പ്രണവ് മോഹൻലാൽ പ്രധാന വേഷത്തിൽ എത്തുന്ന പുതിയ ചിത്രമാണ് ഹൃദയം. മലയാളി യുവ പ്രേക്ഷകർ ഏറ്റവും കൂടുതൽ ആകാംഷയോടെ കാത്തിരിക്കുന്ന ചിത്രങ്ങളിൽ ഒന്നാണ് ഹൃദയം . ഈ ചിത്രത്തിന്റെ രചനയും സംവിധാനവും നിരവഹിച്ചിരിക്കുന്നത് വീനീത് ശ്രീനിവാസനാണ്. ആഗോള തലത്തിൽ തന്നെ സൂപ്പർ ഹിറ്റായി മാറിയതാണ് ഈ ചിത്രത്തിലെ ദർശന എന്ന ഗാനവും അതിന്റെ വീഡിയോയും . കൂടാതെ ഇതിന്റെ രണ്ടു ടീസറുകളും പോസ്റ്ററുകളുമെല്ലാം സോഷ്യൽ മീഡിയയിൽ വൻ തരംഗം സൃഷ്ടിച്ചിരുന്നു. ജനുവരിയിൽ റിലീസിനായി കാത്തു നിൽകുന്ന ഈ ചിത്രത്തിലെ പുതിയൊരു ഗാനമാണ് ഇപ്പോൾ സോഷ്യൽ മീഡിയ കീഴടക്കുന്നത്.

അരികെ നിന്ന എന്ന വരികളോടെ ആരംഭിക്കുന്ന പുതിയ ഗാനത്തിന്റെ ലെറിക് വീഡിയോ ആണ് ഇപ്പോൾ പുറത്തു വന്നിരിക്കുന്നത്. അരുൺ ആലാട്ട് വരികൾ രചിച്ച് ഹിഷാം അബ്ദുൾ വഹാബ് ഈണം പകർന്ന ഈ ഗാനം ആലപിച്ചിരിക്കുന്നത് ജോബ് കുര്യൻ ആണ്. റിലീസ് ചെയ്ത് നിമിഷങ്ങൾകകം വലിയ പ്രേക്ഷക പ്രതികരണമാണ് ഈ ഗാനം സ്വന്തമാക്കുന്നത്. യുവ ഹൃദയങ്ങൾ ഇപ്പോഴേ ഈ ഗാനം ഏറ്റെടുത്തു എന്നു തന്നെ പറയാം . വിശാഖ് സുബ്രഹ്മണ്യം നിര്‍മിക്കുന്ന ഈ ചിത്രം മെറിലാൻഡ് സിനിമാസിന്റെ ബാനറില്‍ ആണ് പുറത്തിറങ്ങുന്നത് .

ഈ ചിത്രത്തിന്റെ കാമറമാൻ വിശ്വജിത്തും എഡിറ്റിംഗ് നിർവഹിച്ചിരിക്കുന്നത് രഞ്ജൻ എബ്രഹാമുമാണ്.ചിത്രത്തിലെ നായികമാരായി വേഷമിടുന്നത് കല്യാണി പ്രിയദർശനും ദർശന രാജേന്ദ്രനുമാണ്. അജു വർഗീസും കുറെ പുതുമുഖങ്ങളും ആണ് ഹൃദയത്തിലെ നിർണ്ണായക വേഷങ്ങൾ ചെയ്യുന്നുണ്ട്. ഈ ചിത്രത്തെ കുറിച്ച് വിനീത് ശ്രീനിവാസൻ പറയുന്നതിങ്ങനെ ” ഒരു ചെറുപ്പക്കാരന്റെ 17 വയസ്സ് മുതൽ 30 വയസ്സുവരെയുള്ള ജീവിത യാത്രയുടെ കഥയാണ് ” ഹൃദയം എന്ന ചിത്രം കാഴ്ചവയ്ക്കുന്നത് .

ആര്‍ ജെ മാത്തുക്കുട്ടിയുടെ സംവിധാനത്തിൽ യുവതാരം ആസിഫ് അലിയെ നായകനാക്കി ഒരുക്കുന്ന പുത്തൻ ചിത്രമാണ് ‘കുഞ്ഞെല്‍ദോ’ . ഈ ചിത്രത്തിന്റെ ഒഫിഷ്യല്‍ ട്രയിലര്‍ റിലീസ് ചെയ്തു . ലിറ്റില്‍ ബിഗ് ഫിലിംസിന്റെ ബാനറില്‍ പുറത്തിറങ്ങുന്ന കുഞ്ഞെൽദോ നിര്‍മ്മിച്ചിരിക്കുന്നത് സുവിന്‍ കെ വര്‍ക്കിയും പ്രശോഭ് കൃഷ്ണയും ഒന്നിച്ചാണ്.
കുഞ്ഞിരാമായണം, എബി, കല്‍ക്കി എന്നീ ചിത്രങ്ങള്‍ ലിറ്റിൽ ബിഗ് ഫിലിംസിന്റെ ബാനറിൽ പുറത്തിറങ്ങിയവയാണ്.

‘കുഞ്ഞെല്‍ദോ’യുടെ ക്രിയേറ്റീവ് ഡയറക്ടര്‍ ആയി പ്രവർത്തിച്ചിക്കുന്നത് വിനീത് ശ്രീനിവാസനാണ് . ചിത്രത്തിന്റെ ഛായാഗ്രഹണം സ്വരൂപ് ഫിലിപ്പും എഡിറ്റിംഗ് രഞ്ജന്‍ എബ്രഹാമും കൈകാര്യം ചെയ്തു . സംഗീതം നിർവഹിച്ചിരിക്കുന്നത് ഷാന്‍ റഹ്മാന്‍ ആണ്. ചിത്രത്തിന്റെ ചീഫ് അസോസിയേറ്റ് ഡയറക്ടര്‍ ആയി പ്രവർത്തിച്ചിരിക്കുന്നത് രാജേഷ് അടൂര്‍ ആണ് . സെഞ്ചുറി ഫിലിംസ് റിലീസ് ആണ് വിതരണം.

റേഡിയോ ജോക്കിയും നടനും ഒപ്പം ഉടന്‍ പണം എന്ന റിയാലിറ്റി ഷോയിലൂടെ അവതാരകനായി എത്തി മലയാളികൾക്ക് സുപരിചിത മുഖമായി മാറിയ മാത്തുക്കുട്ടിയുടെ സംവിധായകൻ എന്ന നിലയിലേക്കുള്ള ആദ്യ ചുവടുവയ്പാണ് കുഞ്ഞെല്‍ദോ എന്ന ചിത്രം. ദുല്‍ഖര്‍ സല്‍മാനാണ് ഈ ചിത്രത്തിലെ പ്രധാന കഥാപാത്രമായി എത്തുന്നത് എന്ന് ആദ്യം വാർത്തകൾ പരന്നിരുന്നു പക്ഷേ ചിത്രത്തിൽ ആസിഫ് അലിയാണ് നായക വേഷത്തില്‍ എത്തുന്നത്. ഈ വരുന്ന ഡിസംബര്‍ 24ന് കുഞ്ഞെൽ ദോ തിയറ്ററുകളില്‍ എത്തും എന്നാണ് അറിയാൻ കഴിഞ്ഞിട്ടുള്ളത് .

പ്രേകഷകർക്ക് പ്രിയങ്കരനായ നടൻ ദിലീപിനെ നായകനാക്കി ഒരുക്കുന്ന പുതിയ ചിത്രമാണ് കേശു ഈ വീടിന്റെ നാഥൻ. നാദിർഷയുടെ സംവിധാനത്തിൽ ആണ് ഈ ചിത്രം ഒരുങ്ങുന്നത് . ഈ വരുന്ന ക്രിസ്മസിന് ഡിസ്‌നി പ്ലസ് ഹോട്ട് സ്റ്റാറിൽ ഈ ചിത്രം റിലീസ് ചെയ്യും എന്നാണ് അറിയിച്ചിട്ടുള്ളത് . ഒറ്റിറ്റി റിലീസ് ആയെത്തുന്ന ദിലീപിന്റെ ആദ്യ ചിത്രമാണിത്. ഈ ചിത്രത്തിന്റെ ഒരു മോഷൻ പോസ്റ്റർ നേരത്തെ തന്നെ പുറത്തുവിട്ടിരുന്നു. ഇത് കൂടാതെ ഈ ചിത്രത്തിന്റെ പോസ്റ്ററുകളും നാദിർഷ രചിച്ചു ഈണം പകർന്നു ദിലീപ് ആലപിച്ച നാരങ്ങ മിട്ടായി എന്ന ഗാനവും സോഷ്യൽ മീഡിയയിൽ വൈറലായിരുന്നു .

അതിന് ശേഷമാണ് ഇപ്പോൾ ഈ ചിത്രത്തിന്റെ ആദ്യ വീഡിയോ ഗാനം ഇന്ന് ആരാധകർക്കായി പങ്കുവച്ചിരിക്കുന്നത് . പുന്നാര പൂങ്കാറ്റിൽ എന്ന് ആരംഭിക്കുന്ന ഈ പുത്തൻ ഗാനം മലയാളികൾക്ക് സമ്മാനിച്ച് ആലപിച്ചിരിക്കുന്നത് ഗാനഗന്ധർവൻ ഡോക്ടർ കെ ജെ യേശുദാസ് ആണ് . നാദിർഷ തന്നെ ഈണം പകർന്ന ഈ ഗാനത്തിന്റെ വരികൾ രചിച്ചിരിക്കുന്നത് സുജേഷ് ഹരിയാണ് . കേൾക്കാൻ ഇമ്പമുള്ള ഈ ഗാനം അതിമനോഹരവും പൊട്ടിച്ചിരിപ്പിക്കുന്നതുമായ ഒട്ടേറെ രംഗങ്ങൾ കൊണ്ട് സമ്പന്നമാണ്.

പണ്ടത്തെ സരസനായ ദിലീപിനെ വീണ്ടും കണ്ടു എന്നാണ് ഈ ഗാന രംഗം കണ്ട പ്രേക്ഷകർ അഭിപ്രിയപ്പെട്ടത് . ദിലീപിന്റെ ഒരു പക്കാ കോമഡി ഫാമിലി എന്റെർറ്റൈനെർ ചിത്രം പുറത്തു വന്നിട്ട് ഇപ്പോൾ വർഷങ്ങൾ കുറെ ആയി എന്നതാണ് വാസ്തവം . അതുകൊണ്ട് തന്നെ കേശു ഈ വീടിന്റെ നാഥൻ ഒരു കിടിലൻ കോമഡി എന്റെർറ്റൈനെർ ആയതിനാൽ , ആരാധകർക്കും സിനിമാ പ്രേമികൾക്കും നിരാശ സമ്മാനിക്കുകയിലെന്നും നല്ലൊരു ചിരിവിരുന്നു തന്നെയായിരിക്കും എന്നും പ്രതീക്ഷിക്കാം . വിന്റേജ് ലുക്കിൽ ഉർവശിയെയും ഈ ഗാനത്തിൽ നമ്മുക്ക് കാണാൻ സാധിക്കും. രണ്ടുപേരുടേയും കരിയറിലെ തന്നെ ഏറ്റവും മികച്ച പ്രകടനങ്ങളിൽ ഒന്നായിരിക്കും ഈ ചിത്രത്തിലേതു എന്നാണ് സൂചന. തൊണ്ടിമുതലും ദൃക്‌സാക്ഷിയും പോലത്തെ മികച്ച ചിത്രം മലയാളിക്ക് സമ്മാനിച്ച സജീവ് പാഴൂർ ആണ് ഈ ചിത്രത്തിന് തിരക്കഥ രചിച്ചിരിക്കുന്നത് . കലാഭവൻ ഷാജോൺ, ഹരിശ്രീ അശോകൻ, കോട്ടയം നസീർ, ഹരീഷ് കണാരൻ, ജാഫർ ഇടുക്കി, അനുശ്രീ, സ്വാസിക എന്നിവരും ചിത്രത്തിൽ മികച്ച റോളുകൾ കൈകാര്യം ചെയ്യുന്നുണ്ട്. ദിലീപും ഡോക്ടർ സക്കറിയ തോമസും കൂടിയാണ് ഈ ചിത്രം നിർമ്മിച്ചിരിക്കുന്നത്. അനിൽ നായർ ആണ് ചിത്രത്തിന്റെ ക്യാമറമാൻ . എഡിറ്റിംഗ് നിർവഹിച്ചിരിക്കുന്നത് സാജൻ ആണ്.

തെന്നിന്ത്യൻ സൗന്ദര്യറാണി സാമന്തയുടെ ത്രസിപ്പിക്കുന്ന നൃത്തവും ഗ്ലാമർ പ്രദർശനവുമായി പുത്തൻ ചിത്രം പുഷ്പയിലെ ഗാനം ഇന്ന് റിലീസ് ചെയ്തു. ലെറിക് വീഡിയോ ആയി പുറത്തു വിട്ടിരിക്കുന്ന ഈ ഗാന രംഗം മുഴുവൻ സാമന്തയുടെ ഗ്ലാമർ ചിത്രങ്ങൾ കൊണ്ട് നിറഞ്ഞിരിക്കുന്നു . സുകുമാർ ഒരുക്കുന്ന ഈ ചിത്രത്തിലെ പ്രധാന വേഷം കൈകാര്യം ചെയ്യുന്നത് അല്ലു അർജുൻ ആണ് . ഈ ചിത്രം ഇരുവരുടേയും കരിയറിലെ ഏറ്റവും വലിയ ചിത്രമാണ്.

അഞ്ചു ഭാഷകളിലായി ആയി അരങ്ങേറുന്ന ഈ ചിത്രം രണ്ടു ഭാഗങ്ങൾ ആയിട്ടാണ് ഒരുക്കിയിരിക്കുന്നത് . ഈ ചിത്രത്തിന്റെ ആദ്യ ഭാഗം ഡിസംബർ പതിനേഴിന് റീലീസ് ചെയ്യുമെന്നാണ് അറിയിച്ചിട്ടുള്ളത് . ഈ ചിത്രത്തിന്റെ ട്രൈലെറും ടീസറും ഒപ്പം രശ്‌മിക മന്ദനാ- അല്ലു അർജുൻ താര ജോഡികളുടെ ഗാന രംഗവുമെല്ലാം നേരത്തെ തന്നെ റിലീസ് ചെയ്യുകയും അവ സോഷ്യൽ മീഡിയയിൽ സൂപ്പർ ഹിറ്റായി മാറുകയും ചെയ്തിരുന്നു. ഇവ കൂടാതെ പുഷ്പയുടെ മേക്കിങ് വീഡിയോ കൂടി അണിയറ പ്രവത്തകർ പുറത്തു വിട്ടത് ഏറെ പ്രേക്ഷക ശ്രദ്ധ നേടിയെടുത്തിരുന്നു. മലയാള സിനിമയിലെ യുവ താരനിരയിലെ ശ്രദ്ധേയനായ ഫഹദ് ഫാസിൽ ആണ് ഈ ചിത്രത്തിലെ വില്ലൻ വേഷം ചെയ്യുന്നത് എന്ന പ്രത്യേകതയും ഈ ചിത്രത്തിനുണ്ട് .

തെലുങ്കിനോടൊപ്പം മലയാളം, തമിഴ്ഷ്, കന്നഡ, ഹിന്ദി ഭാഷകളിലും റിലീസ് ചെയ്യാൻ ഒരുങ്ങുന്ന ഈ ചിത്രത്തിൽ അല്ലു അർജുൻ പുഷ്പ രാജ് എന്ന കഥാപാത്രമായാണ് എത്തുന്നത് ‘ . വില്ലൻ കഥാപാത്രം ഭൻവർ സിങ് ശെഖാവത് എന്ന ഐപിഎസ് ഓഫീസറെയാണ് ഫഹദ് ഫാസിൽ അവതരിപ്പിക്കുന്നത്. ആക്ഷനും നൃത്തവും പ്രണയവും പകയുമെല്ലാം ഒരു കുടകീഴിൽ എത്തിച്ച് ഒരു പക്കാ മാസ്സ് മസാല എന്റെർറ്റൈനെർ ആയാണ് പുഷ്പ റീലീസ് ചെയ്യുക എന്നാണ് സൂചന. പ്രധാന കഥാപാത്രങ്ങളെ കൂടാതെ മറ്റ് ശ്രദ്ധേയ വേഷങ്ങൾ കൈകാര്യം ചെയ്യുന്നവരാണ് ജഗപതി ബാബു, പ്രകാശ് രാജ്, ധനഞ്ജയ്, സുനിൽ, ഹാരിഷ് ഉത്തമൻ, വെണ്ണല കിഷോർ, അനസൂയ ഭരദ്വാജ്, ശ്രീ തേജ് തുടങ്ങിയ അ താരനിര . മൈത്രി മൂവി മേക്കേഴ്‌സ് ആണ് ഈ ചിത്രം നിർമ്മിച്ചിരിക്കുന്നത്. ഇന്ന് പുറത്തു വന്നിരിക്കുന്ന സാമന്തയുടെ ഗാനത്തിന് ഈണം നൽകിയിരിക്കുന്നത് ദേവിശ്രീ പ്രസാദ് ആണ് ‘ . ഈ ഗാനം ആലപിച്ചിരിക്കുന്നത് ഇന്ദ്രാവതി ചൗഹാൻ ആണ് . ഈ ഗാനത്തിന് വരികൾ രചിച്ചത് ചന്ദ്രബോസ് ആണ്.

ലോകമെമ്പാടുമുള്ള സിനിമാ പ്രേമികളുടെ കാത്തിരിപ്പിന് വിരാമം ഇട്ടുകൊണ്ട് എസ് എസ് രാജമൗലി ഒരുക്കിയ ആർ ആർ ആർ എന്ന ബ്രഹ്മാണ്ഡ ചിത്രത്തിന്റെ ട്രൈലെർ ഇന്ന് പിറത്തുവിട്ടു . ഇന്ത്യൻ സിനിമ ചരിത്രത്തിലെ തന്നെ ഏറ്റവും വലിയ ചിത്രമായി ഒരുക്കിയിരിക്കുന്ന ആർ ആർ ആർ ആരാധകർക്കിടയിൽ ഒരു കോളിളക്കം സൃഷ്ടിക്കുമെന്ന സൂചനയാണ് ഈ ട്രൈലെർ നൽകുന്നത്. ആകാംഷഭരിതമായ ആക്ഷൻ രംഗങ്ങളും കണ്ണഞ്ചിപ്പിക്കുന്ന വി എഫ് എക്സ് സീനുകളും നിറച്ചാണ് ട്രൈലെർ പുറത്തുവിട്ടിരിക്കുന്നത്. ഇതോടു കൂടി ഈ ചിത്രത്തെ കുറിച്ചുള്ള പ്രേക്ഷക പ്രതീക്ഷകൾ വാനോളമെത്തി എന്ന് പറഞ്ഞാലും അതൊട്ടും അതിശയോക്തി ആവില്ല. ഈ ട്രെയിലറിലെ ഓരോ സീനും പ്രേക്ഷകരെ പ്രേക്ഷരെ കോരിത്തരിപ്പിച്ച് ആകാംഷയുടെ മുൾമുനയിൽ നിർത്തുന്ന കാഴ്ചയാണ് കാണാൻ സാധിക്കുന്നത്. അതോടൊപ്പം തന്നെ ട്രെയിലറിലെ പശ്‌ചാത്തല സംഗീതവും ചേർന്നപ്പോൾ കാണുന്ന പേക്ഷകന് അത് അനുഭൂതിയുടെ മറ്റൊരു തലം സൃഷ്ടിക്കുന്നു.

ഏറെ പ്രേക്ഷകപ്രീതി നേടിയെടുത്ത ബാഹുബലി സീരിസിന് ശേഷം എസ് എസ് രാജമൗലി ഒരുക്കിയ ബ്രഹ്മാണ്ഡ ചിത്രമാണ് ആർ ആർ ആർ. ഇന്ത്യൻ സിനിമ ചരിത്രത്തിലെ ഏറ്റവും വലിയ ചിത്രങ്ങളിൽ ഒന്നായി നിർമ്മിക്കുന്ന ഈ ചിത്രം അടുത്ത വർഷം ജനുവരി ഏഴിന് ആണ് 12000 സ്‌ക്രീനുകളിൽ ആയി ലോകം മുഴുവൻ റിലീസ് ചെയ്യും എന്നാണ് അറിയിച്ചിട്ടുള്ളത് . ആഗോള റിലീസായി ഒന്നിലധികം ഭാഷകളിലായാണ് ആർ ആർ ആർ വരാൻ ഒരുങ്ങുന്നത്. ഈ ചിത്രത്തിൽ പ്രധാന വേഷങ്ങൾ കൈകാര്യം ചെയ്യുന്നത് റാം ചരൺ, ജൂനിയർ എൻ ടി ആർ, ബോളിവുഡ് താരം അജയ് ദേവ്‌ഗൺ, ആലിയ ഭട്ട് എന്നിവർ ആണ് . എസ് എസ് രാജമൗലി തന്നെ തിരക്കഥ രചിച്ചിരിക്കുന്ന ഈ ചിത്രത്തിന്റെ കഥ എഴുതിയത് കെ വി വിജയേന്ദ്ര പ്രസാദ് ആണ് . ഡി വി വി എന്റെർറ്റൈന്മെന്റ്സ് ആണ് ഈ ബ്രഹ്മാണ്ഡ ചിത്രം നിർമ്മിക്കുന്നത് . ഒളിവിയ മോറിസ്, സമുദ്രക്കനി, റേ സ്റ്റീവൻസൺ, അലിസൻ ഡൂഡി, ശ്രിയ സരൺ, ഛത്രപതി ശേഖർ, രാജീവ് കനകാല എന്നിവരും ഈ ചിത്രത്തിന്റെ ഭാഗമായിട്ടുണ്ട്. ഈ ചിത്രത്തിന് ക്യാമറ ചലിപ്പിച്ചത് സെന്തിൽ കുമാറും എഡിറ്റിംഗ് നിർവഹിച്ചിരിക്കുന്നത് ശ്രീകർ പ്രസാദുമാണ്. കീരവാണി ആണ് ഈ ചിത്രത്തിന് സംഗീതം നൽകിയിരിക്കുന്നത് . ഈ ചിത്രത്തിൽ അല്ലൂരി സീതാരാമ രാജു എന്ന കഥാപാത്രമായി റാം ചരണും കോമരം ഭീം എന്ന കഥാപാത്രമായി ജൂനിയർ എൻ ടി ആറും അഭിനയിച്ചിരിക്കുന്നു. ഇന്ത്യൻ സ്വാതന്ത്ര്യ സമരത്തിന്റെ പശ്ചാത്തലത്തിൽ ആണ് ചിത്രം ഒരുക്കിയിട്ടുള്ളത്.

ചുരുങ്ങിയ കാലം കൊണ്ട് ഇന്ത്യ ഒട്ടാകെ സിനിമ പ്രേമികളുടെ മനസ്സിൽ ഇടം നേടിയ നടിയാണ് സായി പല്ലവി. അഭിനയത്തിലൂടെയാണെങ്കിലും നൃത്തത്തിലൂടെയാണെങ്കിലും വളരെ പെട്ടെന്ന് ആരാധകരുടെ ഹൃദയത്തിൽ തന്റെതായ സ്ഥാനം നേടിയെടുക്കാൻ കഴിഞ്ഞു. താരം അഭിനയിച്ച ഓരോ സിനിമകളിലും മികച്ച ഡാൻസ് പ്രകടനമാണ് കാഴ്ച്ചവെക്കുന്നത്. മലയാളം, തമിഴ്, തെലുങ്ക് തുടങ്ങിയ സിനിമ ഇൻഡസ്ട്രികളിൽ നിരവധി ആരാധകരെയാണ് സ്വന്തമാക്കിയത്.

എന്നാൽ മലയാളികൾക്ക് ഏറെ പ്രിയങ്കരിയായത് നിവിൻ പോളി പ്രധാന കഥാപാത്രത്തിൽ പ്രേഷകരുടെ മുന്നിലെത്തിയ നിരവധി റെക്കോർഡുകൾ തകർത്ത പ്രേമം എന്ന ചലച്ചിത്രത്തിൽ മലർ മിസ്സായി വന്നപ്പോളാണ്. നിവിൻ പോളിയുടെ കൂടെ നായികയായി മികച്ച അഭിനയ പ്രകടനമായിരുന്നു സായി പല്ലവി കാഴ്ച്ചവെച്ചത്. കൂടാതെ നടിയുടെ മറ്റ് സിനിമകളിലെ പ്രകടനവും ആരാധകർ ഏറ്റെടുത്തിരുന്നു.

നടിയുടെ ഏറ്റവും പുതിയ ചലച്ചിത്രമാണ് ലവ് സ്റ്റോറി. സായി പല്ലവിയെ കേന്ദ്ര കഥാപാത്രമാക്കി ശേഖർ കമ്മൂല സംവിധാനം ചെയ്യുന്ന പുത്തൻ ചലചിത്രമാണ് ലവ് സ്റ്റോറി. നായകനായി സിനിമയിൽ പ്രെത്യക്ഷപ്പെടുന്നത നാഗ ചൈതന്യയാണ്. ശേഖർ എന്ന സംവിധായകന്റെ രണ്ടാമത്തെ സിനിമയും കൂടിയാണ് ലവ് സ്റ്റോറി.

സായ്‌ പല്ലവിവെച്ച് ശേഖർ കമ്മൂല ഒരുക്കിയ ആദ്യ സിനിമയായിരുന്നു ഫിദ. മികച്ച പ്രണയ സിനിമയായത് കൊണ്ട് സിനിമ പ്രേമികൾ ഇരുകൈകൾ നീട്ടിയായിരുന്നു സ്വീകരിച്ചിരുന്നത്. ഇപ്പോൾ സമൂഹ മാധ്യമങ്ങളിൽ വൈറലായി മാറുന്നത് ലവ് സ്റ്റോറിയിലെ സാംരഗ ദരിയാ എന്ന വീഡിയോ സോങ്ങാണ്. യൂട്യൂബിൽ തന്നെ ആദ്യ ലിസ്റ്റിൽ ഈ ഗാനം വന്നിരിക്കുകയാണ്. ഗാനത്തിന്റെ ആസ്വാദനവും സായി പല്ലവിയുടെ ചടുലമായ നൃത്ത പ്രകടനമായതോടെ വീഡിയോ സോങ് വേറെയൊരു തരത്തിലേക്കാണ് എത്തിയിരിക്കുന്നത്.

യുവ താരം ധീരജ് ഡെന്നിയെ നായകനായി ഒരുക്കിയിരിക്കുന്ന പുത്തൻ ചിത്രമാണ് മൈക്കിൾസ് കോഫീ ഹൗസ്. പ്രേക്ഷകർക്കിടയിൽ സുപരിചതനായ നടനാണ് ധീരജ് ഡെന്നി . എടക്കാട് ബറ്റാലിയൻ, വാരിക്കുഴിയിലെ കൊലപാതകം, ഹിമാലയത്തിലെ കശ്മലന്മാർ എന്നീ ചിത്രങ്ങളിലൂടെയാണ് താരം ശ്രദ്ധിക്കപ്പെട്ടത് . അനിൽ ഫിലിപ്പ് സംവിധാനം ചെയ്യുന്ന മൈക്കിൾസ് കോഫീ ഹൗസ് എന്ന ചിത്രം അങ്കമാലി ഫിലിംസിന്റെ ബാനറിൽ ജിജോ ജോസ് ആണ് നിർമ്മിച്ചിരിക്കുന്നത്. വലിയ പ്രേക്ഷക ശ്രദ്ധ നേടിയതാണ് നേരത്തെ റിലീസ് ചെയ്ത ഈ ചിത്രത്തിന്റെ ആദ്യ ടീസർ .

ഇപ്പോൾ ഈ ചിത്രത്തിന്റെ രണ്ടാം ടീസർ ആണ് പുറത്തു വന്നിരിക്കുന്നത് . മികച്ച ഒരു സിനിമാനുഭവമാണ് പ്രേക്ഷകരെ കാത്തിരിക്കുന്നത് എന്നാണ് ഈ പുത്തൻ ടീസറും നമുക്ക് മനസിലാക്കി തരുന്നത് . ധീരജ് ഡെന്നി, രഞ്ജി പണിക്കർ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവസ്മരണീയമാക്കുന്നത് . ജൂണ്‍ ഫെയിം മാര്‍ഗരറ്റാണ് ഈ ചിത്രത്തിലെ നായികാ വേഷം അവതരിപ്പിക്കുന്നത് . ഇഷ, തൃശ്ശൂർ പൂരം എന്നീ സിനിമകളിൽ കൂടിയും ശ്രദ്ധ നേടിയ ഈ താരം ആദ്യമായി നായികാ വേഷത്തിൽ എത്തുന്ന കൊമേർഷ്യൽ ചിത്രം കൂടിയാണ് ഇത്.
, ജയിംസ് ഏലിയാസ്, ഇ.എ രാജേന്ദ്രൻ, ജോസഫ്, സീത, ഹരിശ്രീ മാർട്ടിൻ, അരുൺ സണ്ണി, ഫെബിൻ ഉമ്മച്ചൻ എന്നിവരും മൈക്കിൾസ് കോഫീ ഹൗസ് എന്ന ചിത്രത്തിൽ അഭിനയിക്കുന്നുണ്ട്. മരക്കാർ എന്ന ബ്രഹ്മാണ്ഡ ചിത്രത്തിന് സംഗീതമൊരുക്കിയ റോണി റാഫേൽ ആണ് ഈ ചിത്രത്തിന് സംഗീതം പകർന്നിരിക്കുന്നത് . ശരത് ബാബു ക്യാമറ കൈകാര്യം ചെയ്ത ഈ ചിത്രത്തിന്റെ എഡിറ്റ് നിരവഹിച്ചിരിക്കുന്നത് നിഖിൽ വേണു ആണ്.

ചാവുകളി എന്ന പുത്തൻ ചിത്രത്തിന്റെ ടീസർ ഇന്ന് പുറത്തു വിട്ടിരുന്നു. മണിക്കൂർ മുൻപ് റിലീസ് ചെയ്ത ഈ വീഡിയോ ആണ് ഇപ്പോൾ സോഷ്യൽ മീഡിയയിൽ തരംഗം സൃഷ്ടിക്കുന്നത് . ടീസറിൽ പ്രത്യക്ഷപ്പെട്ട കഥാപാത്രങ്ങളുടെ ഇഴുകി ചേർന്നുള്ള അഭിനയവും അതുപോലെ ദുരൂഹത മൂടി നിൽക്കുന്ന ഇതിലെ രംഗങ്ങൾ കൊണ്ടുമാണ് ടീസർ ഇത്രയധികം ശ്രദ്ധ നേടുന്നത്. പ്രണയം, ചതി, പക , പ്രതികാരം, തുടങ്ങി എല്ലാ മനുഷ്യ മനോഭാവങ്ങളും നിറഞ്ഞു നിൽക്കുന്ന ഒരു ചിത്രമായിരിക്കും ചാവുകളി എന്നുള്ള സൂചനയാണ് ഈ ടീസർ കാണുമ്പോൾ മനസിലാക്കുന്നത്. ടീസറിൽ നിന്നും വ്യക്തമാക്കുന്ന മറ്റൊരു കാര്യം എന്നത് , പ്രധാനമായും മൂന്നു കഥാപാത്രങ്ങളെ ചുറ്റിപ്പറ്റിയാണ് ഈ ചിത്രത്തിന്റെ കഥ മിന്നോട്ട് പോകുന്നത് എന്നാണ് .

നീ സ്ട്രീം വഴി ഡിസംബർ പതിമൂന്നിനാണ് ഈ ചിത്രം റിലീസ് ചെയ്യുന്നത് . വളരെ വയലൻസ് നിറഞ്ഞ രംഗങ്ങൾ ആയിരിക്കും ഈ ചിത്രത്തിന്റെ ഹൈലൈറ്റ് എന്നാണ് ടീസറിൽ നിന്ന് മനസിലാക്കുന്നത് . അതിനാലാവാം ചാവുകളി അഥവാ ദി ഗെയിം ഓഫ് ഡെത്ത് എന്ന പേര് ഈ ചിത്രത്തിന് നൽകിയതും.
നന്ദകുമാർ രാഘവൻ ആണ് ചിത്രത്തിന്റെ തിരക്കഥയും സംവിധാനവും നിർവഹിച്ചിരിക്കുന്നത്. ഷിജു എം ഭാസ്കറാണ് ചിത്രത്തിന്റെ ക്യാമറാമാൻ. എഡിറ്റിംഗ് കൈകാര്യം ചെയ്തിരിക്കുന്നത് വിഷ്ണു വേണുഗോപാലാണ്. എൽവിൻ ജെയിംസ്, ജയപ്രകാശ് ജെ എന്നിവർ ഒന്നിച്ചാണ് ഈ ചിത്രത്തിലെ സംഗീതം നൽകിയിക്കുന്നത് . ഏതായാലും ചിത്രത്തിന്റെ ടീസർ പ്രേക്ഷക ശ്രദ്ധ നേടിയെടുക്കുന്നതിൽ വൻ വിജയം തന്നെ കണ്ടെത്തി എന്നു പറയാം . വളരെ ബുദ്ധിപൂർവ്വമാണ് ഈ ടീസർ കട്ട് ചെയ്തിരിക്കുന്നത് .

ടീസർ കാണുന്ന ഓരോരുത്തർക്കും ചിത്രം കാണാനുള്ള ആകാംഷ അവരുടെ ഉള്ളിൽ ജനിപ്പിക്കുന്ന തരത്തിൽ തന്നെയാണ് അവർ ടീസർ പുറത്തുവിട്ടിട്ടുള്ളത് . നീ സ്ട്രീം യൂട്യൂബ് ചാനലിലൂടെ തന്നെയാണ് ചിത്രത്തിന്റെ ഈ ടീസർ പുറത്തു വിട്ടിരിക്കുന്നതും. നിവേദിത്, ജാനകി എന്നിവരാണ് ഈ ചിത്രത്തിലെ പ്രധാന കഥാപാത്രങ്ങളെ മനോഹരമായി തീർത്തിരിക്കുന്നത്.