മലയാളത്തിന്റെ മഹാനടനായ നെടുമുടി വേണു അന്തരിച്ചത് കുറച്ചു നാൾ മുൻപാണ്. ഇപ്പോൾ തീയേറ്ററുകളിൽ നിറഞ്ഞോടുന്ന ആറാട്ട് അദ്ദേഹം ചെയ്ത അവസാന ചിത്രങ്ങളിൽ ഒന്നാണ് . മലയാളത്തിന്റെ താരരാജാവ് മോഹൻലാൽ നയാനായ ഈ ചിത്രത്തിൽ ഒരതിഥി വേഷത്തിലാണ് നടൻ നെടുമുടി വേണു എത്തിയിരിക്കുന്നത്. മോഹൻലാലും നെടുമുടിവേണുവും ചേർന്ന് അഭിനയിക്കുന്ന ഒരു മനോഹരമായ ഗാന രംഗവും ഈ ചിത്രത്തിൽ ഉണ്ട്. അദ്ദേഹവും മോഹൻലാലും ഒന്നിച്ച ഒട്ടേറെ ഗംഭീര മലയാള ഗാനങ്ങൾ ഉണ്ട് .

ഇരുവരു അവസാനമായി ഒന്നിച്ചു സ്‌ക്രീനിൽ വന്ന ഈ ഗാനം, ബി ഉണ്ണികൃഷ്ണൻ അതിമനോഹരമായി ആണ് ചിത്രീകരിച്ചിരിക്കുന്നത്. താരുഴിയും എന്ന വരികളോടെ തുടങ്ങുന്ന ഈ ഗാനരംഗത്തിൽ കഥകളിയും ക്ലാസിക്കൽ നൃത്തവും കളരി പയറ്റും തെയ്യവുമെല്ലാം ഉൾപ്പെടുത്തി ഒരു ദൃശ്യ വിരുന്ന് തന്നെയാണ് ഒരുക്കിയിട്ടുള്ളത്. ഈ ഗാനം, കണ്ണിനും കാതിനും ഒരുപോലെ കുളിർമയ്ക്കുന്നു.

മോഹൻലാൽ, നെടുമുടി വേണു എന്നിവരെ കൂടാതെ ഈ ഗാനത്തിൽ രചന നാരായണൻ കുട്ടി, സ്വാസിക, മാളവിക, ധ്രുവൻ, കലാമണ്ഡലം ഗോപി ആശാൻ എന്നിവരും അഭിനയിച്ചിട്ടുണ്ട്. രാഹുൽ രാജ് ഈണം പകർന്ന ഈ ഗാനം ആലപിച്ചിരിക്കുന്നത് ഹരിശങ്കർ കെ എസ്‌, പൂർണശ്രീ ഹരിദാസ് എന്നിവർ ചേർന്നാണ്. ഈ ഗാനത്തിന് വരികൾ രചിച്ചിരിക്കുന്നത് നികേഷ് കുമാർ ചെമ്പിലോട് ആണ്.

ഈ സിനിമയ്ക്കു വേണ്ടി മനോഹരമായ ദൃശ്യങ്ങൾ ഒരുക്കിയത് വിജയ് ഉലഗനാഥ് ആണ്. എഡിറ്റർ ഷമീർ മുഹമ്മദാണ് ‘ . ഈ ചിത്രത്തിലെ ഇതിനോടകം സൂപ്പർ ഹിറ്റായി മാറിയ ഗാനങ്ങളാണ് ഒന്നാം കണ്ടം എന്നതും അതുപോലെ തന്നെ തലയുടെ വിളയാട്ട് എന്ന തീം സോങ്ങും .

മലയാള ചിത്രത്തിലൂടെ അരങ്ങേറ്റം കുറിച്ച് ഇന്ന് തെന്നിന്ത്യയിലെ മുൻ നിര നായികമാരിൽ ഒരാളായി മാറിയ താര സുന്ദരിയാണ് നടി അനുപമ പരമേശ്വരൻ. താരത്തിന്റെ ഏറ്റവും പുതിയ തെലുങ്കു ചിത്രമാണ് റൗഡി ബോയ്സ് . ചിത്രത്തിലെ ഒരു റൊമാന്റിക് ഗാനം ഇപ്പോൾ റിലീസ് ചെയ്തിരിക്കുന്നത്. മലയാളത്തിൽ ഒന്ന് രണ്ട് ചിത്രങ്ങൾ ചെയ്തെങ്കിലും തമിഴിലും തെലുങ്കിലും ആണ് താരം ശോഭിച്ചിട്ടുള്ളത്. അന്യഭാഷ ചിത്രങ്ങളിൽ ഗ്ലാമറസ് ആയാണ് അനുപമ എത്താറുള്ളത്. ഇപ്പോൾ പുറത്തിറങ്ങിയ തെലുങ്ക് ഗാനത്തിലും ഗ്ലാമറസ് ലുക്കിൽ തന്നെയാണ് താരം പ്രത്യക്ഷപ്പെട്ടിരിക്കുന്നത്.

ഇഴുകി ചേർന്നുള്ള പ്രണയ രംഗങ്ങൾക്കൊപ്പം ലിപ് ലോക്ക് സീനും ഈ ഗാനരംഗത്തിൽ താരം അവതരിപ്പിച്ചിട്ടുണ്ട് . ശ്രീമണി രചിച്ച പ്രേമേ ആകാശമായതേ എന്ന വരികളോടെ ആരംഭിക്കുന്ന ഈ ഗാനം ആലപിച്ചിരിക്കുന്നത് ജസ്പ്രീത് ജാസ് ആണ്. സംഗീത സംവിധാനം നിർവഹിച്ചിരിക്കുന്നത് ദേവി ശ്രീ പ്രസാദ് ആണ്.

ക്യാമറമാൻ മധിയും എഡിറ്റർ മധുവും ആണ്. ഈ ചിത്രം സംവിധാനം ചെയ്തിരിക്കുന്നത് ഹർഷ കോനുഗണ്ടി ആണ് . ചിത്രത്തിലെ ഗാനരംഗത്തിലൊക്കെ തന്നെ വളരെ ഗ്ലാമറസ് ആയാണ് നടി അനുപമ പരമേശ്വരൻ അഭിനയിച്ചിട്ടുള്ളത്.

നവാഗതനായ ആശിഷ് റെഡ്‌ഡി ആണ് ചിത്രത്തിലെ നായക വേഷം ചെയ്യുന്നത്. ശ്രീ വെങ്കടേശ്വര ക്രിയേഷൻസ് ആണ് ഈ ചിത്രം നിർമ്മിക്കുന്നത്. ഒരു ക്യാമ്പസ് ഡ്രാമ ചിത്രമായ റൗഡി ബോയ്സ് ഒരുക്കിയിട്ടുള്ളത് ദിൽ രാജു, ശിരിഷ്, ഹര്ഷിത് റെഡ്‌ഡി എന്നിവർ ചേർന്നാണ്.ഇതിലെ നായകനായ ആശിഷ് റെഡ്‌ഡി പ്രശസ്ത തെലുങ്ക് നിർമ്മാതാവായ ദിൽ രാജുവിന്റെ അനന്തരവൻ കൂടിയാണ് . നിവിൻ പോളി- അൽഫോൻസ് പുത്രൻ കൂട്ടുകെട്ടിൽ പിറന്ന പ്രേമം എന്ന ചിത്രത്തിലൂടെയാണ് അനുപമ അഭിനയ രംഗത്തേക്ക് എത്തുന്നത് . പക്ഷേ താരം നായികവേഷങ്ങളിൽ ശ്രദ്ധിക്കപ്പെട്ടത് തമിഴ് തെലുങ്കു ചിത്രങ്ങളിലൂടെയാണ്.

മോഹന്‍ലാലിനെ നായകനാക്കി ബി. ഉണ്ണികൃഷ്ണന്‍ സംവിധാനം ചെയ്ത ആറാട്ട് എന്ന ചിത്രം നിയറ്ററുകളിൽ വമ്പൻ വിജയം നേടി പ്രദര്‍ശനം തുടരുകയാണ്. മോഹൻലാൽ ചിത്രത്തിൽ നെയ്യാറ്റിൻകര ഗോപൻ എന്ന കഥാപാത്രമായി നിറഞ്ഞാടിയിരിക്കുകയാണ്. അദ്ദേഹത്തിന്റെ കിടിലൻ പ്രകടനം തന്നെയാണ് ഈ ചിത്രത്തിന്റെ ഏറ്റവും വലിയ ഹൈലൈറ്റും . കോമഡി, സ്പൂഫ്, ആക്ഷൻ എന്നിവ നിറഞ്ഞ ഒരു കിടിലൻ എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രത്തിന്റെ രചന നിർവഹിച്ചിരിക്കുന്നത് ഉദയ കൃഷ്ണ ആണ്. ഇപ്പോഴിതാ അണിയറ പ്രവര്‍ത്തകര്‍ ഈ ചിത്രത്തിലെ ഒരു സ്‌നീക്ക് പീക്ക് വീഡിയോ പുറത്തുവിട്ടിരിക്കുകയാണ് .

ഈ വീഡിയോ റിലീസ് ചെയ്തിരിക്കുന്നത് സൈന മൂവീസിന്റെ യൂട്യൂബ് ചാനലിലൂടെയാണ് . മോഹൻലാലും ചിത്രത്തിലെ നായികാ ശ്രദ്ധ ശ്രീനാഥും ആണ് ഈ വീഡിയോയിൽ പ്രത്യക്ഷപ്പെട്ടിട്ടുള്ളത്. മോഹൻലാലിന്റെ രസകരമായ സംഭാഷണവും ഭാവ പ്രകടനങ്ങളുമാണ് ഈ വീഡിയോയുടെ ഹൈലൈറ്റ് ആയി മാറിയിട്ടുള്ളത്.

മോഹന്‍ലാലും, അതുപോലെ സംവിധായകൻ ബി ഉണ്ണികൃഷ്ണനും ആറാട്ടിന് ലഭിച്ച പ്രേക്ഷക പ്രതികരണത്തിന് നന്ദി അറിയിച്ച് കൊണ്ട് രംഗത്ത് വന്നിരുന്നു. സംവിധായകൻ കഴിഞ്ഞ ദിവസം ഈ ചിത്രത്തിനെതിരെ നടക്കുന്ന ആസൂത്രിതമായ ആക്രമണ കാര്യവും മാധ്യമങ്ങളോട് പറഞ്ഞിരുന്നു. ബി. ഉണ്ണികൃഷ്ണന്റെ ഈ ചിത്രം അവകാശവാദങ്ങളൊന്നുമില്ലാതെ എത്തുകയും ഇപ്പോൾ മോഹൻലാൽ എന്ന പ്രതിഭയുടെ പ്രകടന മികവിന്റെ ശക്തിയിൽ ഗംഭീര വിജയം നേടി മുന്നോട്ടു കുതിക്കുകയുമാണ് ചെയ്യുന്നത്.

ഈ ചിത്രത്തിൽ ഒരുപാട് ഹ്യൂമറും അതുപോലെ പഴയ സിനിമകളിലെ ഡയലോഗുകളുമായി പ്രേക്ഷകരെ നൊസ്റ്റാള്‍ജിയയിലേക്ക് കൊണ്ടുപോകുന്ന സീനുകളും ഒരുക്കിയിട്ടുണ്ട്. ആ രംഗങ്ങൾ എല്ലാം തന്നെ വളരെ മികച്ച രീതിയിൽ ഒരു സ്പൂഫ് പോലെയാണ് ചിത്രീകരിച്ചിരിക്കുന്നത്. ഈ ചിത്രം നിർമ്മിച്ചിരിക്കുന്നത് ആർ ഡി ഇല്ല്യൂമിനേഷൻ, എം പി എം ഗ്രൂപ്പ് എന്നിവയുടെ ബാനറിൽ സംവിധായകൻ ബി ഉണ്ണികൃഷ്ണൻ , ശക്തി എന്നിവർ ചേർന്നാണ് .

മോഹൻലാൽ പ്രധാന വേഷത്തിൽ എത്തി മിന്നുന്ന പ്രകടനം കാഴ്ചവച്ച ആറാട്ട് എന്ന ചിത്രം ഗംഭീര വിജയം നേടി ഇപ്പോൾ കേരളത്തിലെ തീയേറ്ററുകളിൽ പ്രദർശനം തുടർന്നു കൊണ്ടിരിക്കുകയാണ്. ബി ഉണ്ണികൃഷ്ണൻ സംവിധാനം ചെയ്ത ഈ മാസ്സ് മസാല കോമഡി ആക്ഷൻ എന്റെർറ്റൈനെർ ചിത്രത്തിന്റെ രചന നിർവഹിച്ചിരിക്കുന്നത് ഉദയ കൃഷ്ണ ആണ്. ഇപ്പോഴിതാ അണിയറ പ്രവർത്തകർ ഈ ചിത്രത്തിലെ ആദ്യ വീഡിയോ ഗാനം പുറത്തുവിട്ടിരിക്കുയാണ് .

ഒന്നാം കണ്ടം എന്ന് തുടങ്ങുന്ന ഈ ഗാനത്തിന്റെ ടീസർ കണ്ട് ആവേശത്തോടെ കാത്തിരുന്ന ആരാധകർക്ക് മുന്നിലേക്കാണ് അതിമനോഹരമായി ചിത്രീകരിച്ച ഈ ഗാനം പുറത്തുവിട്ടിട്ടുള്ളത്.

രാഹുൽ രാജ് ആണ് ഈ ഗാനത്തിന് സംഗീതം നൽകിയിരിക്കുന്നത്. ശ്വേതാ അശോക്, നാരായണി ഗോപൻ, യാസീൻ നിസാർ, മിഥുൻ ജയരാജ്, അശ്വിൻ വിജയൻ, രാജ്‌കുമാർ രാധാകൃഷ്ണൻ എന്നവർ ചേർന്നാണ് ഈ ഗാനം ആലപിച്ചിരിക്കുന്നത്. ഗാന രംഗത്തിലെ മോഹൻലാലിന്റെ കിടിലൻ ലുക്ക് എടുത്തു പറയേണ്ടതാണ് . ചില രംഗങ്ങളിൽ അദ്ദേഹത്തിന്റെ മനോഹരമായ ചുവടുവയ്പും ഈ ഗാനരംഗത്തിൽ ഉൾപ്പെടുത്തിയിട്ടുണ്ട്.

ഈ ഗാനം ഒരു ഗ്രാമത്തിൽ നടക്കുന്ന ആഘോഷ പാട്ട് പോലെയാണ് ഒരുക്കിയിരിക്കുന്നത്. ഈ ഗാനത്തിൽ മോഹൻലാലിന് ഒപ്പം ഒരു വലിയ താരനിര തന്നെ ആടിപാടാനായി എത്തുന്നുണ്ട്. രചന നാരായണൻകുട്ടി, സ്വാസിക, മാളവിക, നന്ദു, അശ്വിൻ കുമാർ, ലുഖ്മാൻ, ജോണി ആന്റണി, കൊച്ചുബു പ്രേമൻ തുടങ്ങി ഒട്ടേറെ താരങ്ങളെ ഈ ഗാനരംഗത്തിൽ കാണാൻ സാധിക്കും.

രാജീവ് ഗോവിന്ദൻ ആണ് ഈ ഗാനം രചിച്ചത്. എം പി എം ഗ്രൂപ്പിന്റെ ശക്തിയും സംവിധായകൻ ബി ഉണ്ണികൃഷ്ണനും ചേർന്നാണ് ഈ ചിത്രം നിർമ്മിച്ചിരിക്കുന്നത്. രാഹുൽ രാജ് തന്നെയാണ് ഈ ചിത്രത്തിന്റെ പശ്ചാത്തല സംഗീതമൊരുക്കിയിട്ടുള്ളത്. ആറാട്ട് കഴിഞ്ഞ ദിവസം പ്രദർശനം ആരംഭിച്ചത് മലയാള സിനിമയിൽ നിന്നുള്ള ഏറ്റവും വലിയ ആഗോള റിലീസ് ആയാണ് .

മമ്മൂട്ടി കേന്ദ്ര കഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രമാണ് ഭീഷ്മ പർവ്വം. ഈ ചിത്രത്തിലെ പറുദീസ എന്ന് ആരംഭിക്കുന്ന ഒരു ലിറിക് ഗാന വീഡിയോ നേരത്തെ തന്നെ റിലീസ് ചെയ്യുകയും ഈ വീഡിയോ മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. ഈ ഗാനം ആലപിച്ചത് നടൻ ശ്രീനാഥ് ഭാസി ആണ്. സുഷിൻ ശ്യാം ആണ് ഗാനത്തിന് ഈണം നൽകിയിരിക്കുന്നത്. ലെറിക്കൽ വീഡിയോയ്ക്ക് പിന്നാലെ ഈ ഗാനത്തിന്റെ ഒഫീഷ്യൽ വീഡിയോ കൂടി ഇപ്പോൾ റിലീസ് ചെയ്തിരിക്കുകയാണ്. ഈ ഗാനരംഗത്തിൽ പ്രധാനമായും നിറഞ്ഞു നിൽക്കുന്നത് ശ്രീനാഥ് ഭാസി, സൗബിൻ ഷാഹിർ എന്നിവരാണ് .

അമൽ നീരദ് ചിത്രീകരിച്ച ഈ ഗാനത്തിന് വരികൾ രചിച്ചിരിക്കുന്നത് വിനായക് ശശികുമാർ ആണ്. ഈ ഗാനം മൊത്തത്തിൽ വളരെയധികം ശ്രദ്ധ നേടിയിട്ടുണ്ട്.

കാരണം ഇതിന്റെ ദൃശ്യങ്ങളിൽ ഉപയോഗിച്ചിരിക്കുന്ന ലൈറ്റിങ്, ഒപ്പം കലാസംവിധാനം എന്നിവ ഏറെ പ്രേക്ഷക ശ്രദ്ധ നേടുന്നുണ്ട്. അതുപോലെ തന്നെ ശ്രദ്ധ നേടിയ മറ്റൊന്നാണ് ഈ ഗാനത്തിൽ പ്രത്യക്ഷപ്പെടുന്ന അഭിനേതാക്കളുടെ വസ്ത്രങ്ങളാണ്.

ഈ ഗംഭീര മാസ്സ് ചിത്രത്തിന്റെ നിർമ്മാണവും സംവിധാനവും നിർവഹിക്കുന്നത് അമൽ നീരദ് ആണ്. സംവിധായകനും നവാഗതനായ ദേവദത് ഷാജിയും ചേർന്നാണ് ഈ ചിത്രത്തിന്റെ രചന നിർവ്വഹിച്ചിരിക്കുന്നത്. ചിത്രത്തിൽ ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, ജിനു ജോസഫ്, നെടുമുടി വേണു, ദിലീഷ് പോത്തൻ, അനഘ,ഫർഹാൻ ഫാസിൽ, നിസ്താർ സേട്ട്, മാല പാർവതി, കോട്ടയം രമേശ്, പോളി വത്സൻ, ധന്യ അനന്യ, റംസാൻ, ഷെബിൻ ബെൻസൺ എന്നിവരും അഭിനയിക്കുന്നുണ്ട്. ആനന്ദ് സി ചന്ദ്രനാണ് ക്യാമറമാൻ . എഡിറ്റർ വിവേക് ഹർഷൻ. മാർച്ച് മൂന്നിന് ആണ് ഭീഷ്മ പർവ്വം പ്രദർശനത്തിന് എത്താൻ ഒരുങ്ങുന്നത്.

തമിഴകത്തിന്റെ നടിപ്പിൻ നായകൻ എന്ന് ആരാധകർ സ്നേഹത്തോടെ വിശേഷിപ്പിക്കുന്ന സൂപ്പർ താരമാണ് നടൻ സൂര്യ. രണ്ടു വർഷത്തെ ഇടവേളയ്ക്ക് ശേഷം തിയറ്റർ പ്രദർശനത്തിന് എത്തുന്ന അദ്ദേഹം നായകനായി എത്തുന്ന ചിത്രമാണ് എതർക്കും തുനിന്ദവൻ. ഇതിനു മുൻപ് താരം നായകനായ എത്തിയ കാപ്പാൻ എന്ന കെ വി ആനന്ദ് ചിത്രത്തിന് ശേഷം വന്ന ബിഗ് ബജറ്റ് ബയോപിക് ഡ്രാമയായ സൂരറൈ പൊട്ര്, അതു കഴിഞ്ഞ് പുറത്തിറങ്ങിയ സോഷ്യൽ കോർട്ട് റൂം ഡ്രാമ ചിത്രമായ ജയ് ഭീം എന്നിവ എല്ലാം തന്നെ ഒടിടി റിലീസ് ആയി ആമസോൺ പ്രൈമിലൂടെ ആണ് പ്രേക്ഷകർക്ക് മുന്നിലേക്ക് എത്തിയത്.

ഒറ്റിറ്റി റിലീസായി എത്തിയ ഈ രണ്ട് ചിത്രങ്ങളും മെഗാ വിജയങ്ങൾ ആയെങ്കിലും, തിയറ്റർ അനുഭവം ഇല്ലാത്ത സങ്കടത്തിലായിരുന്നു സൂര്യ ആരാധകർ. ഇവർക്ക് മുന്നിലേക്കാണ് എന്ന ചിത്രം തിയറ്ററുകളിൽ പ്രദർശനത്തിന് എത്തുന്നത്. മാർച്ച് പത്തിന് ആഗോള റിലീസായി എത്താൻ ഒരുങ്ങുന്ന ആയി എത്തുന്ന എതർക്കും തുനിന്ദവന്റെ ടീസർ പുറത്തു വിട്ടിരിക്കുകയാണ്. ഇന്ന് വന്ന മാസ്സ് ടീസറിൽ നിന്ന് ഒരു കിടിലൻ മാസ്സ് കഥാപാത്രമായാണ് സൂര്യ ഈ ചിത്രത്തിൽ എത്തുന്നതെന്ന് മനസിലാക്കാം.

ആക്ഷനും നൃത്തവും എല്ലാം ഒരുപോലെ കോർത്തിണക്കിയ ഒരു കംപ്ലീറ്റ് മാസ്സ് എന്റർടൈൻമെൻറ് ആണ് ഈ ചിത്രം സമ്മാനിക്കുന്നതെന്ന് ടീസറിൽ നിന്നും മനസിലാക്കാം. ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നത് പാണ്ഡിരാജ് ആണ്. സൺ പിക്ചേഴ്സ് ആണ് ഈ ചിത്രം നിർമ്മിച്ചിരിക്കുന്നത്.

നേരത്തെ തന്നെ പുറത്തിറങ്ങിയ ഈ ചിത്രത്തിലെ പോസ്റ്ററുകളും ഒരു ഗാനവും സോഷ്യൽ മീഡിയയിൽ സൂപ്പർ ഹിറ്റായി മാറുകയും ചെയ്തിരുന്നു. സൂര്യയെ കൂടാതെ പ്രിയങ്ക അരുൾ മോഹൻ, സത്യരാജ്, ജയപ്രകാശ്, വിനയ് റായ്, രാജകിരൺ, ശരണ്യ പൊൻവണ്ണൻ, സൂരി, സിബി ഭുവനേ ചന്ദ്രൻ, ദേവദർശിനി, എം എസ് ഭാസ്കർ, ഇലവരശ്, എന്നിവരും വേഷമിടുന്നു. ഡി ഇമ്മാൻ ആണ് ഈ ചിത്രത്തിന് വേണ്ടി സംഗീതം ഒരുക്കിയിട്ടുള്ളത്. എഡിറ്റർ റൂബൻ ആണ് . ആർ രത്‌നവേലു ആണ് ചിത്രത്തിന് വേണ്ടി ദൃശ്യങ്ങൾ ഒരുക്കിയത് .

മലയാള സിനിമയിൽ പഴയ കാല നായികമാരുടെ തിരിച്ചു വരവിന്റെ കാലമാണ് ഇപ്പോൾ എന്ന് പറയാം. വിവാഹത്തോടെ സിനിമ ജീവിതത്തോട് വിട പറഞ്ഞ പല നടിമാരും ഇപ്പോൾ ഗംഭീര തിരിച്ചു വരവ് നടത്തി കൊണ്ടിരിക്കുകയാണ്. അത്തരത്തിൽ പത്ത് വർഷത്തെ ഇടവേളയ്ക്ക് ശേഷം മലയാള സിനിയ രംഗത്തേക്ക് തിരിച്ചെത്തുകയാണ് നടി നവ്യാനായർ .

വി.കെ പ്രകാശ് സംവിധാനം ചെയ്യുന്ന ” ഒരുത്തീ ” എന്ന ചിത്രത്തിലൂടെയാണ് നവ്യ തന്റെ ഗംഭീര തിരിച്ചു വരവ് നടത്തുന്നത്. ഒരു ത്രില്ലർ ചിത്രമായ ഒരുത്തിയുടെ ഒഫീഷ്യൽ ട്രൈലർ ഇപ്പോൾ പുറഞ്ഞു വിട്ടിരിക്കുകയാണ് .

പ്രേക്ഷകരെ ആകാംഷയുടെ മുൾമുനയിൽ നിർത്തുന്ന രംഗങ്ങളുമായാണ് ട്രൈലർ പുറത്തു വന്നിട്ടുള്ളത് . ട്രൈലർ രംഗങ്ങളിൽ നവ്യയും നടൻ വിനായകനുമാണ് നിറഞ്ഞു നിൽക്കുന്നത്. പോലീസ് വേഷത്തിലാണ് വിനായകൻ ചിത്രത്തിൽ എത്തുന്നത്. ഇന്നലെ റിലീസ് ചെയ്ത ഈ ട്രൈലർ ലക്ഷക്കണക്കിന് കാഴ്ചക്കാരെയാണ് ഇതിനോടകം സ്വന്തമാക്കിയത്.

ത്രില്ലർ പറ്റേണിലുളള ഈ ചിത്രത്തിന്റെ തിരക്കഥ തയ്യാറാക്കിയിട്ടുള്ളത് എസ്. സുരേഷ് ബാബു ആണ്. ബെൻസി പ്രൊഡക്ഷൻസിന്റെ ബാനറിൽ കെ.വി അബ്ദുൾ നാസറാണ് ഈ ചിത്രം നിർമ്മിക്കുന്നത്. ചിത്രത്തിലെ ഗാനങ്ങൾ ഒരുക്കുന്നത് ഗോപി സുന്ദറാണ്. ഛായഗ്രഹണം നിർവഹിച്ചിരിക്കുന്നത് ജിംഷി ഖാലിദും എഡിറ്റിംഗ് കൈകാര്യം ചെയ്തിരിക്കുന്നത് ലിജോ പോളും ആണ്.

മലയാളത്തിന്റെ യൂത്ത് ഐക്കൺ ദുൽഖർ സൽമാൻ പ്രധാന വേഷത്തെ അവതരിപ്പിക്കുന്ന ഏറ്റവും പുതിയ തമിഴ് ചിത്രമാണ് ഹേ സിനാമിക. ഈ റൊമാന്റിക് കോമഡി ചിത്രത്തിന്റെ ട്രൈലെർ ഇപ്പോൾ പുറത്തിറങ്ങി . പ്രശസ്ത ഡാൻസ് കൊറിയോഗ്രഫർ ആയ ബ്രിന്ദ മാസ്റ്റർ ആണ് ഈ ചിത്രം സംവിധാനം ചെയ്യുന്നത്. ബ്രിന്ദ മാസ്റ്ററിന്റെ സംവിധാന മേഖലയിലെ ആദ്യ ചുവടുവയ്പ്പു കൂടിയാണ് ഹേസിനാമിക എന്ന ഈ ചിത്രം .

ഈ ചിത്രത്തിന്റെ രചയിതാവായ മദൻ കർക്കി രചിച്ച ഹേസിനായികയിലെ ഗാനങ്ങൾ റിലീസ് ചെയ്ത് നിമിഷങ്ങൾക്കകം തന്നെ സോഷ്യൽ മീഡിയയിൽ തരംഗം സൃഷ്ടിച്ചിരുന്നു. പ്രേക്ഷകർക്ക് മുന്നിലേക്ക് ഇപ്പോഴിതാ ഈ ചിത്രത്തിന്റെ ട്രൈലെർ കൂടി എത്തിയിരിക്കുകയാണ്. ദുൽഖർ സൽമാൻ ആരാധകർക്ക് ഒരു വിരുന്നൊരുക്കി മാർച്ച് മൂന്നിന് ആഗോള റിലീസ് ആയി ഈ ചിത്രം എത്തും. വളരെ സ്റ്റൈലിഷ് ആയും റൊമാന്റിക് ആയും എത്തുന്ന നായക കഥാപാത്രത്തിനൊപ്പം രണ്ടു നായികമാരാണ് വേഷമിടുന്നത്. ഇതിലെ നായികാ വേഷങ്ങൾ ചെയ്തിരിക്കുന്നത് കാജൽ അഗർവാളും അദിതി റാവുവുമാണ് .

ഈ ചിത്രത്തിലെ മദൻ കർക്കി രചന നിർവഹിച്ച ഗാനങ്ങൾക്ക് ഈണം നൽകിയിരിക്കുന്നത് ഗോവിന്ദ് വസന്ത ആണ്. നക്ഷത്ര നാഗേഷ്, മിർച്ചി വിജയ്, താപ്പ, കൗശിക്, അഭിഷേക് കുമാർ, പ്രദീപ് വിജയൻ കോതണ്ഡ രാമൻ, ഫ്രാങ്ക്, സൗന്ദര്യാ, ജെയിൻ തോംപ്സൺ, നഞ്ഞുണ്ടാൻ, രഘു, സംഗീത, ധനഞ്ജയൻ, യോഗി ബാബു എന്നിവരും ഈ ചിത്രത്തിൽ വേഷമിടുന്നുണ്ട്. പ്രീത ജയരാമനാണ് ക്യാമറ കൈകാര്യം ചെയ്തിരിക്കുന്നത്.

എഡിറ്റർ രാധ ശ്രീധറുമാണ്. ഗ്ലോബൽ വൺ സ്റ്റുഡിയോയും ജിയോ സ്റ്റുഡിയോയും വയാകോം മോഷൻ പിക്ചേഴ്സും ചേർന്നാണ് ഈ ചിത്രം നിർമ്മിച്ചിരിക്കുന്നത്. ദുൽഖറിന്റെ വേഫേറർ ഫിലിംസ് കേരളത്തിൽ മാർച്ച് മൂന്നിന് റിലീസ് ചെയ്യും.

തമിഴകത്തിന്റെ തല അജിത് നായകനായി എത്തുന്ന കിടിലൻ ആക്ഷൻ ത്രില്ലർ ചിത്രമാണ് വലിമൈ. ഈ വരുന്ന ഫെബ്രുവരി ഇരുപത്തിനാലിനാണ് വലിമൈ ആഗോള റിലീസ് ആയി എത്താൻ പോകുന്നത്. അതിന് മുന്നോടിയായി അണിയറ പ്രവർത്തകർ ഈ ചിത്രത്തിന്റെ ഒരു പ്രമോഷൻ വീഡിയോ ഇന്ന് പുറത്തു വിട്ടിരിക്കുകയാണ് . ഈ ചിത്രം പ്രേക്ഷകർക്ക് മുന്നിൽ എത്തുന്നത് ഇന്ത്യയിലെ ഏറ്റവും വലിയ ആക്ഷൻ ത്രില്ലർ എന്ന അവകാശവാദത്തോടെയാണ് .

ഇന്ന് പുറത്തു വിട്ട വീഡിയോയുടെ ഹൈലൈറ്റായി മാറിയിട്ടുള്ളത് നടൻ അജിത് കുമാറിന്റെ കിടിലൻ ആക്ഷൻ സീനുകൾ ആണ് . റിലീസായി നിമിഷങ്ങൾക്കകം തന്നെ ഈ വീഡിയോ സോഷ്യൽ മീഡിയയിൽ വൈറലായി മാറി. നായകന്റെ ആക്ഷൻ സീനുകൾക്ക് പുറമേ നായികാ ഹുമ ഖുറേഷിയുടെ സംഘട്ടന രംഗങ്ങളും ഈ വീഡിയോയിൽ നമ്മുക്ക് കാണാൻ സാധിക്കും. ട്രെയ്ലറിൽ പ്രേക്ഷകരെ ഞെട്ടിച്ച കിടിലൻ ബൈക്ക് സ്റ്റണ്ട് രംഗങ്ങളുടെ തുടർച്ചയും ഈ വീഡിയോയിൽ നമുക്ക് കാണാൻ സാധിക്കും. അജിത്തിന്റെ അഭിനയജീവിതത്തിലെ ഏറ്റവും വലിയ ചിത്രങ്ങളിൽ ഒന്നാണ് വാലിമൈ . ഈ ചിത്രം നിർമ്മിച്ചിരിക്കുന്നത് പ്രശസ്ത ബോളിവുഡ് നിർമ്മാതാവായ ബോണി കപൂർ ആണ്.

തീരൻ അധികാരം ഒൻഡ്രു, നേർക്കൊണ്ട പാർവൈ എന്നീ ഹിറ്റ് ചിത്രങ്ങൾ സമ്മാനിച്ച എച്ച് വിനോദ് തന്നെയാണ് വലിമൈ ഒരുക്കിയിട്ടുള്ളത്. ഈ ചിത്രത്തിന്റെ ടീസർ, ട്രൈലെർ, മേക്കിങ് വീഡിയോ എന്നിവ എല്ലാം തന്നെ സോഷ്യൽ മീഡിയയിൽ തരംഗം സൃഷ്ടിച്ചവ ആയിരുന്നു. അജിത്, ഹുമ ഖുറേഷി എന്നിവരെ കൂടാതെ യോഗി ബാബു, കാർത്തികേയ, സുമിത്ര, അച്ച്യുത്‌ കുമാർ, പേർളി മാണി, ധ്രുവൻ, പുകഴ്, പാവൽ നവഗീതൻ എന്നിവരും ചിത്രത്തിന്റെ ഭാഗമാകുന്നുണ്ട്. യുവാൻ ശങ്കർ രാജയാണ് ഈ ചിത്രത്തിന് സംഗീതം ഒരുക്കിയിട്ടുള്ളത്.

പുറത്തു വന്ന ഓരോ വീഡിയോയും റിപ്പോർട്ടുകളും അനുസരിച്ച് തല അജിത്തിന്റെ സാഹസികമായ സംഘട്ടന രംഗങ്ങൾ ആണ് ഈ ചിത്രത്തിന്റെ ഹൈലൈറ്റ് ആകുന്നത് എന്ന് തന്നെ പറയാം . നീരവ് ഷാ ആണ് ചിത്രത്തിന്റെ കാമറമാൻ . എഡിറ്റർ വിജയ് വേലുക്കുട്ടി ആണ്. തമിഴ്, തെലുങ്കു, ഹിന്ദി, കന്നഡ എന്നിങ്ങനെ നാല് ഭാഷകളിൽ ആണ് ഈ ചിത്രം പ്രദർശനത്തിന് എത്തുന്നത്.

മലയാളത്തിന്റെ താരരാജാവ് മോഹൻലാൽ പ്രധാന വേഷത്തിൽ എത്തുന്ന പുത്തൻ ചിത്രം ആറാട്ടിലെ ആദ്യത്തെ സോങ് ടീസർ പുറത്തിറങ്ങിയത് ഏതാനും ദിവസങ്ങൾക്കു മുൻപാണ് . ഇപ്പോഴിതാ ആരാധകരെ ഇളക്കിമറിക്കുന്ന ഈ ചിത്രത്തിലെ തീം സോങ്ങിന്റെ ലിറിക്കൽ വീഡിയോ ഇന്ന് റിലീസ് ചെയ്തിരിക്കുകയാണ്. പ്രേക്ഷകരെ ആവേശത്തിലാഴ്ത്തുന്ന ഒരു കിടിലൻ റാപ് സോങ് ആണ് ഇപ്പോൾ എത്തിയിരിക്കുന്നത്. എം ജി ശ്രീകുമാർ, ഫെജോ എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. തലയുടെ വിളയാട്ട്‌ എന്ന ഈ ഗാനത്തിന്റെ രചന നിർവഹിച്ചിരിക്കുന്നത് ബി കെ ഹരിനാരായണൻ, ഫെജോ എന്നിവർ ചേർന്നാണ് . രാഹുൽ രാജ് ആണ് ഈ ഗാനത്തിന് ഈണം പകർന്നിരിക്കുന്നത് .

സോഷ്യൽ മീഡിയയിൽ ഈ ഗാനമെത്തിയ നിമിഷം മുതൽ ട്രെൻഡിങ് ആയി മാറിയിരിക്കുകയാണ് ഈ തീം സോങ് എന്ന് പറയാം . ആഗോള റിലീസായി പ്രേക്ഷകരുടെ മുന്നിലേക്ക് ഈ ചിത്രം എത്തുവാൻ ഇനി രണ്ടു ദിവസം കൂടി മതി. ഉദയ കൃഷ്ണ ആണ് ഈ ചിത്രത്തിന്റെ രചന നിർവഹിച്ചിരിക്കുന്നത്. ബി ഉണ്ണികൃഷ്ണൻ ആണ് ഈ ചിത്രത്തിന്റെ സംവിധാനവും നിർമ്മാണവും നിർവഹിക്കുന്നത്. ഈ ചിത്രത്തിന്റെ സഹനിർമ്മാതാവായി കൂടെ ഉള്ളത് ശക്തിയാണ്.

ആറാട്ട് മലയാള സിനിമ കണ്ട ഏറ്റവും വലിയ റിലീസ് ആയാണ് എത്താൻ ഒരുങ്ങുന്നത്. സോഷ്യൽ മീഡിയയിൽ ഇതിന്റെ ടീസർ, ട്രൈലെർ, പ്രൊമോഷൻ വീഡിയോ, പോസ്റ്ററുകൾ എന്നിവയെല്ലാം ഹിറ്റായി മാറിയവയാണ്. ഈ ചിത്രത്തിൽ നായിക വേഷം അവതരിപ്പിക്കുന്നത് ശ്രദ്ധ ശ്രീനാഥ് ആണ്. കൂടാതെ ഈ ചിത്രത്തിൽ നെടുമുടി വേണു, സായ്കുമാര്‍, സിദ്ദിഖ്, വിജയരാഘവന്‍, ജോണി ആന്റണി, ഇന്ദ്രന്‍സ്, രാഘവന്‍, നന്ദു, ബിജു പപ്പന്‍, ഷീല, സ്വാസിക, മാളവിക, രചന നാരായണന്‍കുട്ടി തുടങ്ങിയ വൻ താരനിര അണിനിരക്കുന്നു.

ഈ ചിത്രത്തിൽ സംഗീത മാന്ത്രികൻ എ ആർ റഹ്മാൻ അതിഥി വേഷത്തിൽ എത്തുന്നുണ്ട് എന്നതും ഈ ചിത്രത്തിന്റെ പ്രത്യേകതയാണ്. ഷമീർ മുഹമ്മദാണ് ഈ ചിത്രത്തിന്റെ എഡിറ്റർ. ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് വിജയ് ഉലകനാഥ് ആണ്.