തമിഴിലെ സൂപ്പർ സംവിധായകനായ ആറ്റ്ലി ബോളിവുഡ് സൂപ്പർ താരം ഷാരൂഖ് ഖാനെ നായകനാക്കി ഒരുക്കുന്ന ചിത്രമാണ് ജവാൻ. ഇപ്പോഴിതാ അണിയറ പ്രവർത്തകർ ഈ ചിത്രത്തിന്റെ റിലീസ് ഡേറ്റ് പ്രഖ്യാപിച്ചിരിക്കുകയാണ് . ജവാൻ റിലീസ് ചെയുന്നത് അടുത്ത വർഷം ജൂൺ രണ്ടിനാണ് . റിലീസ് തീയതിയ്ക്കൊപ്പം ഒരു ഗംഭീര ടീസറും അണിയറ പ്രവർത്തകർ പുറത്തുവിട്ടിട്ടുണ്ട്. ഈ ചിത്രം നിർമ്മിച്ചിരിക്കുന്നത് ഷാരൂഖ് ഖാന്റെ നിർമ്മാണ കമ്പനിയായ റെഡ് ചില്ലീസ് എന്റെർറ്റൈന്മെന്റിന്റെ ബാനറിൽ അദ്ദേഹം തന്നെയാണ്. ഈ ചിത്രത്തിൽ അദ്ദേഹം ഇരട്ട വേഷത്തിലാണ് എത്തുക എന്നാണ് ഇപ്പോൾ ലഭിക്കുന്ന സൂചന.

തമിഴിലെ ലേഡി സൂപ്പർ സ്റ്റാർ നയൻതാരയാണ് ഈ ചിത്രത്തിൽ നായികാ വേഷം ചെയ്യുന്നത്. കൂടാതെ പ്രിയാമണി, സാനിയ മൽഹോത്ര എന്നിവരും അഭിനയിക്കുന്നുണ്ടെന്ന് റിപ്പോർട്ടുകൾ പറയുന്നു. നയൻതാര ഇതിലെത്തുന്നത് ഒരു ഇൻവെസ്റ്റിഗേഷൻ ഓഫീസറായാണ് എന്നാണ് സൂചന.

പിങ്ക് വില്ല നേരത്തെ റിപ്പോർട്ട് ചെയ്തിരുന്നതു പോലെ ഷാരുഖ് ഖാൻ ഇതിൽ അഭിനയിക്കുന്നത് ഒരു ഗാംഗ്സ്റ്ററായും, ആ ഗ്യാങ്സ്റ്ററിന്റെ അച്ഛനും സീനിയർ റോ ഓഫീസറായുമാണ് . ആറ്റ്ലി ഈ ചിത്രം ഒരുക്കുന്നത് പക്കാ മാസ്സ് മസാല ആക്ഷൻ ത്രില്ലറായാണ് . ഷാരൂഖ് ഖാൻ എന്ന താരത്തിന്റെ അടുത്ത വർഷത്തേക്ക് റിലീസ് പ്രഖ്യാപിച്ച രണ്ടാമത്തെ ആക്ഷൻ ത്രില്ലറാണ് ജവാൻ. ഹിന്ദിയ്ക്ക് പുറമെ തമിഴ്, മലയാളം, തെലുങ്കു ഭാഷകളിലൊക്കെ ജവാൻ റിലീസ് ചെയ്യും. അടുത്ത ജനുവരിയിൽ റിലീസിന് എത്തുന്ന ഷാരൂഖ് ഖാന്റെ ആക്ഷൻ ത്രില്ലർ ചിത്രം സിദ്ധാർഥ് ആനന്ദ് സംവിധാനം ചെയ്ത പത്താൻ ആണ്. അടുത്ത വർഷം തന്നെ റിലീസിന് എത്തുന്ന മറ്റൊരു ചിത്രമാണ് രാജ് കുമാർ ഹിറാനി ചിത്രമായ ഡങ്കി.

വിനയന്റെ സംവിധാനത്തിൽ നടൻ സിജു വിൽസൺ കേന്ദ്ര കഥാപാത്രമായി എത്തുന്ന ഏറ്റവും പുതിയ ചിത്രമാണ് പത്തൊമ്പതാം നൂറ്റാണ്ട്. ഈ ചിത്രത്തിന്റെ ഒഫിഷ്യൽ ടീസർ ഇപ്പോൾ റിലീസ് ചെയ്തിരിക്കുകയാണ്. ശ്രീ ഗോകുലം മൂവീസ് എന്ന യൂട്യൂബ് ചാനലിലൂടെയാണ് ഈ ടീസർ പുറത്തു വിട്ടിരിക്കുന്നത് . സംവിധായകൻ വിനയൻ തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത്. ഒരു യഥാർത്ഥ കഥയെ ആസ്പദമാക്കിയാണ് ഈ ചിത്രം അദ്ദേഹം രചിച്ചിരിക്കുന്നത്.

ടീസറിൽ സിജുവിന്റെ ഒരു ഗംഭീര പ്രകടനം തന്നെ കാണാൻ സാധിക്കുന്നുണ്ട്. ഇതുവരെ കണ്ട സിജു എന്ന നായകനെയല്ല ഈ ടീസറിൽ കാണാൻ സാധിക്കുന്നത്. കീഴാളരുടെ നേതാവായ ആറാട്ടുപ്പുഴ വേലായുധ ചേകവർ എന്ന കഥാപാത്രത്തെയാണ് ചിത്രത്തിൽ സിജു അവതരിപ്പിക്കുന്നത്. പണ്ട് കാലത്ത് നിലനിന്നിരുന്ന അയിത്തത്തേയും കീഴാളർ സ്ത്രീകൾ നേരിട്ട മാറു മറയ്ക്കൽ പ്രശ്നത്തെയുമെല്ലാം ആണ് ഈ ടീസറിൽ കാണാൻ സാധിക്കുന്നത്.

സിജു വിൽസണിനെ കൂടാതെ അനൂപ് മേനോൻ , ചെമ്പൻ വിനോദ്, ഇന്ദ്രൻസ് , ഗോകുലം ഗോപാലൻ, സുദേവ് നായർ , സെന്തിൽ കൃഷ്ണ, സുരേഷ് കൃഷ്ണ സുധീർ കരമന, വിഷ്ണു വിനയ് , ദീപ്തി സതി, പൂനം ബജ്‌വ, കയദു ലോഹർ എന്നിവരാണ് ചിത്രത്തിലെ മറ്റ് താരങ്ങൾ . ഈ ചിത്രം നിർമ്മിക്കുന്നത് ഗോകുലം ഗോപാലൻ ആണ്. എം ജയചന്ദ്രൻ സംഗീതം നൽകിയ ഈ ചിത്രത്തിലെ ഗാനങ്ങൾക്ക് വരികൾ രചിച്ചിരിക്കുന്നത് റഫീഖ് അഹമ്മദാണ്. എഡിറ്റിംഗ് കൈകാര്യം ചെയ്തിരിക്കുന്നത് വിവേക് ഹർഷൻ ആണ്.

സിജു വിൽസൺ നായകനായി എത്തിയ വരയൻ എന്ന ചിത്രത്തിന്റെ മറ്റൊരു പ്രൊമോ വീഡിയോ കൂടി പുറത്തു വിട്ടിരിക്കുകയാണ്. ഈ ചിത്രത്തിലെ പ്രൊമോ വീഡിയോ , സ്നീക്ക് പീക്ക് വീഡിയോ എന്നിവ സാമൂഹ്യ മാധ്യമങ്ങളിലൂടെ റിലീസ് ചെയ്തിരുന്നു. അവയ്ക്കെല്ലാം വളരെയധികം പ്രേക്ഷക ശ്രദ്ധ ലഭിക്കുകയും ചെയ്തിരുന്നു.

ഈ കഴിഞ്ഞ ദിവസമാണ് ചിത്രത്തിലെ നായിക ലിയോണ ലിഷോയിയും മണിയൻപ്പിള്ള രാജുവും തമ്മിലുള്ള ഒരു കോമ്പിനേഷൻ സീൻ പുറത്തുവിട്ടത്. ആ രംഗത്തിൽ സിജു അവതരിപ്പിക്കുന്ന എബി കപ്പൂച്ചിൻ എന്ന വൈദികനെ കുറിച്ച് ഇരുവരും സംസാരിക്കുന്നതായി കാണിച്ചിരുന്നു. “ഈ നാട്ടുകാരോടും കിളവൻ അച്ചൻമാരോടും കളിച്ച കളിയും കൊണ്ട് നല്ല ചുള്ളൻ ചെക്കന്മാർടെ അടുത്ത് ചെന്നാലേ ഇസ്താക്കി അണ്ണൻ വെവരറിയും ” എന്ന് ലിയോണ പറയുന്ന ഡയലോഗും ഏറെ ശ്രദ്ധിക്കപ്പെട്ടു. എന്നാൽ അതിൽ സിജുവിന്റെ കഥാപാത്രത്തെ കാണിച്ചിരുന്നില്ല.

ഇപ്പോൾ പുറത്തുവിട്ട പ്രൊമോയിൽ മണിയൻപ്പിള്ള രാജുവിന്റെ കഥാപാത്രവും സിജു വിൽസണും തമ്മിലുള്ള കോമ്പിനേഷൻ രംഗമാണ്. എബി കപ്പൂച്ചിൻ എന്ന വൈദികനെ ഇസ്താക്കിയുടെ ഗുണ്ടകൾ ആക്രമിക്കുന്നതും അതിന് അദ്ദേഹം പ്രതികരിക്കുന്നതുമായ കിടിലൻ രംഗമാണ് ഇപ്പോൾ പുറത്തുവിട്ട പ്രൊമോ വീഡിയോയിൽ കാണാൻ സാധിക്കുക . ഇതുവരെ പുറത്തിറങ്ങിയ മിക്ക വീഡിയോയിലും നിറഞ്ഞു നിന്നിരുന്ന ഒരു കഥാപാത്രമാണ് മണിയൻപിള്ള രാജു അവതരിപ്പിക്കുന്ന ഇസ്താക്കി. ചിത്രത്തിൽ നെഗറ്റീവ് റോളിലാണ് അദ്ദേഹം എത്തുന്നത് എന്നാണ് ഈ വീഡിയോയിൽ നിന്നും മനസിലാക്കാൻ സാധിക്കുന്നത് .

ഉലകനായകൻ കമൽ ഹാസൻ പ്രധാന വേഷത്തിൽ എത്തുന്ന വിക്രം എന്ന ചിത്രം തിയറ്ററുകളിൽ പ്രദർശനം ആരംഭിച്ചിരിക്കുകയാണ്. മാനഗരം, കൈദി, മാസ്റ്റർ തുടങ്ങി ബ്ലോക്ക്ബസ്റ്റർ ചിത്രങ്ങൾ ഒരുക്കിയ ലോകേഷ് കനകരാജ് ആണ് വിക്രം സംവിധാനം ചെയ്യുന്നത്. ഒരു വമ്പൻ താരനിര തന്നെയാണ് ഈ ചിത്രത്തിൽ അണിനിരക്കുന്നത്. കമൽഹാസനൊപ്പം മലയാളത്തിലെ യുവതാരം ഫഹദ് ഫാസിൽ, തമിഴിലെ മക്കൾ സെൽവൻ വിജയ് സേതുപതി എന്നിവരും വേഷമിടുന്നുണ്ട്. ഇത് കൂടാതെ നടിപ്പിന് നായകൻ സൂര്യയും ഈ ചിത്രത്തിൽ അതിഥി വേഷത്തിൽ എത്തുന്നുണ്ട്. ഈ വമ്പൻ താരനിരയെ കൂടാതെ അർജുൻ ദാസ് മലയാളി താരങ്ങളായ ചെമ്പൻ വിനോദ്, കാളിദാസ് ജയറാം, നരൻ, തുടങ്ങിയവരും ഈ ചിത്രത്തിൽ പ്രധാന വേഷങ്ങളിൽ എത്തുണ്ട്.

പ്രേക്ഷകർ ഇരു കൈയ്യും നീട്ടിയാണ് ചിത്രത്തിന്റെ ട്രൈലർ സ്വീകരിച്ചത്. ചിത്രത്തിലെ ഒരു ലെറിക്കൽ വീഡിയോ ഗാനം ഇപ്പോഴിതാ സോഷ്യൽ മീഡിയ കീഴടക്കുകയാണ്. സോണി മ്യൂസിക് സൗത്ത് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്ത് വിട്ടിരിക്കുന്നത്. പത്തല പത്തല എന്ന വരികളോടെ ആരംഭിക്കുന്ന ഈ ഗാനം രചിച്ചിരിക്കുന്നത് കമൽഹാസനാണ്. ഈ ഗാനത്തിന് ഈണം പകർത്തിരിക്കുന്നത് അനിരുദ്ധ് രവിചന്ദറും . ഇരുവരും ചേർന്നാണ് ഈ ഗാനം ആലപിച്ചിരിക്കുന്നത്. കമൽ ഹാസന്റെ മനോഹരമായ നൃത്ത ചുവടുകളും സ്റ്റിൽസും ഉൾപ്പെടുത്തിയാണ് ഈ വീഡിയോ പുറത്തുവിട്ടിരിക്കുന്നത്.

ഈ ചിത്രം നിർമിക്കുന്നത് രാജ് കമൽ ഇന്റർനാഷനലിന്റെ ബാനറിൽ കമൽ ഹാസൻ തന്നെയാണ് . ചിത്രത്തിന്റെ ക്യാമറമാൻ മലയാളിയായ ഗിരീഷ് ഗംഗാധരൻ ആണ് . ഫിലോമിൻ രാജ് ആണ് എഡിറ്റിംഗ് കൈകാര്യം ചെയ്തിരിക്കുന്നത്.

ശ്യാം മോഹന്റെ സംവിധാനത്തിൽ ഒരുങ്ങുന്ന ഏറ്റവും പുതിയ ചിത്രമാണ് കൊച്ചാൾ . ജൂൺ പത്ത് മുതൽ തിയറ്ററുകളിൽ പ്രദർശനത്തിന് എത്തുന്ന ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പുറത്തുവിട്ടിരിക്കുകയാണ്. ചിത്രത്തിൽ നായക വേഷം ചെയ്യുന്നത് നടൻ കൃഷ്ണശങ്കറാണ് . ഈ ചിത്രത്തിന്റെ രണ്ട് ടീസറുകൾ നേരത്തെ തന്നെ റിലീസ് ചെയ്യുകയും വളരെയധികം പ്രേക്ഷക ശ്രദ്ധ നേടുകയും ചെയ്തിരുന്നു.

സത്യം വീഡിയോസ് എന്ന യൂടൂബ് ചാനലിലൂടെയാണ് ഈ വീഡിയോ പോസ്റ്റ് ചെയ്തിരിക്കുന്നത്. പോലീസ് ആകുന്നതിനായി കഷ്ടപ്പെടുന്ന നായകൻ പോലീസ് ആയതിനു ശേഷം നേരിടുന്ന പ്രശ്നങ്ങളും മറ്റുമാണ് ഈ ട്രൈലറിൽ ഉൾക്കൊള്ളിച്ചിരിക്കുന്നത്. നായകനായ കൃഷ്ണ ശങ്കർ തന്നെയാണ് ചിത്രത്തിന്റെ പേരായ കൊച്ചാൾ എന്ന കഥാപാത്രമായി എത്തുന്നത് . കൃഷ്ണ ശങ്കർ , ഷൈൻ ടോം ചാക്കോ , ഇന്ദ്രൻസ് , മുരളി ഗോപി എന്നിവരുടെ അതി ഗംഭീര അഭിനയ പ്രകടനം തന്നെയാണ് ഈ ട്രൈലറിന്റെ ഹൈലൈറ്റ്.

ഷറഫുദ്ദീൻ, വിജയരാഘവൻ ,രഞ്ജിപണിക്കർ, കൊച്ചുപ്രേമൻ , ചൈതന്യ, സേതു ലക്ഷ്മി, കലാരഞ്ജിനി , ശ്രീലക്ഷ്മി, , ആര്യ സലീം തുടങ്ങിയവരും ഈ ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. ദീപ് നാഗ്ഡ നിർമ്മിക്കുന്ന ഈ ചിത്രം സിയാറ ടാക്കീസിന്റെ ബാനറിൽ ആണ് ഒരുങ്ങുന്നത്. ചിത്രത്തിന്റെ തിരക്കഥ , സംഭാഷണം എന്നിവ തയ്യാറാക്കിയത് മിഥുൻപി മദനൻ , പ്രജിത്ത് കെ. പുരുഷൾ എന്നിവർ ചേർന്നാണ്. ജോമോൻ തോമസ്സ് ആണ് ചിത്രത്തിന്റെ ഛായഗ്രഹണം നിർവഹിക്കുന്നത് .

നവാഗതനായ ഉണ്ണി ഗോവിന്ദ് രാജ് സംവിധാനം ചെയ്യുന്ന ഏറ്റവും പുതിയ ചിത്രമാണ് ഹെവൻ. സുരാജ് വെഞ്ഞാറമൂട് കേന്ദ്ര കഥാപാത്രമായി എത്തുന്ന ഈ ചിത്രത്തിന്റെ ട്രൈലർ ഇപ്പോൾ പുറത്തുവിട്ടിരിക്കുകയാണ്. പ്രേക്ഷകരിൽ ഏറെ ആകാംഷ ഉളവാക്കുന്ന ഒരു ട്രൈലറാണ് ഇപ്പോൾ റിലീസ് ചെയ്തിരിക്കുന്നത്. ചിത്രത്തിൽ ഒരു പോലീസുകാരന്റെ വേഷത്തിലാണ് സുരാജ് എത്തുന്നത്.

ഒരു മിസ്സിംഗ് കേസും അതേ തുടർന്ന് നടക്കുന്ന അന്വേഷണവും മറ്റ് സംഭവ വികാസങ്ങളുമാണ് ഹെവൻ എന്ന ചിത്രം പറയുന്നതെന്ന് ട്രൈലറിൽ നിന്നും മനസിലാക്കാം. സുരാജിനെ കൂടാതെ ജാഫർ ഇടുക്കി, അഭിജ, ജോയ് മാത്യു, അലൻസിയർ , സുധീഷ് തുടങ്ങിയവരും ചിത്രത്തിൽ പ്രധാന റോളുകളിൽ എത്തുന്നുണ്ട്.

സംവിധായകൻ ഉണ്ണി ഗോവിന്ദ് രാജും പി.എസ്. സുബ്രഹ്മണ്യനും ചേർന്നാണ് ഈ ചിത്രത്തിന്റെ രചന നിർവഹിച്ചിരിക്കുന്നത് . ഛായഗ്രഹണം വിനോദ് ഇളംപള്ളിയാണ്. ചിത്രത്തിലെ ഗാനങ്ങൾക്ക് വരികൾ രചിച്ചിരിക്കുന്നത് അൻവർ അലിയും സംഗീത സംവിധാനം നിർവഹിച്ചിരിക്കുന്നത് ഗോപി സുന്ദറും ചേർന്നാണ് . എ ഡി ശ്രീകുമാർ , രമ ശ്രീകുമാർ , കെ.കൃഷ്ണൻ , ടി.ആർ രഘുരാജ് എന്നിവർ ചേർന്നാണ് ഈ ചിത്രം നിർമ്മിക്കുന്നത്. ടോബി ജോൺ ആണ് ചിത്രത്തിന്റെ എഡിറ്റർ. ആക്ഷൻ രംഗങ്ങൾ ഒരുക്കിയിട്ടുള്ളത് മാഫിയ ശശിയാണ്.

റാണ ദഗ്ഗുബതി – സായ് പല്ലവി താര ജോടികൾ ഒന്നിക്കുന്ന ചിത്രമാണ് വിരാടപർവ്വം . വേണു ഉഡുഗുല സംവിധാനം ചെയ്യുന്ന ഈ ചിത്രം ജൂൺ 17 ന് ആണ് പ്രദർശനത്തിന് എത്തുന്നത്. ഇപ്പോഴിതാ ഈ ചിത്രത്തിലെ ഒരു ലെറിക്കൽ വീഡിയോ പുറത്തുവിട്ടിരിക്കുകയാണ്. നഗാദാരിലോ എന്ന വരികളോടെ തുടങ്ങുന്ന ഗാനമാണ് ഇപ്പോൾ റിലീസ് ചെയ്തിരിക്കുന്നത്.

ലഹാരി മ്യൂസിക് ടി – സീരീസ് എന്ന യൂടൂബ് ചാനലിലൂടെയാണ് ഈ വീഡിയോ പുറത്തുവിട്ടിരിക്കുന്നത്. ലെറിക്കൽ വീഡിയോ ആണെങ്കിലും ചിത്രത്തിലെ ഒന്ന് രണ്ട് രംഗങ്ങളും ഇതിൽ ഉൾപ്പെടുത്തിയിട്ടുണ്ട്. റാണ ദഗ്ഗുബതിയും സായ് പല്ലവിയും തന്നെയാണ് ഗാനരംഗത്തിൽ നിറഞ്ഞ് നിൽക്കുന്നത് . ഈ വീഡിയോയിൽ കാടിനുള്ളിലെ രംഗങ്ങളാണ് കൂടുതലായും കാണിച്ചിരിക്കുന്നത്.

ദ്യാവരി നരേന്ദർ റെഡ്ഡി, സഹാപതി എന്നിവർ വരികൾ രചിച്ച ഈ ഗാനം ഒരുക്കിയിരിക്കുന്നത് സുരേഷ് ബൊബ്ബിലി ആണ്. ഈ ഗാനം ആലപിച്ചരിക്കുന്നത് വരം ആണ് . ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ വേണു ഉഡുഗുല തന്നെയാണ്. തെലങ്കാന മേഖലയിലെ നെക്സലൈറ്റ് പ്രസ്ഥാനത്തിന്റെ പശ്ചാത്തലത്തിലാണ് ഈ ചിത്രം ഒരുക്കുന്നത്. പ്രിയാമണി, നവീൻ ചന്ദ്ര, സറീന വഹാബ്, നന്ദിത ദാസ് എന്നിവരാണ് ചിത്രത്തിലെ മറ്റ് താരങ്ങൾ .

ബോളിവുഡിൽ ഒരുങ്ങി കൊണ്ടിരിക്കുന്ന ഒരു ബ്രാഹ്മാണ്ഡ ചിത്രമാണ് ബ്രഹ്മാസ്ത്ര . ഈ ചിത്രത്തിന്റെ ഒരു സ്പെഷ്യൽ വീഡിയോ പുറത്തുവിട്ടിരിക്കുകയാണ് ഇപ്പോൾ അണിയറ പ്രവർത്തകർ . അയൻ മുഖർജി സംവിധാനം ചെയ്യുന്ന ഈ ഫാന്റസി ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നത് ആലിയ ഭട്ടും റൺബീർ കപൂറുമാണ്. കേന്ദ്ര കഥാപാത്രങ്ങളെ പ്രേക്ഷകർക്ക് മുന്നിൽ വെളിപ്പെടുത്തുന്ന ഈ വീഡിയോയ്ക്ക് 35 സെക്കന്റ് മാത്രമാണ് ദൈർഘ്യമുള്ളത്. ആലിയ ഭട്ട് , റൺബീർ കപൂർ എന്നിവർക്കൊപ്പം അമിതാഭ് ബച്ചൻ , മൗനി റോയ്, നാഗാർജ്ജുന എന്നിവരും ഈ വീഡിയോയിൽ എത്തുന്നുണ്ട്.

മൂന്ന് ഭാഗങ്ങളായാണ് ഈ ചിത്രം ഒരുങ്ങുന്നത്. ഈ ഫാന്റസി ട്രൈലോജിയിലെ ആദ്യ ഭാഗമായ “ബ്രഹ്മാസ്‌ത്ര പാർട്ട് : 1 ശിവ”യുടെ സ്പെഷ്യൽ വീഡിയോ ആണ് അണിയറ പ്രവർത്തകർ ഇപ്പോൾ റിലീസ് ചെയ്തത്. ഈ വീഡിയോയിൽ ചിത്രത്തിന്റെ ട്രൈലർ പുറത്തിറക്കുന്ന തീയ്യതിയും കാണിക്കുന്നുണ്ട്. ജൂൺ പതിനഞ്ചിനാണ് ചിത്രത്തിന്റെ ട്രൈലർ റിലീസ് ചെയ്യുന്നത്.

2022 സെപ്തംബർ 9 ന് തിയറ്ററുകളിൽ പ്രദർശനത്തിന് എത്താൻ ഒരുങ്ങുന്ന ഈ ചിത്രം ഹിന്ദി, തമിഴ്, തെലുങ്ക്, കന്നഡ, മലയാളം എന്നീ ഭാഷകളിലായാണ് റിലീസ് ചെയ്യുന്നത്. ഈ ചിത്രം നിർമ്മിക്കുന്നത് സ്റ്റാർ സ്റ്റുഡിയോസ് , സ്റ്റാർ ലൈറ്റ് പിക്ച്ചേഴ്സ് , ധർമ്മ പ്രൊഡക്ഷൻസ്, പ്രൈം ഫോക്കസ് എന്നിവ ചേർന്നാണ്. എസ് എസ് രാജമൗലി ആണ് തെന്നിന്ത്യൻ ഭാഷകളിൽ ചിത്രത്തിന്റെ വിതരണാവകാശം സ്വന്തമാക്കിയിരിക്കുന്നത്. ആ പേരിലും ഈ ചിത്രം വലിയ ഹൈപ്പാണ് നേടുന്നത്.

എസ്. ജെ സൂര്യയെ കേന്ദ്ര കഥപാത്രമാക്കി രാധാ മോഹൻ ഒരുക്കുന്ന ഏറ്റവും പുതിയ ചിത്രമാണ് ബൊമൈ . ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ പുറത്തു വിട്ടിരിക്കുകയാണ്. തിങ്ക് മ്യൂസിക് ഇന്ത്യ എന്ന യൂടൂബ് ചാനലിലൂടെ ഈ വീഡിയോ പുറത്തു വിട്ടിരിക്കുന്നത്.

എസ്. ജെ സൂര്യയുടെ ഒരു മനോഹര പ്രകടനം തന്നെയാണ് ഈ ട്രൈലറിൽ കാണാൻ സാധിക്കുന്നത് . ഇതൊരു റൊമാന്റിക് ത്രില്ലർ ചിത്രമാണെന്ന് ഇതിന്റെ ട്രൈലറിൽ നിന്നും മനസ്സിലാക്കാം . താൻ ജോലി ചെയ്യുന്ന കടയിലെ ഡിസ്പ്ലേ ബൊമ്മയെ ഒരു സ്ത്രീയോട് സങ്കൽപ്പിച്ച് , അതിനെ സംരക്ഷിക്കാൻ എന്തും ചെയ്യാൻ തയ്യാറാകുന്ന ഒരു കഥാപാത്രത്തെയാണ് എസ്.ജെ സൂര്യ ഈ ചിത്രത്തിൽ അവതരിപ്പിക്കുന്നത്. നായകന്റെ സങ്കൽപ്പത്തിലെ സ്ത്രീ രൂപത്തെ അവതരിപ്പിക്കുന്നത് നടി പ്രിയ ഭാവ്നി ശങ്കർ ആണ്. എസ്.ജെ സൂര്യയും പ്രിയയും ഒന്നിച്ചെത്തുന്ന രണ്ടാമത്തെ ചിത്രമാണിത് . 2019 ൽ പുറത്തിറങ്ങിയ മോൺസ്റ്റർ എന്ന ചിത്രത്തിലാണ് ഇവർ ആദ്യമായി ഒന്നിക്കുന്നത് .

കർക്കി വരികൾ രചിച്ച ഈ ചിത്രത്തിലെ ഗാനങ്ങൾ ഒരുക്കിയിരിക്കുന്നത് യുവൻ ശങ്കർ രാജ ആണ്. ചിത്രത്തിന്റെ രചന നിർവഹിച്ചിരിക്കുന്നത് എം.ആർ പാർത്ഥിപൻ ആണ്. കനൽ കണ്ണൻ ആണ് ചിത്രത്തിലെ ആക്ഷൻ രംഗങ്ങൾ ഒരുക്കിയിരിക്കുന്നത്. ഏഞ്ചൽ സ്റ്റുഡിയോസ് നിർമ്മിക്കുന്ന ഈ ചിത്രത്തിന്റെ നിർമ്മാതാക്കൾ വി. മരുതു പാണ്ഡ്യൻ , ഡോ. ജാസ്മിൻ സന്തോഷ്, ഡോ. ദീപ ടി. ദുരൈ എന്നിവരാണ്. എഡിറ്റിംഗ് കൈകാര്യം ചെയ്തിരിക്കുന്നത് അന്തോണി ആണ്.

സത്യൻ അന്തിക്കാട് – ജയറാം കൂട്ടുകെട്ടിൽ പിറന്ന ചിത്രമാണ് മകൾ . ഏപ്രിൽ 29 ന് റിലീസ് ചെയ്ത ഈ ചിത്രത്തിലൂടെയാണ് നടി മീരാ ജാസ്മിൻ തന്റെ തിരിച്ചു വരവ് നടത്തിയത്. സത്യൻ അന്തിക്കാടിന്റെ സ്ഥിരം ശൈലി കുടുംബ ചിത്രമാണ് മകളും. ഈ ചിത്രത്തിലെ ഒരു രംഗത്തിന്റെ പിന്നാമ്പുറ കാഴ്ചകൾ ഒരുക്കിയ ഒരു വീഡിയോ ഇപ്പോൾ പുറത്തുവിട്ടിരിക്കുകയാണ്.

ജയറാമും യുവതാരം നസ്ലീനും തമ്മിലുള്ള കോമ്പിനേഷൻ സീനാണ് ഈ വീഡിയോയിൽ . “മാപ്പക്കണം അങ്കിൾ; ഞാൻ ബംഗാളി അല്ല , വാഴക്കാലയിൽ ഉള്ള ഒരു മലയാളിയാ…. “എന്ന് പറയുന്ന നസ്ലീന്റെ രസകരമായ സീനിന്റെ പിന്നാമ്പുറ കാഴ്ചകളാണ് ഈ വീഡിയോയിൽ . ഡയലോഗിനിടയിൽ തെറ്റുന്നതും ഓരോ തവണ വളരെയധികം ഡെടിക്കേഷനോടെ നസ്ലീൻ അത് അവതരിപ്പിക്കുന്നതും ഈ വീഡിയോയിൽ കാണാം.

നസ്ലീന് കൂടുതലും ലെങ്ത്തി ഷോട്സ് ആണ് സിനിമയിൽ ലഭിച്ചിരുന്നത്. ഡയലോഗ് കംപ്ലീറ്റ് പഠിച്ചാണ് അവതരിപ്പിച്ചിരുന്നത് , കട്ട് ഇല്ല . കൂടാതെ ഇതിന് ഡബ്ബിംഗും ഇല്ല , ഷൂട്ടിംഗ് ടൈമിൽ തന്നെയാണ് സൗണ്ട് റെക്കോർഡ് ചെയ്തിരുന്നത്. അതിനാൽ ചെറിയ തെറ്റ് വന്നാൽ പോലും വീണ്ടും ടേക്ക് എടുക്കേണ്ടി വരുമെന്നും ഓരോ തവണ എടുക്കുമ്പോഴും നസ്ലീന്റെ ഹ്യൂമർ ഒട്ടും കുറഞ്ഞിരുന്നില്ല എന്നും ഈ വീഡിയോയിൽ പറയുന്നു.