് എന്നിവർ ചേർന്ന് നിർമ്മിച്ച ഈ ചിത്രം രേവതി കലാമന്ദിറിന്റെ ബാനറിൽ ആണ് ഒരുങ്ങിയത് . ഛായാഗ്രാഹണം നീൽ ഡി കുഞ്ഞയും എഡിറ്റിംഗ് അർജു ബെന്നും കൈകാര്യം ചെയ്തിരിക്കുന്നു. ചിത്രത്തിന് വേണ്ടി കൈലാസ് മേനോൻ ഒരുക്കിയ ഗാനങ്ങളും ഏറെ ശ്രദ്ധ നേടിയിട്ടുണ്ട്. കേന്ദ്ര കഥാപാത്രങ്ങളെ കൂടാതെ അനു മോഹൻ, റോണി ഡേവിഡ്, ബൈജു, നന്ദു, കോട്ടയം രമേശ്, മായാ വിശ്വനാഥ്, മായാ മേനോൻ, ശ്രീലക്ഷ്മി എന്നിവരും ഈ ചിത്രത്തിൽ പ്രധാന വേഷങ്ങളെ അവതരിപ്പിച്ചിട്ടുണ്ട്.