മീര ജാസ്മീൻ, അശ്വിൻ ജോസ് പ്രധാന കഥാപാത്രങ്ങളായി എത്തുന്ന പാലും പഴവും സിനിമയുടെ ട്രൈലെർ റിലീസ് ചെയ്തു. തമാശകൾ നിറഞ്ഞ സംഭാക്ഷണങ്ങളും രംഗങ്ങൾ കൊണ്ടും സിനിമ സമ്പന്നമാണ്. വി കെ പ്രകാശിന്റെ ചിത്രവും കൂടിയാണ് പാലും പഴവും. കോമഡി എന്റർടൈൻനറായിട്ടാണ് സിനിമ പ്രേഷകരുടെ മുന്നിലെത്തുന്നത്. ചുരുങ്ങിയ സമയം കൊണ്ട് ട്രൈലെർ സോഷ്യൽ മീഡിയയിൽ വൈറലായി മാറിയിരുന്നു. കൂടാതെ ചിത്രത്തിന്റെ സെക്കന്റ്‌ ലുക്ക് പോസ്റ്ററും ഏറെ ജനശ്രെദ്ധ നേടി.
മീര ജാസ്മീൻ, അശ്വിൻ ജോസ് കൂടാതെ ശാന്തി കൃഷ്ണ, അശോകൻ, മണിയൻപിള്ള രാജു, നിഷ സാരംഗ്, മിഥുൻ രമേശ്‌, ആദിൽ ഇബ്രാഹിം, സുമേഷ് ചന്ദ്രൻ, രചന നാരായണൻകുട്ടി, സന്ധ്യ രാജേന്ദ്രൻ, ഷിനു ശ്യാമളൻ,ഷമീർ ഖാൻ, ഫ്രാങ്കോ ഫ്രാൻസിസ്, വിനീത് രാമചന്ദ്രൻ, അതുൽ റാം കുമാർ, പ്രണവ് യേശുദാസ്, ആർ ജെ സൂരജ് തുടങ്ങിയവരാണ് ചിത്രത്തിൽ മറ്റ് കഥാപാത്രങ്ങളായി എത്തുന്നത്.
ടു ക്രീയേറ്റീവ് മൈൻഡ്സിന്റെ ബാനറിൽ വിനോദ് ഉണ്ണിത്താനും, സമീർ സേട്ടും ചേർന്നാണ് സിനിമ നിർമ്മിക്കുന്നത്. ചലച്ചിത്രത്തിന്റെ കഥ, തിരക്കഥ, സംഭാക്ഷണം ആശിഷ് രജനി ഉണ്ണികൃഷ്ണനാണ്. ചിത്രത്തിന്റെ എഡിറ്റിംഗ് മേഖല കൈകാര്യം ചെയ്തിരിക്കുന്നത് പ്രവീൺ പ്രഭാകറാണ്. നീണ്ട ഇടവേളയ്ക്ക് ശേഷം മീര ജസ്‌മീന്റെ മൂന്നാമത്തെ സിനിമയും കൂടിയാണ് ഇത്.
ശക്തമായ തിരിച്ചു വരവ് തന്നെ ഈ സിനിമയിലൂടെ താരം ചെയ്യുന്നതാണ്. താൻ കൈകാര്യം ചെയ്ത മിക്ക സിനിമകളും വളരെ മികച്ച അഭിനയ പ്രകടനങ്ങളായിരുന്നു താരം കാഴ്ച്ചവെച്ചത്. എന്തായാലും സിനിമ പ്രേഷകരും താരത്തിന്റെ ആരാധകരും ഓഗസ്റ്റ് 23ന് വേണ്ടി കാത്തിരിക്കുകയാണ്.