തമിഴ് സൂപ്പർതാരം വിജയ് സേതുപതിയെ ബെംഗളൂരു വിമാനത്താവളത്തിൽ ആക്രമിച്ചത് മലയാളി യുവാവ് ആണെന്ന് കണ്ടെത്തി. ബംഗളൂരുവിൽ താമസിക്കുന്ന ജോൺസൻ എന്ന മലയാളി യുവാവ് ആണ് മദ്യലഹരിയിലെത്തി താരത്തെ ആക്രിമിച്ചത്. ഒപ്പമുണ്ടായിരുന്ന നടൻ മഹാഗാന്ധിക്കും പരുക്കേറ്റിരുന്നു. സെൽഫിയെടുക്കാൻ താരം വിസമ്മിതച്ചെന്നും അതാണ് പ്രകോപന കാരണം എന്നാണ് പുറത്തുവരുന്ന റിപ്പോർട്ടുകൾ.
വിമാനത്താവളത്തിനു പുറത്തേക്കുവരികയായിരുന്ന വിജയ് സേതുപതിക്ക് നേരെ ഇയാൾ ഓടിയെത്തുന്ന ദൃശ്യങ്ങളാണ് പുറത്തുവന്നിരിക്കുന്നത്. വിജയ് സേതുപതിക്ക് പരുക്കേറ്റിട്ടില്ല. എന്നാൽ വിജയ് സേതുപതിയുടെ ടീമിലെ ഒരാളുടെ അടുത്തേക്ക് യുവാവ് ഓടിയെത്തുകയും ക്രൂരമായി ആക്രമിക്കുകയും ചെയ്യുന്നതാണ് ദൃശ്യങ്ങളിലുടെ കാണാൻ സാധിക്കുന്നത്. ഞെട്ടിപ്പോയ വിജയ് സേതുപതി രണ്ടു പേരുടെയും അടുത്തേക്ക് നീങ്ങുന്നതും ആരോ നടനെ തള്ളിയിടുന്നതും ആയ ദൃശ്യങ്ങൾ വിഡിയോയിലുണ്ട്. വിഡിയോ സമൂഹമാധ്യമങ്ങളിൽ വൈറലായി മാറുന്നു.
താരത്തിന്റെ ബോഡി ഗാർഡ്സ് തടഞ്ഞതുകൊണ്ടാണ് അദ്ദേഹത്തിന് മർദ്ദനം ഏൽക്കാതിരുന്നത്. സിഐഎസ്എഫ് പിടികൂടി ജോൺസണെ പൊലീസിന് കൈമാറിയിരുന്നു. എന്നാൽ ഇതിന്റെ പേരിൽ കേസിന് ഒന്നും താൽപ്പര്യമില്ലെന്ന് വിജയ് സേതുപതി പൊലീസിനെ അറിയിച്ചു. എന്നാൽ താരത്തിന്റെ പരാതി ഇല്ലെങ്കിലും സ്വമേധയാ കേസെടുക്കുമെന്ന് ബെംഗളൂരു പൊലീസ് അറിയിച്ചു.
വിജയ് സേതുപതി വിമാനത്താവളത്തിൽ നിന്ന് പുറത്തേക്ക് വരുന്നതും . ആരോഗ്യവാനായ ജോൺസൻ ഓടിച്ചെന്ന് അദ്ദേഹത്തിന്റെ പുറകിൽ ചവിട്ടുന്നതുമാണ് ദൃശ്യങ്ങളിൽ ഉള്ളത്. അപ്രതീക്ഷിത ആക്രമണത്തിനിടെയുണ്ടായ തിക്കുതിരക്കുകൾക്കിടയിൽ വിജയ് മുന്നോട്ട് വീഴാൻ പോകുന്നതും ദൃശ്യങ്ങളിൽ വ്യക്തമാകുന്നുണ്ട്.