kunjako boban latest movie Padmini official teaser video

തിങ്കളാഴ്ച നിശ്ചയം എന്ന ചിത്രം സംവിധാനം ചെയ്തുകൊണ്ട് പ്രേക്ഷകശ്രദ്ധ പിടിച്ചു പറ്റിയ സംവിധായകൻ സെന്ന ഹെഗ്ഡെ അണിയിച്ചൊരുക്കുന്ന പുത്തൻ ചിത്രമാണ് പദ്മിനി. ചാക്കോച്ചൻ കേന്ദ്ര കഥാപാത്രമായി എത്തുന്ന ഈ ചിത്രത്തിൻറെ ഒഫീഷ്യൽ ടീസർ വീഡിയോ ലിറ്റിൽ ബിഗ് ഫിലിംസ് യൂട്യൂബ് ചാനലിലൂടെ ഇപ്പോൾ പ്രേക്ഷകർക്കും മുൻപാകെ ഏത്തിയിരിക്കുകയാണ്. വെറും ഒന്നേക്കാൾ മിനിറ്റ് ദൈർഘ്യമുള്ള ഈ ടീസർ വീഡിയോ 12 ലക്ഷത്തിലധികം കാഴ്ചക്കാരെയാണ് നേടിയിട്ടുള്ളത്.

ചിത്രത്തിൽ ഒരു കോളേജ് അധ്യാപകന്റെ കഥാപാത്രമാണ് കുഞ്ചാക്കോ ബോബൻ അവതരിപ്പിക്കുന്നത്. ഈ കഥാപാത്രത്തെ ചുറ്റിപ്പറ്റിയാണ് പദ്‌മിനിയുടെ കഥ മുന്നേറുന്നതും. കോമഡിയും റൊമാൻസും നിറഞ്ഞ ഈ മനോഹരമായ ചിത്രത്തിൽ ആക്ഷൻ രംഗങ്ങളും ശ്രദ്ധ നേടുന്നുണ്ട് എന്നത് ഇപ്പോൾ പുറത്തിറങ്ങിയ വീഡിയോയിൽ നിന്നും വ്യക്തമാണ്. കുഞ്ചാക്കോ ബോബനെ കൂടാതെ അപർണ ബാലമുരളി, മഡോണ സെബാസ്റ്റ്യൻ, വിൻസി അലോഷ്യസ് , മാളവിക മേനോൻ , അൽത്താഫ് സലിം, സജിൻ ചെറുകയിൽ , ഗണപതി, ആനന്ദ് മന്മഥൻ, സീമ ജി നായർ , ഗോകുലൻ , ജെയിംസ് എലിയ എന്നിവരും പ്രധാന വേഷങ്ങളിൽ എത്തുന്നുണ്ട്.

കുഞ്ഞിരാമായണം, മുകുന്ദനുണ്ണി അസോസിയേറ്റ് , കൽക്കി, എബി എന്നീ ചിത്രങ്ങൾ അണിയിച്ചൊരുക്കിയ ലിറ്റിൽ ബിഗ് ഫിലിംസിലെ ബാനറിൽ ആണ് പദ്മിനിയും പുറത്തിറങ്ങുന്നത്. സുവിൻ കെ വർക്കി , പ്രശോക് കൃഷ്ണ, അഭിലാഷ് ജോർജ് എന്നിവരാണ് ചിത്രത്തിന്റെ നിർമ്മാണം നിർവഹിക്കുന്നത്. ദീപു പ്രദീപ് ആണ് ഈ ചിത്രത്തിൻറെ രചന നിർവഹിച്ചിട്ടുള്ളത്. ശ്രീരാജ് രവീന്ദ്രൻ ക്യാമറ ചലിപ്പിച്ച ഈ ചിത്രത്തിൻറെ എഡിറ്റിംഗ് നിർവഹിച്ചത് മനു ആൻറണി ആണ് . ജേക്സ് ബിജോയ് ആണ് പദ്മിനിയിലെ ഗാനങ്ങൾ ഒരുക്കിയിട്ടുള്ളത്.