പൃഥ്വിരാജ്, സുരാജ് വെഞ്ഞാറമ്മൂട് എന്നിവരെ കേന്ദ്ര കഥാപാത്രങ്ങളാക്കി ഡിജോ ജോസ് ആന്റണി സംവിധാനം ചെയ്ത ഏറ്റവും പുതിയ ചിത്രമായ ജനഗണമന മികച്ച പ്രതികരണവുമായി മുന്നേറുകയാണ്. 20 കോടിയാണ് അഞ്ച് ദിവസം കൊണ്ട് ഈ കളക്ട് ചെയ്തത്. ഇപ്പോഴിതാ അണിയറപ്രവര്‍ത്തകര്‍ ഈ ചിത്രത്തിന്റെ സക്‌സസ് ടീസര്‍ പുറത്തു വിട്ടിരിക്കുകയാണ്. പുറത്തുവിട്ടിരിക്കുന്ന ടീസറിൽ ചിത്രത്തിലെ കോര്‍ട്ട് രംഗങ്ങള്‍ ആണ് ഉള്‍പ്പെടുത്തിയുള്ളത്.

പൃഥ്വിരാജും സുരാജ് വെഞ്ഞാറമ്മൂടും ഒന്നിച്ചെത്തിയ ചിത്രമായിരുന്നു ഡ്രൈവിംഗ് ലൈസൻസ് ഈ ചിത്രത്തിന് ശേഷം ജനഗണമനയിലാണ് ഇരുവരും ഒന്നിച്ചെത്തുന്നത്. 5.15 കോടിയാണ് കേരളത്തിൽ നിന്ന് മാത്രം മൂന്നു ദിവസങ്ങൾ കൊണ്ട് ചിത്രം നേടിയത് . 4.25 കോടിയാണ് നെറ്റ് , ഷെയർ 2.49 കോടി. കേരളത്തിന് പുറത്തുള്ള സെന്ററുകളിലും ഈ ചിത്രം മികച്ച ബുക്കിംഗ് ആണ് നേടുന്നത്. ഇപ്പോൾ ഈ ചിത്രത്തിന് ലഭിച്ചുകൊണ്ടിരിക്കുന്ന മികച്ച മൗത്ത് പബ്ലിസിറ്റി ഇനിയുള്ള ദിനങ്ങളിലും . ചിത്രത്തെ തീയറ്ററുകളിൽ പിടിച്ചുനിർത്തുമെന്നാണ് വിലയിരുത്തൽ.

സുപ്രിയ മേനോനും ലിസ്റ്റിൻ സ്റ്റീഫനും ചേർന്ന് നിർമ്മിക്കുന്ന ഈ ചിത്രം പൃഥ്വിരാജ് പ്രൊഡക്ഷൻസിന്റെ ബാനറിലും മാജിക് ഫ്രെയിമിന്റെ ബാനറിലും ആണ് പുറത്തിറങ്ങുന്നത്. ഷമ്മി തിലകൻ, രാജ കൃഷ്ണമൂർത്തി, പശുപതി,ശ്രീ ദിവ്യ, മിഥുൻ, ഹരി കൃഷ്ണൻ,ധ്രുവൻ, ശാരി, അഴകം പെരുമാൾ, ഇളവരശ്, വിനോദ് സാഗർ, വിൻസി അലോഷ്യസ്, വിജയകുമാർ, വൈഷ്ണവി വേണുഗോപാൽ, നിമിഷ, കൃഷ്ണ, ജോസ്കുട്ടി ജേക്കബ്, പ്രസാദ് അരുമനായകം, ശുഭ വെങ്കട്ട്, രാജ് ബാബു ,ചിത്ര അയ്യർ, ബെൻസി മാത്യൂസ്, ധന്യ അനന്യ തുടങ്ങിയവരാണ് ഈ ചിത്രത്തിലെ മറ്റ് പ്രധാന വേഷങ്ങൾ കൈകാര്യം ചെയ്യുന്നത്.

ട്രയാംഗിൾ- എ ഫ്‌ളവർ സ്റ്റോറി എന്ന ഹ്രസ്വ ചിത്രം ഇപ്പോൾ യൂട്യൂബിൽ വൈറലായി മാറി കൊണ്ടിരിക്കുകയാണ് . ജനുവരി ഇരുപത്തിയേഴിന് ആണ് ട്രയാംഗിൾ- എ ഫ്‌ളവർ സ്റ്റോറി എന്ന ഹ്രസ്വ ചിത്രം യൂട്യൂബിൽ റിലീസ് ചെയ്തത്.

പ്രേക്ഷകർക്കിടയിൽ ഈ ചിത്രം ഇപ്പോൾ തരംഗമായി മാറുകയാണ്. റിലീസ് ചെയ്ത് ദിവസങ്ങൾ പിന്നിടുമ്പോഴേക്കും ആറു ലക്ഷത്തിലധികം കാഴ്ചക്കാരെ ഈ വീഡിയോ സ്വന്തമാക്കിയിരുന്നു. ഈ ഹ്രസ്വ ചിത്രം മൂന്ന് താര ജോഡികളുടെ കഥയാണ് പറയുന്നത്. ആൻസു മരിയ, ആഷിക അശോകൻ, അശ്വതി നായർ, സന്ജ സോമനാഥ്, മക്ബൂൽ സൽമാൻ, സാനിഫ്, കെ ജയകൃഷ്ണൻ, എന്നിവരാണ് ഇതിലെ പ്രധാനവേഷങ്ങളെ അവതരിപ്പിച്ചിട്ടുള്ളത് . ഈ ഹൃസ്വ ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നത് മിഥുൻ ബോസ് ആണ്. വിബിൻ വിശ്വനാഥ് ആണ് ചിത്രത്തിന്റെ കഥ രചിച്ചിരിക്കുന്നത് . ഈ ഹ്രസ്വ ചിത്രം നിർമ്മിച്ചിരിക്കുന്നത് ഷാജൻ ജോസ് ആണ് .

റിയാസ് ശരീഫ് ആണ് ചിത്രത്തിന്റെ ക്യാമറമാൻ . സനൽ രാജ് ആണ് ചിത്രം എഡിറ്റ് ചെയ്തിരിക്കുന്നത്. സന്ദീപ് സുധ രചന നിർവഹിച്ച ഈ ചിത്രത്തിലെ ഗാനങ്ങൾക്ക് അരുൺ രാജ് ആണ് സംഗീതം നൽകിയിരിക്കുന്നത്. അർജുൻ ഉണ്ണികൃഷ്ണൻ ആണ് ഗാനം ആലപിച്ചിരിക്കുന്നത്. മൂന്ന് താര ജോഡികളുടെ ജീവിത രംഗങ്ങളിലൂടെ കടന്നുപോകുന്ന ഈ ഹ്രസ്വ ചിത്രത്തിൽ വൈകാരിക മുഹൂർത്തങ്ങളും നിറച്ചിരിക്കുന്നു . സംവിധായകൻ ഈ ചിത്രത്തിലൂടെ സ്നേഹത്തിന്റെ എല്ലാ തലങ്ങളും കാണിച്ചു തരുന്നുണ്ട്. സന്തോഷ പൂർണമായ പ്രണയ നിമിഷങ്ങൾ ഒരു വശത്ത് വേർപിരിയലിന്റെ വിങ്ങലും ഒറ്റപ്പെടുന്നതിന്റെ വേദനയുമെല്ലാം മറുവശത്ത് . ഈ ഹൃസ്വ ചിത്രം പുറത്തു വിട്ടിട്ടുള്ളത് എസ് ജെ വിഷ്വൽ മീഡിയ എന്ന യൂട്യൂബ് ചാനലിലൂടെയാണ് .

തെലുങ്കു സൂപ്പർ താരം മഹേഷ് ബാബുവിനെ നായകനാക്കി പരശുറാം പെട്‌ല ഒരുക്കുന്ന ഏറ്റവും പുതിയ ചിത്രമാണ് സര്‍ക്കാരു വാരി പാട്ട . ചിത്രത്തിൽ മഹേഷ് ബാബുവിന്റെ നായികയായി എത്തുന്നത് താരസുന്ദരി കീർത്തി സുരേഷ് ആണ്. മെയ് 12ന് ആണ് ഈ ചിത്രം ലോകമെമ്പാടും റിലീസ് ചെയ്യുന്നത്. ഈ ബിഗ് ബഡ്ജറ്റ് ചിത്രത്തിന്റെ ട്രൈലെർ ഇപ്പോൾ പ്രേക്ഷകർക്കായി പുറത്തുവിട്ടിരിക്കുകയാണ്. ചിത്രത്തിന്റെ ട്രെയ്‌ലര്‍ ഒരുക്കിയിരിക്കുന്നത് ആക്ഷന്‍ രംഗങ്ങള്‍ക്ക് പ്രാധാന്യം നല്‍കിയാണ് . ടൈലർ കണ്ട ആരാധകരുടെ ചിത്രത്തിന് മേലുള്ള പ്രതീക്ഷയിപ്പോൾ വാനോളമാണ് ഉയർന്നിരിക്കുന്നത് . യൂട്യൂബ് ചാനലായ മൈത്രി മൂവി മേക്കേഴ്‌സ് ആണ് ഈ ട്രൈലർ പുറത്തുവിട്ടത്. ഇപ്പോൾ റെക്കോർഡ് കാഴ്ചക്കാരെ നേടികൊണ്ട് ഈ വീഡിയോ മുന്നേറുകയാണ്. ആദ്യത്തിൽ ജനുവരി 13 ന് ആണ് ഈ ചിത്രം റിലീസ് ചെയ്യാന്‍ പ്ലാന്‍ ചെയ്തിരുന്നത്. എന്നാൽ കോവിഡ് മൂന്നാം തരംഗം മൂലം ചിത്രത്തിന്റെ റിലീസ് മാറ്റി വെക്കുകയായിരുന്നു.

സംവിധായകൻ പരശുറാം പെട്‌ല തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത്. മൈത്രി മൂവി മേക്കേഴ്‌സ്, ജി.എം.ബി എന്റര്‍ടൈന്‍മെന്റ്, 14 റീല്‍സ് പ്ലസ് എന്നിവയുടെ ബാനറില്‍ നവീന്‍ യെര്‍നേനി, വൈ. രവിശങ്കര്‍, രാം അജന്ത, ഗോപിചന്ദ് അജന്ത എന്നിവര്‍ ചേര്‍ന്നാണ് ഈ ചിത് നിർമ്മിച്ചിരിക്കുന്നത്. എസ്. തമന്‍ ആണ് ചിത്രത്തിന് സംഗീതം പകർന്നിരിക്കുന്നത്. ഈ ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത് ആര്‍. മാധിയാണ് . മാര്‍ത്താണ്ഡ് കെ വെങ്കിടേഷ് ആണ് എഡിറ്റിംഗ് . നേരത്തെ തന്നെ ഈ ചിത്രത്തിലെ ഒരു ഗാനം പുറത്ത് വരികയും അത് വമ്പൻ ഹിറ്റായി മാറുകയും ചെയ്തിരുന്നു. കലാവതി എന്ന് തുടങ്ങുന്ന ആ ലിറിക്കൽ വീഡിയോ റെക്കോർഡ് സൃഷ്ടിച്ചിരുന്നു. അനന്ത് ശ്രീറാം രചന നിർവഹിച്ച ഈ ഗാനം ആലപിച്ചത് സിദ് ശ്രീറാം ആണ്. വെണ്ണല കിഷോർ, സുബ്ബരാജു തുടങ്ങിയവരും ഈ ചിത്രത്തിന്റെ ഭാഗമായിട്ടുണ്ട്.

മലയാളത്തിന്റെ ലേഡി സൂപ്പർസ്റ്റാർ മഞ്ജുവാര്യർ പ്രധാന വേഷത്തിൽ എത്തുന്ന ഏറ്റവും പുതിയ ചിത്രമാണ് ജാക്ക് ആൻഡ് ജിൽ. സന്തോഷ് ശിവൻ അണിയിച്ചൊരുക്കുന്ന ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. കോമഡിയും ആക്ഷനും സസ്പൻസും നിറഞ്ഞ ഒരു കിടിലൻ ട്രൈലറാണ് ഇപ്പോൾ പ്രേക്ഷകർക്ക് മുന്നിലേക്ക് എത്തിയിരിക്കുന്നത്. നടി മഞ്ജുവാര്യരുടെ ആക്ഷനും കോമഡി രംഗങ്ങളും തന്നെയാണ് ട്രൈലറിന്റെ ഹൈലൈറ്റ്. ട്രൈലറിൽ മഞ്ജുവാര്യരെ കൂടാതെ സൗബിൻ ഷാഹിർ , കാളിദാസ് ജയറാം എന്നിവരുടെയും മനോഹര അഭിനയ മുഹൂർത്തങ്ങൾ കാണാം.

മഞ്ജുവാര്യർ , സൗബിൻ ഷാഹിർ , കാളിദാസ് ജയറാം എന്നിവരെ കൂടാതെ നെടുമുടി വേണു, അജു വർഗ്ഗീസ് , ഇന്ദ്രൻസ്, ബേസിൽ ജോസഫ് , ഷൈല ക്രിഷൻ എന്നിവരും പ്രധാന വേഷങ്ങളിൽ എത്തുന്നു.

സംവിധായകൻ സന്തോഷ് ശിവൻ തന്നെയാണ് ചിത്രത്തിന്റെ രചന നിർവഹിച്ചിട്ടുള്ളത്. ഗോകുലം ഗോപാലൻ, സന്തോഷ് ശിവൻ, എം. പ്രശാന്ത് ദാസ് എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം ശ്രീ ഗോകുലം മൂവീസ്, സിവാസ് ഫിലിംസ് എന്നിവയുടെ ബാനറിൽ ആണ് ഒരുങ്ങുന്നത്. വി.സി പ്രവീൺ, ബൈജു ഗോപാലൻ എന്നിവർ ചിത്രത്തിന്റെ സഹ നിർമ്മാതാക്കൾ ആണ്. ബി.കെ ഹരിനാരായണൻ വരികൾ രചിച്ച ചിത്രത്തിലെ ഗാനങ്ങൾക്ക് സംഗീതം നൽകിയിരിക്കുന്നത് ജേക്സ് ബിജോയ്, റാം സുരേന്ദർ , ഗോപി സുന്ദർ എന്നിവരാണ്. എഡിറ്റിംഗ് നിർവഹിച്ചിരിക്കുന്നത് രഞ്ജിത്ത് ആണ്.

മോഹൻലാലിനെ നായകനാക്കി ജിത്തു ജോസഫ് ഒരുക്കുന്ന ഏറ്റവും പുതിയ ചിത്രമാണ് ട്വൽത്ത് മാൻ . ഈ ചിത്രത്തിന്റെ ഒഫീഷ്യൽ ട്രൈലർ ഇപ്പോൾ റിലീസ് ചെയ്തിരിക്കുകയാണ്. ഒരു ദിവസത്തെ കഥപറയുന്ന ഈ ചിത്രം സസ്‌പെൻസും എന്റർടൈൻമെന്റും നിറഞ്ഞതാണ്. നേരത്തെ തന്നെ ഈ ചിത്രത്തിന്റെ ഒരു പോസ്റ്റർ റിലീസ് ചെയ്യുകയും അത് വളരെയധികം പ്രേക്ഷക ശ്രദ്ധ നേടുകയും ചെയ്തിരുന്നു.

ജിത്തു ജോസഫ് – മോഹൻലാൽ കൂട്ടുകെട്ട് പ്രേക്ഷക പ്രതീക്ഷകൾ വാനോളം ഉയർത്തുകയാണ്. ഇപ്പോൾ പുറത്തിറങ്ങിയ ട്രൈലറും ഈ പ്രതീക്ഷ ഊട്ടി ഉറപ്പിക്കുകയാണ് പതിനൊന്ന് സുഹൃത്തുക്കളും അവരുടെ ഒരു ദിവസത്തെ കൂടിച്ചേരലും ആ ദിവസത്തെ നിഗൂഢത നിറഞ്ഞ സംഭവ വികാസങ്ങളുമാണ് ഈ ട്രൈലറിലൂടെ കാണാനാകുന്നത്. ഡിസ്നി പ്ലസ് ഹോട്ട് സ്റ്റാറിലൂടെയാണ് ഈ ട്രൈലർ പുറത്തു വിട്ടിരിക്കുന്നത്. മണിക്കൂറുകൾ പിന്നിടുമ്പോഴേക്കും നിരവധി കാഴ്ച്ചക്കാരെയാണ് ഈ വീഡിയോ സ്വന്തമാക്കിയത്.

കേന്ദ്ര കഥാപാത്രമായ മോഹൻലാലിനെ കൂടാതെ ഉണ്ണിമുകുന്ദൻ , സൈജു കുറുപ്പ്, അനു സിത്താര, അനുശ്രീ, പ്രിയങ്ക നായർ , അനു മോഹൻ , രാഹുൽ മാധവ് , ലിയോണ ലിഷോയ്, ചന്തു നാഥ് , അദിതി രവി , ശിവദ എന്നിവരും പ്രധാന വേഷങ്ങളിൽ എത്തുന്നു. ജിത്തു ജോസഫ് സംവിധാനം ചെയ്ത ഈ ചിത്രം നിർമ്മിക്കുന്നത് ആന്റണി പെരുമ്പാവൂരാണ്. ആശിർവാദ് സിനിമാസിന്റെ ബാനറിൽ ഒരുങ്ങുന്ന ഈ ചിത്രം മെയ് 20 മുതൽ ഡിസ്നി പ്ലസ് ഹോട്ട് സ്റ്റാറിൽ സ്ട്രീമിങ് ആരംഭിക്കും.

ടൊവിനോയെ നായകനാക്കി ഖാലിദ് റഹ്മാൻ സംവിധാനം ചെയ്യുന്ന ഏറ്റവും പുതിയ ചിത്രമാണ് തല്ലുമാല . ഈ ചിത്രത്തിലെ ഒരു ഗാനം പ്രേക്ഷകർക്കായി ഇപ്പോൾ റിലീസ് ചെയ്തിരിക്കുകയാണ്. കണ്ണിൽ പെട്ടോളെ എന്ന ഈ ഗാനത്തിൽ വ്യത്യസ്തമാർന്ന ലുക്കിൽ ചിത്രത്തിലെ കേന്ദ്ര കഥാപാത്രങ്ങളായ ടൊവിനോയും കല്യാണി പ്രിയദർശനും എത്തുന്നുണ്ട്. ഇരുവരും ഒന്നിച്ചെത്തുന്ന ആദ്യ ചിത്രമാണിത്. ഈ ഗാന രംഗത്തിൽ സ്‌റ്റൈലിഷ് ലുക്കിലെത്തിയ കല്യാണിയേയും ഫ്രീക്കൻ ലുക്കിൽ എത്തിയ ടൊവിനോയേയും നമുക്ക് കാണാനാകും .

വിഷ്ണു വിജയ്, ഇർഫാന ഹമീദ് എന്നിവരാണ് ഈ ഗാനം ആലപിചിരിക്കുന്നത്. സംഗീത സംവിധാനം നിർവഹിച്ചിരിക്കുന്നത് വിഷ്ണു വിജയ് തന്നെയാണ്. റിലീസ് ചെയ്ത് മണിക്കൂറുകൾ പിന്നിടുമ്പോഴേക്കും നിരവധി കാഴ്ചക്കാരെയാണ് ഈ വീഡിയോ സ്വന്തമാക്കിയത്. ഈ ചിത്രത്തിന്റെ പോസ്റ്റർ വളരെയധികം പ്രേക്ഷക ശ്രദ്ധ നേടിയിരുന്നു. മണവാളൻ വസീം എന്നാണ് ചിത്രത്തിൽ ടൊവിനോ അവതരിപ്പിക്കുന്ന കഥാപാത്രത്തിന്റെ പേര്. നടി കല്യാണി പ്രിയദർശനാണ് ചിത്രത്തിൽ ടൊവിനോയുടെ നായികയായി എത്തുന്നത്.

ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാൻ ആണ് ഈ ചിത്രം നിർമ്മിക്കുന്നത്. ഈ ചിത്രത്തിന്റെ രചന നിർവഹിച്ചിരിക്കുന്നത് മുഹ്സിൻ പരാരി, അഷ്റഫ് ഹംസ എന്നിവർ ചേർന്നാണ്. ചിത്രത്തിൽ ഷൈൻ ടോം ചാക്കോ , ലുഖ്മാൻ , ജോണി ആന്റണി, ബിനു പപ്പു എന്നിവരും പ്രധാന വേഷങ്ങളിൽ എത്തുന്നുണ്ട്. നിഷാദ് യൂസഫ് ആണ് ചിത്രം എഡിറ്റ് ചെയ്തിരിക്കുന്നത്.

മെഗാ സ്റ്റാർ മമ്മൂട്ടി കേന്ദ്ര കഥാപാതമായി എത്തുന്ന ഏറ്റവും പുതിയ ചിത്രങ്ങളിൽ ഒന്നാണ് പുഴു. നേരിട്ടുള്ള ഒറ്റിറ്റി റിലീസായി എത്തുന്ന അദ്ദേഹത്തിന്റെ ആദ്യത്തെ ഈ ചിത്രം, സോണി ലൈവ് പ്ലാറ്റ്‌ഫോമിലാണ് പ്രദർശനത്തിന് എത്താൻ ഒരുങ്ങുന്നത്. നേരത്തെ തന്നെ പുറത്തുവിട്ട ഈ ചിത്രത്തിന്റെ പോസ്റ്ററുകൾ, അതുപോലെതന്നെ ടീസർ എന്നിവ ഇരു കൈയ്യും നീട്ടിയാണ് പ്രേക്ഷകർ സ്വീകരിച്ചതും സോഷ്യൽ മീഡിയയിൽ തരംഗമായതും . ഇപ്പോഴിതാ പ്രേക്ഷകർക്ക് മുന്നിലേക്ക് ഈ ചിത്രത്തിന്റെ ട്രൈലെർ കൂടി ഇന്ന് റിലീസ് ചെയ്തിരിക്കുകയാണ്. ചിത്രത്തിലെ പ്രധാന കഥാപാത്രങ്ങളെ പ്രേക്ഷകർക്ക് പരിചയപ്പെടുത്തി തരുന്ന ഈ ട്രൈലർ ചിത്രത്തിന്റെ സ്വഭാവം എന്താണെന്ന് മനസ്സിലാക്കി തരുന്നുമുണ്ട്. കൂടാത അതോടൊപ്പം ഈ ചിത്രത്തിന്റെ സ്‌ട്രീമിംഗ്‌ ഡേറ്റ് കൂടി പുറത്തുവിട്ടിട്ടുണ്ട്. ഈ ചിത്രം സ്‌ട്രീമിംഗ്‌ ആരംഭിക്കുന്നത് മെയ് പതിമൂന്നിനാണ്.

ഈ ചിത്രം സംവിധാനം ചെയ്തിരിക്കുന്നത് നവാഗതയായ രഥീനയാണ് . എസ്. ജോര്‍ജ്ജ് നിർമ്മിച്ച ഈ ചിത്രം സിന്‍ സില്‍ സെല്ലുലോയ്ഡിന്റെ ബാനറില്‍ ആണ് ഒരുങ്ങിയിട്ടുള്ളത് . ഈ ചിത്രം രചിച്ചത് ഹര്‍ഷാദ്, ഷറഫു, സുഹാസ് എന്നിവർ ചേർന്നാണ്. വേ ഫെറർ ഫിലിംസ് എന്ന ദുൽക്കർ സൽമാന്റെ പ്രൊഡക്ഷൻ ബാനറും ഈ ചിത്രത്തിന്റെ നിർമ്മാണ പങ്കാളിയാണ്. മമ്മൂട്ടിയ്ക്ക് പുറമേ പാർവതി തിരുവോത്ത്, നെടുമുടി വേണു, ഇന്ദ്രന്‍സ്, മാളവിക മോനോന്‍ തുടങ്ങി നിരവധി താരങ്ങളും ഈ ചിത്രത്തിൽ പ്രധാന വേഷത്തിൽ എത്തുന്നുണ്ട്. തേനി ഈശ്വർ ആണ് ചിത്രത്തിന്റെ ക്യാമറമാൻ . ഈ ചിത്രത്തിന് സംഗീതമൊരുക്കിയത് ജേക്സ് ബിജോയ് ആണ് . ചിത്രം എഡിറ്റ് ചെയ്തിരിക്കുന്നത് ദീപു ജോസഫ് ആണ്.

ആൻഡ്രിയ ജെറമിയയെ നായികയാക്കി മിസ്കിൻ സംവിധാനം ചെയ്യുന്ന ഏറ്റവും പുതിയ ചിത്രമാണ് പിസാസ് ടു . 2014 ൽ പുറത്തിറങ്ങിയ പിസാസ് എന്ന ഹിറ്റ് ഹൊറർ ചിത്രത്തിന്റെ രണ്ടാം ഭാഗമാണ് പിസാസ് ടു . ഈ ചിത്രവും ഒരു ഹൊറർ ഡ്രാമ വിഭാഗത്തിൽ പെട്ടതാണെന്ന് പറയപ്പെടുന്നു. ഈ ചിത്രത്തിന്റെ ഒഫീഷ്യൽ ടീസർ ഇപ്പോൾ പുറത്തിറങ്ങിയിരിക്കുകയാണ്. ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ നേരത്തെ തന്നെ റീലീസ് ചെയ്യുകയും വളരെയധികം പ്രേക്ഷക ശ്രദ്ധ നേടുകയും ചെയ്തിരുന്നു. ചിത്രത്തിൽ ആൻഡ്രിയയ്ക്ക് വളരെ മികച്ച ഒരു കഥാപാത്രം തന്നെയാണ് ലഭിച്ചിരിക്കുന്നതെന്ന് ഇതുവരെ പുറത്തിറങ്ങിയ പോസ്റ്ററും ടീസറും സൂചിപ്പിക്കുന്നു.

പ്രേക്ഷകരെ ഭീതിയുടെ മുൾമുനയിൽ നിർത്തുന്ന ആകാംഷ നിറച്ച ഒരു ടീസറാണ് ഇപ്പോൾ പുറത്തുവിട്ടിട്ടുള്ളത് . കേന്ദ്ര കഥാപാത്രമായ ആൻഡ്രിയ ജെറമിയയ്ക്ക് പുറമേ വിജയ് സേതുപതി , ഷംന കാസിം പ്രൂർണ്ണ ), സന്തോഷ് പ്രതാപ് എന്നിവരും അഭിനയിക്കുന്നു. ചിത്രത്തിന്റെ രചന നിർവഹിച്ചിട്ടുള്ളത് സംവിധായകൻ മിസ്കിൻ തന്നെയാണ്. കാർത്തിക് രാജയാണ് ചിത്രത്തിന് വേണ്ടി സംഗീത സംവിധാനം നിർവഹിച്ചിട്ടുള്ളത്. റോക്ക് ഫോർട്ട് എന്റർടൈൻമെന്റിന്റെ ബാനറിൽ ടി. മുരുഗനാഥം ആണ് ഈ ചിത്രം നിർമ്മിക്കുന്നത്. കീർത്തന, സുസിൽ ഉമാപതി എന്നിവർ ചേർന്നാണ് ഈ ചിത്രം എഡിറ്റ് ചെയ്തിരിക്കുന്നത്.സരിഗമ തമിഴ് എന്ന യൂട്യൂബ് ചാനലിലൂടെയാണ് ഈ ടീസർ പുറത്തു വിട്ടിട്ടുള്ളത്. നിരവധി ആരാധകരാണ് പ്രതീക്ഷയോടെ ചിത്രത്തിനായി കാത്തിരിക്കുന്നത്.

രതീഷ് രഘുനാഥൻ സംവിധാനം ചെയ്ത് ഇന്ദ്രൻസ് , ധ്യാൻ ശ്രീനിവാസൻ , ദുർഗ്ഗ കൃഷ്ണ എന്നിവർ കേന്ദ്ര കഥാപാത്രങ്ങളായി എത്തുന്ന ഏറ്റവും പുതിയ ചിത്രമാണ് ഉടൽ. പ്രേക്ഷകരെ ആവേശത്തിലാഴ്ത്തി ഇപ്പോൾ ഈ ചിത്രത്തിന്റെ ഒഫീഷ്യൽ ടീസർ പുറത്തു വിട്ടിരിക്കുകയാണ്. ശ്രീഗോകുലം മൂവീസ് യൂട്യൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത്. മണിക്കൂറുകൾ തികയും മുൻപേ നിരവധി കാഴ്ചക്കാരെയാണ് ഈ വീഡിയോ സ്വന്തമാക്കിയത്. ഇന്ദ്രൻസ് ചേട്ടന്റെ മറ്റൊരു കിടിലൻ പെർഫോമൻസു കൂടി എന്നാണ് പ്രേക്ഷകർ വീഡിയോയ്ക്ക് താഴെ കമന്റ് ചെയ്തിരിക്കുന്നത്. ത്രില്ലടിപ്പിക്കുന്ന ഒരു കിടിലൻ ടീസർ തന്നെയാണ് ഇപ്പോൾ പ്രേക്ഷകരിലേക്ക് എത്തിയിരിക്കുന്നത്. ഇന്ദ്രൻസ് എന്ന കലാകാരന്റെ മറ്റൊരു കിടിലൻ അഭിനയ പ്രകടനം തന്നെയാണ് ഈ ചിത്രത്തിൽ കാഴ്ചവയ്ക്കുന്നത് എന്ന് ടീസറിൽ നിന്നും വ്യക്തമാണ്. ഒപ്പം ദുർഗ്ഗയും ധ്യാനും മികച്ച പ്രകടനം തന്നെ ടീസറിൽ കാഴ്ചവയ്ക്കുന്നുണ്ട്.

സംവിധായകൻ രതീഷ് രഘുനാഥൻ തന്നെയാണ് ചിത്രത്തിന്റെ രചന നിർവഹിച്ചിട്ടുള്ളത്. ശ്രീ ഗോകുലം ഗോപാലൻ നിർമ്മിക്കുന്ന ഈ ചിത്രത്തിൽ വി.സി പ്രവീൺ , ബൈജു ഗോപാലൻ എന്നിവർ സഹ നിർമ്മാതാക്കൾ ആണ്. വില്യം ഫ്രാൻസിസ് ആണ് ചിത്രത്തിന് വേണ്ടി സംഗീതം നൽകിയിട്ടുള്ളത്. എഡിറ്റിംഗ് കൈകാര്യം ചെയ്തിരിക്കുന്നത് നിഷാദ് യൂസഫ് ആണ്.

സോഷ്യൽ മീഡിയയിൽ തരംഗമായി സാമന്തയുടെ ബെർത്ത്ഡേ സ്പെഷ്യൽ മാഷപ്പ് വീഡിയോ. 2010 ൽ ആണ് സാമന്ത എന്ന താരം അഭിനയ രംഗത്തേക്ക് കുന്നു വരുന്നത്. ഗൗതം മേനോൻ സംവിധാനം ചെയ്ത വിണ്ണേതാണ്ടി വരുവായ എന്ന ചിത്രത്തിന്റെ തെലുങ്ക് പതിപ്പായ യെ മായ ചെസേവ് എന്ന ചിത്രത്തിലൂടെയാണ് താരം അരങ്ങേറ്റം കുറിക്കുന്നത്. ആദ്യ ചിത്രത്തിലെ ഗംഭീര പ്രകടനം സാമന്ത എന്ന താരത്തിന്റെ കരിയർ മാറ്റി മറിച്ചു. തുടർന്ന് തെലുങ്കിലും തമിഴിലുമായി നിരവധി അവസരങ്ങൾ താരത്തിന് ലഭിച്ചു. നാല് ഫിലിം ഫെയർ അവാർഡുകളും നിരവധി പുരസ്കാരങ്ങളും താരം ഇതിനോടകം കരസ്ഥമാക്കി. നിലവിൽ തെന്നിന്ത്യയിലെ മുൻ നിര നായികമാരിൽ ഒരാളാണ് താരം.

താരത്തിന്റെതായി പുറത്തിറങ്ങാനുള്ള ഏറ്റവും പുതിയ ചിത്രമാണ് കാത്ത് വാക്കുലെ രണ്ട് കാതൽ. വിജയ് സേതുപതി നായകനാകുന്ന ഈ ചിത്രത്തിൽ സാമന്തയും നയൻ താരയുമാണ് നായികമാർ. ഈ ചിത്രത്തിൽ സാമന്തയും വിജയ് സേതുപതിയും ഒന്നിച്ചെത്തുന്ന ഒരു ഗാനം ഈ അടുത്ത് റിലീസ് ചെയ്തിരുന്നു. ഡിപ്പം ഡപ്പം എന്ന ഈ ഗാനം പ്രേക്ഷകർ ഏറ്റെടുക്കുകയും ചെയ്തിരുന്നു.

ഏപ്രിൽ 28 ന് ആയിരുന്നു താരത്തിന്റെ ബെർത്ത് ഡേ . പ്രണവ് ശ്രീ പ്രസാദ് എഡിറ്റ് ചെയ്ത ബെർത്ത് ഡേ സെപഷ്യൽ വീഡിയോയാണ് ഇപ്പോൾ പ്രേക്ഷക ശ്രദ്ധ നേടുന്നത് . താരത്തിന്റെ പുത്തൻ ചിത്രമായ കാത്ത് വാക്കുലെ രണ്ട് കാതൽ എന്ന ചിത്രത്തിലെ ഡിപ്പം ഡപ്പം എന്ന ഗാനത്തിന് സാമന്ത അഭിനയിച്ച ഒട്ടുമിക്ക എല്ലാ ചിത്രങ്ങളിലേയും രംഗങ്ങൾ ഉൾപ്പെടുത്തിയാണ് വീഡിയോ തയ്യാറാക്കിയിരിക്കുന്നത്. ആർ സി എം പ്രൊമോ ആൻഡ് റിമിക്സ് എന്ന യൂട്യൂബ് ചാനലിലൂടെയാണ് ഈ വീഡിയോ പുറത്തുവിട്ടിട്ടുള്ളത്.