ആരാധകരെ പൊട്ടിചിരിപ്പിച് ദിലീപ്..! കേശു ഈ വീടിന്റെ നാഥൻ ട്രൈലർ കാണാം..

മലയാളത്തിന്റെ പ്രിയ നടൻ ദിലീപിന്റെ റിലീസിനായി കാത്തു നിൽക്കുന്ന ഏറ്റവും പുതിയ ചിത്രമായ കേശു ഈ വീടിന്റെ നാഥൻ . ഒറ്റിറ്റി പ്ലാറ്റ്‌ഫോമായ ഡിസ്‌നി പ്ലസ് ഹോട്ട് സ്റ്റാർ വഴിയാണ് ഈ ചിത്രം റിലീസ് ചെയ്യാൻ ഒരുങ്ങുന്നത് . മേരാ നാം ഷാജി , സൂപ്പർ ഹിറ്റുകളായി മാറിയ അക്ബർ അന്തോണി, കട്ടപ്പനയിലെ ഋത്വിക് റോഷൻ എന്നി ചിത്രങ്ങൾക്ക് ശേഷം നാദിർഷയുടെ സംവിധാനത്തിൽ ഒരുങ്ങിയ ചിത്രമാണ് കേശു ഈ വീടിന്റെ നാഥൻ.

ഈ ചിത്രത്തിന്റെ പോസ്റ്ററുകളും, നാദിർഷ ഈണം പകർന്ന് ദിലീപ് ആലപിച്ച നാരങ്ങാ മിട്ടായി , യേശുദാസ് ആലപിച്ച പുന്നാര പൂങ്കാറ്റിൽ എന്നീ ഗാനങ്ങളും ഒരു മോഷൻ പോസ്റ്ററും നേരത്തെ തന്നെ സാമൂഹ്യ മാധ്യമങ്ങളിലൂടെ പുറത്തുവിടുകയും വലിയ പ്രേക്ഷക ശ്രദ്ധ നേടുകയും ചെയ്തിരുന്നു. വീണ്ടും സോഷ്യൽ മീഡിയ കീഴടക്കാനായി എത്തിയിരിക്കുന്നത് ഈ ചിത്രത്തിന്റെ ട്രൈലെർ ആണ്. ട്രൈലറർ കണ്ട ഏവരും എടുത്തു പറയുന്നത് ദിലീപിന്റെ മേക്ക് ഓവറാണ്.

ട്രൈലറിനൊപ്പം തന്നെ ചിത്രത്തിലെ ദിലീപിന്റെ ലുക്കും പ്രേക്ഷക ശ്രദ്ധയാണ് നേടുന്നുണ്ട് . പൊട്ടിച്ചിരിപ്പിക്കുന്ന കുടുംബ ചിത്രങ്ങളുടെ പട്ടികയിൽ കേശം ഈ വീടിന്റെ നാഥനും ഇടം പിടിക്കും എന്ന സൂചനയാണ് ഈ ട്രൈലെർ കാണുമ്പോൾ തോന്നുന്നത് . തമാശയും വൈകാരിക മുഹൂർത്തങ്ങളും എല്ലാം ഒരുപോലെ കോർത്തിണക്കി ഒരുക്കിയ ഒരു മാസ്സ് കോമഡി ഫാമിലി എന്റെർറ്റൈനെർ ആയിരിക്കും ഈ ചിത്രം എന്ന് നമ്മുക്ക് പ്രതീക്ഷിക്കാം. ചിത്രത്തിൽ ഉർവശിയും പ്രധാന വേഷം കൈകാര്യം ചെയ്യുന്നുണ്ട്. കൂടാതെ കലാഭവൻ ഷാജോൺ, ഹരിശ്രീ അശോകൻ, കോട്ടയം നസീർ, ഹരീഷ് കണാരൻ, ജാഫർ ഇടുക്കി, അനുശ്രീ, സ്വാസിക എന്നിവരും ചിത്രത്തിന്റെ ഭാഗമായിട്ടുണ്ട് . സജീവ് പാഴൂരിന്റെ രചനയിൽ വിരിഞ്ഞ ഈ ചിത്രം നിർമ്മിച്ചിരിക്കുന്നത് ദിലീപും ഡോക്ടർ സക്കറിയ തോമസും ഒന്നിച്ചാണ് . അനിൽ നായരാണ് ഈ ചിത്രത്തിന്റെ ക്യാമറമാൻ . എഡിറ്റിംഗ് നിർവഹിച്ചിരിക്കുന്നത് സാജനാണ്.