Author name: CINEMA PRANTHAN

പ്രേമലു സക്‌സസ്സ് ടീസർ റിലീസ് ചെയ്തു അണിയറ പ്രവർത്തകർ

തീയേറ്ററുകളിൽ അതിഗംഭീരമായി പ്രദർശിപ്പിച്ചോണ്ടിരിക്കുന്ന ചലച്ചിത്രമാണ് പ്രേമലു. ഇപ്പോൾ ഇതാ ഗിരീഷ് എ ഡിയുടെ ഹാട്രിക്ക് വിജയവുമായി മാറിയിരിക്കുകയാണ് പ്രേമലു ചലച്ചിത്രം. നസ്ലെൻ, മമിത ബൈജു എന്നിവർ പ്രധാന കഥാപാത്രമാക്കി റൊമാന്റിക്ക് കോമഡി എന്റെർറ്റൈനെർ ചലച്ചിത്രമാണ് തീയേറ്ററുകളിൽ വിജയകരമായി ഓടി കൊണ്ടിരിക്കുന്നത്. ഓരോ പ്രേക്ഷകർക്കും പൊട്ടി ചിരിക്കാനായി ഒട്ടേറെ രംഗങ്ങൾ ഉണ്ടായിരുന്നു എന്നാണ് പുറത്തു വരുന്ന റിപ്പോർട്ടുകൾ.

ചലച്ചിത്രം ആറാം ദിവസവും വിജയകരമായി ഓടുമ്പോൾ തന്നെ കേരള ബോക്സ് ഓഫീസിനു മാത്രം പത്ത് കോടി രൂപയാണ് സിനിമ സ്വന്തമാക്കിയത്. ആഗോളതലത്തിൽ ചലച്ചിത്രം ഏകദേശം പതിനാറ് കോടി രൂപയും. ഗൾഫ് പോലെയുള്ള രാജ്യങ്ങളിൽ പ്രേമലു ചലച്ചിത്രത്തിനു മികച്ച പ്രതികരണവും കളക്ഷനുമാണ് ലഭിച്ചത്. ഹൈദരാബാദ് എന്ന സ്ഥലത്തിന്റെ പശ്ചാത്തലത്തിലാണ് സിനിമ ചിത്രീകരിച്ചത്.

ഇപ്പോൾ ഇതാ സിനിമ സക്‌സസായത്തിന്റെ സന്തോഷത്തിനു പകരമായി അണിയറ പ്രവർത്തകർ സക്‌സസ് ടീസറാണ് പുറത്തു വിട്ടിരിക്കുന്നത്. സക്‌സസ് ടീസറിനും മികച്ച അഭിപ്രായങ്ങളാണ് ലഭിച്ചത്. സമൂഹ മാധ്യമങ്ങളിൽ ചുരുങ്ങിയ സമയം കൊണ്ടാണ് ടീസറിനു നിരവധി കാണികളെ ലഭിച്ചത്. ശ്യാം മോഹൻ, അഖില ഭാർഗവൻ, സംഗീത് പ്രതാപ്, അൽതാഫ് സലീം, മീനാക്ഷി രവീന്ദ്രൻ തുടങ്ങിയവരാണ് സിനിമയിൽ മറ്റ് പ്രധാന അഭിനേതാക്കളായി അഭിനയിച്ചത്.

സിനിമ ഭാവന സ്റ്റുഡിയോസ് നിർമ്മിക്കുമ്പോൾ വിഷ്ണു വിജയാണ് സംഗീതം ഒരുക്കിട്ടുള്ളത്. ഗിരീഷ് എഡിയും, കിരൺ ജോസിയും ചേർന്ന് തിരക്കഥ നിർവഹിച്ചപ്പോൾ ഗിരീഷ് എഡി തന്നെയാണ് സംവിധാനം ചെയ്തിട്ടുളളത്. എന്തായാലും ഈ വർഷത്തിലെ ഗംഭീര വിജയം നേടിയ സിനിമങ്ങളുടെ ലിസ്റ്റിൽ പ്രേമലു എന്ന ചലച്ചിത്രവും ചേർക്കപ്പെട്ടും എന്നത് തന്നെ അണിയറ പ്രവർത്തകരുടെയും, അഭിനേതാക്കളുടെയും അധ്വാനം കൊണ്ട് തന്നെയാണ്.

പ്രേമലു സക്‌സസ്സ് ടീസർ റിലീസ് ചെയ്തു അണിയറ പ്രവർത്തകർ Read More »

ദിലീപ് നായകനായി എത്തുന്ന “പവി കെയർടേക്കർ” ചിത്രത്തിന്റെ ടീസർ റിലീസ് ചെയ്തു

ദിലീപ് പ്രധാന കഥാപാത്ര ത്തിലെത്തുന്ന ഏറ്റവും പുതിയ സിനിമയാണ് പവി കെയർടേക്കർ. അഞ്ച് പുതുമുഖ നായികമാരുടെ നായകനായിട്ടാണ് ഇത്തവണ ദിലീപ് ആരാധകരുടെയും, സിനിമ പ്രേമികളുടെയും മുന്നിലെത്തുന്നത്. ദിലീപ് കൂടാതെ തന്നെ മറ്റ് കേന്ദ്ര കഥാപാത്രങ്ങളായി ജോണി ആന്റണി, രാധികാ ശരത് കുമാർ, ധർമജൻ ബോൾഗാട്ടി, സ്പടികം ജോർജ് തുടങ്ങി ഒട്ടേറെ പേരാണ് ചലച്ചിത്രത്തിൽ അഭിനയിക്കുന്നത്. വിനീത് കുമാറാണ് ചലച്ചിത്രത്തിന്റെ സംവിധാനം നിർവഹിച്ചിരിക്കുന്നത്.

മലയാള, കന്നഡ സിനിമകളിൽ ഒരുപാട് ഹിറ്റുകൾ സമ്മാനിച്ച മിഥുൻ മുകുന്ദനാണ് സംഗീത സംവിധാനം കൈകാര്യം ചെയ്തിരിക്കുന്നത്. ഗ്രാൻഡ് പ്രൊഡക്ഷൻസിന്റെ ബാനറിൽ നടൻ ദിലീപ് തന്നെയാണ് സിനിമയുടെ നിർമ്മാണവും ചെയ്തിട്ടുള്ളത്. അരവിന്ദന്റെ അതിഥികൾ എന്ന സിനിമയ്ക്ക് ശേഷം രാജേഷ് രാഘവനാണ് തിരക്കഥ ഒരുക്കിട്ടുള്ളത്. നിരവധി മികച്ച ചലച്ചിത്രങ്ങളാണ് ദിലീപ് ഈയൊരു കാലയളവിൽ മലയാള സിനിമ പ്രേക്ഷകർക്ക് സമ്മാനിച്ചിട്ടുള്ളത്.

ഇപ്പോൾ ഇതാ സോഷ്യൽ മീഡിയയിൽ വൈറലായി മാറി കൊണ്ടിരിക്കുന്നത് പവി ടേക്ക്കെയറിന്റെ ടീസറാണ്. സിനിമയുടെ അണിയറ പ്രവർത്തകർ തന്നെയാണ് ചലച്ചിത്രത്തിന്റെ ടീസർ യൂട്യൂബ് വഴി സിനിമ പ്രേക്ഷകർക്കും ആരാധകർക്കും പങ്കുവെച്ചിട്ടുള്ളത്. എന്തായാലും ടീസർ ചുരുങ്ങിയ സമയം കൊണ്ട് തന്നെ ആരാധകർക്കിടയിലും സോഷ്യൽ മീഡിയയിലും വൈറലായി കഴിഞ്ഞു. വളരെ മികച്ച അഭിപ്രായങ്ങളാണ് ടീസർ കണ്ട പ്രേക്ഷകർ അഭിപ്രായപ്പെടുന്നത്.

എന്നാൽ ഈ സിനിമയുടെ റിലീസിനു മുമ്പേ പ്രേഷകരുടെ മുന്നിൽ ദിലീപ് നായകനായി എത്താൻ പോകുന്ന ചലച്ചിത്രമാണ് തങ്കമണി. ഉടൽ സിനിമ സംവിധാനം ചെയ്ത സംവിധായകനായ രതീഷ് രാഘുനാഥനാണ് തങ്കമണി ചലച്ചിത്രത്തിന്റെ സംവിധാനം നിർവഹിച്ചിരിക്കുന്നത്. ഈ മാസം തന്നെ സിനിമ തീയേറ്ററുകളിൽ എത്തുമെന്നാണ് ആരാധകരുടെയും സിനിമ പ്രേമികളുടെയും പ്രതീക്ഷ. എന്തായാലും വരാനിരിക്കുന്ന ദിലീപിന്റെ ചിത്രങ്ങൾക്ക് വേണ്ടി കാത്തിരിക്കുന്നവരും ഒട്ടേറെ പേരാണ്.

 

ദിലീപ് നായകനായി എത്തുന്ന “പവി കെയർടേക്കർ” ചിത്രത്തിന്റെ ടീസർ റിലീസ് ചെയ്തു Read More »

ധ്യാൻ ശ്രീനിവാസൻ, പ്രണവ് മോഹൻലാൽ പ്രധാന കഥാപാത്രമായി എത്തുന്ന “വർഷങ്ങൾക്ക് ശേഷം” സിനിമയുടെ ടീസർ റിലീസ് ചെയ്തു

വിനീത് ശ്രീനിവാസൻ തിരക്കഥ എഴുതി സംവിധാനം ചെയ്യുന്ന ഏറ്റവും പുതിയ സിനിമയായ “വർഷങ്ങൾക്ക് ശേഷം” എന്ന ചലച്ചിത്രത്തിന്റെ ഔദ്യോഗിക ടീസർ റിലീസ് ചെയ്തു. മലയാളത്തിന്റെ കമ്പ്ലീറ്റ് ആക്ടർ മോഹൻലാൽ തന്റെ ഔദ്യോഗിക ഫേസ്ബുക്ക് പേജ് വഴിയാണ് ടീസർ പുറത്തിറക്കിയത്. പ്രണവ് മോഹൻലാൽ, ധ്യാൻ ശ്രീനിവാസൻ എന്നിവർ പ്രധാന വേഷത്തിലെത്തുന്ന ഈ സിനിമ രണ്ട് കാലഘട്ടങ്ങളെ കുറിച്ച് പറയുന്ന ചലച്ചിത്രമായിരിക്കുമെന്നാണ് ടീസർ ഇപ്പോൾ നൽകുന്ന സൂചന.

പഴയ ലാലേട്ടനെ വീണ്ടും പ്രണവ് എന്ന നടനിലൂടെ കാണാൻ സാധിച്ചുവെന്നാണ് സിനിമ പ്രേമികളും ആരാധകരും പറയുന്നത്. ടീസറിലെ ചില രംഗങ്ങളിൽ പഴയ കാലത്തിലെ മോഹൻലാലിനെ കാണാൻ കഴിഞ്ഞുവെന്നാണ് ആരാധകർ അഭിപ്രായപ്പെടുന്നത്. ഹൃദയം എന്ന സിനിമയ്ക്ക് ശേഷം പ്രണവ് മോഹൻലാൽ, വിനീത് ശ്രീനിവാസൻ കൂട്ടുക്കെത്തിൽ ഇറങ്ങുന്ന ഏറ്റവും പുതിയ ചലച്ചിത്രമാണ് “വർഷങ്ങൾക്ക് ശേഷം”.

മോഹൻലാലിന്റെയും, ശ്രീനിവാസന്റെയും മദ്രാസിലെ ജീവിത കഥയായിരിക്കുമെന്നാണ് സിനിമയിലുണ്ടാവുക എന്ന റിപ്പോർട്ടുകളാണ് ഇപ്പോൾ പുറത്തു വന്നു കൊണ്ടിരിക്കുന്നത്. ഇത് കൂടാതെ തന്നെ ടീസറിലെ നിവിൻ പോളിയുടെ കാമിയോ റോളും ടീസറിൽ പ്രധാന രംഗങ്ങളിൽ ഒന്നാണ്. അജു വർഗീസ്, കല്യാണി പ്രിയദർശൻ, ബേസിൽ ജോസഫ്, നീരജ് മാധവ്, ഷാൻ റഹ്‌മാൻ, നീത പിള്ള എന്നിവരും സിനിമയിൽ പ്രധാന കഥാപാത്രങ്ങളായി എത്തുന്നുണ്ട്.

മേരിലാൻഡ് സിനിമാസിന്റെ ബാനറിൽ വൈശാഖ് സുബ്രപമണ്യമാണ് “വർഷങ്ങൾക്ക് ശേഷം” എന്ന സിനിമ നിർമ്മിക്കുന്നത്. ഒരുപാട് പ്രേമുഖ താരങ്ങൾ സിനിമയിലുണ്ടെന്നതാണ് മറ്റൊരു പ്രേത്യേകത. ബോംബൈ ജയശ്രീയുടെ മകൻ അമൃത് രാംനാഥാണ് ചലച്ചിത്രത്തിലെ സംഗീതം ഒരുക്കുന്നത്. ഏപ്രിൽ 11നാണ് “വർഷങ്ങൾക്ക് ശേഷം” എന്ന ചലച്ചിത്രം തീയേറ്ററുകളിൽ എത്തുന്നത്. എന്തായാലും ടീസർ കണ്ടതോടെ സിനിമയ്ക്ക് വേണ്ടി കാത്തിരിക്കുകയാണ് ആരാധകർ.

 

ധ്യാൻ ശ്രീനിവാസൻ, പ്രണവ് മോഹൻലാൽ പ്രധാന കഥാപാത്രമായി എത്തുന്ന “വർഷങ്ങൾക്ക് ശേഷം” സിനിമയുടെ ടീസർ റിലീസ് ചെയ്തു Read More »

ഉണ്ണി മുകുന്ദന്റെ പുതിയ സൂപ്പർ ഹീറോ സിനിമയോ? ജയ് ഗണേഷ് ടീസർ റിലീസ് ചെയ്തു

നടൻ ഉണ്ണി മുകുന്ദനെ നായകനാക്കി സംവിധായകൻ രഞ്ജിത്ത് ശങ്കർ സംവിധാനം ചെയ്യുന്ന ഏറ്റവും പുതിയ സിനിമയായ “ജയ് ഗണേഷ്” എന്ന ചിത്രത്തിന്റെ ഔദ്യോഗിക ടീസർ റിലീസ് ചെയ്തു. മലയാള സിനിമയിൽ മറ്റൊരു സൂപ്പർ ഹീറോ ചിത്രമായിരിക്കുമെന്നാണ് ടീസറിൽ നിന്നും ലഭ്യമാകുന്ന റിപോർട്ടുകൾ. ഒരു ബൈക്ക് അപകടത്തിൽ നായകൻ വീൽ ചെയറിലാവുന്ന രംഗങ്ങൾ ടീസറിൽ നിന്നും വ്യക്തമാണ്. മിന്നൽ മുരളിയ്ക്ക് ശേഷം മറ്റൊരു സൂപ്പർ ഹീറോ സിനിമയായിരിക്കുമെന്നാണ് പല സിനിമ നിരീക്ഷകർ അഭിപ്രായപ്പെടുന്നത്.

സിനിമയുടെ അണിയറ പ്രവർത്തകർ ടീസർ യൂട്യൂബിലൂടെ റിലീസ് ചെയ്തതോടെ വളരെ മികച്ച പ്രതികരണങ്ങളാണ് ടീസറിന് ലഭിച്ചോണ്ടിരിക്കുന്നത്. ക്രിമിനൽ അഭിഭാക്ഷകയുടെ വേഷത്തിലെത്തുന്ന ജോമോൾ കൂടാതെ ഹരീഷ് പേരടി, രവീന്ദ്ര വിജയ്, അശോകൻ, നന്ദു, ശ്രീകാന്ത് കെ വിജയൻ, ബെൻസി മാത്യൂസ് എന്നിവരാണ് സിനിമയിൽ മറ്റ് അഭിനേതാക്കളായി ചലച്ചിത്രത്തിലെത്തുന്നത്. ഉണ്ണി മുകുന്ദന്റെ വളരെ മികച്ച അഭിനയ പ്രകടനമായിരിക്കും സിനിമയിലുണ്ടാവുക എന്ന കാര്യത്തിൽ യാതൊരു സംശയമില്ല.

മുതിർന്നവർ മുതൽ കുട്ടികൾ വരെ ഒരുപോലെ ആസ്വദിക്കാൻ കഴിയുന്ന രീതിയിലാണ് സിനിമ ഒരുക്കിരിക്കുന്നത്. മികച്ച ഫാമിലി എന്റർടൈനർ ആവുമെന്നാണ് റിപ്പോർട്ടുകളിൽ നിന്നും മനസ്സിലാവുന്നത്. തീയേറ്ററുകളിൽ ഹിറ്റായി മാറിയ മാളികപുറം എന്ന സിനിമയ്ക്ക് ശേഷമാണ് ഉണ്ണി മുകുന്ദന്റെ ഏറ്റവും പുതിയ ചലച്ചിത്രമായ ജയ് ഗണേഷ് സിനിമ പ്രേഷകരുടെ മുന്നിലെത്താൻ ഒരുങ്ങുന്നത്.

ചന്ദ്രു ശെൽവരാജ് ഛായാഗ്രഹണം നിർവഹിക്കുമ്പോൾ സംഗീത പ്രതാപ് ചിത്രസംയോജനം കൈകാര്യം ചെയ്യുന്നുണ്ട്. ശങ്കർ ശർമ്മ സംഗീതം, തപാസ് നായക് സൗണ്ട് ഡിസൈനർ, സൂരജ് കുരുവിലങ്ങാട് പ്രൊഡക്ഷൻ ഡിസൈനർ, റോണക്സ് സേവിയർ മേക്കപ്പ്, വിപിൻ ദാസ് വസ്ത്രലങ്കാരം, സജീവ് ചന്തിരൂർ പ്രൊഡകഷൻ കൺട്രോളർ, അന്നൂപ് മോഹൻ എസ് അസ്സോസിയേറ്റ് ഡയറക്ടർ എന്നീ മേഖലകൾ കൈകാര്യം ചെയ്യുന്നു.

ഉണ്ണി മുകുന്ദന്റെ പുതിയ സൂപ്പർ ഹീറോ സിനിമയോ? ജയ് ഗണേഷ് ടീസർ റിലീസ് ചെയ്തു Read More »

“നീ പിണങ്ങല്ല” ജെറി സിനിമ യിലെ റൊമാന്റിക്ക് ട്രാക്ക് റിലീസ് ചെയ്തു

കോട്ടയം നസീർ, സണ്ണി ജോസഫ്, പ്രമോദ് വെളിയനാട് തുടങ്ങിയവർ പ്രധാന കഥാപാത്രമായി എത്തുന്ന ഏറ്റവും പുതിയ സിനിമയാണ് ജെറി. അനീഷ് ഉദയ്യുടെ സംവിധാനത്തിലാണ് ജെറി എന്ന സിനിമ ഫെബുവരി 9ന് തീയേറ്ററുകളിൽ റിലീസ് ചെയ്യുന്നത്. ഇപ്പോൾ സിനിമയ്ക്ക് മികച്ച അഭിപ്രായങ്ങളാണ് ലഭിച്ചോണ്ടിരിക്കുന്നത്. നിലവിൽ ചലച്ചിത്രത്തിന്റെ ഏറ്റവും പുതിയ ഗാനമാണ് സോഷ്യൽ മീഡിയയിൽ വൈറലായി മാറികൊണ്ടിരിക്കുന്നത്.

ജനശ്രെദ്ധ നേടിയ ഈ ഗാനത്തിനു മികച്ച പ്രതികരണങ്ങളാണ് പ്രേഷകരുടെ ഭാഗത്ത് നിന്നും ലഭിച്ചോണ്ടിരിക്കുന്നത്. ജെറി സിനിമയിലെ നീ പിണങ്ങല്ലെ എന്ന ഗാനമാണ് സിനിമയിലെ അണിയറ പ്രവർത്തകർയൂട്യൂബ് ചാനൽ വഴി റിലീസ് ചെയ്തത്. ഗ്രാമീണയുടെ ഭംഗിയിൽ പ്രണയ തുളുമ്പുന്ന ഈ ഗാനം മലയാളികളുടെ സ്വന്തം ഗായകൻ വിനീത് ശ്രീനിവാസനും, നിത്യ മാമനും ചേർന്നാണ് ആലപിച്ചിരിക്കുന്നത്. സംഗീത സംവിധാനം അരുൺ വിജയ് നിർവഹിക്കുമ്പോൾ വരികൾ ഒരുക്കിരിക്കുന്നത് വിനായക് ശശികുമാറാണ്.

ഒരു നാട്ടിൽ എലി ഉണ്ടാക്കി വെക്കുന്ന ഓരോ പ്രേശ്നങ്ങളാണ് സിനിമയിൽ ഉടനീളമുണ്ടാവുക എന്നതാണ് പ്രധാന പ്രമയം. എലിയായുമായി ബന്ധപ്പെട്ട സിനിമയായത് കൊണ്ട് തന്നെയാണ് ചലച്ചിത്രത്തിനു ജെറി എന്ന പേര് നൽകിയത്. നേരത്തെ സിനിമയുടെ അണിയറ പ്രവർത്തകർ റിലീസ് ചെയ്ത ടീസർ, ട്രൈലെർ, പ്രോമോ ഗാനം തുടങ്ങിയവയെല്ലാം സമൂഹ മാധ്യമങ്ങളിൽ വലിയ ഹിറ്റായി മാറിയിരുന്നു.

സിനിമയുടെ ഓഡിയോ ടൈറ്റിൽസ് സ്വന്തമാക്കിയത് ഇന്ത്യയിലെ തന്നെ ഏറ്റവും വലിയ മ്യൂസിക്കൽ കമ്പനിയായ സരിഗമ ആണ്. ജെ സിനിമ കമ്പനിയുടെ ബാനറിൽ ജെയ്‌സണും, ജോയ്‌സണും ചേർന്നാണ് നിർമ്മിച്ചിരിക്കുന്നത്. ജെറിയ സിനിമയുടെ തിരക്കഥാകൃത്ത് കൈകാര്യം ചെയ്തിരിക്കുന്നത് നൈജൽ സി മാനുവലാണ്. എന്തായാലും സിനിമ ഇതിനോടകം തന്നെ ആരാധകർ ഏറ്റെടുത്തിരിക്കുന്നത്.

“നീ പിണങ്ങല്ല” ജെറി സിനിമ യിലെ റൊമാന്റിക്ക് ട്രാക്ക് റിലീസ് ചെയ്തു Read More »

വൈ എസ് ആറായി വീണ്ടും മമ്മൂട്ടി ; യാത്ര 2 സിനിമയുടെ ട്രൈലെർ റിലീസ് ചെയ്തു

അവസാനമായി ഇറങ്ങിയ ഒട്ടുമിക്ക ചലച്ചിത്രങ്ങളിലും ഗംഭീര വിജയം കൊയ്ത ഒരു നടനാണ് മലയാള സിനിമയുടെ മെഗാസ്റ്റാർ മമ്മൂട്ടി. കൈകാര്യം ചെയ്യുന്ന കഥാപാത്രവും തിരഞ്ഞെടുക്കുന്ന സിനിമയും ഗംഭീരം തന്നെയായിരിക്കും. ഇപ്പോൾ ഇതാ സോഷ്യൽ മീഡിയയിൽ ഏറെ വൈറലായി മാറുന്നത് മമ്മൂട്ടിയുടെ തെലുങ്ക് സൂപ്പർ ഹിറ്റ് ചലച്ചിത്രം “യാത്ര” രണ്ടാം ഭാഗത്തിന്റെ ട്രൈലെറാണ്. മികച്ച പ്രതീകരണങ്ങളാണ് ട്രൈലെർ ഇറങ്ങിയതോടെ സിനിമയുടെ ട്രൈലെറിനു ലഭിച്ചത്.

തമിഴ് നടൻ ജീവയാണ് സിനിമയിൽ നായകനായി പ്രേഷകരുടെ മുന്നിലെത്താൻ പോകുന്നത്. എന്നാൽ മമ്മൂട്ടിയുടെ ഗംഭീരമായ കഥാപാത്രത്തെ കാണിച്ചു കൊണ്ടാണ് സിനിമയുടെ ട്രൈലെർ തന്നെ ആരംഭിക്കുന്നത്. മമ്മൂട്ടിയെ പ്രധാന കഥാപാത്രമാക്കി മഹി വി രാഘവ് സംവിധാനം ചെയ്ത് 2019ൽ റിലീസ് ചെയ്ത യാത്ര എന്ന ചിത്രത്തിന്റെ രണ്ടാം ഭാഗത്തിന്റെ ട്രൈലെറാണ് ഇപ്പോൾ സമൂഹ മാധ്യമങ്ങളിൽ ഏറെ ജനശ്രെദ്ധ നേടി കൊണ്ടിരിക്കുന്നത്.

ആന്ധ്രപ്രദേശ് മുഖ്യമന്ത്രിയായിരുന്ന വൈ എസ് രാജശേഖര റെഡ്ഢിയായിട്ടാണ് മമ്മൂട്ടി സിനിമയിൽ അതിനയിച്ചത്. എന്നാൽ യാത്ര രണ്ടാം ഭാഗത്തിൽ വൈ എസ് രാജശേഖര റെഡ്ഢിയുടെ മകൻ വൈ എസ് ജഗന്റെ രാഷ്ട്രീയ ജീവിതത്തെ ആസ്പദമയക്കിയാണ് സിനിമ സിനിമ പ്രേമികളുടെ മുന്നിൽ പ്രദർശിപ്പിക്കുന്നത്. ജഗൻ റെഡ്‌ഡിയായി സിനിമയിലെത്തുന്നത് തമിഴ് നടനും സിനിമയിലെ പ്രധാന കഥാപാത്രവുമായ ജീവയാണ്.

ഛായാഗ്രഹണം മധി. കേതകി നാരായൺ കൈകാര്യം ചെയ്യുമ്പോൾ സന്തോഷാണ് നാരായണനാണ് സംഗീതം ഒരുക്കുന്നത്. മഹേഷ് മഞ്ജരേക്കർ, സൂസനെ ബെർനൈറ്റ് എന്നിവരാണ് സിനിമയിൽ മറ്റ് സുപ്രധാരണ കഥാപാത്രങ്ങൾ കൈകാര്യം ചെയ്തു എത്തുന്നത്. 2019 റിലീസ് ചെയ്ത മമ്മൂട്ടിയുടെ യാത്ര ബോക്സോഫിൽ മികച്ച വിജയം കൈവരിച്ചിരുന്നു. ഏകദേശം നാല് വർഷത്തിനു ശേഷമാണ് സിനിമയുടെ സംവിധായകൻ യാത്ര രണ്ടാം ഭാഗമായി എത്തുന്നത്. രണ്ടാം ഭാഗത്തിൽ മമ്മൂട്ടി അതിഥി വേഷത്തിലാണ് എത്തുന്നത്.

 

വൈ എസ് ആറായി വീണ്ടും മമ്മൂട്ടി ; യാത്ര 2 സിനിമയുടെ ട്രൈലെർ റിലീസ് ചെയ്തു Read More »

ഷെയ്ൻ നിഗം നായകനായി എത്തുന്ന “ലിറ്റിൽ ഹാർട്സ്” സിനിമയുടെ ടീസർ റിലീസ് ചെയ്തു

ഷെയ്ൻ നിഗം പ്രധാന കഥാപാത്രമായി എത്തുന്ന ഏറ്റവും പുതിയ സിനിമയായ് ലിറ്റിൽ ഹാർട്സ് എന്ന സിനിമയുടെ ഔദ്യോഗിക ടീസർ സിനിമയുടെ അണിയറ പ്രവർത്തകർ റിലീസ് ചെയ്തിരിക്കുകയാണ്. റൊമാന്റിക്ക് കോമഡി എന്റെർറ്റൈനെർ എന്ന രീതിയിലായിരിക്കും ചലച്ചിത്രം സിനിമ പ്രേഷകരുടെ മുന്നിലെത്തുന്നത്. ചുരുങ്ങിയ സമയം കൊണ്ട് സിനിമയുടെ ടീസർ സോഷ്യൽ മീഡിയയിൽ വൈറലായി മാറിയിരുന്നു. നിരവധി പേരാണ് മികച്ച പ്രതികരണവുമായി വീഡിയോയുടെ കമന്റ് ബോക്സിൽ എത്തിയത്.

ഷെയ്ൻ നിഗം കൂടാതെ ബാബുരാജ്, മഹിമ നമ്പ്യാർ എന്നിവരാണ് സിനിമയുടെ മറ്റ് പ്രധാന താരങ്ങൾ. ബാബുരാജിന്റെ കൂടെ കോമഡികളുമായി
ഷെയ്ൻ നിഗം അതിഗംഭീരമായ പ്രകടനമാണ് ടീസറിൽ കാണാൻ സാധിക്കുന്നത്. എബി ട്രീസയോ, ആന്റോ ജോസ് പെരേര എന്നിവരുടെ കൂട്ടുകെത്തിൽ തിരക്കഥ എഴുതി സംവിധാനം ചെയ്യുന്ന സിനിമയാണ് ലിറ്റിൽ ഹാർട്സ്. സാന്ദ്ര തോമസ് പ്രൊഡക്ഷൻ ബാനറിൽ സാന്ദ്ര തോമസും, വിൽ‌സൺ തോമസും ചേർന്നാണ് സിനിമ നിർമ്മിക്കുന്നത്.

കിഴക്കൻ മലയോര മേഖലയിൽ ഏലത്തോട്ടങ്ങളുടെ പശ്ചാത്തലത്തിൽ പ്രണയത്തിന്റെയും മറ്റ് ബന്ധങ്ങളുടെയും കഥ പറയുന്ന ഒരു ഗംഭീര സിനിമയായിരിക്കും എന്ന കാര്യത്തിൽ യാതൊരു സംശയമില്ലെന്ന് ടീസറിൽ നിന്നും വ്യക്തമാക്കിരിക്കുകയാണ്. ഐമാ സെബാസ്റ്റ്യൻ, രഞ്ജി പണിക്കർ, ജാഫർ ഇടുക്കി, മാല പാർവതി, രമ്യ സുവി എന്നിവരും സിനിമയിൽ മറ്റ് കഥാപാത്രങ്ങളായി എത്തുന്നുണ്ടെന്നത് ശ്രെദ്ധയമായ കാര്യമാണ്.

കൈലാസ് മേനോനാണ് സംഗീതം ഒരുക്കുന്നത്. ലൂക്ക് ജോസ് ഛായാഗ്രഹണം മേഖല കൈകാര്യം ചെയ്യുമ്പോൾ നൗഫൽ അബ്‌ദുള്ള എഡിറ്റിംഗ് ചെയ്യുന്നു. എന്തായാലും ഈ വർഷത്തിലെ മികച്ച കോമഡി എന്റെർറ്റൈനെർ ആയിരിക്കുമെന്ന കാര്യത്തിൽ യാതൊരു സംശയമില്ല. കൂടാതെ പ്രധാന കഥാപാത്രങ്ങളുടെ മികച്ച അഭിനയ പ്രകടനവും നമ്മൾക്ക് കാണാൻ കഴിയും.

ഷെയ്ൻ നിഗം നായകനായി എത്തുന്ന “ലിറ്റിൽ ഹാർട്സ്” സിനിമയുടെ ടീസർ റിലീസ് ചെയ്തു Read More »

‘മലയ്‌ക്കോട്ടൈ വാലിബൻ’ സിനിമയിലെ “ഏഴിമല കോട്ടയിലെ” വീഡിയോ ഗാനം സോഷ്യൽ മീഡിയയിൽ റിലീസ് ചെയ്തു

മോഹൻലാലിനെ പ്രധാന കഥാപാത്രമാക്കി ലിജോ ജോസ് പെല്ലിശ്ശേരി ഒരുക്കിയ ഏറ്റവും പുതിയ സിനിമയായ മലയ്‌ക്കോട്ടൈ വാലിബൻ എന്ന സിനിമയിലെ ഏഴിമല കോട്ടയിലെ എന്ന ഗാനം സോഷ്യൽ മീഡിയയിൽ റിലീസായി. കഴിഞ്ഞ ദിവസമായിരുന്നു ഗാനം യൂട്യൂബ് വഴി പ്രേക്ഷകർക്ക് പങ്കുവെച്ചത്. ചുരുങ്ങിയ സമയം കൊണ്ട് വീഡിയോയ്ക്ക് ഒരുപാട് കാണികളെയാണ് ലഭിച്ചത്. ഏകദേശം അഞ്ച് ലക്ഷം കാണികളാണ് ഇതിനോടകം തന്നെ ഗാനം കണ്ടത്.

പ്രശാന്ത് പിള്ളയുടെ സംഗീതത്തിൽ പ്രീതി പിള്ളയാണ് ഗാനം ആലപിച്ചത്. പി എസ് റഫീഖാണ് വരികൾ ഒരുക്കിട്ടുള്ളത്. സിനിമ ജനുവരി 25ന് തീയേറ്ററുകളിൽ റിലീസ് ചെയ്തിരുന്നു. മോഹൻലാലിന്റെ ഗംഭീര പ്രകടനം തന്നെ സിനിമയിൽ കാണാൻ സാധിക്കുമായിരുന്നു. വളരെ മികച്ച പ്രതീകരണമായിരുന്നു ഓരോ പ്രേക്ഷകരിൽ നിന്നും സിനിമയ്ക്ക് ലഭിച്ചത്. ഇപ്പോഴും മികച്ച രീതിയിൽ ചലച്ചിത്രം തീയേറ്ററുകളിൽ വിജയകരമായി പ്രദർശനം നടത്തി കൊണ്ടിരിക്കുകയാണ്.

ലിജോ ജോസിന്റെ കഥയെ ആസ്പദമാക്കി പി എസ് റഫീഖ് തിരക്കഥ എഴുതി മാക്സ്ലാബ്, സെഞ്ച്വറി ഫിലിംസ്, സരിഗമ, യോഡ്ലീ എന്നിവരുടെ പങ്കാളിത്തത്തോടെ ജോൺ ആൻഡ് മേരി ക്രീയേറ്റീവ് ബാനറിൽ ഷിബു ബേബി ജോന്നാണ് സിനിമയുടെ നിർമ്മാണം നിർവഹിച്ചിരിക്കുന്നത്. വളരെ മികച്ച സ്വീകാര്യതയായിരുന്നു ചലച്ചിത്രം റിലീസ് ചെയ്യുന്നതിന് മുമ്പ് സിനിമയ്ക്ക് ലഭിച്ചത്. റിലീസായപ്പോഴും ഇതേ സ്വീകാര്യത വിട്ടു പോയില്ലെന്ന് പറയാം.

മോഹൻലാൽ അഭിനയിച്ച് റിലീസ് ചെയ്ത ഏറ്റവും പുതിയ സിനിമയായിരുന്നു മലയ്‌ക്കോട്ടൈ വാലിബൻ. വളരെ മികച്ചൊരു കഥാപാത്രത്തെയായിരുന്നു മോഹൻലാൽ സിനിമയിൽ കൈകാര്യം ചെയ്തിരുന്നത്. മോഹൻലാൽ കൂടാതെ തന്നെ നിരവധി പ്രേമുഖ താരങ്ങൾ ചലച്ചിത്രത്തിന്റെ ഭാഗമായിട്ടുണ്ട്. ഇപ്പോഴും സിനിമയുടെ ഗാനങ്ങളും പോസ്റ്ററുകളും സമൂഹ മാധ്യമങ്ങളിൽ ട്രെൻഡിങ് ആയികൊണ്ടിരിക്കുകയാണ് എന്നതാണ് മറ്റൊരു സത്യം.

‘മലയ്‌ക്കോട്ടൈ വാലിബൻ’ സിനിമയിലെ “ഏഴിമല കോട്ടയിലെ” വീഡിയോ ഗാനം സോഷ്യൽ മീഡിയയിൽ റിലീസ് ചെയ്തു Read More »

നസ്ലന്‍, മമിത എന്നിവർ നായികാനായകന്മാറായി എത്തുന്ന “പ്രേമലു”വിന്റെ ട്രൈലെർ റിലീസ് ചെയ്തു

ഗിരീഷ് എ ഡി സംവിധാനം ചെയ്യുന്ന ഏറ്റവും പുതിയ ചലച്ചിത്രമായ പ്രേമലു എന്ന സിനിമയുടെ ട്രൈലെറാണ് ഇപ്പോൾ സോഷ്യൽ മീഡിയയിൽ ഏറെ ഹിറ്റായി കൊണ്ടിരിക്കുന്നത്. നസ്ലൻ, മമിത എന്നിവരെ പ്രധാന കഥാപാത്രങ്ങളാക്കി മുഴുനീള റൊമാന്റിക് കോമഡി എന്റർടൈൻനർ എന്ന രീതിയിലാണ് ചലച്ചിത്രം പ്രേഷകരുടെ മുന്നിലേക്ക് എത്താൻ പോകുന്നത്. മലയാളി സിനിമ പ്രേമികളെ പൊട്ടിച്ചിരിപ്പിക്കുന്ന ഒരൂ രംഗങ്ങളും സിനിമയിൽ കാണാൻ കഴിയും.

ഫഹദ് ഫാസിൽ, ദിലീഷ് പോത്തൻ, ശ്യാം പുഷ്ക്കരൻ എന്നിവർ ചേർന്നാണ് ചലച്ചിത്രം നിർമ്മിക്കുന്നത്. ശ്യാം മോഹൻ, അഖില ഭാർഗവൻ, സംഗീത് പ്രതാപ്, അൽത്താഫ് സലീം, മീനാക്ഷി രവീന്ദ്രൻ എന്നിവരാണ് സിനിമയിൽ മറ്റ് പ്രധാന കഥാപാത്രങ്ങളായി എത്തിയിരിക്കുന്നത്. ഹൈദരബാദിന്റെ പശ്ചാത്തലത്തിലാണ് സിനിമ ഒരുങ്ങുന്നത്. കിരൺ ജോസിയും, ഗിരീഷ് എഡിയും ഒത്തു ചേർന്നാണ് തിരക്കഥ ഒരുക്കിരിക്കുന്നത്.

സംഗീതം പകർന്നിരിക്കുന്നത് വിഷ്ണു വിജയും, ഗാനം രചിരിക്കുന്നത് സുഹൈൽ കോയയും എന്നിവരാണ് പ്രേമലു എന്ന സിനിമയുടെ ഗാനങ്ങൾ കൈകാര്യം ചെയ്തിരിക്കുന്നത്. അജ്മൽ സാബു ക്യാമറ കൈകാര്യം ചെയ്യുമ്പോൾ, ആകാശ് ജോസഫ് വര്ഗീസാണ് എഡിറ്റിംഗ് മേഖല കൈകാര്യം ചെയ്തിട്ടുള്ളത്. കലാ സംവിധാനം വിനോദ് രവീന്ദ്രൻ, കോസ്റ്റ്യൂം ഡിസൈൻ ധന്യ ബാലകൃഷ്ണൻ, മേക്കപ്പ് റോണക്സ് സേവിയർ, ആക്ഷൻ ജോളി ബാസ്റ്റിൻ എന്നിവരാണ് കൈകാര്യം ചെയ്തിരിക്കുന്നത്.

നസ്ലൻ, മമിത എന്ന അഭിനേതാക്കളുടെ അഭിനയ ജീവിതത്തിൽ തന്നെ ഏറ്റവും മികച്ച ചലച്ചിത്രമായിരിക്കും എന്ന കാര്യത്തിൽ യാതൊരു സംശയവും വേണ്ട എന്നാണ് സിനിമ പ്രേക്ഷകരും ആരാധകരും പറയുന്നത്. ചുരുങ്ങിയ സമയം കൊണ്ട് തന്നെ മലയാള സിനിമ മേഖലയിൽ തന്റെതായ സ്ഥാനം പിടിച്ചെടുത്ത താരങ്ങളാണ് നസ്ലൻ, മമിതയും. ഇതിനോടകം തന്നെ നിരവധി ചലച്ചിത്രങ്ങളിൽ അഭിനയിക്കാനുള്ള ഭാഗ്യം ഇരുവർക്കും ലഭിച്ചിട്ടുണ്ട്. എന്തായാലും ആരാധകർ കാത്തിരിക്കുകയാണ് പ്രേമലു എന്ന സിനിമയ്ക്ക് വേണ്ടി.

നസ്ലന്‍, മമിത എന്നിവർ നായികാനായകന്മാറായി എത്തുന്ന “പ്രേമലു”വിന്റെ ട്രൈലെർ റിലീസ് ചെയ്തു Read More »

ടോവിനോ തോമസ് നായകനായി എത്തുന്ന ‘അന്വേഷിപ്പിൻ കണ്ടെത്തും’ സിനിമയുടെ ട്രൈലെർ റിലീസ് ചെയ്തു

ഒരുപാട് താരങ്ങളെ അണിനിരക്കി സാക്ഷിയാക്കി ടോവിനോ തോമസ് കേന്ദ്ര കഥാപാത്രത്തിലെത്തുന്ന ഏറ്റവും പുതിയ ചലച്ചിത്രമാണ് ‘അന്വേഷിപ്പിൻ കണ്ടെത്തും’ എന്ന സിനിമയുടെ ട്രൈലെർ ലോഞ്ച് ചെയ്തു. ചലച്ചിത്രത്തിന്റെ അണിയറ പ്രവർത്തകർ തയ്യാറാക്കി കൊച്ചി ലുലു മാളിൽ വെച്ചായിരുന്നു ട്രൈലെർ ലോഞ്ച് ചെയ്തത്. ടോവിനോ തോമസ് കൂടാതെ ഹരിശ്രീ അശോകൻ, കോട്ടയം നസീർ, വിനീത് തട്ടിൽ, പ്രമോദ് വെളിയനാട്, അശ്വന്ത് ലാൽ, അർത്തന ബിനു, രമ്യ, അശ്വതി തുടങ്ങിയ താരങ്ങളാണ് മറ്റ് കഥാപാത്രങ്ങളായി സിനിമയിലെത്തുന്നത്.

ഡാർവിൻ കുര്യാക്കോസിന്റെ സംവിധാനത്തിൽ ജിനു എബ്രഹാമിന്റെ തിരക്കഥകൃത്തിലാണ് ചലച്ചിത്രം തീയേറ്ററുകളിൽ എത്താൻ പോകുന്നത്. ഒട്ടേറെ അണിയറ പ്രവർത്തകർ സിനിമയുടെ ചടങ്ങിൽ പങ്കെടുത്തിരുന്നു. സംവിധായകൻ ബി ഉണ്ണികൃഷണനും അതിഥി ചടങ്ങിൽ പങ്കെടുക്കാൻ എത്തിയിരുന്നു. സിനിമയുടെ പുതിയ വിശേഷങ്ങളും, അഭിനയ സമയത്ത് ഉണ്ടായ അനുഭവങ്ങളും ടോവിനോ അടക്കം നിരവധി പേർ പങ്കുവെച്ചിരുന്നു.

മിന്നൽ മുരളി പോലെ സൂപ്പർഹിറ്റ് ആകുമെന്നാണ് നടൻ ഹരിശ്രീ അശോകൻ ചടങ്ങിടയിൽ പറഞ്ഞത്. കൂടാതെ ഇതിന്റെ കൂടെ മനോരമ ഓൺലൈൻ സംഘടിപ്പിച്ച രസകരമായ മത്സരങ്ങളും സമ്മാന വിതരണങ്ങളും അവതരിപ്പിച്ചിരുന്നു. ദുരൂഹമായ കഥാ വഴികളിലൂടെ പോകുന്ന ‘അന്വേഷിപ്പിൻ കണ്ടെത്തും’ എന്ന സിനിമയുടെ ട്രൈലെർ ചുരുങ്ങിയ സമയം കൊണ്ടാണ് സോഷ്യൽ മീഡിയയിൽ വൈറലായി മാറിയത്. എസ്ഐ ആനന്ദൻ എന്ന കഥാപാത്രത്തെയാണ് ടോവിനോ തോമസ് കൈകാര്യം ചെയ്യുന്നത്.

ഫെബുവരി ഒമ്പതിനാണ് സിനിമ തീയേറ്ററുകളിൽ പ്രദർശിപ്പിക്കുന്നത്. ഏറെ കോളിളക്കം ഉണ്ടാക്കിയ ശ്രീദേവി കൊലപാതക കേസിന്റെ പുറകെ പോകുന്ന എസ് ഐ ആനന്ദും സംഘവുത്തിന്റെയും കഥയാണ് സിനിമയിൽ ഉടനീളം നമ്മൾക്ക് കാണാൻ സാധിക്കുന്നത്. തെന്നിന്ത്യൻ സിനിമ മേഖലയിലെ ഏറെ പ്രശക്തി ആർജിച്ച സംഗീത സംവിധായകൻ സന്തോഷ് നാരായണനാണ് സിനിമയുടെ സംഗീതം സംവിധാനം നിർവഹിച്ചിരിക്കുന്നത്.

ടോവിനോ തോമസ് നായകനായി എത്തുന്ന ‘അന്വേഷിപ്പിൻ കണ്ടെത്തും’ സിനിമയുടെ ട്രൈലെർ റിലീസ് ചെയ്തു Read More »

Scroll to Top