സുനിൽ കാര്യാട്ടുകരയുടെ സംവിധാന മികവിൽ പുറത്തിറങ്ങാൻ ഒരുങ്ങുന്ന പുത്തൻ ചിത്രമാണ് പിക്കാസോ . പകിട , ചാക്കോ രണ്ടാമൻ എന്നീ ചിത്രങ്ങൾ അണിയിച്ചൊരുക്കിയ സംവിധായകനാണ് സുനിൽ കാര്യാട്ടുകര . ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് പുത്തൻ ചിത്രമായ പിക്കാസോയുടെ ട്രെയിലർ വീഡിയോ ആണ് . ഒരു ആക്ഷൻ ത്രില്ലർ ജോണറിലാണ് പിക്കാസോ അണിയിച്ച ഒരുക്കിയിട്ടുള്ളത്.
ചിത്രത്തിൽ നായകനായി വേഷമിടുന്നത് സിദ്ധാർത്ഥ് രാജൻ ആണ് . അയന ഫിലിംസിന്റെ ബാനറിൽ പുറത്തിറങ്ങാൻ ഒരുങ്ങുന്ന ഈ ചിത്രത്തിൻറെ നിർമാതാവ് നജില ബി ആണ് . ഷാൻ പി റഹ്മാനാണ് ചിത്രത്തിനുവേണ്ടി ക്യാമറ കൈകാര്യം ചെയ്തിരിക്കുന്നത്. ഈ ചിത്രത്തിൻറെ മറ്റൊരു പ്രത്യേകത എന്നത് കെജിഎഫിന് വേണ്ടി ബിജിഎം ഒരുക്കിയ രവി ബസ്റൂർ ആണ് ഈ ചിത്രത്തിൻറെയും ബാഗ്രൗണ്ട് സ്കോർ നിർവഹിക്കുന്നത്. വരുൺ കൃഷ്ണയാണ് സംഗീത സംവിധായകൻ.
അയന ഫിലിംസിന്റെ യൂട്യൂബ് ചാനലിലൂടെയാണ് ഈ വീഡിയോ പങ്കുവെച്ചിട്ടുള്ളത്. സിദ്ധാർത്ഥ് രാജനെ കൂടാതെ അമൃത സാജു , കൃഷ്ണ കുലശേഖരൻ , ആശിഷ് ഗാന്ധി, അനു നായർ , ജാഫർ ഇടുക്കി , രാജേഷ് ശർമ, സുർജിത് , ആനന്ദ് കുമാർ , ചാർലി, അജയ് വാസുദേവ്, ജിനു കോട്ടയം, ജിത്തുജോഗി എന്നീ താരങ്ങളും ചിത്രത്തിൽ അണിനിരക്കുന്നു. ഇ എച്ച് സബീർ ആണ് ഈ ചിത്രത്തിൻറെ കഥ തിരക്കഥ സംഭാഷണം ഒരുക്കിയിട്ടുള്ളത്. ആക്ഷൻ രംഗങ്ങൾക്ക് പിന്നിൽ പ്രവർത്തിച്ചിരിക്കുന്നത് രാജശേഖരൻ , റൺ രവി , ജോളി ബാസ്റ്റിൻ എന്നിവരാണ് .