രാമായണം എന്ന ഹിന്ദു ഇതിഹാസത്തെ ആസ്പദമാക്കി കൊണ്ട് സംവിധായകൻ ഓം റൗട്ട് അണിയിച്ചൊരുക്കിയ പുത്തൻ ചിത്രമായിരുന്നു ആദിപുരുഷ് . ഹിന്ദിയിലും തെലുങ്കിലും ഒരേസമയം ചിത്രീകരിച്ച ഈ ചിത്രം ജൂൺ 16നാണ് തിയേറ്ററുകളിൽ പ്രദർശനത്തിന് എത്തിയത്. അനൗൺസ് ചെയ്തപ്പോൾ മുതൽ പ്രേക്ഷകർ ഏറെ ആകാംക്ഷയോടെ കാത്തിരുന്ന ചിത്രമായിരുന്നു ഇത്. രാമായണത്തെ ആസ്പദമാക്കി ഒരുക്കുന്നതുകൊണ്ട് പ്രഭാസ് കേന്ദ്ര കഥാപാത്രമായി എത്തുന്നതുകൊണ്ടും പ്രേക്ഷക പ്രതീക്ഷകൾ ഏറെയായിരുന്നു. എന്നാൽ ആദ്യ ടീസർ വീഡിയോ പുറത്തിറങ്ങിയപ്പോൾ മുതൽ ഒട്ടേറെ വിമർശനങ്ങൾ ഇരയാവുകയായിരുന്നു ഈ ചിത്രം .
മോശം വിഎഫ് എക്സിനെ തുടർന്നായിരുന്നു ചിത്രം വിമർശനങ്ങൾക്ക് ഇരയായത്. എന്നാൽ പിന്നീട് ഈ പ്രശ്നം പരിഹരിച്ചുകൊണ്ട് ചിത്രത്തിലെ ട്രെയിലർ വീഡിയോകളും ഗാനരംഗങ്ങളും എല്ലാം പുറത്തിറങ്ങിയിരുന്നു. ശേഷം ജൂൺ 16ന് ചിത്രവും പ്രേക്ഷകർക്കും മുൻപാകെ എത്തി. 500 കോടി മുതൽ മുടക്കിൽ ഒരുക്കിയ ഈ ചിത്രം ഏറ്റവും ചിലവേറിയ ഇന്ത്യൻ ചിത്രങ്ങളിൽ ഒന്നു കൂടിയാണ്. വാണിജ്യപരമായ ചിത്രം പരാജയപ്പെടുകയായിരുന്നു. പലരും ചിത്രത്തിൻറെ തിരക്കഥയേയും ദൃശ്യങ്ങളെയും വിമർശിച്ചു. ചിത്രം പരാജയപ്പെട്ടുവെങ്കിലും ഇതിലെ ഗാനങ്ങൾക്ക് എല്ലാം മികച്ച സ്വീകാര്യത ലഭിച്ചിരുന്നു.
ഇപ്പോൾ സോഷ്യൽ മീഡിയയിൽ ശ്രദ്ധയെ ഇടുന്നതും ആദിപുരുഷിലെ ഒരു വീഡിയോ ഗാനം തന്നെയാണ്. ജയ് ശ്രീ റാം എന്ന വരികളുടെ തുടങ്ങുന്ന ഗാനത്തിന്റെ മലയാളം പതിപ്പാണ് ഇപ്പോൾ ശ്രദ്ധ നേടുന്നത്. സീതയ്ക്ക് അരികിലേക്കുള്ള രാമൻറെ പടപ്പുറപ്പാടാണ് ഈ ഗാന രംഗത്തിൽ ചിത്രീകരിച്ചിരിക്കുന്നത്. മങ്കൊമ്പ് ഗോപാലകൃഷ്ണൻ ആണ് ഈ ഗാനത്തിന്റെ മലയാളം വരികൾ തയ്യാറാക്കിയിട്ടുള്ളത്. അജയ് – അതുൽ ആണ് സംഗീതസംവിധാനം . പ്രഭാസിനെ കൂടാതെ സെയ്ഫ് അലിഖാൻ , കൃതി സനോൺ , സണ്ണി സിംഗ്, ദേവദത്ത നാഗേ എന്നിവരും ഈ ചിത്രത്തിൽ പ്രധാന വേഷങ്ങളിൽ എത്തിയിരുന്നു.