ഒടിടി പ്ലാറ്റ്ഫോമായ നെറ്റ്ഫ്ലിക്സിലൂടെ ഡിസംബർ 24ന് റിലീസ് ചെയ്ത ടോവിനോ ചിത്രം മിന്നൽ മുരളി സോഷ്യൽ മീഡിയയിൽ ഒരു ചർച്ച വിഷയമായി മാറിയിരിക്കുകയാണ് . ബേസിൽ ജോസഫ് സംവിധാന മികവിൽ പുറത്തിറങ്ങിയ ഈ സൂപ്പർ ഹീറോ ചിത്രത്തിന്റെ എല്ലാ തലവും ഇപ്പോൾ ചർച്ച ചെയ്യപ്പെട്ടു കൊണ്ടിരിക്കുകയാണ്. മലയാളി പ്രേക്ഷകർ ഇരുകൈയ്യും നീട്ടി സ്വീകരിച്ച ഈ ചിത്രം രാജ്യാതിർത്തികൾ കടന്നും മികച്ച പ്രതികരണങ്ങൾ കരസ്ഥമാക്കുന്നു.

നെറ്റ്ഫ്ലിക്സിന്റെ ടോപ് 10ൽ ഒന്നാമനായി എത്തിനിൽക്കുകയാണ് സൂപ്പർ ഹീറോ മിന്നൽ മുരളി. ഇപ്പോൾ പ്രേക്ഷകരിൽ ചിലർ മിന്നൽ മുരളി എന്ന ചിത്രത്തിലെ സംവിധായകന്റെ ബ്രില്യൻസ് ഒന്നൊന്നായി കാഴ്ചക്കാരുടെ മുന്നിലേക്ക് നിരത്തുകയാണ് . സിനിമ കാണുന്ന പ്രേക്ഷകരിൽ ചിലർ ശ്രദ്ധിക്കാതെ പോകുന്ന എന്നാൽ, വളരെ ഡിറ്റയിലിങ് ആയി സിനിമയിൽ കൊടുത്തിരിക്കുന്ന രംഗങ്ങൾ കണ്ടുപിടിച്ച് വിശദീകരിക്കുകയാണ് ചിലർ . കുറുക്കൻമൂല എന്ന സാങ്കൽപിക ഗ്രാമത്തിൽ മാത്രം കണ്ടുവരുന്ന ചില ബ്രാൻഡുകളും വാഹനങ്ങളുടെ കെ എം എന്ന രജിസ്ട്രേഷനും തുടങ്ങി ഒട്ടേറെ കാര്യങ്ങളാണ് പ്രേക്ഷകർ കണ്ടുപിടിച്ചിരിക്കുന്നത്.

ഈ നിരൂപകർ ചിത്രത്തിൽ സാധാരണ പ്രേക്ഷകർ ഒരു മിന്നായം പോലെ ശ്രദ്ധിക്കാതെ പോയ ചിത്രത്തിലെ ബ്രില്യൻസായ കാര്യങ്ങളാണ് വീഡിയോയിലൂടെ വ്യക്തമാക്കുന്നത്. കുഞ്ഞിരാമായണം എന്ന ചിത്രത്തിൽ കണ്ട സൽസ മദ്യം, മിഥുനത്തിലെ സേതുമാധവന്റെ സ്വപ്നമായ ദാക്ഷായണി ബിസ്കറ്റ് എന്നിവയാണ് അതിൽ ചിലത്.

കുറുക്കൻ മൂല എന്ന ഗ്രാമത്തിൽ എത്തുമ്പോൾ പെപ്സി പെസ്പി ആകുന്നതും പ്യുമ പോമയും അഡിഡാസ് അബിബാസും ഒക്കെ ആയി മാറുന്നതാണ് ഇവിടെ ഇവർ പറയുന്നത്. ഒരു മിന്നായം പോലെ കടന്നു പോകുന്ന ഇത്തരം കാര്യങ്ങൾക്ക് വിശദീകരണം നൽകുന്നവരുടെ ബ്രില്യൻസും ഒട്ടും മോശമല്ല.

ബാഹുബലിയിലെ വില്ലൻ കഥാപാത്രത്തെ അവതരിപ്പിച്ച് ശ്രദ്ധേയനായ നടൻ റാണ ദഗുബതിയും നടി സായ് പല്ലവിയും ഒന്നിക്കുന്ന പുത്തൻ തെലുങ്ക് ചിത്രമാണ് ” വിരാടപർവ്വം ” . വേണു ഉഡുഗുല രചനയും സംവിധാനവും നിർവഹിച്ചിരിക്കുന്ന ഈ ചിത്രം തെലുങ്കാന പ്രദേശത്തെ 1990 കളിലെ നക്സലൈറ്റ് മൂവ്മെന്റിനെ പശ്ചാത്തലമാക്കിയാണ് ഒരുക്കിയിട്ടുള്ളത്. സഖാവ് രാവണ്ണ എന്ന കഥാപാത്രത്തെയാണ് റാണ ദഗുബതി ചിത്രത്തിൽ അവതരിപ്പിക്കുന്നത്. നേരത്തെ തന്നെ റിലീസ് ചെയ്ത ചിത്രത്തിന്റെ ഫസ്റ്റ് ലുക്ക് പോസ്റ്ററുകൾ എല്ലാം വളരെയധികം പ്രേക്ഷക പ്രശംസ പിടിച്ച് പറ്റിയിരുന്നു.

ഇപ്പോൾ ചിത്രത്തിന്റെ ഒഫീഷ്യൽ ടീസറാണ് പ്രേക്ഷകർക്കിടയിൽ ശ്രദ്ധേയമാകുന്നത് . ടീസറിൽ ശ്രദ്ധേയമാകുന്നത് സായ് പല്ലവിയുടെ മികച്ച അഭിനയ രംഗങ്ങളാന്ന് . കേന്ദ്ര കഥാപാത്രങ്ങളായ സായ് പല്ലവി, റാണ ദഗ്ഗുബതി എന്നിവരെ കൂടാതെ പ്രിയാമണി, നന്ദിതാദാസ് , നിവേദ പെതുരാജ്, നവീൻ ചന്ദ്ര എന്നിവരും പ്രധാന വേഷങ്ങളിൽ എത്തുന്നു.

സുധാകർ ചെറുകുറി നിർമ്മിക്കുന്ന ഈ ചിത്രം സുരേഷ് പ്രൊഡക്ഷൻസ് , എസ് എൽ വി സിനിമാസ് എന്നിവയുടെ ബാനറിൽ പറത്തിറങ്ങും. ചിത്രത്തിന്റെ ഛായഗ്രഹണം നിർവഹിച്ചിരിക്കുന്നത് ഡാനിസാലൊ , ദിവാകർമണി എന്നിവരാണ്. ശ്രീകർ പ്രസാദാണ് ചിത്രം എഡിറ്റ് ചെയ്തിരിക്കുന്നത് .

ചിത്രത്തിലെ സംഘടന രംഘങ്ങൾ ചിത്രീകരിച്ചിരിക്കുന്നത് പീറ്റർ ഹെയ്ൻ, സ്റ്റെഫാൻ റിഷ്റ്റർ എന്നിവർ ചേർന്നാണ്. സുരേഷ് ബൊബിളി ആണ് സംഗീതം ഒരുക്കിയിട്ടുള്ളത്’ .

അല്ലു അർജുൻ പ്രധാന വേഷത്തെ അവതരിപ്പിച്ച് സുകുമാർ സംവിധാനം ചെയ്ത് പുറത്തിറങ്ങിയ പുതിയ ചിത്രമാണ് പുഷ്പ. ആണ് കോവിഡ് പ്രതിസന്ധിയിലും വൻവിജയം കൈവരിക്കാൻ ഈ ചിത്രത്തിന് സാധിച്ചു. 200 കോടിയോളം രൂപയാണ് ഇന്ത്യയിൽ നിന്ന് മാത്രം ഈ ചിത്രം കരസ്ഥമാക്കിയത്. തമിൾ, മലയാളം തെലുഗു, കന്നഡ, ഹിന്ദി എന്നീ അഞ്ച് ഭാഷയിലാണ് പുഷ്പ പുറത്തിറങ്ങിയത്.

ചിത്രം റിലീസ് ചെയ്തത് പാൻ ഇന്ത്യൻ മൂവി ആയിരുന്നു . വമ്പൻ ഹിറ്റായി മാറിയ ഈ ചിത്രത്തിലെ ഗാനങ്ങൾ ഒരുക്കിയത് ദേവി ശ്രീ പ്രസാദ് ആണ് . ചിത്രത്തിലെ ഓരോ ഗാനവും സോഷ്യൽ മീഡിയയിൽ വമ്പർ ഹിറ്റായിരുന്നു.

ഈ ചിത്രത്തിലെ ഓട് ഓട് ആടെ എന്ന ഗാനതിൻ്റെ ഫുൾ വീഡിയോ ഇപ്പൊൾ യുട്യൂബിൽ റിലീസ് ചെയ്തിരിക്കുകയാണ്. ഈ ഗാനരംഗത്തിൽ വ്യത്യസ്തവും മനോഹരവുമായ ഡാൻസ് കൊറിയോഗ്രഫി ആണ് അല്ലു അർജ്ജുൻ നൽകിയിരിക്കുന്നത് .

ചിത്രത്തിലെ ചന്ദന കടത്തിന്റെ ചില ഭാഗങ്ങളും ഈ വീഡിയോ ഗാനത്തിൽ കാണിക്കുന്നുണ്ട്. ചന്ദന കടത്ത് നടത്തുന്ന പുഷ്പരാജ് എന്ന യുവാവിൻ്റെ കഥയാണ് ചിത്രം പറയുന്നത്. അല്ലു അർജ്ജുൻ നായകനായ ചിത്രത്തിൽ വില്ലൻ വേഷം അവതരിപ്പിക്കുന്നത് മലയാളത്തിലെ യുവ താരം ഫഹദ് ഫാസിൽ ആണ്.

സൗത്ത് ഇന്ത്യ ഒട്ടാകെ ഒരുപാട് ആരാധകരുള്ള താരസുന്ദരിയാണ് ഷംന കാസിം. കഴിഞ്ഞ 17 വർഷങ്ങളായി അഭിനയരംഗത്ത് സജീവമാണ് താരം . അഭിനയ ജീവിതത്തിന്റെ ആദ്യ കാലങ്ങളിൽ ചെറിയ ചെറിയ റോളുകൾ മാത്രമാണ് താരത്തിന് ലഭിച്ചിരുന്നത് . ദിലീപ് നായകനായി എത്തിയ പച്ചക്കുതിര എന്ന സിനിമയിലെ നായിക ഗോപികയുടെ അനിയത്തി വേഷത്തിൽ അഭിനയിച്ചതിന് ശേഷമാണ് ഷംന കാസിം എന്ന താരത്തെ പ്രേക്ഷകർ തിരിച്ചറിഞ്ഞ് തുടങ്ങിയത്.

തമിഴ്, കന്നഡ, തെലുങ്ക് ഭാഷകളിൽ തിരക്കുള്ള നായികയായി ഓടി നടക്കുകയാണ് താരമിപ്പോൾ. ഷംനയുടെ ഏറ്റവും പുതിയ തെലുങ്ക് ചിത്രമായ സുന്ദരിയുടെ ട്രൈലർ ഈ അടുത്താണ് പുറത്തിറങ്ങിയത്. ഇതിനോടകം 15 ലക്ഷത്തിൽ അധികം കാഴചക്കാരെയാണ് ചിത്രത്തിന്റെ ട്രൈലെർ വീഡിയോ സ്വന്തമാക്കിയത്. സസ്‌പെൻസ് കൊണ്ട് നിറഞ്ഞ ഈ ചിത്രത്തിൽ താരത്തിന്റെ മികച്ച അഭിനയ പ്രകടനവും ഉണ്ടെന്ന് ട്രെയ്ലറിൽ നിന്ന് മനസിലാക്കാം.

ഷംനയാണ് ചിത്രത്തിലെ മുഖ്യ കഥാപാത്രമായ സുന്ദരിയെ അവതരിപ്പിക്കുന്നത് . അന്യഭാഷാ ചിത്രങ്ങളിൽ പൂർണ എന്ന പേരിലാണ് ഷംന അറിയപ്പെടുന്നത്. ഈ ചിത്രത്തിൽ സുന്ദരി എന്ന പെൺകുട്ടിയുടെ വിവാഹശേഷം അവൾ ജീവിതത്തിൽ അനുഭവിക്കുന്ന ദുരന്തങ്ങളും ദുരിതങ്ങളും അതിന്റെ പ്രതികാരങ്ങളുമാണ് ഉള്ളതെന്ന് ട്രെയ്ലറിൽ നിന്ന് നമുക്ക് വ്യക്തമാണ്. തെലുങ്ക് നടൻ അർജുൻ അമ്പാട്ടിയാണ് ഷംനയെ കൂടാതെ ചിത്രത്തിലെ മറ്റൊരു പ്രധാന വേഷം കൈകാര്യം ചെയുന്നത് .കല്യാൺ ഗോഗാനയാണ് ചിത്രത്തിന്റെ സംവിധാനം നിർവഹിച്ചിരിക്കുന്നത്. റിസ്‌വാൻ എന്റർടൈൻമെന്റെ ബാനറിൽ റിസ്‌വാനാണ് ചിത്രത്തിന്റെ നിർമാണം നിർവഹിക്കുന്നത് .

ടിനു പാപ്പച്ചന്റെ സംവിധാന മികവിൽ ഒരുക്കിയ സ്വാതന്ത്ര്യം അർദ്ധരാത്രിയിൽ എന്ന ചിത്രത്തിന് ശേഷം തീയേറ്ററുകളിൽ വിജയ കൊടി പാറിച്ച് മുന്നേറുന്ന പുത്തൻ ചിത്രമാണ് അജഗജാന്തരം . ക്രിസ്മസ് റിലീസുകളിൽ വൻ വിജയം കരസ്ഥമാക്കിയ ചിത്രമാണ് ആന്റണി വർഗ്ഗീസിന്റെ അജഗജാന്തരം . യുവ പ്രേക്ഷക ഹൃഥയങ്ങളിൽ വൻ കോളിളക്കം സൃഷ്ടിച്ച ഈ ചിത്രം ആദ്യ ഷോ മുതൽ ഗംഭീര പ്രേക്ഷക പ്രതികരണം നേടി മുന്നേറുകയാണ്. ഒരു കംപ്ലീറ്റ് ആക്ഷൻ ചിത്രമായ അജഗജാന്തരം കയ്യടി നേടിയതും യുവ ഹൃദയങ്ങളെ കീഴടക്കിയതും ഇതിലെ സംഘട്ടന രംഗങ്ങളിലെ മികവ് കൊണ്ടാണ്.

ടിനു പാപ്പച്ചന്റെ മേക്കിങ്ങ് നടത്തുകയും ആന്റണി വർഗീസ്, അർജുൻ അശോകൻ, എന്നിവർ തകർത്തഭിനയിക്കുകയും ചെയ്ത ഈ ചിത്രത്തിന്റെ സംഘട്ടന രംഗം ഒരുക്കിയത് കിച്ചു ടെല്ലസ് ആണ് .

ഇപ്പോഴിതാ ഈ ചിത്രത്തിന്റെ മേക്കിങ് വീഡിയോ പുറത്തു വിട്ടിരിക്കുകയാണ്. ഈ ചിത്രത്തിലെ പ്രേക്ഷകരെ ത്രസിപ്പിച്ച കിടിലൻ ആക്ഷൻ സീനുകൾ എങ്ങനെയാണു ഒരുക്കിയത് എന്നാണ് ഈ മേക്കിങ് വീഡിയോയിൽ കൂടി പുറത്തുവിട്ടിരിക്കുന്നത്.

ചിത്രത്തിൽ ലുക്മാൻ, സുധി കോപ്പ, വിനീത് വിശ്വം, സാബു മോൻ, ജാഫർ ഇടുക്കി, രാജേഷ് ശർമ, ടിറ്റോ വിൽസൺ, ബിട്ടോ ഡേവിസ് സിനോജ് വർഗീസ് എന്നിവരും പ്രധാനവേഷങ്ങളിൽ എത്തുന്നു. എമ്മാനുവൽ ജോസഫും അജിത് തലാപ്പിള്ളിയും ചേർന്ന് നിർമ്മിച്ചിരിക്കുന്ന ഈ ചിത്രം സിൽവർ ബേ പ്രൊഡക്ഷൻസിന്റെ ബാനറിൽ ആണ് ഒരുക്കിയിട്ടുള്ളത്. ആദ്യാവസാനം വരെ ഒരു ഉത്സവത്തിന്റെ പശ്ചാത്തലത്തിൽ മാത്രം ഒരുക്കിയിട്ടുള്ള ആദ്യ മലയാള ചിത്രമാണ് അജഗജാന്തരം . ഈ ചിത്രത്തിന്റെ രചന നിരവഹിച്ചിരിക്കുന്നത് കിച്ചു ടെല്ലസ്, വിനീത് വിശ്വം എന്നിവരാണ്. ജിന്റോ ജോർജ് ആണ് ചിത്രത്തിന്റെ ക്യാമറാമാൻ, ചിത്രത്തിന് സംഗീതമൊരുക്കിയത് ജസ്റ്റിൻ വർഗീസ് ആണ് . എഡിറ്റിംഗ് നിർവഹിച്ചിരിക്കുന്നത് ഷമീർ മുഹമ്മദ് ആണ്.

മലയാളത്തിലെ യുവ താരനിരയിലെ ശ്രദ്ധേയനായ നടൻ ടോവിനോ തോമസ് കേന്ദ്ര കഥാപാത്രത്തെ അവതരിപ്പിച്ച മിന്നൽ മുരളി എന്ന ചിത്രം ഈ അടുത്താണ് ഒടിടി പ്ലാറ്റ്‌ഫോമായ നെറ്റ്ഫ്ലിക്സിലൂടെ റിലീസ് ചെയ്തത് . മികച്ച പ്രേക്ഷക പ്രതികരണo നേടി മുന്നേറുകയാണ് ബേസിൽ ജോസെഫ് ഒരുക്കിയ ഈ സൂപ്പർ ഹീറോ ചിത്രം . പാൻ ഇന്ത്യൻ ലെവലിൽ വരെ മികച്ച പ്രേക്ഷക പ്രതികരണം നേടിയ ഈ ചിത്രം മലയാള സിനിമാ ചരിത്രത്തിലെ ആദ്യത്തെ സൂപ്പർ ഹീറോ ചിത്രമാണ്.

ഈ ചിത്രത്തിന്റെ നിർമ്മാതാവായ സോഫിയ പോൾ ഈ ചിത്രത്തിന് ഒരു രണ്ടാം ഭാഗം വരുമെന്നുള്ള കാര്യം കഴിഞ്ഞ ദിവസം സ്ഥിരീകരിച്ചിരുന്നു. ഇപ്പോഴിതാ അതേ സൂചന നൽകുകയാണ് ചിത്രത്തിലെ നായകൻ ടോവിനോ തോമസും. ടോവിനോ , അദ്ദേഹത്തിന്റെ ഇൻസ്റ്റഗ്രാം അക്കൗണ്ടിൽപോസ്റ്റ് ചെയ്ത ഒരു വീഡിയോ ആണ് ഇപ്പോൾ പ്രേക്ഷകർക്കിടയിൽ ശ്രദ്ധേയമാകുന്നത്. പോസ്റ്റ് ചെയ്ത വീഡിയോയ്ക്ക് ഒപ്പം മിന്നൽ മുരളി തന്റെ അടുത്ത മിഷന് വേണ്ടി പുതിയ അടവുകൾ അഭ്യസിക്കുന്നു എന്ന ക്യാപ്ഷനും താരം നൽകിയിരുന്നു.

വീഡിയോയിൽ പുഷ് അപ് പൊസിഷനിൽ നിന്ന് പറന്നുയർന്നു ചാടുന്ന ടോവിനോയെ ആണ് ആ നമ്മുക്ക് കാണാൻ സാധിക്കുന്നത്. അരുൺ അനിരുദ്ധൻ, ജസ്റ്റിൻ മാത്യു എന്നിവർ ചേർന്നാണ് മിന്നൽ മുരളി രചിച്ചത്. ടോവിനോ തോമസിന്റെ നായകവേഷത്തോടൊപ്പം മിച്ച പ്രകടനം കാഴ്ചവച്ച് വില്ലൻ വേഷത്തെ അവതരിപ്പിച്ച ഗുരു സോമസുന്ദരവും പ്രേക്ഷക ശ്രദ്ധ നേടി.

ഇവരെ കൂടാതെ ഫെമിന ജോർജ്, ബാലതാരം വശിഷ്ട് ഉമേഷ്, ബൈജു, പി ബാലചന്ദ്രൻ, ഹരിശ്രീ അശോകൻ, അജു വർഗീസ്, ബിജു കുട്ടൻ, ജൂഡ് ആന്റണി ജോസെഫ് തുടങ്ങിയവരും മികച്ച പ്രകടനം കാഴ്ച വെച്ചിട്ടുണ്ട്. സമീർ താഹിർ ആണ് ഈ ചിത്രത്തിലെ ദൃശ്യങ്ങൾ ഒരുക്കിയത്. ഷാൻ റഹ്മാൻ ഗാനങ്ങൾ തയ്യാറാക്കിയ ഈ ചിത്രത്തിന്റെ പശ്ചാത്തല സംഗീതം ഒരുക്കിയത് സുഷിൻ ശ്യാം ആണ്.

ബേസിൽ ജോസെഫ് എന്ന സൂപ്പർ ഹിറ്റ് സംവിധായകൻ ഒരുക്കിയ സൂപ്പർ ഹീറോ ചിത്രമാണ് മിന്നൽ മുരളി . ഇപ്പോൾ ഇന്ത്യ മുഴുവൻ ട്രെൻഡിങ് മുന്നേറുകയാണ് മിന്നൽ മുരളി . ഒടിടി പ്ലാറ്റ്‌ഫോമായ നെറ്റ് ഫ്ലിക്സിലൂടെ റിലീസ് ചെയ്ത ഈ ചിത്രത്തിൽ ടോവിനോ തോമസ്, ഗുരു സോമസുന്ദരം എന്നിവരാണ് പ്രധാന വേഷത്തിൽ എത്തിയിരിക്കുന്നത് . തൊണ്ണൂറുകളുടെ പശ്ചാത്തലത്തിൽ ഒരുക്കിയിട്ടുള്ള ഈ ചിത്രം കുറുക്കൻമൂല എന്ന ഒരു ഗ്രാമത്തിൽ നടക്കുന്ന സാങ്കൽപ്പിക കഥയാണ് ഈ ചിത്രം നമ്മളോട് പറയുന്നത്. മലയാളത്തിലെ ആദ്യത്തെ സൂപ്പർ ഹീറോ ചിത്രമായ മിന്നൽ മുരളിയെ ഇരു കൈയ്യും നീട്ടിയാണ് പ്രേക്ഷകർ സ്വീകരിച്ചത് .

മികച്ച പ്രതികരണങ്ങൾ നേടി ചിത്രം മുന്നേറുകയാണ്. ഈ ചിത്രത്തിന്റെ രണ്ടാം ഭാഗം വരുo എന്നും, അത് ത്രീഡിയിൽ ആയിരിക്കുമെന്നും ഉള്ള പല വാർത്തകളും പുറത്തുവരുന്നുണ്ട്. ആക്ഷനും കോമഡിയും വൈകാരിക രംഗങ്ങളുമെല്ലാം കോർത്തിണക്കിയത് കൊണ്ടാകാം ഈ ചിത്രം വളരെയധികം പ്രേക്ഷക ശ്രദ്ധ നേടുന്നത്. പ്രേക്ഷകരിൽ നിന്നും നായകനേക്കാൾ കൂടുതൽ അഭിന്ദനം നേടിയെടുക്കുന്നത് ഇതിലെ വില്ലൻ വേഷം അവതരിപ്പിച്ച ഗുരു സോമസുന്ദരം ആണ് . വളരെ മികച്ച അഭിനയം തന്നെയാണ് താരം കാഴ്ച്ചവച്ചത്.

മിന്നൽ മുരളിധേക്ഷകർക്കിടയിൽ തരംഗമായി മാറി കൊണ്ടിരിക്കുമ്പോഴാണ് ഈ ചിത്രത്തിലെ ഒരു മേക്കിംഗ് വീഡിയോ പുറത്തുവിട്ടിരിക്കുന്നത് . തുടക്കത്തിലേ ഒരു രംഗം ഷൂട്ട് ചെയ്തതിന്റെ മേക്കിങ് വീഡിയോ ആണ് ഇപ്പോൾ പ്രേക്ഷക ശ്രദ്ധ നേടുന്നത്. ഈ ചിത്രത്തിന് വേണ്ടി ആക്ഷൻ രംഗങ്ങൾ ഒരുക്കിയത് ഹോളിവുഡ് ആക്ഷൻ ഡയറക്ടർ ആയ വ്ലാഡ് ആണ്. വളരെ ശ്രമകരമായാണ് ഇതിലെ ആക്ഷൻ രംഗങ്ങൾ അരങ്ങേറിയത്. ഈ ചിത്രത്തിന്റെ രചന നിർവഹിച്ചിട്ടുള്ളത് അരുൺ അനിരുദ്ധൻ, ജസ്റ്റിൻ മാത്യു എന്നിവർ ചേർന്നാണ് .

സോഫിയ പോൾ നിർമ്മിച്ചിരിക്കുന്ന ഈ ചിത്രം വീക്കെൻഡ് ബ്ലോക്ക്ബസ്റ്റേഴ്സിന്റെ ബാനറിൽ ആണ് പുറത്തിറങ്ങിയത് . ഫെമിന ജോർജ്, ബാലതാരം വശിഷ്ട് ഉമേഷ്, ബൈജു, പി ബാലചന്ദ്രൻ, ഹരിശ്രീ അശോകൻ, അജു വർഗീസ്, മാമുക്കോയ, ബിജു കുട്ടൻ, ജൂഡ് ആന്റണി ജോസെഫ് തുടങ്ങിയവരും ചിത്രത്തിൽ പ്രധാന വേഷങ്ങൾ അവതരിപ്പിച്ചിട്ടുണ്ട് . സമീർ താഹിറാണ് ഈ ചിത്രത്തിന് ക്യാമറ ചലിപ്പിച്ചത് . ഷാൻ റഹ്മാനും സുഷിൻ ശ്യാമും ചേർന്നാണ് ചിത്രത്തിലെ സംഗീതം ഒരുക്കിയിട്ടുള്ളത് .

ഗിരീഷ് എ.ഡി സംവിധാനത്തിൽ ഒരുങ്ങുന്ന പുത്തൻ ചിത്രമാണ് ‘സൂപ്പർ ശരണ്യ’ . എന്ന സിനിമയുടെ ട്രെയിലർ പുറത്തിറങ്ങി. തണ്ണീർമത്തൻ ദിനങ്ങൾ എന്ന ഹിറ്റ് ചിത്രത്തിന് ശേഷം ഗിരീഷ് ഒരുക്കുന്ന സൂപ്പർ ശരണ്യയുടെ ട്രെയിലർ പുറത്തിറങ്ങി. തണ്ണീർ മത്തൻ ദിനങ്ങളിൽ കേന്ദ്രകഥാപാത്രമായ കീർത്തി എന്ന കഥാപാത്രത്തെ അവതരിപ്പിച്ച അനശ്വര രാജനാണ് സൂപ്പർ ശരണ്യയിലും പ്രധാന വേഷത്തിൽ എത്തുന്നത്. ശരണ്യയായി എത്തുന്ന അനശ്വരയുടെ ഒരു കിടിലം പ്രകടനം തന്നെയാണ് ഈ ചിത്രത്തിന്റെ ട്രെയിലറിൽ കാണുന്നത്.

കോളേജ് പശ്ചാത്തലത്തിൽ ഒരുങ്ങിയിരിക്കുന്ന ഈ ചിത്രത്തിന്റെ രസകരമായ ഭാഗങ്ങൾ കോർത്തിണക്കിയാണ് ട്രെയിലർ പുറത്തുവിട്ടിട്ടുള്ളത് . ഒരു ആർട്സ് കോളേജ് ലൈഫും പെൺകുട്ടികളുടെ ഹോസ്റ്റൽ ലൈഫുമെല്ലാം കൂട്ടി ചേർത്ത് മനോഹരമായ ഒരു ഫീൽ സിനിമയിലുണ്ടാകുമെന്നാണ് ട്രെയിലറിൽ നിന്നും ലഭിക്കുന്ന സൂചന . അർജുൻ അശോകനാണ് സിനിമയിൽ മറ്റൊരു കേന്ദ്ര കഥാപാത്രത്തെ അവതരിപ്പിക്കുന്നത്. ഖോ ഖോ എന്ന സിനിമയിലൂടെ പ്രേക്ഷകശ്രദ്ധ നേടിയ മമിതാ ബൈജു ഈ ചിത്രത്തിൽ പ്രധാന കഥാപാത്രമായി തന്നെ എത്തുന്നുണ്ട് .

ശരണ്യയുടെ കൂട്ടുകാരികളിൽ ഒരാളായി അഭിനയിക്കുന്നത് മമിതയാണ്.
അനശ്വരയും മമിതയും ഒപ്പം മറ്റ് രണ്ട് സുഹൃത്തുക്കളുമുള്ള ഈ ചിത്രത്തിലെ ഒരു പാട്ട് നേരത്തെ തന്നെ റിലീസ് ചെയ്യുകയും അത് സോഷ്യൽ മീഡിയയിൽ വമ്പൻ ഹിറ്റായി മാറുകയും ചെയ്തിരുന്നു . തണ്ണീർ മത്തൻ ദിനങ്ങളിൽ നർമ്മ രംഗങ്ങൾ സൃഷ്ടിച്ച് പ്രേക്ഷക ശ്രദ്ധ നേടിയ നസീലനും ഈ ചിത്രത്തിൽ അഭിനയിക്കുന്നുണ്ട്. തണ്ണീർമത്തൻ ദിനങ്ങളിലെ മറ്റു ചില താരങ്ങളും സൂപ്പർ ശരണ്യയിലും അഭിനയിക്കുന്നുണ്ട് .

ഈ താരങ്ങളയെല്ലാം ഇപ്പോൾ പുറത്തിറങ്ങിയ ട്രൈലറിൽ കാണാനാകും. ട്രെയിലർ കണ്ട് വളരെ പ്രതീക്ഷയിൽ നിൽക്കുന്ന പ്രേക്ഷക സദസ്സിലേക്ക് ജനുവരി ഏഴിന് ഈ ചിത്രം പ്രദർശനത്തിന് എത്തും. 2 കോടി മുടക്കി നിർമ്മിച്ച തണ്ണീർമത്തൻ 50 കോടിയിൽ അധികം കളക്ഷൻ നേടി ബമ്പർ ഹിറ്റായി മാറിയിരുന്നു . എന്നാൽ സൂപ്പർ ശരണ്യ , തണ്ണീർമത്തനെ കടത്തിവെട്ടും എന്ന പ്രതീക്ഷയിലാണ് പ്രേക്ഷകർ. ഷെബിൻ ബേക്കറും ചിത്രത്തിന്റെ സംവിധായകനും ചേർന്നാണ് സൂപ്പർ ശരണ്യ നിർമ്മിച്ചിരിക്കുന്നത്.

ഒട്ടേറെ ആരാധകരുള്ള ബോളിവുഡിലെ താരസുന്ദരിയാണ് നടി സണ്ണി ലിയോൺ . താരവുമായി ബന്ധപ്പെട്ട ഒരു വിവാദമാണ് ഇപ്പോൾ സോഷ്യൽ മീഡിയയിൽ കത്തി കയറുന്നത് . താരത്തിന്റെ ഏറ്റവും പുതിയ വീഡിയോ ആല്‍ബം ഈയിടെ പുറത്തിറങ്ങിയിരുന്നു . എന്നാൽ ഇതിനെതിരെ പ്രതിഷേധവുമായി എത്തിയിരിക്കുകയാണ് മഥുരയിലെ പുരോഹിതന്മാർ. ഈ വീഡിയോ നിരോധിക്കണം എന്നുള്ളതാണ് അവരുടെ ആവശ്യം . മധുബന്‍ മേം രാധികാ നാച്ചെ എന്ന ഗാനരംഗത്തിൽ താരത്തിന്റെ നൃത്ത പ്രകടനം അശ്ലീലമാണെന്നും മതവികാരങ്ങള്‍ വ്രണപ്പെടുത്തുന്നതാണെന്നുമാണ് പുരോഹിതന്മാരുടെ പ്രധാന ആരോപണം.

സണ്ണി ലിയോണ്‍ തന്റെ പുതിയ വീഡിയോ ആൽബത്തിൽ ഡാൻസ് ചെയ്യാൻ സെലക്ട് ചെയ്തത് , ഇതിഹാസ ഗായകൻ മുഹമ്മദ് റാഫി 1960ല്‍ കോഹിനൂര്‍ എന്ന ചിത്രത്തില്‍ ആലപിച്ച ഗാനമാണ്. താരത്തിന്റെ ഈ ആൽബം നിരോധിക്കുകയും , സണ്ണി ലിയോണിനെതിരെ സര്‍ക്കാര്‍ നടപടി സ്വീകരിക്കണം എന്നതുമാണ് പുരോഗതിമാരുടെ ആവശ്യം . ഇല്ലെങ്കിൽ പരാതിയുമായി കോടതിയെ സമീപിക്കുമെന്നാണ് ഇവർ പറയുന്നത്. ഈ കാര്യം വ്യക്തമാക്കി കൊണ്ട് മുന്നോട്ടു വന്നിരിക്കുന്നത് വൃന്ദാവനിലെ സന്ത് നവല്‍ഗിരി മഹാരാജ് ആണ് .

നൃത്തത്തിലെ രംഗങ്ങള്‍ പിന്‍വലിക്കുകയും ഒപ്പം നടി പരസ്യമായി മാപ്പ് പറയുകയും ചെയ്തില്ലെങ്കിൽ നടിയെ ഇന്ത്യയില്‍ തുടരാന്‍ അനുവദിക്കില്ലെന്നും പുരോഹിതന്മാരുടെ പ്രസ്താവനയിൽ ശക്തമായി പറയുന്നു. സണ്ണി ലിയോൺ അഭിനയിച്ച മധുബൻ എന്ന ആൽബം കഴിഞ്ഞ വ്യാഴാഴ്ച്ചയാണ് റിലീസ് ചെയ്തത്. മധുബൻ വീഡിയോ ആൽബത്തിന് വേണ്ടി ഗാനമാലപിച്ചിരിക്കുന്നത് കനിക കപൂറും അരിന്ദം ചക്രവർത്തിയും ചേർന്നാണ്. ഈ ഗാനം ഭഗവാൻ ശ്രീകൃഷ്ണനും രാധയും തമ്മിലുള്ള പ്രണയത്തെക്കുറിച്ച് വർണ്ണിക്കുന്ന വരികൾ നിറഞ്ഞവയാണ് .

എന്നാൽ ആ മനോഹര പ്രണയ ഗാനം അശ്ലീലം കലർത്തി നൃത്താവിഷ്കാരം ഒരുക്കി എന്നാണ് പറയുന്നത് . ഇതിന് എതിരെയാണ് ഇപ്പോൾ പ്രതിഷേധം ശക്തമാകുന്നത് . ശ്രദ്ധേയമായ മറ്റൊരു കാര്യമാണ് ഈ വീഡിയോ ആൽബത്തിന് താഴേയും ഒട്ടേറെ പേർ സണ്ണി ലിയോണിന് എതിരെ പ്രതിഷേധവുമായി എത്തുന്നുണ്ട് എന്നത് . 94 ലക്ഷത്തോളം കാഴ്ചക്കാരെ സ്വന്തമാക്കി സാരേഗാമ മ്യൂസിക്കിന്റെ യൂട്യൂബ് ചാനൽ വഴിയാണ് ഈ സോങ് വീഡിയോ ആൽബം പുറത്തുവന്നിരിക്കുന്നത് .

https://youtu.be/2WMTWbRuCsc

ആഷിഖ് അബുവിന്റെ സംവിധാനത്തിൽ ടോവിനോ തോമസിനെ നായകനാക്കി ഒരുങ്ങുന്ന പുത്തൻ ചിത്രമാണ് നാരദൻ. ഇരുവരും ഒന്നിച്ച മായാനദി എന്ന ആദ്യ ചിത്രം സൂപ്പർ ഹിറ്റായിരുന്നു. അടുത്ത വർഷം ജനുവരി ഇരുപത്തിയേഴിനു റിലീസ് ചെയ്യാൻ തീരുമാനിച്ച നാരദൻ എന്ന ചിത്രത്തിന് തിരക്കഥയും സംഭാഷണവും രചിച്ചിരിക്കുന്നത് ഉണ്ണി ആർ ആണ് . ഇപ്പോഴിതാ ഈ ചിത്രത്തിന്റെ ട്രൈലെർ ആണ് സോഷ്യൽ മീഡിയയിൽ ഒരു ചർച്ച വിഷയമായി മാറുന്നത് .

ഈ ചിത്രം ഒരുക്കിയിരിക്കുന്നത് സമകാലിക ഇന്ത്യയിലെ മാധ്യമ ലോകത്തെ അടിസ്ഥാനമാക്കിയാണ് എന്ന സൂചനയാണ് ഇതിന്റെ ട്രൈലെ റിൽ നിന്നും ലഭിക്കുന്നത് . പല രീതിയിൽ ഈ ട്രൈലെർ സാമൂഹ്യ മാധ്യമങ്ങളിൽ ചർച്ച ആകുന്നുണ്ട് . പ്രശസ്ത ടെലിവിഷൻ ന്യൂസ് റീഡർ ആയ അർണാബ് ഗോസ്വാമിയെ അനുസ്മരിപ്പിക്കുന്ന തരത്തിലാണ് ഇതിലെ കേന്ദ്രകഥാപാത്രമായ ടോവിനോ തോമസ് അവതരിപ്പിക്കുന്ന കഥാപാത്രം എന്ന് ചിലർ അഭിപ്രായുമ്പോൾ, തോമസ് ഇരട്ട വേഷത്തിലാണോ ഇതിൽ ടോവിനോ തോമസ് എത്തുന്നത് എന്ന സംശയങ്ങളും ചിലർ ചോദിച്ചു പോകുന്നു . ഈ ട്രെയ്ലറിൽ രണ്ട് വ്യത്യസ്ത ഗെറ്റപ്പുകളിൽ ടോവിനോ തോമസിനെ കാണാൻ സാധിക്കുന്നുണ്ട് .

ഈ ചിത്രം ഒരു പൊളിറ്റിക്കല്‍ ത്രില്ലർ ആണോ എന്ന സംശയവും ട്രൈലർ കാണുമ്പോൾ തോന്നി പോകുന്നു . അന്ന ബെന്‍ ആണ് ചിത്രത്തിൽ നായികാ വേഷത്തെ അവതരിപ്പിക്കുന്നത് . കൂടാതെ ഷറഫുദ്ദീന്‍, ഇന്ദ്രന്‍സ്, ജാഫര്‍ ഇടുക്കി, വിജയ രാഘവന്‍, ജോയ് മാത്യു, രണ്‍ജി പണിക്കര്‍, രഘുനാഥ് പാലേരി, ജയരാജ് വാര്യര്‍ തുടങ്ങി താരങ്ങളും ചിത്രത്തിൽ അഭിനയിക്കുന്നുണ്ട് .

റിമാ കല്ലിങ്കലും ആഷിഖ് അബുവുംസന്തോഷ് കുരുവിളയും ചേർന്നാണ് ഈ ചിത്രം നിർമ്മിച്ചിരിക്കുന്നത് . ജാഫർ സാദിക്കാണ് ചിത്രത്തിന്റെ ക്യാമറമാൻ . എഡിറ്റിംഗ് നിർവഹിച്ചിരിക്കുന്നത് സൈജു ശ്രീധരനാണ്. ചിത്രത്തിന്റെ സംഗീതം കൈകാര്യം ചെയ്തിരിക്കുന്നത് ഡി.ജെ ശേഖര്‍ മേനോനും നേഹയും യാക്സണ്‍ പെരേരയും ചേർന്നാണ് .