അന്ന് എന്നോട് ഫോട്ടോ ചോദിച്ചപ്പോഴെ തോന്നി എന്തോ ഒപ്പികാൻ ആണെന്ന്..! ശ്രദ്ധ നേടിയ മധുര മനോഹര മോഹം.. ടീസർ കാണാം..

ജൂൺ 16ന് തിയറ്ററുകളിൽ പ്രദർശനത്തിന് പുത്തൻ മലയാള ചിത്രമാണ് മധുര മനോഹര മോഹം . കോസ്റ്റ് ഡിസൈനറായി മലയാളം ചലച്ചിത്ര രംഗത്ത് ശ്രദ്ധ നേടിയ സ്റ്റെഫി സേവിയർ ആണ് ഈ ചിത്രം സംവിധാനം ചെയ്തത്. മികച്ച പ്രേക്ഷക പ്രതികരണം നേടി മുന്നേറുന്ന ഈ ചിത്രത്തിൻറെ ഒരു ടീസർ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുന്നത്. ഒന്നേകാൽ മിനിറ്റ് ദൈർഘ്യമുള്ള ഈ വീഡിയോ രംഗം മ്യൂസിക് 247 യൂട്യൂബ് ചാനലിലൂടെയാണ് പ്രേക്ഷകർക്ക് മുൻപാകെ എത്തിയത്.

ചിത്രത്തിലെ കേന്ദ്ര കഥാപാത്രങ്ങളായ ഷറഫുദ്ദീൻ, ബിന്ദു പണിക്കർ, രജിഷ വിജയൻ എന്നിവരെയാണ് ഈ വീഡിയോ രംഗത്തിൽ കാണാൻ സാധിക്കുന്നത്. ഏറെ നർമ്മരംഗങ്ങൾ നിറഞ്ഞ ഈ ചിത്രത്തിലെ രസകരമായ ഒരു രംഗം തന്നെയാണ് ഈ ടീസറിൽ ഉൾപ്പെടുത്തിയിരിക്കുന്നത്. ഈ രംഗത്തിൽ മൂന്നു താരങ്ങളും തങ്ങളുടെതായ രീതിയിൽ മികച്ചു നിൽക്കുന്നുണ്ട്. മികച്ച സ്വീകാര്യതയാണ് ഈ ചിത്രത്തിന് ലഭിച്ചുകൊണ്ടിരിക്കുന്നത്. നിരവധി പ്രേക്ഷകരാണ് വീഡിയോയ്ക്ക് താഴെ മധുര മനോഹര മോഹം എന്ന ചിത്രത്തെക്കുറിച്ച് പ്രശംസിച്ചുകൊണ്ട് കമന്റുകൾ രേഖപ്പെടുത്തിയിട്ടുള്ളത്.

ഷറഫുദ്ദീൻ, ബിന്ദു പണിക്കർ, രജിഷ വിജയൻ എന്നിവരോടൊപ്പം ആർഷ ചാന്ദിനി ബൈജു , വിജയരാഘവൻ , സൈജു കുറുപ്പ്, മീനാക്ഷി വാര്യർ, അൽത്താഫ് സലിം, ബിജു സോപാനം, നിരഞ്ജ് മണിയൻപിള്ള രാജു, സുനിൽ സുഗത , നീനാ കുറുപ്പ്, അരവിന്ദ് എന്നിവരും ശ്രദ്ധേയ വേഷങ്ങൾ ചെയ്യുന്നുണ്ട്. ബി ത്രീ എം ക്രിയേഷൻസ് ആണ് ഈ ചിത്രത്തിൻറെ നിർമ്മാണം നിർവഹിച്ചിരിക്കുന്നത്. മഹേഷ് ഗോപാൽ, ജയ് വിഷ്ണു എന്നിവരാണ് മധുര മനോഹര മോഹത്തിന്റെ രചന നിർവഹിച്ചിരിക്കുന്നത്. ചന്ദ്രൂ സെൽവരാജ് ക്യാമറ ചലിപ്പിച്ച ഈ ചിത്രത്തിൻറെ എഡിറ്റിംഗ് നിർവഹിച്ചിരിക്കുന്നത് അപ്പു ഭട്ടതിരിയും മാളവിക വി എനും ചേർന്നാണ്. ഹിഷാം അബ്ദുൽ വഹാബ് ആണ് മധുര മനോഹര മോഹത്തിലെ ഗാനങ്ങൾ അണിയിച്ചൊരുക്കിയിട്ടുള്ളത്. ജിബിൻ ഗോപാലിന്റേതാണ് പശ്ചാത്തല സംഗീതം.