Teaser

ജനപ്രിയ നായകൻ ദിലീപിനെ നായകനാക്കിക്കൊണ്ട് പ്രശസ്ത സംവിധായകൻ റാഫി അണിയിച്ചൊരുക്കുന്ന പുത്തൻ ചിത്രമാണ് വോയിസ് ഓഫ് സത്യനാഥൻ. ഇപ്പോൾ സോഷ്യൽ മീഡിയയിൽ വോയിസ് ഓഫ് സത്യനാഥന്റെ ഒഫീഷ്യൽ ടീസർ വീഡിയോ ശ്രദ്ധ നേടുകയാണ്. മാറ്റിനി മ്യൂസിക് യൂട്യൂബ് ചാനലിലൂടെയാണ് വെറും 31 സെക്കൻഡുകൾ മാത്രം ദൈർഘ്യമുള്ള ഈ വീഡിയോ പ്രേക്ഷകരിലേക്ക് എത്തിയിരിക്കുന്നത്. മണിക്കൂറുകൾ കൊണ്ട് ലക്ഷക്കണക്കിന് കാഴ്ചക്കാരെയാണ് ദിലീപിന്റെ ഈ ടീസർ സ്വന്തമാക്കിയിട്ടുള്ളത്.

ഇപ്പോൾ പുറത്തിറങ്ങിയ ടീസർ വീഡിയോയിൽ സത്യനാഥൻ എന്ന ടൈറ്റിൽ കഥാപാത്രമായി അഭിനയിക്കുന്ന നടൻ ദിലീപിനെ മാത്രമാണ് കാണാൻ സാധിക്കുന്നത്. താരത്തെ കൂടാതെ ജോജു ജോർജ് , അനുപം ഖേർ , അലൻസിയർ ലോപ്പസ്, മകരന്ദ് ദേശ്പാണ്ഡെ, ജഗപതി ബാബു, ജോണി ആൻറണി, സിദ്ദിഖ്, ജാഫർ സാദിഖ്, രമേഷ് പിഷാരടി, ജനാർദ്ദനൻ , ബോബൻ സാമുവൽ , ബെന്നി പി നായരമ്പലം, ഫൈസൽ , ഉണ്ണിരാജ, വീണ നന്ദകുമാർ , അംബിക മോഹൻ, സ്മിനു സിജോ എന്നിവരും പ്രധാന വേഷങ്ങൾ കൈകാര്യം ചെയ്യുന്നുണ്ട്. നടി അനുശ്രീ അതിഥി താരമായും ഈ ചിത്രത്തിൽ എത്തുന്നുണ്ട്.
തെങ്കാശിപ്പട്ടണം, പഞ്ചാബി ഹൗസ്, പാണ്ടിപ്പട, ചൈന ടൗൺ, റിംഗ് മാസ്റ്റർ എന്നിങ്ങനെ ഒട്ടേറെ ഹിറ്റുകൾ സമ്മാനിച്ച ദിലീപ് റാഫി കൂട്ടുകെട്ട് വീണ്ടും ഒന്നിക്കുമ്പോൾ പ്രേക്ഷക പ്രതീക്ഷകൾ ഏറെയാണ്.

എൻ എം ബാദുഷ, ഷിനോയ് മാത്യു, ദിലീപ്, രാജൻ ചിറയിൽ എന്നിവർ ചേർന്ന് നിർമ്മാണം നിർവഹിക്കുന്ന വോയിസ് ഓഫ് സത്യനാഥൻ ബാദുഷ സിനിമാസിന്റേയും ഗ്രാൻഡ് പ്രൊഡക്ഷൻസിന്റെയും പെൻ ആൻഡ് പേപ്പർ ക്രിയേഷൻസിന്റേയും ബാനറിൽ ആണ് പുറത്തിറങ്ങുന്നത്. സംവിധായകൻ റാഫി തന്നെയാണ് ചിത്രത്തിൻറെ കഥ തിരക്കഥ സംഭാഷണം നിർവഹിച്ചിട്ടുള്ളത്. ജിതിൻ സ്റ്റാനിസ്ലസ്, സ്വരൂപ് ഫിലിപ് എന്നിവർ ചേർന്നാണ് ചിത്രത്തിൻറെ ഛായാഗ്രഹണം നിർവഹിച്ചിട്ടുള്ളത്. എഡിറ്റിംഗ് കൈകാര്യം ചെയ്തിരിക്കുന്നത് ഷമീർ മുഹമ്മദ് ആണ് . വോയ്സ് ഓഫ് സത്യനാഥനിലെ ഗാനങ്ങൾ ഒരുക്കിയിട്ടുള്ളത് അങ്കിത് മേനോൻ ആണ് .

രാമലീല എന്ന വമ്പൻ ഹിറ്റ് ചിത്രത്തിൽ ഒന്നിച്ച് അരുൺ ഗോപി – ദിലീപ് കൂട്ടുകെട്ട് വീണ്ടും ഒന്നിക്കുന്ന പുത്തൻ മലയാള ചിത്രമാണ് ബാന്ദ്ര. തെന്നിന്ത്യൻ താര റാണി തമന്ന ഭാട്ടിയ ആദ്യമായി മലയാളത്തിൽ അഭിനയിക്കുന്ന ചിത്രം കൂടിയാണ് ബാന്ദ്ര. തമന്ന നായിക വേഷം ചെയ്യുന്ന ഒഫീഷ്യൽ ടീസർ ഇപ്പോൾ സമൂഹമാധ്യമങ്ങളിൽ ഇടം നേടുകയാണ്. അജിത്ത് വിനായക് ഫിലിംസ് യൂട്യൂബ് ചാനലിലൂടെ പുറത്തിറങ്ങിയ ഒന്നര മിനിറ്റ് ദൈർഘ്യമുള്ള ഈ ടീസർ വീഡിയോ ലക്ഷക്കണക്കിന് കാഴ്ചക്കാരെയാണ് വെറും മണിക്കൂറുകൾ കൊണ്ട് സ്വന്തമാക്കിയത്.

പക്കാ മാസ് വീഡിയോയും ആയാണ് ബാന്ദ്ര ഇപ്പോൾ പ്രേക്ഷകർക്ക് മുന്നിൽ എത്തിയിരിക്കുന്നത്. ദിലീപിന്റെ 147 മത് ചിത്രമായ ബാന്ദ്രയിൽ അത്യുജ്വല പ്രകടനവുമായാണ് താരം പ്രത്യക്ഷപ്പെടുന്നത്. പ്രേക്ഷക പ്രതീക്ഷകളെ വാനോളം ഉയർത്തി കൊണ്ടാണ് ഈ മാസ്സ് ക്ലാസ് ടീസർ വീഡിയോ പുറത്തുവിട്ടിരിക്കുന്നത്. ദിലീപ്, തമന്ന, മമ്ത മോഹൻദാസ് , കലാഭവൻ ഷാജോൺ എന്നീ താരങ്ങളെയാണ് ഡീസൽ വീഡിയോയിൽ പ്രധാനമായും കാണാൻ സാധിക്കുന്നത്. അന്യഭാഷ താരങ്ങൾ ഉൾപ്പെടെ ഒരു നീണ്ട താരനിര തന്നെ ഈ ചിത്രത്തിൽ അണിനിരക്കുന്നുണ്ട്. അർജുൻ അശോകൻ , നീൽ നിതിൻ മുകേഷ്, ഡിനോ മോറിയ , ഇന്ദ്രജിത്ത്, സിദ്ദിഖ്, ശരത് കുമാർ , അമിത് തിവാരി, ഈശ്വരി റാവു, ലെന, കൗശിക് മഹാത , വി ടിവി ഗണേഷ്, രാജ്വീർ അങ്കുർ സിംഗ്, ദര സിംഗ് ഖുറാന ഇനി താരങ്ങളും ചിത്രത്തിൻറെ ഭാഗമാകുന്നുണ്ട്.

അജിത്ത് വിനായക ഫിലിംസിന്റെ ബാനറിൽ ഒരുങ്ങുന്ന ഈ ബിഗ് ബഡ്ജറ്റ് ചിത്രം നിർമ്മിക്കുന്നത് വിനായക അജിത് ആണ് . ഉദയകൃഷ്ണ രചന നിർവഹിക്കുന്ന ഈ ചിത്രത്തിലൂടെ ദിലീപിന്റെയും ഉദയകൃഷ്ണയുടെയും ഒരു മികച്ച തിരിച്ചുവരവാണ് പ്രേക്ഷകർ കാത്തിരിക്കുന്നത്. ഷാജി കുമാർ ക്യാമറ കൈകാര്യം ചെയ്ത ഈ ചിത്രത്തിൻറെ എഡിറ്റിംഗ് നിർവഹിച്ചിരിക്കുന്നത് വിവേക് ഹർഷൻ ആണ് . സാംസി ആണ് ബാന്ദ്രയിലെ സംഗീത സംവിധാനം നിർവഹിച്ചിരിക്കുന്നത്. ആക്ഷൻ രംഗങ്ങൾ ഒരുക്കിയിരിക്കുന്നത് അൻമ്പറിവ് ആണ് . ഏറെ വ്യത്യസ്തമായ ഒരു ഗെറ്റപ്പിൽ ജനപ്രിയനായകൻ ദിലീപ് എത്തുന്ന ഈ ചിത്രത്തിനായി പ്രേക്ഷകർ ആകാംക്ഷയോടെയാണ് കാത്തിരിക്കുന്നത്.

മലയാളത്തിന്റെ ഒരു ശ്രദ്ധേയ യുവ താരനിര അണിനിരക്കുന്ന പുത്തൻ ചിത്രമാണ് ഖജരാഹോ ഡ്രീംസ്. ഒരു റോഡ് മൂവിയായി അണിയിച്ചെടുക്കുന്ന ഈ ചിത്രത്തിൻറെ ഫസ്റ്റ് പോസ്റ്റർ പുറത്തിറങ്ങിയപ്പോൾ തന്നെ വളരെയധികം ശ്രദ്ധ നേടിയിരുന്നു. അതിന് പിന്നാലെയായി ഇപ്പോഴിതാ ഖജരാഹോ ഡ്രീംസിന്റെ ഒഫീഷ്യൽ ടീസർ അണിയറ പ്രവർത്തകർ പുറത്ത് വിട്ടിരിക്കുകയാണ്. സരിഗമ മലയാളം യൂട്യൂബ് ചാനലിലൂടെയാണ് 2 മിനിറ്റ് ദൈർഘ്യമുള്ള ടീസർ വീഡിയോ പ്രേക്ഷകരിലേക്ക് എത്തിയിരിക്കുന്നത്.

മനോജ് വാസുദേവ് അണിയിച്ചൊരുക്കുന്ന ഈ ചിത്രത്തിൽ അർജുൻ അശോകൻ , ഷറഫുദ്ദീൻ, ശ്രീനാഥ് ഭാസി എന്നിവരാണ് പ്രധാന വേഷങ്ങളിൽ അണിനിരക്കുന്നത്. ഇവരെ കൂടാതെ ധ്രുവൻ , അതിഥി രവി , ചന്തുനാഥ്, രാജ് അർജുൻ , വർഷാ വിശ്വനാഥ്, നയന സർവർ എന്നിവരും ഈ ചിത്രത്തിൽ അണിനിരക്കുന്നുണ്ട്. ഇപ്പോൾ പുറത്തിറങ്ങിയ ടീസർ വീഡിയോയ്ക്ക് പ്രേക്ഷകരിൽ നിന്നും സമ്മിശ്ര പ്രതികരണമാണ് ലഭിക്കുന്നത്. മികച്ച ഒരു താരനിര അണിനിരക്കുന്നത് കൊണ്ട് തന്നെ ചിത്രത്തെക്കുറിച്ചുള്ള പ്രതീക്ഷകളും വർദ്ധിക്കുന്നുണ്ട്.

സേതു രചന നിർവഹിച്ച ഈ ചിത്രത്തിൻറെ നിർമ്മാണം നിർവഹിക്കുന്നത് എം കെ നാസർ ആണ് . ഗോപി സുന്ദർ ആണ് ചിത്രത്തിൻറെ സംഗീത സംവിധായകൻ. ഹരിനാരായണൻ ആണ് ചിത്രത്തിലെ ഗാനങ്ങൾക്ക് വരികൾ തയ്യാറാക്കിയിട്ടുള്ളത്. പ്രദീപ് നായർ കാമറ ചലിപ്പിച്ച ഖജരാഹോ ഡ്രീംസിന്റെ എഡിറ്റിംഗ് കൈകാര്യം ചെയ്തിരിക്കുന്നത് ലിജോ പോൾ ആണ് . ഗുഡ്‌ലൈൻ പ്രൊഡക്ഷൻസിന്റെ ബാനറിൽ ആണ് ചിത്രം പുറത്തിറങ്ങുന്നത്. കോസ്റ്റ്യൂം – ഡിസൈനർ അരുൺ മനോഹർ , മേക്കപ്പ് – സജി കാട്ടാക്കട, പ്രൊജക്റ്റ് ഡിസൈനർ – ബാദുഷ, സ്റ്റിൽസ് – ശ്രീജിത്ത് .

മലയാളത്തിന്റെ ശ്രദ്ധേയ താരം നടൻ ഫഹദ് ഫാസിലിനെ നായകനാക്കിക്കൊണ്ട് അഖിൽ സത്യൻ സംവിധാനം ചെയ്യുന്ന പുത്തൻ ചിത്രമാണ് പാച്ചുവും അത്ഭുതവിളക്കും . ഏപ്രിൽ 28 മുതൽ പ്രദർശനത്തിന് എത്താൻ ഒരുങ്ങുന്ന ഈ ചിത്രത്തിൻറെ ഒഫീഷ്യൽ ടീസർ ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. ടി സീരീസ് മലയാളം യൂട്യൂബ് ചാനലിലൂടെ പുറത്തിറങ്ങിയ ഒന്നേകാൽ മിനിറ്റ് ദൈർഘ്യമുള്ള ഈ ചിത്രത്തിൻറെ ടീസർ വീഡിയോ ലക്ഷക്കണക്കിന് കാഴ്ചക്കാരെയാണ് നേടിയിട്ടുള്ളത്.

ഫഹദ് ഫാസിൽ എന്ന താരത്തിന്റെ മറ്റൊരു അത്യുജ്വല പ്രകടനം തന്നെയാണ് ഈ ചിത്രത്തിൽ കാണാൻ സാധിക്കുക എന്ന കാര്യം ഇതിൻറെ ഇപ്പോൾ പുറത്തിറങ്ങിയ ടീസർ വീഡിയോയിൽ നിന്നും വ്യക്തമാണ്. മുംബൈയിൽ താമസമാക്കിയ ഒരു മിഡിൽ ക്ലാസ് യുവാവിന്റെ കേരളത്തിലേക്കുള്ള യാത്രയിലെ സംഭവവികാസങ്ങളാണ് ഈ ചിത്രം പറയുന്നത്. ഒരു കോമഡി എന്റർടൈനർ ആയിരിക്കും ചിത്രം എന്ന സൂചനയാണ് ഈ ടീസർ നൽകുന്നത്. വീഡിയോയ്ക്ക് താഴെ ഫഹദ് ഫാസിൽ ആരാധകരുടെ കമന്റുകൾ നിറയുകയാണ്. ഓരോ ചിത്രം കഴിയുംതോറും താരത്തിന്റെ അഭിനയമികവ് കൂടിക്കൂടി വരികയാണ് എന്നാണ് ആരാധകർ അഭിപ്രായപ്പെടുന്നത് .

ഫഹദ് ഫാസിലിന്നോടൊപ്പം വിജി വെങ്കിടേഷ്, അഞ്ജന ജയപ്രകാശ്, ധ്വനി രാജേഷ്, മുകേഷ്, ഇന്നസെൻറ് , വിനീത്, ഇന്ദ്രൻസ് , അൽത്താഫ് സലീം, മോഹൻ അഗാഷേ , പിയുഷ് കുമാർ, അഭിരാം, രാധാകൃഷ്ണൻ, അവ്യുക്ത് മേനോൻ തുടങ്ങി താരങ്ങൾ പ്രധാന വേഷങ്ങൾ ചെയ്യുന്നു.

ഫുൾ മൂൺ സിനിമ ബാനറിൽ ആണ് ഈ ചിത്രം ഒരുങ്ങുന്നത്. സംവിധായകൻ അഖിൽ തന്നെയാണ് ചിത്രത്തിൻ്റെ രചനയും എഡിറ്റിങ്ങും നിർവഹിച്ചത്. രാജ് ശേഖർ , മനൂ മഞ്ജിത് എന്നിവർ വരികൾ രചിച്ച ഈ ചിത്രത്തിലെ ഗാനങ്ങൾക്ക് ഈണം പകരുന്നത് ജസ്റ്റിൻ പ്രഭാകരൻ ആണ്. ശരൺ വേലായുധൻ ആണ് ചിത്രത്തിന് വേണ്ടി ക്യാമറ കൈകാര്യം ചെയ്തത്.