മോഹൻ ശ്രീവത്സയുടെ സംവിധാന മികവിൽ ഒരുങ്ങുന്ന പുത്തൻ തെലുങ്ക് ചിത്രമാണ് കരൺ അർജുൻ. ജൂൺ 24 ന് തിയറ്ററുകളിൽ പ്രദർശനത്തിന് എത്തുന്ന ഈ ചിത്രത്തിന്റെ റിലീസിനോടനുബന്ധിച്ചുള്ള ഒരു ട്രൈലർ ഇപ്പോൾ പുറത്തുവിട്ടിരിക്കുകയാണ്. ആദ്യത്യ മ്യൂസിക് എന്ന യൂടൂബ് ചാനലിലൂടെയാണ് ഈ വീഡിയോ റിലീസ് ചെയ്തിരിക്കുന്നു. മുപ്പത് സെക്കന്റ് മാത്രം ദൈർഘ്യമുള്ള ഒരു വീഡിയോ ആണ് ഇപ്പോൾ പുറത്തിറങ്ങിയിരിക്കുന്നത്.

ഒരു ത്രില്ലർ മൂവിയായ കരൺ അർജുനിൽ അഭിമന്യു, ഷിഫ , നിഖിൽ കുമാർ എന്നിവരാണ് കേന്ദ്ര കഥാപാത്രങ്ങളായി എത്തുന്നത്. കിടിലൻ ആക്ഷൻ രംഗങ്ങളും റേസിംഗും നിറഞ്ഞ ഒരു അത്യുഗ്രൻ ട്രൈലറാണ് ഇപ്പോൾ പുറത്തുവിട്ടിരിക്കുന്നത്. പ്രേക്ഷകരിൽ ആകാംഷയും ആവേശവും ഉണർത്തിയിരിക്കുകയാണ് ഈ ട്രൈലർ രംഗം. ചിത്രത്തിന്റെ ഫസ്റ്റ് ലുക്ക് പോസ്റ്റുകൾ തന്നെ പ്രേക്ഷകർക്കിടയിൽ ഓളം സൃഷ്ടിച്ചിരുന്നു . ഇപ്പോൾ പുറത്തിറങ്ങിയ ഈ ട്രൈലറും ചിത്രത്തെ കുറിച്ചുള്ള പ്രേക്ഷക പ്രതീക്ഷ വർധിപ്പിച്ചിരിക്കുകയാണ്.

സംവിധായകൻ മോഹൻ ശ്രീവത്സതന്നെയാണ് ചിത്രത്തിന്റെ രചന അവഹിച്ചിരിക്കുന്നത് . റെഡ് റോഡ് ത്രില്ലേഴ്സിന്റെ ബാനറിൽ ഡോ. സോമേശ്വർ റാവു പൊന്നന , ബാലകൃഷ്ണ അക്കുള, സുരേഷ്, രാമകൃഷ്ണ , ക്രാന്തി കിരൺ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. റോഷൻ സലൂർ ആണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. ചിത്രത്തിലെ കിടിലൻ ആക്ഷൻ രംഗങ്ങൾ ഒരുക്കിയിരിക്കുന്നത് റാം ശങ്കര ആണ്.

ജൂൺ പത്തിന് റിലീസ് ചെയ്ത് തിയറ്ററുകളിൽ മികച്ച രീതിയിൽ പ്രദർശനം തുടരുന്ന ഒരു ഫാമിലി എന്റർടൈനർ ചിത്രമാണ് കൊച്ചാൾ . ശ്യാം മോഹൻ സംവിധാനം ചെയ്ത ഈ ചിത്രത്തിൽ നായകനായി എത്തിയത് നടൻ കൃഷ്ണ ശങ്കർ ആണ്. ഈ അടുത്ത് ചിത്രത്തിന്റെ ചില സ്നീക്ക് പീക്ക് വീഡിയോസ് പുറത്തുവിട്ടിരുന്നു. ഇപ്പോഴിതാ കൊച്ചാളിന്റെ മറ്റൊരു സ്നീക്ക് പീക്ക് വീഡിയോ കൂടി റിലീസ് ചെയ്തിരിക്കുകയാണ്.

പതിവുപോലെ സത്യം വീഡിയോസ് എന്ന യൂടൂബ് ചാനലിലൂടെയാണ് ഈ വീഡിയോയും പ്രേക്ഷകരിലേക്ക് എത്തിയിരിക്കുന്നത്. ചിത്രത്തിലെ പ്രധാന വേഷങ്ങളിൽ എത്തുന്നവരുടെ സ്വഭാവത്തെ പ്രേക്ഷകർക്ക് പരിചയപ്പെടുത്തുന്ന വീഡിയോസ് ആയിരുന്നു ഇതുവരെ പുറത്തു വന്നിരുന്നത് . ഇപ്പോഴിതാ ചിത്രത്തിലെ കേന്ദ്ര കഥാപാത്രമായ കൃഷ്ണ ശങ്കറിന്റെ ശക്തമായ പോലീസ് വേഷത്തെയാണ് ഈ വീഡിയോയിൽ കാണാൻ സാധിക്കുന്നത് . പ്രേക്ഷകരെല്ലാം മികച്ച അഭിപ്രായമാണ് വീഡിയോയ്ക്ക് താഴെ രേഖപ്പെടുത്തുന്നത്.

കൊച്ചാൾ എന്ന കഥാപാത്രമായി എത്തുന്ന കൃഷ്ണ ശങ്കറിനൊപ്പം ഇന്ദ്രൻസ് , ഷൈൻ ടോം ചാക്കോ , മുരളി ഗോപി , വിജയരാഘവൻ , ഷറഫുദ്ദീൻ, രഞ്ജിപണിക്കർ, കൊച്ചുപ്രേമൻ , ശ്രീലക്ഷ്മി, ചൈതന്യ, സേതു ലക്ഷ്മി, ആര്യ സലീം, കലാരഞ്ജിനി തുടങ്ങിയവരും അഭിനയിക്കുന്നുണ്ട്. ദീപ് നാഗ്ഡ നിർമ്മിക്കുന്ന ഈ ചിത്രം സിയാറ ടാക്കീസിന്റെ ബാനറിൽ ആണ് പുറത്തിറങ്ങിയത്. ഏറെ നാളുകൾക്ക് ശേഷം കണ്ട മികച്ച ഫാമിലി ചിത്രം എന്നാണ് പ്രേക്ഷകർ ഈ ചിത്രത്തെ കുറിച്ച് വിശേഷിപ്പിക്കുന്നത് .

ഷഹദ് നിലമ്പൂർ സംവിധാനം ചെയ്ത് ജൂൺ പതിനേഴിന് പുറത്തിറങ്ങിയ ഏറ്റവും പുതിയ ചിത്രമാണ് പ്രകാശൻ പറക്കട്ടെ. ധ്യാൻ ശ്രീനിവാസൻ രചന നിർവഹിച്ച ഈ ചിത്രത്തിലെ രസകരമായ ഒരു സ്നീക്ക് പീക്ക് വീഡിയോ ഇപ്പോൾ റിലീസ് ചെയ്തിരിക്കുകയാണ് . മൂവി ബഫ് മലയാളം എന്ന യൂടൂബ് ചാനലിലൂടെയാണ് ഈ വീഡിയോ പുറത്തു വിട്ടിരിക്കുന്നത് . ചിത്രത്തിലെ നായകൻ മാത്യു തോമസും, മാത്യുവിന്റെ അച്ഛനായി വേഷമിട്ട ദിലീഷ് പോത്തനും ഒന്നിച്ചുള്ള രസകരമായ ഒരു വീഡിയോ ആണ് ഇപ്പോൾ പുറത്തുവന്നിരിക്കുന്നത് .

ഈ ചിത്രത്തിന്റെ ടീസറും ഗാനവും എല്ലാം പ്രേക്ഷകർ ഏറ്റെടുത്ത് സൂപ്പർ ഹിറ്റാക്കി മാറ്റിയിരുന്നു. ഇപ്പോഴിതാ ഈ വീഡിയോയും പ്രേക്ഷകർ ഏറ്റെടുത്തിരിക്കുകയാണ് . നിരവധിപേരാണ് വീഡിയോയ്ക്ക് താഴെ കമന്റുകൾ നൽകിയിരിക്കുന്നത്. മിക്കവരും മാത്യു തോമസിന്റെ അഭിനയത്തെ പ്രശംസിച്ചും ഈ ചിത്രത്തെ പ്രശംസിച്ചുമാണ് കമന്റുകൾ നൽകിയിട്ടുള്ളത്. ഒരു ചിരി വിരുന്ന് ഒരുക്കിയ ഈ ചിത്രത്തിൽ ധ്യാൻ ശ്രീനിവാസൻ , അജു വർഗീസ്, സൈജു കുറുപ്പ്, നിഷ സാരാംഗ് , മാളവിക, ശ്രീജിത്ത് രവി, ഗോവിന്ദ്, ഋതുഞ്ജയ്, സ്മിനു സിജോ എന്നിവരും അഭിനയിക്കുന്നുണ്ട്.

ധ്യാന്‍ ശ്രീനിവാസന്റെ അസ്സോസിയേറ്റ് ഡയറക്ടറായിരുന്ന ഷഹദിന്റെ സംവിധാനത്തിലെ ആദ്യ ചുവടുവയ്പ്പാണ് ഈ ചിത്രം. ചിത്രം മികച്ച ഒരു ഫാമിലി എന്റർടൈനർ ആണെങ്കിലും ചില പോരയ്മകളും ചൂണ്ടികാണിക്കുന്നുണ്ട്. ഹിറ്റ് മേക്കേഴ്സ് എന്റര്‍ടെെയ്മെന്റ്, ഫന്റാസ്റ്റിക് ഫിലിംസ് എന്നീ ബാനറിൽ വിശാഖ് സുബ്രഹ്മണ്യം, ടിനു തോമസ്, അജു വർഗീസ് എന്നിവർ ചേർന്നാണ് ഈ ചിത്രം നിർമ്മിച്ചത്. ഗുരു പ്രസാദ് ആണ് ചിത്രത്തിന്റെ ക്യാമറ കൈകാര്യം ചെയ്തത്. എഡിറ്റിംഗ് നിർവഹിച്ചിരിക്കുന്നത് രതിൻ രാധാകൃഷ്ണൻ ആണ്.

ലോകേഷ് കനകരാജിന്റെ സംവിധാന മികവിൽ ഉലക നായകൻ കമൽ ഹാസനെ കേന്ദ്ര കഥാപത്രമാക്കി ഒരുക്കിയ വിക്രം എന്ന ചിത്രം ഇപ്പോൾ തമിഴിലെ പുതിയ ഇൻഡസ്ട്രി ഹിറ്റായി മാറിക്കഴിഞ്ഞു. ഇപ്പോൾ ഈ ചിത്രം കുതിച്ചു പാഞ്ഞു കൊണ്ടിരിക്കുന്നത് നാനൂറു കോടി ആഗോള ഗ്രോസ് എന്ന നേട്ടത്തിലേക്കാണ് . രാജ് കമൽ ഫിലിംസ് ഇന്റർനാഷനലിന്റെ ബാനറിൽ ഒരുങ്ങിയ ഈ ചിത്രം നിർമ്മിച്ചത് കമൽ ഹാസൻ തന്നെയാണ്. അദ്ദേഹത്തെ കൂടാതെ ഒരു വമ്പൻ താരനിര തന്നെ ഈ ചിത്രത്തിൽ അണിനിരന്നു. മക്കൾ സെൽവൻ വിജയ് സേതുപതി, മലയാളത്തിന്റെ പ്രിയനടൻ ഫഹദ് ഫാസിൽ എന്നിവരും പ്രധാന വേഷങ്ങളിൽ ഈ ചിത്രത്തിൽ എത്തി. എന്നാൽ ഇവരെ കൂടാതെ മറ്റൊരാൾ കൂടി ഈ ചിത്രത്തിൽ ഏറെ കയ്യടി നേടിയെടുത്തു.

അത് തമിഴ് താരം സൂര്യയാണ്. ചിത്രത്തിന്റെ അവസാനം അതിഥി വേഷത്തിലാണ് ഇദ്ദേഹം എത്തിയത് . റോളക്സ് എന്ന ക്രൂരനായ വില്ലനായി ഈ ചിത്രത്തിൽ അഞ്ചു മിനിറ്റിൽ താഴെ മാത്രമുള്ള ഒരു വേഷമാണ് അദ്ദേഹം കൈകാര്യം ചെയ്തത്. എന്നാൽ പ്രേക്ഷകരെ ത്രില്ലടിപ്പിച്ച ഈ കിടിലൻ വില്ലൻ കഥാപാത്രം, വിക്രം 3 യിൽ കമൽ ഹാസനൊപ്പം മുഴുനീള വേഷമായി ഉണ്ടാകുമെന്നു കമൽ ഹാസനും സംവിധായകനായ ലോകേഷ് കനകരാജും പറഞ്ഞിരുന്നു.

ഇപ്പോഴിതാ ചിത്രത്തിന്റെ അണിയറ പ്രവർത്തകർ തീയേറ്ററുകളിൽ പ്രേക്ഷകരെ ഇളക്കി മറിച്ച സൂര്യയുടെ ആ രംഗത്തിന്റെ ഒരു ഭാഗം പുറത്തുവിട്ടിരിക്കുകയാണ് . വിക്രം ടീം റിലീസ് ചെയ്ത ഈ സ്‌നീക്ക് പീക്ക് വീഡിയോയിൽ ” അവന്റെ തല എടുക്കുന്നവര്‍ക്ക് ലൈഫ് ടൈം സെറ്റില്‍മെന്റ് ഡാ ” എന്ന റോളക്‌സിന്റെ കിടിലൻ ഡയലോഗും ഉൾപ്പെടുത്തിയിട്ടുണ്ട് . ഈ വീഡിയോ ഇപ്പോൾ സോഷ്യൽ മീഡിയയിൽ തരംഗം സൃഷ്ടിക്കുകയാണ്. ഏജന്റ് ടീന എന്ന കഥാപാത്രത്തിന്റെ സംഘട്ടനത്തിന്റെ സ്നീക്ക് പീക്ക് വീഡിയോ ഈ അടുത്താണ് റിലീസ് ചെയ്തത് . ഈ വീഡിയോയും സോഷ്യൽ മീഡിയയിൽ സൂപ്പർ ഹിറ്റായി മാറിയിരുന്നു. ലോകേഷ് സിനിമാറ്റിക് യൂണിവേഴ്സിന് തുടക്കം കുറിച്ച ഈ ചിത്രം ലോകേഷ് കനകരാജ്- രത്‌നകുമാർ എന്നിവർ ചേർന്നാണ് രചിച്ചത്.

മെയ് 27 ന് ആഗോള റിലീസ് ആയി എത്തിയ തെലുങ്ക് ചിത്രമാണ് എഫ് ത്രീ. അനിൽ രവിപുഡി സംവിധാനം ചെയ്ത ഈ ചിത്രത്തിൽ വെങ്കടേഷ്, വരുൺ തേജ്, തമന്ന ഭാട്ടിയ , മെഹ്റിൻ പിർസാദ എന്നിവരാണ് കേന്ദ്ര കഥാപാത്രങ്ങളായി എത്തിയത്. ഈ ചിത്രത്തിലെ ഒരു വീഡിയോ ഗാനം ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. ആദിത്യ മ്യൂസിക്ക് എന്ന യൂട്യൂബ് ചാനലിലൂടെയാണ് ഈ വീഡിയോ ഗാനം റിലീസ് ചെയ്തത്.

വൂ ആ അഹ അഹ എന്ന ഗാനത്തിന്റെ വീഡിയോ ആണ് ഇപ്പോൾ റിലീസ് ചെയ്തിരിക്കുന്നത്. ഗാന രംഗത്തിൽ വെങ്കടേഷ്, വരുൺ തേജ്, തമന്ന ഭാട്ടിയ , മെഹ്റിൻ പിർസാദ , സോണൽ ചൗഹാൻ എന്നിവരാണ് എത്തിയിരിക്കുന്നത്. ഈ ഗാനത്തിന്റെ ഏറ്റവും വലിയ ഹൈലൈറ്റ് ആയി മാറിയിട്ടുള്ളത് നായിക തമന്ന ഭാട്ടിയയുടെ ആൺ വേഷമാണ്. ഈ ഗാനരംഗത്തിൽ ആൺ വേഷത്തിലും ഗ്ലാമറസ് വേഷത്തിലും തമന്ന തിളങ്ങുന്നുണ്ട്. ഈ ഗാനത്തിന്റെ ലെറിക്കൽ വീഡിയോ പുറത്തുവിട്ടിരുന്നപ്പോൾ തമന്നയുടെ പുരുഷ വേഷത്തെ കുറിച്ച് ഒരു സൂചനയും നൽകിയിരുന്നില്ല. മൂന്ന് നായികമാരുടെയും ഗ്ലാമറസ് നൃത്ത രംഗങ്ങൾക്കൊപ്പം തമന്നയുടെ ആൺ വേഷവും ശോഭിക്കുകയാണ് .

കസർല ശ്യാം വരികൾ രചിച്ച ഈ ഗാനത്തിന് ഈ നൽകിയിരിക്കുന്നത് ദേവി ശ്രീ പ്രസാദ് ആണ്. സുനിധി ചൗഹാൻ, ലവിത ലോബോ , സാഗർ, എസ്.പി അഭിഷേക് എന്നിവർ ചേർന്നാണ് ഈ ഗാനം ആലപിച്ചിരിന്നത്. ശേഖർ വി ജെ ആണ് കൊറിയോഗ്രഫി ചെയ്തിരിക്കുന്നത്. പുറത്തിറങ്ങി മിനുട്ടുകൾകകം നിരവധി കാഴ്ച്ചക്കാരെയാണ് ഈ വീഡിയോ സ്വന്തമാക്കിയത്.

നടൻ കൃഷ്ണ ശങ്കറിനെ കേന്ദ്ര കഥാപാത്രമാക്കി ശ്യാം മോഹൻ സംവിധാനം ചെയ്ത് പുറത്തിറങ്ങിയ ചിത്രമാണ് കൊച്ചാൾ . ജൂൺ പത്തിന് ഈ ചിത്രം തിയറ്ററുകളിൽ റിലീസ് ചെയ്തത്. ഈ ചിത്രത്തിൽ ഒരു പോലീസ് കഥാപാത്രമായാണ് കൃഷ്ണ ശങ്കർ എത്തുന്നത് . ഈ അടുത്ത് കൊച്ചാളിന്റെ ഒരു സ്നീക്ക് പീക്ക് വീഡിയോ പുറത്തുവിട്ടിരുന്നു. ഇപ്പോഴിതാ മറ്റൊരു വീഡിയോ കൂടി എത്തിയിരിക്കുകയാണ്.

ഈ വീഡിയോ റിലീസ് ചെയ്തിരിക്കുന്നത് സത്യം വീഡിയോസ് എന്ന യൂടൂബ് ചാനലിലൂടെയാണ് . മുരളി ഗോപി , ഷൈൻ ടോം ചാക്കോ , ഇന്ദ്രൻസ് , കൃഷ്ണ ശങ്കർ എന്നിവർ ഒന്നിച്ചെത്തിയ ഒരു പോലീസ് സ്റ്റേഷൻ രംഗമാണ് ഇപ്പോൾ പുറത്തുവിട്ട വീഡിയോയിൽ കാണിച്ചിരിക്കുന്നത് . ഷൈൻ ടോം ചാക്കോയുടെ നെഗറ്റീവ് റോൾ ഏറെ ശ്രദ്ധ നേടുന്നുണ്ട്.

ഈ ചിത്രത്തിൽ ഇവരെ കൂടാതെ രഞ്ജിപണിക്കർ, കൊച്ചുപ്രേമൻ , വിജയരാഘവൻ , ഷറഫുദ്ദീൻ, ശ്രീലക്ഷ്മി, ചൈതന്യ, സേതു ലക്ഷ്മി, ആര്യ സലീം, കലാരഞ്ജിനി തുടങ്ങിയവരും പ്രധാന വേഷങ്ങളിൽ എത്തുന്നുണ്ട്. സിയാറ ടാക്കീസിന്റെ ബാനറിൽ പുറത്തിറങ്ങിയ ഈ ചിത്രം ദീപ് നാഗ്ഡ ആണ് നിർമ്മിച്ചിരിക്കുന്നത്. ഈ ചിത്രത്തിന്റെ തിരക്കഥ , സംഭാഷണം എന്നിവ ഒരുക്കിയിരിക്കുന്നത് മിഥുൻപി മദനൻ , പ്രജിത്ത് കെ. പുരുഷൾ എന്നിവർ ചേർന്നാണ് . ചിത്രത്തിന്റെ ഛായഗ്രഹകൻ ജോമോൻ തോമസ്സ് ആണ് .

ടൊവിനോ തോമസ് – കീർത്തി സുരേഷ് എന്നീ താരങ്ങളെ ഒന്നിപ്പിച്ച് കൊണ്ട് നവാഗതനായ വിഷ്ണു ജി. രാഘവിന്റെ സംവിധാനത്തിൽ ഒരുക്കിയ മിത്രമാണ് വാശി. ജൂൺ പതിനേഴിന് പുറത്തിറങ്ങിയ ഈ ചിത്രത്തിലെ ഒരു വീഡിയോ ഗാനം ഇപ്പോൾ റിലീസ് ചെയ്തിരിക്കുകയാണ്. തിങ്ക് മ്യൂസിക് ഇന്ത്യ എന്ന യൂടൂബ് ചാനലിലൂടെയാണ് ഈ വീഡിയോ റിലീസ് ചെയ്തിരിക്കുന്നത്.

ഹെയ് കൺമണി എന്ന വരികളോടെ തുടങ്ങുന്ന ഗാനമാണ് ഇപ്പോൾ പുറത്തുവിട്ടിരിക്കുന്നത്. കീർത്തി സുരേഷും ടൊവിനോയുമാണ് ഈ ഗാനരംഗത്തിൽ നിറഞ്ഞു നിൽക്കുന്നത്. ഇരുവരുടേയും വിവാഹത്തിനുള്ള തയ്യാറെടുപ്പും ഒപ്പം ജോലി സംബന്ധമായ വാശിയുമാണ് ഈ ഗാനരംഗത്തിൽ ഉൾക്കൊള്ളിച്ചിരിക്കുന്നത്. വിനായക് ശശികുമാർ വരികൾ രചിച്ച ഈ ഗാനത്തിന് ഈണം നൽകിയിരിക്കുന്നത് കൈലാസ് ആണ്. അഭിജിത്ത് അനിൽകുമാർ , ഗ്രീഷ്മ തറവത്ത് എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്.

പുറത്തിറങ്ങി മണിക്കൂറുകൾ പിന്നിടുമ്പോഴേക്കും ഒട്ടേറെ കാഴ്ചക്കാരെയാണ് ഈ വീഡിയോ സ്വന്തമാക്കിയത് . നിരവധി ആരാധകരാണ് വീഡിയോയ്ക്ക് താഴെ കമന്റുകൾ നൽകിയിട്ടുള്ളത്. ഈ ചിത്രത്തിന്റെ രചന നിർവഹിച്ചിരിക്കുന്നത് സംവിധായകൻ വിഷ്ണു ജി. രാഘവ് തന്നെയാണ് . രേവതി കലാമന്ദിറിന്റെ ബാനറിൽ ഈ ചിത്രം നിർമ്മിക്കുന്നത്ജി സുരേഷ് കുമാർ , മേനക സുരേഷ് കുമാർ എന്നിവർ ചേർന്നാണ്. അർജു ബെൻ ആണ് എഡിറ്റിംഗ് കൈകാര്യം ചെയ്തിരിക്കുന്നത് .

മലയാള സിനിമയിലെ പ്രിയ താരം പൃഥ്വിരാജ് സുകുമാരൻ പ്രധാന വേഷത്തിൽ എത്തി , മലയാളത്തിലെ ശ്രദ്ധേയ സംവിധായകൻ ഷാജി കൈലാസ് ഒരുക്കിയ ബിഗ് ബഡ്ജറ്റ് മാസ്സ് ആക്ഷൻ ത്രില്ലർ ചിത്രമാണ് കടുവ. ഈ വരുന്ന ജൂൺ മുപ്പതിന് ഈ ചിത്രം പ്രദർശനത്തിന് എത്തുകയാണ്. ഇതിനോടകം പുറത്തു വന്ന കടുവയുടെ രണ്ടു ടീസറുകളും സോഷ്യൽ മീഡിയയിൽ തരംഗം സൃഷ്ടിച്ചവയാണ്. കടുവാക്കുന്നേൽ കുറുവച്ചൻ എന്ന കഥാപാത്രമായി എത്തുന്ന പൃഥ്വിരാജിന്റെ തട്ട് പൊളിപ്പൻ ഡയലോഗും കിടിലൻ സംഘട്ടനവുമാണ് ഈ ടീസറുകളിൽ നിറഞ്ഞു നിന്നത്. അതുപോലെ തന്നെ ജേക്സ് ബിജോയി ഒരുക്കിയ ചിത്രത്തിന്റെ പശ്‌ചാത്തല സംഗീതവും ആരാധകർക്ക് ആവേശം പകർന്നു .

ടീസറുകൾക്ക് ശേഷം ഇപ്പോഴിതാ ഈ ചിത്രത്തിലെ ഏറ്റവും പുതിയ ലിറിക്കൽ വീഡിയോ സോങ് റിലീസ് ചെയ്തിരിക്കുകയാണ്. നിലവിൽ ഈ ഗാനം സോഷ്യൽ മീഡിയയിൽ സൂപ്പർ ഹിറ്റായി മാറിയിരിക്കുകയാണ്. പാൽവർണ്ണ കുതിരമേൽ എന്ന വരികളോടെ ആരംഭിക്കുന്ന ഒരു ഗാനമാണ് ഇപ്പോൾ പുറത്തുവന്നിരിക്കുന്നത്. സന്തോഷ് വർമയാണ് ഈ ഗാനത്തിന്റെ രചയിതാവ്. ലിബിൻ സ്കറിയ, മിഥുൻ സുരേഷ്, ശ്വേതാ അശോക് എന്നിവർ ചേർന്ന് ആലപിച്ച ഈ ഗാനത്തിന് ഈണം നൽകിയിരിക്കുന്നത് ജേക്സ് ബിജോയ് ആണ്.

ഈ ഗാനത്തിന്റെ ലിറിക് വീഡിയോയിൽ നടൻ പൃഥ്വിരാജ് സുകുമാരന്റെ കിടിലൻ മാസ്സ് സ്റ്റില്ലുകളാണ് ഉൾപ്പെടുത്തിയിരിക്കുന്നത്. സുപ്രിയ മേനോൻ, ലിസ്റ്റിൻ സ്റ്റീഫൻ എന്നിവർ ചേർന്ന് നിർമ്മിക്കുന്ന ഈ ചിത്രം പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ ആണ് ഒരുങ്ങുന്നത്. ഈ ചിത്രത്തിലെ വില്ലനായി എത്തുന്നത് ബോളിവുഡ് താരം വിവേക് ഒബ്‌റോയ് ആണ്. സംയുക്ത മേനോനാണ് ചിത്രത്തിലെ നായിക. ഇവരെ കൂടാതെ ചിത്രത്തിൽ സിദ്ദിഖ്, അജു വർഗീസ്, സുദേവ് നായർ,വിജയ രാഘവൻ, കലാഭവൻ ഷാജോൺ, മീനാക്ഷി, വൃദ്ധി വിശാൽ, ദിലീഷ് പോത്തൻ, സായി കുമാർ, സീമ, അർജുൻ അശോകൻ, ജനാർദ്ദനൻ, രാഹുൽ മാധവ്, റീന മാത്യൂസ്, പ്രിയങ്ക നായർ, ജൈസ് ജോസ്, കൊച്ചു പ്രേമൻ, സച്ചിൻ കടേക്കർ എന്നിവരും അഭിനയിക്കുന്നുണ്ട്. സുജിത് വാസുദേവ്, അഭിനന്ദം രാമാനുജൻ എന്നിവരാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. ഷമീർ മുഹമ്മദാണ് ചിത്രത്തിന്റെ എഡിറ്റർ.

തമിഴ് സിനിമാ രംഗത്ത് ഹിറ്റായി മാറി മുന്നേറുകയാണ് കമൽ ഹാസൻ ചിത്രം വിക്രം . 350 കോടിയും ആഗോള കളക്ഷനായി മറികടന്നു മുന്നേറുന്ന ഈ ചിത്രത്തിന്റെ സംവിധാനം നിർവഹിച്ചിരിക്കുന്നത് ലോകേഷ് കനകരാജ് ആണ്. ചിത്രത്തിന്റെ ഭാഗമായ ഓരോ താരങ്ങളും ഇന്ന് പ്രേക്ഷകരുടെ കയ്യടി നേടുകയാണ്. പ്രേക്ഷക- നിരൂപക പ്രശംസ നേടുന്നതിൽ ചിത്രത്തിലെ താരങ്ങളായ കമൽ ഹാസൻ, ഫഹദ് ഫാസിൽ, വിജയ് സേതുപതി, സൂര്യ എന്നിവരും സംവിധായകൻ ലോകേഷും രചയിതാവ് രത്‌നകുമാർ, സംഗീത സംവിധായകൻ അനിരുദ്ധ് രവിചന്ദർ, കാമറമാൻ ഗിരീഷ് ഗംഗാധരൻ, എഡിറ്റർ ഫിലോമിൻ രാജ് എന്നിവ എല്ലാം തന്നെ മുൻ നിരയിലാണ്.

Oo ഈ താരങ്ങൾക്കൊപ്പം തന്നെ പ്രേക്ഷക ശ്രദ്ധ നേടിയ ഒരാൾ കൂടിയാണ് ഈ ചിത്രത്തിലെ ഏജന്റ് ടീന . വാസന്തി എന്ന നടിയാണ് ഈ കഥാപാത്രമായി എത്തിയത്. വാസന്തി ആദ്യമായി ചെയ്യുന്ന കഥാപാത്രം കൂടിയാണിത്. വൻ കരഘോഷത്തോടെ പ്രേക്ഷകർ ഏറ്റെടുത്ത രംഗമാണ് ഈ ചിത്രത്തിലെ വാസന്തിയുടെ ആക്ഷൻ സീനുകൾ.

ഇപ്പോഴിതാ വിക്രത്തിന്റെ അണിയറ പ്രവർത്തകർ സൂപ്പർ ഹിറ്റായ ഈ ആക്ഷൻ രംഗത്തിന്റെ ഒരു ചെറിയ വീഡിയോ റിലീസ് ചെയ്തിരിക്കുകയാണ് . പുറത്തുവിട്ട് നിമിഷ നേരം കൊണ്ടാണ് ഈ വീഡിയോ സോഷ്യൽ മീഡിയയിൽ വൈറലായി മാറിയത്. വാസന്തി മുപ്പത് വര്‍ഷമായി സിനിമയില്‍ ഡാന്‍സറായി ജോലി ചെയ്യുകയാണ് . ലോകേഷ് കനകരാജിന്റെ സംവിധാന മികവിൽ ഒരുങ്ങിയ മാസ്റ്റർ എന്ന വിജയ് ചിത്രത്തിൽ ദിനേശ് മാസ്റ്ററുടെ സഹായിയായി വാസന്തി ജോലി ചെയ്തിരുന്നു. അപ്പേഴാണ് ഈ താരം ലോകേഷിന്റെ ശ്രദ്ധയിൽ പെടുന്നത്. പിന്നീട് അദ്ദേഹം വിക്രം എന്ന ചിത്രത്തിലേക്ക് വാസന്തിയെ ക്ഷണിക്കുകയായിരുന്നു. കമൽ ഹാസനൊപ്പം മുൻപ് ചാച്ചി 420 യിൽ ജോലി ചെയ്തിട്ടുള്ള വാസന്തി , തമിഴ് നായികമാരായ നയന്‍താര, തൃഷ, എമി ജാക്‌സണ്‍, കീര്‍ത്തി സുരേഷ്, അനുഷ്‌ക, സാമന്ത എന്നിവരുടെ നൃത്ത സഹായിയായും ജോലി ചെയ്തിട്ടുണ്ട്.

ഈഷൻ സൂര്യയുടെ സംവിധാനത്തിൽ ഒരുങ്ങുന്ന പുത്തൻ തെലുങ്ക് ചിത്രമാണ് ഗാങ്സ്റ്റർ ഗംഗാരാജു . ലക്ഷ് ചടലവട , വേദിക ദത്ത് എന്നിവർ പ്രധാന വേഷങ്ങളിൽ എത്തുന്ന ഈ ചിത്രത്തിലെ പുത്തൻ ഗാനം ഇപ്പോൾ പുറത്തുവിട്ടിരിക്കുകയാണ്. എല്ലാ എല്ലാ എന്ന ലെറിക്കൽ വീഡിയോ ഗാനമാണ് ഇപ്പോൾ റിലീസ് ചെയ്തിട്ടുള്ളത് .

ഈ ചിത്രത്തിന്റെ ടീസറും ട്രൈലറും ഏറെ ശ്രദ്ധ നേടിയിരുന്നു. ഇപ്പോൾ പുറത്തുവിട്ട ലെറിക്കൽ വീഡിയോയും സോഷ്യൽ മീഡിയ ശ്രദ്ധ നേടുകയാണ്. ലെറിക്കൽ വീഡിയോ ആണെങ്കിൽ കൂടിയും ഗാനരംഗത്തിന്റെ ശകലങ്ങളും മേക്കിങ് വീഡിയോയും ഉൾപ്പെടുത്തി കൊണ്ടാണ് ഈ വീഡിയോ പുറത്തുവിട്ടിരിക്കുന്നത്. നായകന്റെ കിടിലൻ നൃത്ത ചുവടുകൾക്കൊപ്പം നായികയുടെ ഗ്ലാമറസ് വേഷത്തിലുള്ള ത്രസിപ്പിക്കുന്ന പെർഫോമൻസും ഏറെ ശ്രദ്ധ നേടുന്നു.

മതുര കവി വരികൾ രചിച്ച ഈ ഗാനത്തിന് ഈണം പകർത്തിരിക്കുന്നത് സായ് കാർത്തിക് ആണ്. ദീപക് ബ്ലൂ, ദീപ്തി സുരേഷ് എന്നിവർ ചേർന്നാണ് ഈ ഗാനം ആലപിച്ചിരിക്കുന്നത്. ശ്രീ തിരുമല തിരുപതി വെങ്കടേശ്വേര ഫിലിംസിന്റെ ബാനറിൽ ഒരുങ്ങുന്ന ഈ ചിത്രം നിർമ്മിക്കുന്നത് ചടലവട പത്മാവതി ആണ്. പി.സി ഖന്ന ആണ് ചിത്രത്തിന്റെ ക്യാമറമാൻ . അനുഗോജു രേണുക ബാബു ആണ് എഡിറ്റിംഗ് കൈകാര്യം ചെയ്തിരിക്കുന്നത്. ഈ ആക്ഷൻ ചിത്രത്തിൽ ലക്ഷ് ചടലവട , വേദിക ദത്ത് എന്നിവരെ കൂടാതെ വെന്നല കിഷോർ, ചരൺദീപ്, ശ്രീകാന്ത് അയ്യങ്കാർ ,ഗോപരാജു രമണ, രാജേശ്വരി നായർ, സത്യ കൃഷ്ണൻ ,രവി തേജ ,അന്നപൂർണ , നിഹാർ കപൂർ, രാജേന്ദ്ര , അനു മാനസ , ലാവണ്യ റെഡ്ഢി എന്നിവരും അഭിനയിക്കുന്നു.