ഒരുപാട് നാളത്തെ കാത്തിരിപ്പിന് ശേഷം ശ്രീനിവാസൻ എത്തുന്ന പുതിയ സിനിമയാണ് കുറുക്കൻ. ഈ സിനിമയിലെ ഏറ്റവും വലിയ പ്രേത്യേകത എന്തെന്നാൽ ശ്രീനിവാസനും അദ്ദേഹത്തിന്റെ മകനുമായ വിനീത് ശ്രീനിവാസനും ഒന്നിച്ചെത്തുന്ന സിനിമ കൂടിയാണ് കുറുക്കൻ. അതുകൊണ്ട് തന്നെ മലയാള സിനിമ പ്രേമികൾ ഏറെ ആകാംഷയോടെയാണ് സിനിമയെ നോക്കി കാണുന്നത്. ഇപ്പോൾ സോഷ്യൽ മീഡിയയിൽ ഹിറ്റായി കൊണ്ടിരിക്കുന്നത് കുറുക്കൻ എന്ന സിനിമയുടെ ട്രൈലെറാണ്.
കോടതികളിൽ സ്ഥിരമായി കള്ളസാക്ഷി പറയാൻ എത്തുന്ന കൃഷ്ണൻ എന്ന കഥാപാത്രത്തെയാണ് ശ്രീനിവാസൻ അവതരിപ്പിക്കുന്നത്. അതേസമയം എസ് ഐയുടെ വേഷത്തിലാണ് വിനീത് ശ്രീനിവാസൻ സിനിമയിലെത്തുന്നത്. ഇരുവരും കൂടാതെ ഷൈൻ ടോം ചാക്കോ അടക്കമുള്ള പ്രധാന കഥാപാത്രങ്ങളും ഈ ചലച്ചിത്രത്തിൽ ശ്രെദ്ധയമായ വേഷം കൈകാര്യം ചെയ്യുന്നുണ്ട്. 2.05 മിനിറ്റ് അടങ്ങിയ ഒരു ട്രൈലെറാണ് അണിയറ പ്രവർത്തകർ യൂട്യൂബിൽ റിലീസ് ചെയ്തിരിക്കുന്നത്.
നവാഗതനായ ജയലാൽ ദിവാകരനാണ് കുറുക്കൻ എന്ന സിനിമയുടെ സംവിധാനം നിർവഹിക്കുന്നത്. വർണ്ണചിത്രയുടെ ബാനറിൽ മഹാസുബൈർ നിർമ്മിക്കുന്ന സിനിമയിൽ സുധീർ കരമന, ദിലീപ് മേനോൻ, ശ്രീകാന്ത് മുരളി, അശ്വന്ത്‌ ലാൽ, ജോജി ജോൺ, ബാലാജി ശർമ, കൃഷ്ണൻ ബാലകൃഷ്ണൻ, നന്ദൻ ഉണ്ണി, ആസീസ് നെടുമങ്ങാട്, ഗൗരി നന്ദ, അഞ്ജലി തുടങ്ങിയവരും ഈ സിനിമയിൽ അഭിനയിക്കുന്നുണ്ട്.
മനോജ്‌ റാംസിംഗ് തിരക്കഥ നിർവഹിക്കുമ്പോൾ ചായഗ്രഹണം ഒരുക്കുന്നത് ജിബു ജേക്കബാണ്. മനു മൻജിത്തിന്റെ വരികൾക്ക് ഉണ്ണി ഇളയരാജയാണ് സംഗീതം പകർന്നത്. എന്തായാലും അച്ഛനും മകനും ഒന്നിച്ചെത്തുന്ന സിനിമയിൽ ആരാധകർ ഏറെ ആവേശത്തോടെയാണ് നോക്കി കാണുന്നത്.